AmbroseLui's Profile

本身一入去俾人點咗上樓上，問staff係咪要book樓下,佢話唔使 攞咗$20出嚟指住有呢d就得？？？究竟咩茶樓咁巴閉 一坐低唔好講咁多已經四十幾蚊茶錢 完全冇乜特別 都算仲滿心期待可能好好食到嘢食方面選擇唔多價錢又唔平 嗰個荷葉飯不知所謂，個飯散晒完全冇香味，燒賣賣相一般，味道正常冇乜特別但係冇乜蝦 60幾蚊三粒 芝麻卷都係無味又淋。。。呢個價錢真係不了中伏 夢晒全場基本上好多都係熟客同遊客，成個裝修都係復古懷色水嘢多…Read More

🌟東涌隱世酒店高質黎巴嫩菜一直都想搵啲特別菜式試下☺️跟住就搵到呢一間黎巴嫩餐廳🇱🇧無論係環境同埋嘢食都好有特色 仲要係sheraton旗下嘅酒店餐廳🤭食物應該有一定質素 於是就去試吓~♡︎______________________________♡ ︎🌚男友評價:Chargrilled Octopus Tenticles $170🐙呢個係依間餐廳我最想叫嘅一樣嘢🤭原條八爪魚腳本身肉緊已經非常爽彈😍而且帶有少少八爪魚鮮味 而且調味方面 個橄欖油已經非常突出😮仲要配上用真炭爐香烤嘅效果 外層微微香脆 配搭非常爽彈嘅肉緊 整體個層次感非常好👍🏿🥩Chargrilled Ribeye $380見到呢度好多餸菜都係用真炭爐烤製嘅😯就忍唔住叫咗塊扒嚟試吓 結果冇令我失望 係超級香嘅charcoal 味🤤而且肉質仲要鎖緊係啦入面 我哋本來係叫三成熟 但係上到黎就唔知點解變咗五成 但係都冇阻塊肉嘅好食🤭肉質鬆軟之餘 d筋部係超容易咬得開🫡 (香港有好多餐廳都做唔到呢點) 而且足足有400g 食完係超級滿足🥴佢哋仲配上自家製嘅薯條😯佢哋係做得比較粗 而且薯仔個甜味係比較突出🫢完全唔同我哋平時食開嗰種 整體嚟講係幾特別🐏Lamb Ouzi $208食黎巴嫩菜點都要我叫返份羊嘅 就叫咗呢一份慢煮羊肉配oriental rice 雖然外貌比較普通🫢但係食落去係好有驚喜🤩 個羊肉係煮到非常之淋 （一開始見個樣仲諗緊會唔會好梗）而且一d羊騷味都冇 係幾有驚喜嘅😋本身個飯質炒到非常乾爽 粒粒分明 之餘仲非常有咬口 完全啱晒我口味 🥺飯撈左d肉碎同埋多種香料 佢成餐飯最有中東菜feel嘅一道😚🌝女友評價:🍋Yakult Lemonade $88因為本人唔係太想晏就飲酒 本身諗住求其嗌杯fruit punch算 不過見侍應極力推薦依杯 就試試佢🤪味道酸酸甜甜 十分開胃 外型仲好夏天有塊乾橙係度 最啱解暑飲🫶🏿 另外仲有熱情果籽係裡面 增加左口感😊不過覺得有少少偏貴🍺Indian Pale Ale $95男朋友就揀左啤酒飲 我哋見到依個好似幾特別就試試佢 黎到發覺都幾大杯下 又幾抵飲😚IPA係指酒精濃度比較高 酒花同酵母氣味較重嘅啤酒 英式酵母發酵略有果酯風味 所以我哋飲嗰陣都發現有果香同埋比平時啤酒酸啲 濃味啲😛為我哋依套重香料嘅食材再增加左啲風味🤣咁我都偱例講下環境 老實講 東涌嘅喜來登係真係唔方便 要轉shuttle入黎 但係發覺佢啲餐廳都裝修得好靚 一入嚟見到餐廳好似入左杜拜金光閃閃嘅感覺 掛起左一啲畫做裝飾 梳化都有好多cushion 坐得勁舒服😚🫶🏿坐坐下發覺都幾多外國人黎食 好有異國風情另外店員都好熱情介紹唔同菜式俾我哋👍🏻值得一讚Overall 依間餐廳水準對得住酒店質素 中價食到高質嘅黎巴嫩菜 我會俾好高分 而且味道有意料之外嘅驚喜 （以色列朋友表示好正宗🤣）極力推薦～…Read More

🌟蘇豪區阿根廷抵食隱世扒房好早之前已經留意到呢問位於中環SOHO區嘅阿根廷扒房 佢哋啲牛扒性價比極高😛上網訂枱指定時間仲要半價添🫢所以就book左星期日lunch試試佢~♡︎______________________________♡︎🌚男友評價：🐷Salchicha 原價$73餐前小食方面我就叫咗呢款阿根廷豬肉腸外皮烤到焦香 肉質實淨 有淡淡的肉汁同香味滲咗出嚟 點埋佢配搭嘅橄欖油就更加香口🤭作為餐前小食 不論係份量同味道都好滿足🫶🏿🐃🥩Medallon de Lomo La Pampa (250gm) 原價$385呢一個其實係一份巨型牛柳配搭蘑菇醬 呢度d牛全部都係用100%草飼嘅 牛嘅運動量會多d 所以油花唔會多😊咁尤其是係牛柳 咁就更加唔會有肥膏啦~牛柳足足有250gm 分量十足之餘 可以見到佢表面嘅烤紋係非常靚仔🙈叫咗三成熟 切落去係非常之淋 完全唔使用力 當然牛柳嘅肉味不嬲都唔會話好濃郁呢份亦都唔例外🤔除咗想讚吓佢除咗份量充足 肉質仲要係非常之柔軟（咀嚼完全唔使用力咁濟）仲帶有少少炭烤味 呢個價錢半價咗之後真係超級抵食😊🐮🐔🍢Brochette De Pollo 原價$238呢份絕對係南美bbq風情 大大份之餘 個擺盤完全係串燒咁🤣主要係牛柳夾住雞肉，煙肉 然後有d紅椒 洋蔥但味就比較一般 尤其是係牛柳 有比較之下同頭先嗰舊差得太遠 雖然未至於好鞋 但口感比較粗糙🥲帶有少少渣 肉質有少少一絲絲嘅狀態 同樣情況出現左係舊雞上面不過呢個一般扒房比較少見嘅配搭同賣相 再加上咁嘅價錢食到咁嘅份量 絕對物超所值😉🍰Tiramisu 原價$78原來係想叫佢地個champagne with sorbet 但係嗰陣冇哂🥲唯有聽店員推介叫呢款 上到枱俾佢個賣相嚇親 完全唔Tiramisu😌應該係說得太耐嘅關係 中間嗰一層係結冰㗎 食食吓仲要融咗 個蛋糕出水 好奇怪 不過整體個味度尚可😐🌝女友評價：由於我哋係食晏就十二點 所以一黎就無乜人 可以留意到佢個環境真係好似去左南美嘅餐廳咁 而且橙色嘅背景再加上播嘅夏日風情歌都真係好似坐係海灘食扒咁🤣幾chill~而且最抵玩係我哋book到指定時段可以全單五折 食左兩個扒再加小食甜品每人都係二百幾 質素仲咁好 我諗蘇豪區都無邊間可以做到🫣🫶🏿佢哋lunch set都好抵食 想同男女朋友去下扒房又想平民啲 依個真係不二之選✨…Read More

🚩金鐘趁住小弟生日想食法國菜 所以女朋友預早兩個月book咗呢間港島香格里拉嘅Petrus🥰呢間餐攞咗米芝蓮一星 位於56樓 對住成個維多利亞港 不論嘢食定係打卡都係慶生好地方❤️—————————————————————————🌚男友評價:☀️🏖Set lunch 4 courses $788/person一開始餐廳會serve咗麵包先 有3款分別係brioche，mini bagel 同sourdough 上到枱仲熱熱地 特別想讚吓佢個brioche 牛油味極之香濃 仲有少少香草喺入邊添😌🧀Truffle Croquette呢個係餐前小食 侍應建議我哋攤一陣先食會好d 呢粒野超好食 攤咗一陣都仲熱熱地 外面鬆化 入面d芝士勁多好濃郁但又唔會膩 size非常好 細細粒一啖過😍✨Starter🐟Tuna Loin頭盤方面我哋每人兩個 首先講吓個tuna loin 賣相凍擺盤都幾有心思好有夏日嘅感覺😝吞拿魚幾特別 側邊部份係黑色嘅 因為用咗黑橄欖醬 食喺上嚟吞拿魚口感非常柔軟 似age過咁款 配合埋黑橄欖醬非常香口 加埋d蕃茄中間係蜜桃醬 同埋少量鵝肝整成嘅醬汁 口感豐富得嚟又帶點酸酸甜甜非常開胃🤩🦐Obsiblue Prawn店員好詳細咁介紹 呢份蝦係嚟自處女群島嘅😯當時即刻好好奇就search咗 原來係位於加勒比海附近 蝦肉好新鮮😌整到三成熟嘅狀態 而且海水味極重 嗰種鹹鮮味配搭本身蝦味嘅濃郁 配搭埋下面用咗watercress來整成嘅醬汁 （未到帶點酸甜 有少少似青醬味）我完全係成餐飯其中一度最深刻嘅位🥳🐔Chicken Consommé 呢一款係意大利雲吞配清雞湯 亦係餐牌唯一一度熱食嘅頭盤 擺盤非常中色feel 三粒雲吞配搭下面嘅湯底 遠睇似鮑魚近睇似角仔😂但係味道方面係好食嘅 但係對比前面兩道菜較為平淡🤔 個湯底好香 清純而龍口清雞湯味道帶點好似藥膳湯底咁帶少少甘苦味 🤪但係雲吞皮口感煙靭 入邊啲餡了就比較普普通通 整體嚟講都可以一試嘅✨Main🦞Boston Lobster (+$80)我嗰份係最期待嘅波士頓龍蝦 一上枱已經有驚喜龍蝦雖然比較細隻但係色澤賣相非常鮮艷睇得出好新鮮 入口時龍蝦味都幾突出 非常鮮甜嫩口 肉質都幾彈牙 應該係成餐飯最開心嘅一道菜🥰而且旁邊仲要配埋個意大利青瓜味道清爽 中和返主菜嘅咸香 而且喺中間部份釀入咗一啲龍蝦肉造成咗個類似蝦滑狀態 外面就炸脆咗 整體口感非常豐富👍🏻🐷Pork Belly 而女朋友份main就揀咗個西班牙豬🇪🇸呢份嘢超級香 肉質非常厚身 大大嚿煎香咗 雖然佢係用咗豬腩肉嘅部份 但係一d肥膩嘅感覺都冇 肉質一絲絲非常柔軟 外皮就非常香脆😋醬汁方面就用咗橙 雪莉酒配搭返成道菜 呢個係幾用心嘅配搭 用一d酸甜醬汁配搭濃味鹹香 食完都唔覺得飽濟~✨Dessert 🍧Lychee個荔枝甜品面頭用咗荔枝打成嘅泡沫 中間有一啲紅桑子醬 然後就有一層雪葩 最底嗰層就係烏龍茶啫喱 一匙羹𢳂到底食可以晒咁多種口感 不過最想讚就係面頭嗰啲荔枝泡泡 食到好香嘅荔枝味之餘又好似一陣風咁冇咗😂幾特別嘅口感🍑Peach Melba呢款比較適合夏天嘅一款甜品 比較圓嗰粒係用咗類似糯米糍質感嘅蜜桃雪糕 旁邊仲有幾塊蜜桃 非常鮮甜😊但另一邊就做咗一個杏仁雪糕小弟就唔係太識欣賞 味道有d奇怪 並唔係平時食開嘅杏仁味🥲🌝女友評價:首先環境唔洗講啦 五星級酒店水準 無論係大堂定餐廳入面都勁有古典風格吊燈餐椅同埋擺設都有種英倫宮廷風🙈打卡一流另外對住維港食嘢都係十分之正 雖然我哋個日都有落雨 但間唔中放晴 都好彩可以影到靚靚合照✨而且可能因為我早左成兩個月book 所以有得坐對正海嘅窗邊😍真係bonus 對住維港食住龍蝦嘅男朋友好滿足~而嗰日我哋食嘅lunch menu都轉左盛夏當造嘅食材 有蝦有龍蝦有吞拿魚 甜品都有荔枝😆再加上唔同配料同fusion嘅配搭 非常新穎同切合我地兩個嘅口味☺️職員都好細心介紹每一道菜 上嘅速度都啱啱好 食得滿足又舒服😌送上嘅生日蛋糕一啲都唔hea 成個信封咁印左餐廳名 慶生黎講真係無得輸😉無論從menu 食物味道service 再到環境 都對得住米芝蓮一星😚我會話除左個杏仁雪糕 我會俾一百分💯佢轉季節menu我應該都會再encore下!總括而言 以依個價錢食到米芝蓮一星嘅法國菜再加咁靚景 可以話性價比極高🙈✨…Read More

🚩尖沙咀早排見到呢間性價比幾高嘅牛肉丼飯 仲要有其他魚生丼賣相好新鮮 性價比幾好 就試吓佢😎—————————————————————————男友評價🌚：🐃🍚慢煮頂級牛肉盛丼 $88呢個應該係嚟到必點嘅 嗰日因為驚太飽所以女朋友就叫咗個150g 份量比較迷你 其實幾啱女仔食 （唔知點解對面條友嗌唔夠飽🌚）但係面頭鋪滿晒密密麻嘅牛肉🫣仲有隻日本蛋黃喺度 撈埋一齊係幾好食 雖然牛肉唔會話非常柔軟 而且個人的認為嗰醬汁做得唔夠香😔成個味道唔係好夠特出 不過肉質唔會un 正正常常幾好 呢個價位性價比超高😯🍱海膽牡丹蝦雜錦刺身 $148唔知係今日好彩定係點 嚟到已經見到刺身非常新鮮🥰尤其是海膽 嗰隻橙色非常鮮艷 食落去都感覺到超新鮮😍而且材料非常豐富 包括有海膽，牡丹蝦，油甘魚，三文魚，三文魚籽，吞拿魚，帶子，日本蛋黃 想特別讚吓佢個油甘魚同三文魚 油脂分布得好平均 三文魚非常肥美🤩超滿足 而且帶子鮮甜又夠厚肉 牡丹蝦大大條 肉身新鮮爽彈 最後仲有蛋黃撈飯 超級邪惡😚🍫🥤朱古力曲奇沙冰 $58呢一杯嘢打卡一流📸個杯型夠哂特別 好似圖騰咁樣🙈面頭仲有兩支黑白配 朱古力非常濃郁厚實 睇得出佢有撈埋d oreo落去 但係就飲唔出嗰種味道 成杯嘢好甜 純粹比佢個外型同個名呃咗🥲飲返d普通飲品已經足夠總括而言呢間嘢係幾抵食嘅 平日經過食個lunch都幾好 嘢食性價比高 絕對可以回頭再試😚…Read More

🚩北角最近好想食啲中菜 特別係燒味 見呢間小店都幾多人讚佢d叉燒幾好 就去try try佢😯 原本想試佢哋個二人餐 點知嚟到原來淨係做外賣🥹唯有散叫啦~—————————————————————————男友評價🌚：🐷食神腩叉燒（例牌）$120嚟到呢度梗係食佢個例牌叉燒 仲要係肥叉🤪上到枱幾靚仔 顏色自然又唔會有太多燶邊 雖然叉燒要燶燶哋先至會更加香口 但係冇乜燶邊位嘅叉燒個人嚟講幾喜歡😊六七成肥膏三四成叉燒比例啱啱好 大大嚿有口感得嚟入口軟淋淋😍個醬汁條配都幾濃味 送飯一流 而且份量十足 呢個價錢絕對合理😋（果然人人都係食神呀🌝）🦢燒鵝飯$68呢個就比較失望😪燒鵝嘅外皮都算脆 但係肉質就有d鞋 而且冇乜味 價錢略貴 味道毫無記憶點 不過不失 嚟到呢度都係食叉燒好d😯女友評價🌝：🍗原隻鼓油雞髀燒肉瀨粉 $90黎到就發覺份量偏少 雖然係鼓油雞 但食落同白切雞無乜分別 肉質都滑嘅🙂燒肉就更失望 皮唔脆同埋似放左好耐 唔太對得起呢個價錢 要改善下😅環境方面有大大個霓虹燈寫住店舖名都幾有港式味道 位置闊落咁食燒味都係第一次😆老實講係叉燒係水平以上 其餘真係有少少欠缺誠意🥲可能係因為我無叫佢啲小菜試下啦😗有機會我會再試下嘅 希望加返啲分🥹私心希望有返堂食嘅二人餐 應該好抵食😊…Read More

🚩油麻地喺油麻地好細型嘅大廈入面 竟然有間裝修精緻到以為去咗 fine dining 嘅小店 仲要有提供非常罕有嘅布袋牛柳 即刻book枱😍（女朋友表示係我睇中的🌝）—————————————————————————男友評價🌚：Dinner Set $298/person ✨Starter 🐮🦴香烤牛骨髓配意式香草甜淑多士因為我哋兩個都揀咗牛骨髓 份量比得幾好 都幾大嚿👍🏻當然食牛骨髓仲會配埋多士啦 雖然塊多士仲暖暖地 但係就烘得唔夠香脆🥹牛骨髓處理得幾好 非常香口 呈啫喱狀態 比就咁牛油多士更濃郁 入口油脂咁爆燈😋但就唔會好似肥膏咁肥膩 咁樣嘅配搭好好食😝✨Soup🦞法式龍蝦湯之後嚟嘅係龍蝦湯 應該喺處理龍蝦頭嗰陣做得幾好 冇甘苦味呢個係好多餐廳常見嘅毛病🤓但依度入口順滑濃郁嘅龍蝦味 仲有少少蝦味添😍冇其他多餘嘅 就咁做一碗濃郁嘅龍蝦湯已經非常足夠配搭 雖然冇比到龍蝦肉 但呢個價錢係講絕對收貨👍🏿🥘🎃乾貝南瓜濃湯（女朋友要係度插嘴了🌝）而我嗰碗就係南瓜濃湯 老實講西餐其實都會成日遇到南瓜湯嘅配搭 亦都唔係間間好飲🤪依間一飲就覺得好creamy 好濃郁嘅南瓜味 甜甜地飲完覺得好開胃😙而且佢同其他嘅南瓜湯最唔同之處係加左乾貝係上面 令到口感更多層次 更加香口😊✨Snack 🦢香煎鵝肝配多士 $88面頭仲有少少魚子醬增加鹹香 鵝肝超級厚 入口香濃肥美 😍底下仲有d黑醋汁解膩 但係小弟就覺得就算唔俾黑醋汁都唔會覺得好肥膩 反而太多黑醋汁有少少蓋過左原本個味肥美嘅鵝肝配搭多士已經足夠👍🏻😋✨Main Course🐮🦪布袋牛柳 配自家製燒肉汁小弟叫咗喺坊間好少見嘅 布袋牛柳 一上枱已經聞到好香嘅烤焗味😍呢個嗰份量非常足夠男士門 大大嚿原條牛柳入面呈粉嫩嘅medium 仲塞咗好多蠔仔 呢個口感配搭非常新奇😝牛柳都算軟嫩 唔會話非常爽滑一咬就開 有少少咬口 但係關鍵就係呢點 一路咬就會感覺到入面啲肉汁同埋輕微嘅肉味慢慢咁散出嚟 配搭埋入面香濃嘅蠔仔味 成個口感係非常之搭配🥰（連我女朋友唔食蠔嘅都覺得幾好食）呢樣係嚟呢度一定要試呢一度傳統英式手工菜😻🐮🍴特色牛扒 配精選海鹽到女朋友份主菜 基於我並冇問到職員係咩部位 照我估計呢份牛扒應該比較類近bavette或者hanging tender🤤肉質係意想不到咁柔軟 一咬就開 唔知仲以為佢係dry aged😍雖然冇布袋牛柳咁特別 但係就咁煎香塊扒 除咗肉質柔嫩 仲要帶有少少牛味同烤香味 淨係咁樣已經好滿足😙✨Dessert 🍰開心果伯爵茶蛋糕好少有地套餐後嘅甜品係會比成件蛋糕 絕不孤寒 開心果同伯爵茶嘅味度都幾突出👍🏻都有好refresh清新嘅感覺 食完heavy 嘅main黎講幾好😉但係小弟就覺得有少少甜咗d 不過整體都幾好~✨Drinks🍏青蘋果梳打🍑蜜桃梳打套餐仲包咗兩杯梳打特飲 蜜桃甜甜地幾清新 青蘋果就酸味重啲😙而且如果喺OpenRice訂位 仲要每位送一杯紅或白酒 🍷🥂呢點幾有驚喜 即刻覺得成個套餐超抵食😻女友評價🌝：一如既往講下環境service😗其實係油麻地嘅大廈裡面有間咁浪漫同復古裝修嘅餐廳都幾令我驚喜🥳一入去雖然唔大 但係有好多畫同剪報 好似去左19世紀嘅英國咁 仲有個酒櫃🤩加上枱燈 昏黄嘅光線好浪漫🌹另外 見到職員都有同客人介紹返菜式 係幾好 只不過可能太忙啦 就無同我哋介紹 而牛幾多成都係我哋之後先問返🥲（btw佢哋話廚師建議五成最好食 我哋食開三成嘅都覺得無錯😆）另外見到佢哋有個櫃放左來自世界各地嘅海鹽 可惜都係無緣聽職員介紹 飲品仲要我哋自己落完單之後補問先知 係服務上確實不足😅希望有改善不過整體上性價比都幾高 閒日都坐滿晒 係絕對無令人失望嘅一餐😊如果你地想有中低價享受高級西餐嘅感覺 我會幾推薦😚情侶朋友慶祝一流~…Read More

🚩尖沙咀就嚟轉八號風球嘅日子又諗唔到有咩節目 所以就搵間cafe坐下 今日俾我哋搵到呢間行日式裝修風格兼泰式味道嘅cafe試吓😯—————————————————————————男友評價🌚：✨☕️Afternoon Tea Box $268嚟到見到佢個tea box好似唔錯 包咗兩杯餐飲 食物幾多款式之餘又比女朋友可以打卡 分別有蟹餅， 牛肉撻，柚子沙律，Garden三文治，泰式奶茶奶凍 同埋我最期待嘅巴斯克紐約芝士蛋糕😍但係偏偏係我哋嚟嗰日芝士蛋糕賣晒😧變咗個芒果糯米飯 個下聽到都幾失望🥹🦀Thai Mini Crab Cake呢度採用咗炸蝦餅嘅形式 上到枱仲熱熱地 呢一點幾好 切開裏面見到佢哋係用咗蟹柳代替蟹肉😅不過味道方面都唔差嘅 只係冇咗平時蟹餅一切開爆曬蟹肉嘅滿足感 味道方面用咗比較泰式香料味道 同埋加咗檸檬葉 味道都幾清新🤩🐮Lemongrass Baked Beef Tart有兩件牛肉撻 一啖一件 除咗用檸檬葉 仲用咗一啲比較喺泰國常見嘅甜酸醬汁嚟做 可以增加開胃嘅效果😯 面頭嘅牛肉都唔鞋 唯獨係我係覺得個餅底有d厚😅🥗Pomegranate Pomelo salad 用咗泰式沙律醬 味道酸酸甜甜幾開胃 柚子肉都比得幾多 配搭埋紅石榴 平時少機會啲食到嘅 感覺幾特別😊🥪Garden Sandwich 個包用左班蘭嚟做 綠色會比較搶眼好適合打卡 但係味度就欠佳🧐d配料賣相好似平時早餐食到嘅吞蛋治 冇乜特別之處 就咁純粹烚全熟蛋嘅味道 （明明上網睇人哋係溏心蛋🥹）再加一d好淡味嘅雞肉 （因為真係冇味 食咗好耐先知係雞肉🥲）配搭埋一齊 雞蛋加麵包嘅組合令到好容易飽🧋Thai Milk Tea Panna Cotta呢個係成餐最好食嘅一款 奶凍綿滑 又唔會好甜 配搭埋面頭流質撞嘅奶茶 泰式奶茶味加奶凍呢個組合幾夾 奶茶味非常香😋🥭Mango Sticky Rice 基於冇咗個芝士蛋糕 轉為芒果糯米飯🥹先講下個芒果 份量其實都比較少 而且切到好細粒 其實本身芒果都已經鮮甜 但係呢度係撈埋焦糖醬一齊食 小弟就唔太識欣賞呢個配搭 味道變到有d奇怪 變左過甜😟個糯米飯帶有椰汁香 搓成一個波咁 打卡係幾靚 不過略嫌太實 有d難切開🤪整體嚟講食物水平正常 比較泰式嘅味道 但係就未去到話好驚喜 分量方面都適中 如果有得試埋個芝士蛋糕就會再滿足d😭女友評價🌝：我本身都係被因為佢波希米亞加泰式度假裝修吸引而黎 估唔到落大雨三號波都坐滿人😯 環境方面的確幾舒服輕鬆 播左啲泰劇偶像劇嘅抒情歌（？）都幾輕鬆😊差唔多4點幾仲會調暗光線 望向bar枱位置感覺去左泰國海邊嘅酒吧 幾浪漫🌹佢仲有啲仙人掌 掛畫 仲有太陽傘嘅裝飾都幾文青feel 門口位仲有兩個塌塌米位 不過我哋太遲黎已經有人坐左🤪環境啱晒港女的我但食物就唔知係咪太重香料 唔太啱我食 可能tea set關係 下次食下lunch先🤓同埋咁啱無左嗰個芝士蛋糕真係好失望😟希望餐廳預備返多材料 唔係真係會扣分而個tea set 都真係好有泰式感覺 不過建議有誠意啲 個斑蘭三文治真係認真麻麻🥲…Read More

🚩油麻地三號風號無懼横風横雨想食我哋checklist嘅龍蝦同花膠雞泡飯 叫做平價之選 性價比高😙—————————————————————————男友評價🌚：🦞真《盛》龍蝦湯泡飯 $138先講個湯底 呢度標榜係用龍蝦湯做個湯底 但係未去到好有驚喜 略略帶有少少嘅龍蝦味 但實質味道似好耐之前細個食嘅吉邊🫠但係應該係自家製煲嘅 飲完都冇好頸渴 不過值得一讚嘅係分量充足好大碗 配上超多海鮮 青口肉質正常 雖然唔會話非常爽口彈牙 可以接受 但裏面有幾隻都有d沙定唔知係殼碎😅而且裏面仲有帆立貝 魷魚 大量蜆肉 迷你帶子 生菜仲有舊花膠添😯超多配料 當然呢啲都係冰鮮貨味度主要靠湯底 但勝在以量取勝 合格以上👌🏿最後就講嗰半隻龍蝦 個龍蝦原來係凍嘅 可以見到個龍蝦鉗仲有少少冰霜喺度🫣咁樣配搭好奇怪 一凍一熱所以食嗰陣時要將d龍蝦肉浸落去個湯底食 雖然我嗰隻冇乜膏 不過肉質都算係爽 而且帶有少少嘅龍蝦味 好過自助餐嗰啲好多倍 性價比幾高 但係個龍蝦鉗因為要自己鉗開個殼 食得有d揦手唔成勢😂女友評價🌝：🐔花膠龍躉雞煲翅套餐 $122第一反應都係好足料嘅 成個煲都滿晒咁濟 我諗下次都唔洗加錢叫套餐🤣（有齊飯同油菜）順帶一提 我將飯轉左上海拉麵咁第一啖我就一定試湯嘅 飲得出佢真係用雞煲出嚟嘅湯嘅 濃郁重雞油味 一啖湯一啖麵都幾過癮😊咁龍躉我以為都只係得一細舊以佢依個價錢 點知都幾大舊 而且都唔鞋幾厚實 值得一讚 如果送飯一流😚而佢標榜有半隻雞 我唔expect 真係原雞唔切咁上 老實講都幾難有儀態咁食 我最後都係上手食🤣佢大部分位都滑 雞味唔算太出都正常 我估去晒啲湯到 算係合格啦😉另外佢都有其他配料 有花膠 有螺頭 一啲都唔孤寒 以依個價錢黎講我覺得幾可以~有住家飯嘅感覺囉😛🍑蜜桃冰茶 （跟餐+15）試左店長推薦嘅蜜桃冰茶 無諗過咁大杯 而且睇顏色都知佢唔係平時係一包裝嘅咁樣 似係自己搾 茶同桃汁比例上幾好 唔錯😗✨講下環境同服務方面 老實講真係唔算坐得舒服架喇 有啲逼 尤其係食啲要用手先得嘅野食🥲 唔建議啱啱識想dating嘅男女黎食 應該會扣分（呢句講笑🤣）男朋友表示成餐聞到漂白水味想嘔 女朋友反而無乜事🥲不過我哋係度糾結緊食咩嗰陣店長特登過黎介紹 我覺得依點反而值得加分 好多餐廳都做唔到😙整體黎講 性價比唔錯 想食下泡飯可以黎試下 有機會都會試下佢個車仔麵🤓…Read More

🚩中環撞正呢排Restaurant week嘅推廣 見到呢間意大利餐廳嘅性價比幾高$148有三道菜 非常吸引 而且有正宗卡邦尼😍諗都唔諗就即刻book咗枱!—————————————————————————🌚男友評價:✨Appetiser 佢除咗提供包之外仲會提供兩塊多士 面頭仲有一啲紅色同埋黃色嘅蕃茄仔 鮮甜非常開胃😚（女友表示俾晒男朋友食🌝）但係略嫌多士烘得有d過硬 咬喺上嚟要小心界到嘴🤣🐖Affettai Misti頭盤先嚟嘅係cold cut 都係正常水準 有四塊salami同埋兩塊ham味道適中又唔會過鹹 呢個價錢到收貨嘅😗🍲Zuppa del Giorno當日是日餐湯係椰菜花忌廉湯 聽個名好似好奇怪😩而且賣相都唔吸引😂飲超上嚟真係好似食緊椰菜花 每一啖都超濃郁椰菜花嘅味 味道偏向清淡身一d 我覺得唔係好啱我哋口味🤨✨Main🍝Spaghettini alla Carbonara 雖然覺得個份量係超級少 但係勝在完全係正宗傳統意大利做法 香濃嘅蛋漿配搭煮到八成半嘅意粉係一流嘅配搭🥰雖然個guanciale未煎到非常香脆 但係個鹹香味非常足夠 配搭埋香濃嘅蛋漿同埋pecorino cheese 加強咗個種鹹香味道mix蛋漿嘅意粉配搭😍🍕Margherita係小弟其中一款幾鍾意食嘅pizza 簡單嘅材料就咁用蕃茄,水牛芝士同薄荷葉一配搭已經好滿足☺️今次呢塊味道正常 未去到好有驚喜 餅底個dough係自己差嘅 口感比較軟身 餅邊厚身得嚟咬落去係超級軟綿綿 仲帶有少量焦香味😊本人比較喜歡薄同脆口嘅Pizza 今次呢個面頭嘅醬汁非常多 令到餅有點過淋 略嫌水牛芝士香味未去到好突出🧐✨Dessert🍨Dark Chocolare Gelato就咁睇應該係自家製 我哋都揀咗特濃朱古力 因為上到枱時已經溶溶地😩賣相唔太好睇所以冇影到 味道方面唔會話太甜 香濃嘅朱古力味而且帶有少少嘅香料味幾特別😗總括而言今餐都幾抵食味道合格以上 餐廳位於元創方裏面 放假過嚟行吓 （扮下文青🌝） 食個lunch放鬆吓都幾好🤩🌝女友評價:原本以為restaurant week質素會好參差 因為上次食過一間都幾伏 （有機會再講😩）但估唔到又幾唔錯 好飽肚 同埋我哋兩點半食都坐滿人😗應該都幾吸引~另外service 環境都幾唔錯 坐得幾舒服 周末黎依度hea一個下就都幾好🥰利申要偷下師 男朋友要我整返個carbonara 俾佢🌝…Read More

🚩荃灣星期六我哋諗住去荃灣覓食見到呢間餐廳有個beef tasting for two嘅menu好似幾抵食 就try try佢~—————————————————————————🐂🥩細嚐澳洲牛肉風味二人套餐$590 🌚男友評價:首先先講個南瓜湯加咗片法包個包有一半都浸咗落個湯 搞到淋咗 同略嫌有啲燶 個人唔太鍾意🥲佢個湯好稀 但係飲到落底又有好多南瓜蓉 如果佢濃稠啲應該會好啲😅🍝蟲草花黑松露米型粉一上到枱睇到佢個樣其貌不揚 起好奇係咩味 係出乎意料地唔差🤣每一啖都好香松露味 而且非常creamy 但係又正因為咁非常易飽🤪但米型粉口感幾特別 有少少似risotto 但係又冇咁硬身 但有少少咬口 整體嚟講幾值得一試☺️🐮M6澳洲黑毛和牛西冷全部扒都叫咗三成熟 呢塊已經算係最正常 咬落去有少少烤焗同牛香味 但係肉質有啲硬🤔整體偏乾身 點左佢提供嘅醬汁就好左少少🤨🐮M5澳洲黑毛和牛牛柳呢塊就真係好失望 可能因為個set每塊扒都比較細塊 煎嘅時間有啲難拿捏🥲咬落去完全係七至九成熟 雖然食落去又唔係算鞋同un嘅🤨但係剪到咁樣 肉質已經變咗一絲絲 似煲完湯嗰d瘦肉 無乜食緊牛嘅感覺😩🐮黑安格斯牛肌腱肉呢個部位其實即係封門柳 喺三款之中顏色最為鮮艷 所以會有d期望🙈但係食落去完全冇咗封門柳嘅特性 外皮比較乾柴 肉質未去到鬆軟 而肉味又唔太濃 老實講真係有啲失望🙊因為標榜咗M5, M6和牛 又黑毛安格斯牛嘅關係 但係實質又比唔到應有嘅質素 三塊牛扒都比較乾 肉質又未去到軟嫩 仲overcooked整體嚟講對啲牛有d失望 係得個蟲草花黑松露米型粉合乎水準啲🥹🌝女友評價:受到openrice推薦先黎試 已經有一段時間無係荃灣試新嘢 今次有少少中伏 唔知大家會唔會有荃灣美食推介俾我哋呢🤣不過以佢價錢唔洗600又可以試晒三款牛加full set dinner都算係幾平嘅😗有興趣都可以挑戰下😂下次都係唔好俾我揀餐廳啦🥹成日做試伏專員—————————————————————————🚩The BASE nature 荃灣楊屋道1號荃新天地一期UG70號舖…Read More

🚩九龍灣放假去九展睇戲前想食個lunch 女朋友表示好想食韓式燒肉 所以就去試下呢間😛—————————————————————————🌚男友評價:叫咗個set lunch 因為係端午節假期去所以比平日貴$100 但係款式份量都比較多所以都合理👍🏿🐂🍲大醬湯大醬湯係韓國人眼中就好似代表我哋呀媽煲嘅老火湯咁common☺️而依煲佢就配搭左蜆肉 牛肉 同翠玉瓜等 都幾足料 啖啖都食到配料 不過就偏鹹左少少🤔✨🐖濟洲五花肉套餐 $498 🐔食堂蘋果梨汁雞肉 用左蘋果梨汁醃係比較酸酸甜甜 食起上嚟比較開胃 放係第一樣食都幾啱😛雞肉都比較淋 就算用大火燒都保留到啲肉汁🤏🏻🐷豬排骨肉比較中規中矩冇乜可取之處 肉質唔會鞋亦都唔會話好深刻🤪🐮食堂牛小排就咁睇都可以睇得出勁多油花 但係因為薄切嘅關係 食完都唔會覺得好膩 而且當燒到佢半生熟狀態 保留肉質之餘又食到油花爆汁嘅效果🤩佢本身已經鹽燒已經好夠味 如果有埋生菜包住黎食一定好正☺️（🌝手多多點左啲粗鹽食 咸到癲 建議唔洗點調味料都夠做）🐙墨魚跟住就係我最鍾意嘅墨魚😍完全唔孤寒成條比足 可以食到淡淡肉超滿足 一路燒一路睇住佢郁下郁下真係好治癒 （？🌝佢仲話似我攤屍咁添）而且肉質完全唔un 口感爽彈配搭嘅醬汁又唔會太過搶味 啱啱好幾好食😋🐖濟洲五花肉大大條勁邪惡🥹脂肪感爆燈 成條攞嚟燒最好不過 食到油香之餘 又可以食到腩肉嘅口感 一肥一瘦嘅好配搭🥳（🌝佢啲油脂多到燒到大火咁 嚇親我）🌝女友評價：佢個set其實仲有個醬油梅花肉同雞頸肉 兩個都偏鞋同無乜肉味 就唔提了😗佢仲附送左每人一杯飲品 我嗌左凍柚子蜜 男朋友嗌左荔枝梳打 少甜左甜度啱啱好 賣相都幾靚😆另外佢餐前送左每人一碗沙律同埋任添嘅醃蘿蔔 泡菜俾我哋邊食邊解膩非常大方🤭爐邊嘅蛋汁都係任添架 我一路點蛋汁 一路食配菜 非常爽🤣值得一提係佢抽風唔錯 唔會整到成身油煙味 但係佢哋員工嘅服務態度需要改善下 有啲感覺頹頹地😅總括而言佢作為假期嘅午餐set都幾抵食嘅 下次試下閒日lunch先😙…Read More

🚩深水埗平民級超水準牛扒？仲有得任食薯條？😛呢排一直想搵d性價比比較高嘅牛扒店試下 係openrice見到呢間小店 見佢個封門柳賣相唔錯就去試吓🤭—————————————————————————男友評價🌚：🥩Angus Grade Hanging Tender (200g) $190第一次見到呢個價錢比到200g仲包薯條90分鐘任食已經表示心心眼😍一定要叫啦 封門柳肉質鬆軟 好難會整到韌 而且肉味極為濃郁 淨係呢一點都一定要試啦🤭呢塊賣相相當靚仔🫢外面煎到非常香 就咁聞落去有d似charcoal味 切落去非常容易切得開 軟熟得嚟帶有牛肉香味 但最值得留意嘅係肉質嘅顏色係偏向深少少嘅粉紅 每一啖軟淋之餘最緊要係有一陣陣嘅charcoal味 不禁令我諗你後街牛扒嗰塊牛腰扒😍 薯條仲要90分鐘任食 每次都係新鮮炸 熱辣辣超好食😋一定會再返嚟食多次 太深刻啦 呢個價位比到咁嘅體驗🐂🥩M7 Wagyu Picanha (200g) $280呢塊就真係有d失望😦可能係標榜m7油脂分布應該相對平均 而且Picanha 呢個位置出名肉味與油脂比例平均 肉質應該係比較軟嫩🥹但係今日呢塊就比較難切🫣有啲un 要切薄啲先至容易咬開 相比之下封門柳就顯得出色好多倍 但係呢塊嘢都勝在香味夠 食落去肉質有d似食緊燒牛肉嘅感覺🤣份量都足夠嘅 雖然就咁睇（圖5）對比封門柳顏色比較鮮嫩 但肉質卻比下去🥲如果第一次嚟會建議選擇封門柳好d👍🏿整體嚟講呢間嘢都抵食 性價比高嘅 仲見到好多街坊一家大細都嚟支持 雖然今日係假期嚟 但係都冇坐滿人幾舒服唔太迫 絕對會返嚟encore🤩晏就經過一定黎食女友評價🌝：我無嘢要補充 俾上面條友講晒☺️…Read More

🚩尖沙咀呢間餐廳行日式裝修風格 嘢食就加入西方元素 第一眼見俾佢裝修吸引 嚟到梗係要坐榻榻米啦 所以就一早book定枱🤩——————————————————————————————🌚男友評價：🐓Mentaiko Stuffed Chicken Wings $78一開始就見到有份小食叫明太子雞翼 仲以為係普通雞翼但係加d明太子喺面 但係嚟到好有驚喜 一睇隻雞翼脹卜卜咁就知道佢哋將明太子擺晒入裏面🫣咬開入面係堆滿左明太子 好足料而且明太子帶有輕微嘅甜配合熱辣辣煎到非常香口嘅雞翼食落去係意想不到地夾 但係呢度就一定要趁熱食 （第二件雞翼凍咗先食搞到冇咗嗰種配搭嘅味道☹️）🍛Sea Urchin Risotto $228跟住就叫咗我最想食嘅海膽飯🫢顏色好鮮艷 非常橙 一開始仲諗緊分量咁少會唔會唔夠飽 但係其實識落幾飽同膩😂每一啖飯都有好強烈嘅海膽味 雖然唔知個汁係咪撈勻d海膽嚟整但係整體味道都係充滿海膽味帶有嘅鮮甜😍上面有四舊仔海膽 兩件深色兩件淺色 其實純粹係雄性同雌性嘅分別唔影響味道 但係咁配搭又會幾好睇 海膽味道正常顏色鮮艷冇變壞亦冇怪味嘅 略嫌明礬太重 不過為咗保持新鮮度都合理嘅😗🍞Toast Set $288 (for 2 person) 最後想點就係女朋友最想叫嘅toast set 呢個嘢真係打卡一流 有個迷你烤爐俾你燒麵包 又有得玩有得食🤣麵包嘅種類都幾多 有soft brioche 燒到外面焦糖入面軟熟而散發牛油香味 其次就係sourdough 有三大片 本人亦喺其他餐廳食過呢兩種包好多次 尤其係sourdough一定要熱辣辣食先好食 外脆內軟而帶有輕微嘅酸味 層次感豐富😎個餐仲跟埋兩碗湯兩隻溫泉蛋 基於小弟我飲晒兩碗湯同食晒兩隻溫泉蛋🌚已經飽到黐線 剩返落嚟d包同泡芙都係多數女朋友食 呢份整體個賣相 種類同份量都OK嘅 不過就覺得價錢$288有d進取🥲P.S. 雖然榻榻米打卡一流同埋幾有特色但係坐完之後腳痹 起身果下都企唔穩🤦🏻‍♂️🌝女友評價:想補充一下個toast set 除左男朋友提過嘅soft brioche 同sourdough 之外 其實仲有pizza餡嘅酥皮包 仲有每日唔同嘅鹹甜點😗酥皮就不過不失 似麵包舖買嗰啲 仲有個好似朱古力雞蛋仔同泡芙對我而言都略甜 不過烘熱左都好食左好多🤩佢哋仲好貼心咁附送左strawberry jam 同cream俾我哋點黎食 不過我哋就無點啦🤪Overall 對於我咁鍾意食包嘅人黎講 依個set都係用黎打卡多 下次寧願試其他值得一提係 一定要注意個燒烤爐有啲食物唔放得上去⚠️牛油朱古力依啲液體唔小心流左落去真係會著火 勁大煙架🫣另外 我都一於既往我就講下環境啦😌我一開始見到佢嘅日式文青裝修 就忍唔住話要去打卡 仲叫左男朋友一定要book榻榻米🤣我個人黎講覺得坐得幾舒服 位置夠大又乾淨 （唔知點解對面嗰個會坐到腳痺🌝）出面座位就似普通cafe 有啲植物做下點綴🌴佢地限食兩個鐘 總結黎講環境加食物質素 我估閒日黎high 個tea都幾正嘅😛…Read More

旺角人氣熱辣辣石鍋飯/烏冬🔥呢間餐廳喺女人街都屹立咗好耐😌成日經過都好多人排 閒日lunch 想食下烏冬就去左——————————————————————————————🌚男友評價：🍥🍲鮮活蜆石鍋烏冬 $75好彩今日係平日晏晝嚟到我哋兩丁友都唔使派隊 但係舖頭裏面都坐滿晒人 我睇相見到佢個石鍋烏冬大大碗熱辣辣好似幾好食 就叫咗個鮮活蜆石鍋烏冬 上菜嘅速度都幾快 唔洗等好耐就到 上到枱係好滾🫣（幾驚佢滾瀉）喺個面頭鋪滿晒蜆肉 個份量勁多絕不孤寒🤩而且每一隻都好大隻好鮮甜 而且都算幾乾淨 食咁多隻淨係得女朋友食到嗰隻有沙 呢個價錢嚟講比到咁嘅質素絕對收貨👌🏿揀咗黑蒜油豚骨湯 都真係幾香而且熱辣辣 但係食食下就覺得好咸🥲感覺唔到佢喺牆上面嘅簡介所講飲到獨有自家製嘅濃厚豚骨湯 同埋冇所講嘅黑蒜油嘅酸甜味道 食完餐之後好口渴😖而且個烏冬好普通 口感唔次手打 不過整體嚟講可以試一次🌝女友評價:🐃🍥上級肩胛肉石鍋烏冬 $75整體嚟講一般 塊牛肉則比較失望 標榜為上級肩胛肉 但係就冇乜味有d un 同普通牛肉片冇分別😟份量明顯比男朋友碗蜆少 烏冬同埋個湯底都好普通 豬骨湯味偏鹹 （好似好耐以前食吉邊嘅湯底😩）不過上枱熱辣辣仲冒煙呢一點係加分嘅😗🐓芝麻雞翼 $45另外就咁食烏冬有d dry 就加咗三隻雞翼 外皮炸到超脆😄肉質尚算嫩口 都好香口 價錢合理都值得一試位置少逼 差啲以為自己肥左好多 坐得唔舒服🫢Overall嚟講如果唔使排隊嘅話都可以一試嘅 但係仲未去到好坊間好多食評講到咁好食 但係上班一族黎食lunch 又不失為一個好選擇💼…Read More