叉燒仔's Profile

本人都算係好相遇既人黎..基本上平時食飯見到d員工既服務差都只會覺得情有可原..因為人人都有情緒..但係今次真係嬲到我爆其實之前都有黎開呢個名舫酒家..因為尚德呢邊真係唔多酒家..今次同媽咪去食飯..一開始張圓枱因為唔平衡..所以我地就叫左個伙記過黎(高高瘦瘦,帶眼鏡,下巴有粒痣既)點知佢一過到黎唔出聲無啦啦推張枱..搞到本身斟左個d茶灑哂落我地..佢竟然當無事?!道歉都無句..個時都已經有d嬲之後食緊飯個時打算叫汽水..但係唔知道價錢..所以又叫左個條高高瘦瘦,帶眼鏡,下巴有粒痣既伙記過黎..點知佢又係唔出聲..係到唔知搵d咩..原來係搵張牌出黎比我地指住比我地睇係12蚊3罐..個表情就好似同我地講 : 呢到咪有囉...問問問...你地盲左咩?!之後我就叫話2罐可樂..1罐zero..佢問我地係咪姐係黑色..咁我地話:係呀,1罐黑色,2罐紅色點知佢竟然胸部挻前,好似想兇我地咁佢話:而家得黑色呀,無得你選呀,要定唔要呀?!?!嘩..我見到呢個情況我就答應我自己唔會再黎呢間名舫酒家!!呢餐飯我真係食得好唔開心!!我未見過有人咁串!!仲要我係客喎!!食餐飯都要比d伙記兇!!就算d野食有幾好都無用,因為你d態度..唔會有第二次!!…Read More

其實呢間野d野食好唔好就見人見智既..但係d員工態度就認真麻麻..(有時仲會聽到d員工行過個時細細聲講粗口..)下午去飲茶..d野食等左好耐都未黎..叫d員工仲要望一望住我..之後再行左去..仲要2-3個都係咁..真係吹脹..仲有入去個時佢無比張特價點心紙我都算數..我諗住咁下午茶時段..我叫一籠牛肉..人地又叫一籠牛肉..應該都係一樣價錢架嘛..點知黎個時佢圈返正價我當然即刻同佢講啦..點知佢竟然答我話:下..你剔左特價紙就有得特價..無剔就收返正價架啦..我當時真係唔知講咩好..不過好彩佢之後都幫返我剔..而且無再講第d野..呢到係抵讚既..(P.S:不過d蝦餃係下午茶同早茶時段好抵食架..)…Read More