samhui0123's Profile

到荃灣探望朋友，下午5時多她忙得連午餐也未吃，於是買了她指定的外賣給她吃。唯一麵家都是我們常光顧的店舖，雖然價錢唔平但質素都能保持。今日我買咗雲吞牛腩面給她醫肚，大大碗 牛腩非常入味，有肉有筋，好好味。上海雲呑也是出名的，餡料豐富，皮薄多汁，加上雪菜令整個麵食的味道也豐富起來。…Read More

dama喺k11 musea開業後，一直都未有機會嘗試，今日同朋友行完新商場，食完晚飯之後，一齊去食咗一杯雪糕。呢度嘅雪糕特別在於形狀之外，中年雪糕嘅材料都係Vegan，滿足晒一眾素食者！我叫咗呢杯兩款味道嘅雪糕，包括左燕麥奶同埋開心果。燕麥奶嘅味道我一向都好鍾意，尤其係oatly燕麥奶。而呢杯雪糕嘅燕麥奶味都同我喜歡嘅味道非常相似。開心果嘅雪糕味道都有驚喜，甜甜地好過癮，估唔到開心果味嘅雪糕都可以咁好食！…Read More

繼續支持黃色經濟圈！今次要介紹嘅就係位於佐敦嘅金撈鴨！呢間火鍋店人頭湧湧，晚飯時段都要等位，好彩同朋友預先訂位，免去喺餐廳外凍住等嘅情況😜呢度有好多食物都唔錯，首先我地點左1分非常特別嘅皮蛋，顏色晶瑩剔透，帶金黃，上面灑滿三文魚子，加埋酸薑一齊食，既有皮蛋嘅香味，又有三文魚子嘅鮮香，仲有酸薑嘅酸味，味道層次非常豐富。火鍋配料方面，其實都幾多選擇，我同朋友叫咗個牛肉拼盤，又骰子牛肉、牛舌、牛胸爽、薄切牛肉等等。其中我哋最鍾意嘅係牛舌同牛胸爽，兩者都帶有牛肉嘅鮮甜之餘，仲有微羶，好好食要encore!…Read More

💕香港人的花斑茶社💕#黃色經濟圈 #香港人要支持A boutea呢間由香港人經營嘅台式飲品店，比起台灣飲到嘅手搖飲品，一啲都唔輸蝕！今日經過見到尖沙咀分店，就決定試返杯！今日天氣雖然都幾凍，但我都係prefer凍飲😜點選了一杯柳丁綠茶，即係orange green tea。呢杯柳丁綠茶比起坊間飲到嘅水果茶較優勝，原因係綠茶嘅茶香幾突出，而且整體唔會死甜，橙味清香，好fresh! 下次再到訪時，想試吓經典嘅黑糕珍奶呀！…Read More

與女朋友的週年紀念日預先一星期訂了位 (19:30)不用等位 侍應便有禮貌地帶我們到座位環境氣氛十分適合慶祝週年紀念我們先點了兩個飲品: “蜜桃柚子茉莉茶(熱)” 及 “玫瑰烏龍茶(熱)”。前者蜜桃的甜與柚子的酸互相相映成趣，又有果肉，十分開胃；後者玫瑰的幽香配合烏龍茶，感覺十分滋潤。第一道前菜是慢煮花椒牛面額，份量適中充滿牛味口感豐富，牛肉的味道但不會被花椒的味道搶去主角的位置，花椒香加強味道層次。最令我感到驚喜的是以西瓜作牛肉的底，感覺十分清新，又能夠保持西瓜原本爽脆的口感。整道菜十分和諧，每一淡都有驚喜!第二道前菜是盞鬼稻荷蝦之丸這道菜啖啖蝦肉, 十分彈牙，作為一個愛蝦之人, 是一個不二之選！ 伴碟加上乾冰，上菜時，當侍應打開盒子, 乾冰的煙一下子爆發出來，使看似平平無奇的 “腐皮壽司”帶有種神秘的感覺。 當然立刻拿起電話拍下這一個盛況! 侍應更細心地問我們用不用於乾冰添加熱水,繼續影相!  吃到一半，店員更主動問我們食物的口味，由此可見他們對於食物的質素有一定的要求，希望可以持續進步! 加分!第一道主菜是低溫岩鹽烤殼飼安格斯肉眼排第一個印象係大，真係大得好誇張! 因為女朋友不愛吃太生, 所以我們叫了五成熟 牛味十分濃厚, 牛的外則煎得十分香脆, 更能夠鎖住汁! Nice piece! 最後一個主菜是忌廉菠菜帶子意大利飯成碟都好綠，充滿菠菜的香味！總共有三粒帶子，比起平時一咬就斷的帶子，我更鐘意食呢種煙煙韌韌的感覺！飯的質地較硬，十分有咬口！這間餐廳不論是環境、食服及服務態度都十分好! 應該會有下一次的機會，亦都推薦大家可以試一試！…Read More

鳥華亭係日本人開嘅拉麵店，所以啲拉麵係正宗啲嘅👍😄成間鋪比我嘅感覺好親民、係一間好有心嘅小店。我叫咗一碗至極雞白湯拉麵，湯底非常濃郁、好好味！而且麵底可以自由選擇，我就揀咗硬身嗰款，食落去唔會「林啤啤」，有「咬口」的拉麵配搭濃郁的雞湯味，真係好好食、好滿足! 而且雞肉係揀咗雞胸嘅位置，煮得好軟林林，食落去就啖啖肉，好juicy，成個拉麵嘅層次又昇華了😌原來成間鋪頭都係以「食雞」為主，所有拉麵都有「雞」嘅元素。女朋友叫咗魚介雞白湯拉麵，碗麵嘅湯底俾我個碗更加濃郁，因為多咗魚介，所以成碗湯會更加鮮味。佢個碗麵都有雞胸肉、流心蛋，配搭起上嚟好豐富！而女朋友同我都鍾意食硬身嘅麵，佢話配搭係呢個湯底，樣樣野都係好夾！另外叫咗一份魷魚酥，外面脆、裏面軟，好味😋😋😋返工返左成日，夜晚同女朋友食到呢碗拉麵真係好滿足、好開心！溫馨小店，唔會趕人走，慢慢食、慢慢傾計，正！…Read More

放工後約了朋友到尖沙咀美麗華試新餐廳Espresso Alchemy,叫了兩個主菜和甜品share! 首先是香茅奶油汁煎魚. 用的是𩶘魚,魚肉還是很嫩,一片一片的! 還有一些蔬菜配襯, 加上廚師特調的香茅奶油汁十分清新輕盈! 然後就是味噌醃豚肩. 試第一口時我和朋友都有驚喜的感覺, 因為非常yummy!! 加上火箭菜的配搭會令人忍不住口在吃第二件,不過忘了拍照啦今晚飲品我order了Pomegranate Amber. 很少餐廳有紅石榴汁做飲品,所以忍不住試一下. 來到了真的沒有讓我失望, 紅石榴汁加蘋果汁的配搭非常清新開胃! 夏天飲用非常適合! 終於來到了甜品時間! 咖啡白朱古力西多士!! 咖啡味香濃配上雜苺醬, 一共有四份, 份量都頗大! 新餐廳來說水準非常不錯, keep住呀！…Read More

次次約親朋友喺旺角，都會覺得好迫好多人，周身唔自在，聽到話要去嗰頭都會驚。今次朋友帶咗我去一間樓上Cafe ,總算唔使同人迫餐死，可以舒舒服服傾吓計，同朋友update下近況。孖啡Cafe距離地鐵站又唔算太近，可能因為咁樣，唔係好多人識去呢度，所以環境都比較清靜，就算喺度食嘢嘅顧客都好好，唔會好嘈，講嘢細細聲。雖然唔係好肚餓，但係我同朋友都叫咗一個小食拼盤，冇諗過佢嘅份量會咁多！薯角炸得好好食，熱辣辣好香脆，又唔算太油膩。我鍾意佢裏面好似薯蓉咁，個口感好正。芝士條好好食呀，不過一定要趁熱食，如果唔係就冇咗拉絲嘅效果。咖喱角就不過不失，咸左少少。雞翼好好食，啲肉嘅質地好滑，唔錯呢。…Read More

今日去咗熊貓酒店食放題，估唔到性價比都算高！嗰度嘅食物款式選擇好多，連落單紙都有十張八張，刺身壽司炸物鍋物沙律基本上咩都有咁濟。我最滿意嘅係佢嗰度嘅刺身，魚油好香，油脂分佈好平均，食落啖啖都係油香。呢個油甘魚十分厚身，咬落去就知係好鮮，完全無雪味，只有入口即溶咁濟嘅魚油香。三文魚都好新鮮，仲有我都幾鍾意嘅希靈魚添！…Read More

呢間tapas bar好特別，由個名去到啲食物同飲品都係好正，有幾正？咪就係ho lun jeng囉！唔係粗口黎架，何蘭正係店嘅名，ho lun jeng係佢嘅dish名，好有玩味。呢個tapas明明話係lobster ravioli，上菜嘅時候嚇一嚇，龍蝦呢？ravioli呢？去晒邊？原來，佢係收埋左喺d泡泡入面，而龍蝦呢，就係收埋咗喺意大利雲吞裏面。因為意大利雲吞比較難影就已經一啖俾我食咗啦，佢嗰皮其實係透明架，你仲可以見到佢包住裏面嘅餡。…Read More

放工過左黎食dinner，見到門外嗰條隊都嚇親，不過好在我朋友有book位，唔洗等姐！我呢個人都幾麻煩，成日諗好鬼耐都諗唔到食乜好，係一等一選擇困難症。朋友個個都落單我都未諗好，好彩waiter好nice，介紹左嘢比我食。果然黎到又真係幾好食呀！呢個係雜菌意粉嘅醬汁好滑，獨特嘅黑松露味仲好香。其實個人覺得扁闊麵好好味，比其他幼身嘅麵更有咬口。Latte幾好飲，奶同咖啡嘅平衡唔錯，佢嘅泡打得幾滑，飲落去好順滑，真係幾正！…Read More

呢個龍蝦汁意大利飯有少少普通啦，飯粒唔夠挺身，雖然係粒粒分明，以一個正宗risotto黎講，佢太淋喇。可能係因為為左迎合香港人口味啦，但我都係想要硬身少少嘅口感。龍蝦汁就幾好味，夠晒香濃。不過啲蝦好似唔太新鮮，希望可以更好食啦。…Read More

傳說話呢度嘅車仔麵真係好好食，來親嘅人都會話食過返尋味，我就真係好想知道呢個傳說係咪真係咁勁啊。我叫左呢一個車仔撈麵，醬汁係幾濃嘅不過個右面就真係太過淋囉。淋padpad嘅面有點會好食呢？車仔麵最重要嘅就當然係面啦，如果連都唔好食嘅話，我就真係好失望囉。佢啲餸都係只不過不過不失，以呢個水準來講我係絕對唔會返轉頭再食第二次。…Read More

平時都唔會特登走過來葵涌區但係見到呢一間好似幾特別嘅工廈咖啡室，就想過嚟試一試睇下有啲咩特別。啲咖啡都幾好飲喎，味道有少少nutty咁，佢炒嘅咖啡豆都幾正呀，我裝偷聽到嗰度嘅水吧師傅係話啲咖啡豆係自己炒，鋪頭入面都仲有炒咖啡豆嘅位添。…Read More

Happy hour呢度都真係唔錯酒嘅選擇都有幾多架我點咗呢杯cocktail都幾得意好似雞蛋酒咁但味道好濃 都好'啃'下好在我都算係受得酒嘅啫但都好塊面都紅晒估唔到呢杯雞尾酒都幾勁架喎…Read More