yeungngaching's Profile

因為公司好近南豐，突然間心血來潮就行咗過去呢間cafe食tea🤣🤣🤣睇咗入面啲餐廳嘅餐牌，呢間最吸引到我。平日大約2:00-3:30呢段時間，餐廳都冇乜人，設兩個用餐區 (店內及店外)，我諗如果帶咗寵物嚟應該就要坐店外?! 因為我都見唔少人帶住寵物嚟都係坐外面😍我叫咗個咖啡三文魚Bagel ($88)，加多$22試試佢杯flat white。本身好想試下個bagel係咪真係有咖啡味，點知…..係完全無嘅！不過都大個同幾好食，本身諗住輕食，點知食完好飽lol另外佢杯flat white嘅咖啡店豆飲得出都幾香幾濃，幾鍾意👍🏻👍🏻👍🏻間Cafe都幾靚，好多打卡位，算係一間文青Cafe，都值得嚟影相同試下啲嘢食🤞🏻🤞🏻…Read More

日本人氣海鮮丼專門店「海街丼」最近喺北角匯開咗新分店！店內主打丼飯，最出名就係佢個海寶丼，仲有其他海鮮例如吞拿魚、鱈場蟹等等，唔鍾意食生冷嘢都仲有鹿兒島A4黑毛和牛、天婦羅、豚肉、鰻魚等選擇。今次第一次食，就直接試吓佢個招牌海寶丼 (特上)，入面有成10款海鮮刺身，包括海膽、小扇貝、真雪蟹、吞拿魚、油甘魚、章魚及甜蝦等等，仲要每款都好大好足料！好好食😍每啖都係滿滿嘅海鮮，唔使驚唔夠料配飯！而且仲包埋一碟細細嘅前菜～另附上魚介湯、啫喱醋及湯飯配料，方便客人自行調配味道。呢個丼飯有兩種食法！第一，可以將Wasabi同刺身撈啫喱醋配飯食。第二，食完可以留返少少飯用嚟落魚介湯，做成湯飯。我兩個都試咗，但個人覺得啫喱醋好難自己調得好食😂😂而魚介湯我係覺得好驚喜，因為就咁飲都已經好好飲！好香好濃魚介味，個人好鍾意！星期六夜晚嚟食，雖然唔使排隊，但係因為個飯都幾足料，所以價錢都算貴，一個海寶丼要成$220，仲未計加一！而其他又唔算真係好吸引，唔夠多樣化嘅海鮮刺身丼款式選擇，所以真係試一次就算🥲🥲…Read More

好彩喺佢裝修前食咗一次，北角無乜好食嘅拉麵店，之後想再食佢就已經開始裝修啦🥲🥲見網上都勁推金鶴拉麵嘅極濃雞白湯拉麵，就決定去試下。身為雞白湯控嘅我，一入到去即刻嗌咗碗金鶴雞白湯拉麵($98)，一嚟到，睇落啲湯都幾creamy，食落都ok嘅，但同灣仔系鳥華亭比，濃度都仲係差咁啲。呢碗嘢最特別係配埋炸牛蒡絲，本身我都唔太食，但一邊食炸牛蒡絲邊飲湯食麵又異常地夾同好食，呢樣嘢出面嘅拉麵店就無啦～溏心蛋都唔錯！…Read More

泰國過江龍甜品店After You，疫情前去親泰國都必定去食，因為香港食唔到泰奶、芒果糯米飯味刨冰，估唔到終於喺香港開店！！超興奮😍佢開咗業都一段時間，前排先得閒去朝聖，睇下同泰國有無大分別，結果都無令我失望！好好食！尤其係夏天，食刨冰真係解暑又透心涼🤪當日喺星期一，以為平日回都少人啲掛，因為我好唔鍾意排隊🙁但點知過埋lunch hour大約3點半去到都要等成個幾鐘😫一諗到假日會更多人，就決定排隊試試佢。一入到去就發現芒果糯米飯口味刨冰已經賣哂，勁可惜😩最後就嗌咗個泰式奶茶刨冰($138)同埋一杯「白色果園」熱茶($40)，因為驚會太甜價錢又唔貴😙泰式奶茶刨冰超好食！極力推介🥰夠甜、泰式奶茶味夠濃。隻味仲要唔係死甜，食得出少少茶香！而且兩人食份量啱啱好，好抵食好足料，底部仲有啲多士。而且佢唔係得出面有泰式奶茶，係成個都係！一啲無味嘅地方都無，入面都係啡色！另外仲配埋泰奶醬(個人認為唔加醬都已經好夠味，重口味啲嘅你加埋應該勁滋味😂)熱茶都有驚喜，因為「白色果園」入面有好多唔同材料，包括：fruits of melon & peach, green tea, white tea etc….所以飲落層次豐富，可以解膩之餘仲好開胃😙總括而言，希望舖頭可以加網上拎飛/現場派飛功能，因為炎炎夏日係到等個幾鐘真心難頂，但撇除要等好耐，甜品質素100分，至少好啱我口味！無失望😋…Read More

之前返工成日見到呢間舖 見佢裝修幾靚 就決定去試下😌今次兩個人，埋單成$1,7xx😅但佢嘅食物質素又唔係真係好好 所以覺得性價比唔高，偏貴。首先嗌咗鴛鴦鍋，分別係蟹黃魚同埋台式麻辣鍋，蟹黃魚湯底附送咗一個用蟹外型裝嘅蟹黃漿，好味又勁得意！麻辣鍋就中中等等，無話特別濃同好食。推薦食物：1。企鵝丸 ($59) - 用墨魚漿整，外整幾趣緻，都食得出有墨魚粒2。美國特選級牛小排 ($228) - 好食！嫩滑而且大大塊👍🏻3。海洋湊湊 ($588) - 鍾意食海鮮就要嗌呢個！有好多款海鮮食，連蟶子都有4。飲品 ($29-3x) - 飲品好驚喜，因為火鍋店嚟講都無乜期待，但呢到嘅飲品好好飲+大杯但個人認為火鍋湯底無話好好食同唔夠濃，尤其是佢嗰個招牌台式麻辣鍋，明明係主打，加上gimmick係鴨血任添，但啲鴨血勁唔掂！懷疑係豬血mix鴨血，食落勁粗糙又硬，真係一食就🥵🥵鴨血控唔建議嚟食～雖然部分嘢食+飲品都唔錯，但火鍋湯底真係普通，仲要埋單成$1,7xx，個人覺得唔太抵，試一次就算了～…Read More