佢開咗業都一段時間，前排先得閒去朝聖，睇下同泰國有無大分別，結果都無令我失望！好好食！尤其係夏天，食刨冰真係解暑又透心涼🤪
當日喺星期一，以為平日回都少人啲掛，因為我好唔鍾意排隊🙁但點知過埋lunch hour大約3點半去到都要等成個幾鐘😫一諗到假日會更多人，就決定排隊試試佢。
一入到去就發現芒果糯米飯口味刨冰已經賣哂，勁可惜😩最後就嗌咗個泰式奶茶刨冰($138)同埋一杯「白色果園」熱茶($40)，因為驚會太甜價錢又唔貴😙
泰式奶茶刨冰超好食！極力推介🥰夠甜、泰式奶茶味夠濃。隻味仲要唔係死甜，食得出少少茶香！而且兩人食份量啱啱好，好抵食好足料，底部仲有啲多士。而且佢唔係得出面有泰式奶茶，係成個都係！一啲無味嘅地方都無，入面都係啡色！另外仲配埋泰奶醬(個人認為唔加醬都已經好夠味，重口味啲嘅你加埋應該勁滋味😂)
熱茶都有驚喜，因為「白色果園」入面有好多唔同材料，包括：fruits of melon & peach, green tea, white tea etc….所以飲落層次豐富，可以解膩之餘仲好開胃😙
總括而言，希望舖頭可以加網上拎飛/現場派飛功能，因為炎炎夏日係到等個幾鐘真心難頂，但撇除要等好耐，甜品質素100分，至少好啱我口味！無失望😋
