PHOENi_z's Profile

夜晚9點幾去到，見到入面冇人諗住會唔會準備收工，點知老闆勁nice招呼我入去坐仲拿拿臨送上杯熱茶，係真係一杯熱茶！好似好耐冇飲過送既茶係有熱度！餐牌好簡單，食物款式唔算多，猶豫一陣食咩，老闆娘即刻介紹：牛腩酸筍粉好好食wor! 牛肚都好食呀，但唔知你食唔食酸筍wor! 素聞抵食又大碗，所以叫左碗牛肚酸筍粉，免得太多肉。多口問老闆一句：油菜有咩揀？老闆：生菜lor!但碗面入面有wor!你喜歡我送多兩條俾你，唔使嗌呀！呢啲真係小店先有既人情味👍🏻👍🏻👍🏻話口未完，碗面已送到，嘩👍🏻大碗到！真係好抵食，牛肚切得好薄又好多，豬骨湯底清清地但唔錯，食完唔口渴，米線略硬，但聽聞呢個係桂林米粉特色，所以整體感覺我覺得都可以接受！拿拿臨食，好怕阻人收鋪，但老闆娘好好叫我最緊要慢慢食佢地唔趕。坦白說，味道不至於一流，但價錢咁抵，有人情味，服務又窩心，我真係搵唔到理由唔再黎食！希望大家都一齊支持小店！…Read More

本身冇諗住慶祝老友生日食譽居，但因為老友唔多舒服，醒起譽居啲粥都唔錯，環境又乾淨，決定幫襯。話說我同個fd為左俾驚喜壽星女，決定提早出黎買蛋糕，去到譽居1835啦已經，諗住叫佢book 7點正，雪住蛋糕先，我地落去搵個壽星女點知個reception姐姐 ee哦哦，分明唔想留枱，仲話：下？得番半個鐘都冇我點留枱？咁我話不如雪住cake先啦，我落去接個fd，唔使你留枱，點知佢仲寸：冇得咁嫁wor，你要入黎食野先可以幫你雪！一係你依家入黎，依家有卡位，晏啲我就唔知啦算，為左個fd，我地唯有入去！點知最後成7點半先多人食飯囉你嚇鬼咩？講番食物質素，都仲keep到咸蛋蠔豉叉燒粥冬菇蠔豉粥加咸蛋呢2隻粥我冇試，友人既評價只係幾好味同埋蠔豉好硬waitress放低碗粥，淨係好細聲講粥字就走左，由於2碗粥都幾相似，我地再捉番個waitress問清楚係咩粥，有冇落咸蛋，佢話有，點知我地撩極都冇，唯有搵個西裝waiter問，點知佢仲寸：冇呀？加俾你囉！拎番隻匙羹先啦你！咩態度？一句道歉都冇！水蟹粥，我每次必點！粥底夠綿有蟹鮮味！粥入面冇碎骨，食得放心！但今次食完好口渇，明顯味精落多左！叉燒腸，膠粉皮夠薄，夠多餡，但入面放左我勁憎既元茜囉！！呢啲應該放喺面，至少我夾得走！strong smell唔係個個客都ok!沙薑雞腳，佢個汁係另上，客人可自行調節味道，但個汁一味死咸，冇咩薑味白勺菜心，菜心冇渣，清甜總結：黎過譽居幾次都未試過咁氣頂！最嬲既係個個態度都咁差！本身以為著西裝果啲senior少少，service會做得好啲，點知一樣咁差！譽居仲有幾間分店，isquare呢間？No Way!!…Read More

元朗開左好多新野，不過我食黎食去都係果幾味，早2日上openrice一轉，見到大家既feedback都唔錯，決定一試。搵呢間餐廳搵左一輪，先知道遠在天邊近在眼前……喺正新元中落黎條天橋轉右就係，成日經過以為只係一間snack bar，無諗過入面卧虎藏龍。晚市點任何意粉加廿幾蚊就有沙律同飲品smoke salmon cesar salad加錢有既沙律點會送塊大大塊既三文魚俾你丫，佢既dressing唔算好香濃，落既份量唔多，岩怕肥既女士們。Grape sodaice chocolate原本想試下orange squash但佢地話冇晒橙汁佢地推介lime soda但我又唔鍾意lime其實我唔飲有汽野，但呢杯佢整得好好飲！唔太甜又夠晒冰凍，飲晒成杯呀最後！凍朱古力冇咩特別，仲要加錢，大家不妨試下soda!帶子鮮蝦墨汁意粉呢個超好食！一上枱已經香噴噴！建議大家唔好咁為食即刻放入口，因為好熱！連粒帶子都要分3啖食，可能佢地真係有誠意炒，唔係預先整好加落去！另外想讚既係意粉，超有口感，即係煙un果隻！對上一次食呢啲口感既意粉係喺高雄，估唔到喺元朗都搵到！黑松露野菌意粉呢個汁有少少漏，不過個意粉口感都一樣正！野菌都幾多，岩素食朋友！總結：一開頭去到門口，見到裡面得一枱食客，我男友唔多想入，覺得冇食客既餐廳好食有限，難怪，夜晚成9點都得1枱客係少啲，但事後男友都忍唔住話：元朗真係冇呢啲野食！3 Time我覺得真係值得支持，每上一樣食品佢地都會check back番你睇下岩唔岩你口味，做生意黎講都好有誠意！聽講lunch都幾抵食，我會再去試！…Read More

元朗最近開左好多新餐廳，單單帆船快餐對面條街都有不少選擇。幾年前仲係中學生既時候，呢條路既餐廳只得一間，今時今日已經多到食日式中式西式都有。友人之前已經食過mr pizza，話好抵食所以推介。雖然喺街舖，不過唔算起眼，入到去只得2枱食客，侍應生服務唔算殷勤，擺低menu就走，已經見我等人，連水都冇杯，大熱天時，可能因為環保掛，不過唔算細心囉。只係得坐埋牆先有挨pan chair，我坐左2個鐘圓“鄧”都幾唔舒服，餐枱之間空間太少，好彩少人食，full晒都好逼。order左個2人餐，$168，小食/沙律，意粉，12吋pizza，2杯飲品或忌廉湯忌廉千層薯切落去果下聽到啲爽脆聲，我同友人不禁對望……勁驚唔熟……入口係好爽口，爽到個感覺似未熟……味道好淡，淡而無味果隻，早知叫薯角啦蕃茄醬海鮮意粉唔可以話唔好食，汁算多，不過無咩咸味，海鮮得幾粒仲要個樣煮得過熟縮到好細粒。單叫呢個意粉要成$48，假如係咁既質素都幾唔抵食，跟餐黎講就算啦……夏威夷pizza,可選蕃茄汁同千島汁都幾大份，見啲食客都係食唔晒要打包，好有衣食！材料有火腿同菠蘿加芝士，芝士份量都幾多，pizza皮見佢係人手搓仲拋上拋落，幾有咬口，千島醬唔會好漏餐飲要左熱檸茶，檸檬份量都多，唔孤寒，但點解要連埋茶包上？又唔係靚茶唔需要show label，個杯已經夠細，飲幾啖已經冇，加埋檸檬同茶膽，杯茶實質有幾多？我寧願佢沖一壺茶，放底2隻吉杯加檸檬俾我地仲好，不過可能冇位啦總結：地方太細，枱同枱之間好逼，好彩隔離冇人啲野食可以放喺隔離枱，唔係大家就要食快少少唔好阻位上菜！香港寸金呎土，逼少少放多2張枱做生意我都好明白，不過啲chairs換一換好啲，真係唔阻得太多位。另外service好一般，要我俾加一唔係好gur，間餐廳已經少食客，但個侍應既警覺性都好抵，諗住叫佢俾杯水，叫左幾次仲要其他食客提醒先知我地叫佢，餐廳唔算好大姐，問佢拎杯水佢都幾搞笑：淨係2杯水呀？無其他野要？我諗佢既意思可能想催我地落埋餐飲。最後佢忍唔住過黎問：我想問你地2個想飲乜？埋單多謝都冇句，臨走都唔say bye,街坊生意都不至於咁既服務掛？用下service language啦唔該！不過食慣左其他pizza shop都可以試下呢到，pizza冇pizza hut咁油，始終手工pizza都難得，期待你進步呀mr pizza!…Read More

同友人好耐無見，一到商量食咩既時候先發現原來大家都開始緊試下素食！一拍即合當然一齊食素啦！原先我地去左舊鋪，侍應小姐好好，問我地有冇去過新鋪，原來新鋪下午茶時間1430-1700有6折優惠，小姐仲教番我地點去新鋪，舊鋪原來無折嫁！新鋪舊鋪相距唔使5分鐘路程，新鋪既侍應小姐又係好好人好好招呼，究竟食素人士係咪冇咁易燥底？？揀食咩揀左好耐，皆因樣樣都唔似素食，心郁郁想試多d!最後揀左：吉列豬扒湯面$68口感似豬扒，味道帶少少豆香，雖然係炸，但脆口得黎一啲都唔乾仲keep到有汁！蕃茄湯底好甜好好飲，配料一啲都唔hea，梘水面又唔會索晒個湯底，面底又有咬口！鮮茄芝士焗什扒飯$78很好奇，素什扒究竟係點？？有3款共6件，1款似午餐肉咁樣，我估扮豬，1款有魚味，另1款我估扮雞啦掛！3款既素扒口感同肉類非常似，我估食開肉既人士都好難分得清！蕃茄汁加埋溶晒既芝士同炒飯底，好有茶記風味！麻油牛膀$38呢個前菜好爽脆，麻油味香濃仲加埋芝麻！係我暫時食過最好味既麻油牛膀！總結：環境企理乾淨，位置方便，喺正購物區，服務一流，晚市原來都有9折優惠！餐牌上幾乎每道菜都有肉名，食落口感幾可亂真，適合岩岩開始食素人士！最近發覺身邊好多人開始討論素食議題兼開始實行。食素其實無想像中咁寡，為左減少碳排放同環保，大家不妨一試，素食餐廳愈黎愈多，不如就由你附近既素食店開始試下！…Read More

首先喺到多謝AVA，多謝佢地服務週到，真係一個值得再去值得去慶祝紀念日子既一個好地方！早幾日預先訂位，email左個tasting menu俾我，24道菜加埋side dishes同dessert，任試2小時，有openrice coupon 20%off,有citibank credit card 30%off, 折左唔使400蚊1個人實屬抵食！晚上6點幾得我地一枱，明明book左枱都冇得坐window side，可能唔夠人地早book枱啦，不過氣氛環境都算不錯，所以都唔會太失落!有一個wine tasting corner,法國先生好nice想介紹白酒俾我地試飲，可惜我地唔飲酒，浪費佢既心意，不過好多枱都有試飲，睇落佢地既feedback都唔錯，而且佢都好慷慨會幫你fill酒，好杯中物既朋友唔好錯過啦！今晚我地試24道菜，因為set dinner 有我好怕既田雞呀……24道菜我地都試左好多款，由於有相片limitation我唔post太多啦soup: Blue crab, Osyter chowderosyter chowder超好飲，蠔既味道好濃，飲完想encore!pasta: Prawn,Black truffle 勁鍾意食薯寶！呢到既薯寶比起出面少一份chewy亦冇咁易滯，好食！black truffle味道清左少少，個汁creamy得滯salad: yellow fin tuna, free range egg我唔食生tuna，男友話魚味偏淡不過蛋沙律就唔錯，半熟蛋mix d新鮮菜，口感添左一份滑溜感！Fish n Meat: King prawn, Salmon, Short Rib, Pork Loin, Bresse chickenKing prawn真係必食，侍應都推介！蝦肉爽口，個底有塊薯餅加cream sauce，好match!salmon煎到皮脆肉質軟，不過略嫌油左少少無試short rib，男友話好冧，值得一試！breese chicken似一般燒春雞咁，一啲都唔乾同個sauce唔係好咸！個pork就dry到爆，真係可以唔試……Side dishes除左田園我地order晒，樣樣都好食但唯一美中不足係啲薯條似老麥薯條……而我地prefer粗薯條囉Sweet: Peer,Pineapple 因為order左另一個甜品，所以我地冇order chocolate,本身只叫peer但個侍應suggest我地試埋pineapple!結果pineapple真係好好食，好食過peer好多！3款pineapple 都唔錯，唔會太甜！蛋糕入口又warm又soft!!order 左個modern art dessert俾我男友，好似叫chocolate crush wif fruit sorbet，呢個甜品要預早一日訂，個chef會即場喺你面前整，成個感覺真係好正，夠gimmick，男友好surprise,重要一啲都唔貴，168$+10%，女友生日可以order rose ice cream,男友生日order呢個一樣夠震撼！總結：AVA俾人感覺好高級但價錢好入屋，service直頭一流！外籍侍應Reena serve左我地成晚，由落order到收盤都不斷介紹有咩好食同問番我地feedback!有位香港經理既service recovery做得好好，話說有一枱食客遲過我地入座，最後可以move去window side，經理喺最後拎杯champange請我地飲仲同我地解釋兼hold另一張window side枱俾我地食完甜品去坐，so nice!其實我地冇介意，而且落大雨趕住走，最終都冇坐到，不過我地都好appreciate佢地既offer，事後都寫番complement俾佢地！…Read More

睇openrice先知開左新既韓國餐廳，超興奮，呢間餐廳仲有部隊鍋食呀！星期6既晚上7點都幾多人，坐晒出門口，勁多人食部隊鍋，158$2位包飲品都幾抵！同男友叫左2人餐再加雞翼同sushi，因為我地食量都幾大送既前菜，大愛kimchi！假如唔夠喉可以加5蚊再叫前菜，見到人地枱都有再加5蚊要多份，份量都好合理！雞肉石窩飯唔加辣椒醬就冇味，要加左帶出韓式既味道牛肋骨湯呢個真係超鮮味！我唔食牛都覺個湯超鮮甜，男友話啲牛肉好冧，鮮味就冇嫁啦因為煲晒落湯到丫嘛！連啲蘿蔔都好甜！！海鮮煎餅食到8爪魚粒粒，又唔會煎到好乾好熱氣！份量都唔少！韓式sushi roll$28好鍾意啲sushi頭尾俾埋我，紫菜有麻油香味，我喺韓國食既都冇呢啲味！韓式燒雞翼$15/3隻男友話麻麻姐，似係普通燒雞翼加蜜糖送既2位飲品可以選擇韓式飲品例如紅棗茶，柚子茶，人參茶等等，可能佢地太忙，我杯紅棗茶冇大家講得咁好飲，不過唔算好甜都ok!總結：呢間餐廳真係韓國人主理，見到韓國老闆娘喺廚房忙唔停！有韓國味道而且價錢相宜的確唔錯！唯一想講下既係班90後侍應，真係冇咩禮貌，講說話冇尾音！自己同事間溝通唔夠，連食客都睇得出佢地好混亂，要改下啦！…Read More

很好奇究竟土耳其係食咩菜，睇完報紙帶埋男友去試下。星期六既晚上6點幾都幾乎滿座，幸好仲有室內2人位，樣樣都想試少少，叫2人餐最適合不過。浮雲沙律酸酸地幾開胃，另一隻沙律係豆蓉，未必岩香港人口味炸洋蔥波炸粉都幾勁，略有少少咖哩粉味，其實炸洋蔥圈會好食等得多，呢隻有少許油膩感。假如無記錯，二人餐可以選擇咖哩角或炸洋蔥雞肉水稻飯，可選牛肉好鍾意啲米既口感係粒粒分明，但雞肉略乾，個汁又太”流”，雞肉wrap，可選小妹認為呢個係全晚最好食既野，雞肉juicy，但個汁咸番啲會仲正！dessert問佢跟餐甜品係咩，佢話西瓜，咁我地以為係西瓜既甜品，點知……真係一碗仔西瓜，拿，咁就有啲欺場啦，我寧願你menu唔好寫，當係free俾晚市每台食客既飯後果仲好囉總結：2人餐158$包2杯飲品我認為都合理，但好易就滯，相俾之下我會鍾意蓬萊，始終食既野都差唔多而且地道d…Read More

一直素聞士林台灣面遠名，適逢2位友人特意從九龍區打算到大棠一遊，所以打算到士林大快朵頤。元朗區朋友應該知道一到午晚市士林門口必定大排長龍，可能因平日而且時間尚早，一入去已經有座，不過其實門口出面都坐滿晒。侍應一個二個黑口黑面，對呢間餐廳已經零好感。我地每人叫左酥炸雞扒飯加珍珠奶茶，$36+$12，明白酥炸需時，等候時間頗長。食晒一碟應該太滯，份量算大，男士食應該都覺滿足。成碟飯除左塊雞扒夠大，似台灣signature之外，絕無台灣風味。肉燥汁顏色夠但味道不足。杯奶茶味道太淡，無茶味，珍珠又唔好咬。總結:與同區台式餐廳相比，士林真係好一般，又坐得唔舒服，服務態度仲幾差，唔憂做甘，唯獨收銀姐姐好少少，士林我真係唔會有下次。…Read More

尋晚同朋友諗住去加勒比試下，但係態度真係超級差，令到我真係忍唔住要上黎抒發下。話說當時係食飯時間，我地亦無訂位。全場满座，但只有兩個人等位，所以我地决定等。在場所有兩個人結伴既客人都係坐緊四人枱。過左無耐，有張4人台既食客走，但職員就將4人台分拆兩張2人台。本無不妥。但2張台只係相差5cm，食西餐都係鍾意慢慢食，傾下計，佢拆左其實無分別，就好似搭台咁。所以我地都好有禮貌問，可唔可以等下張。職員就好串話：得～～～但係唔知等幾耐嫁喎。我果刻見到有張6人台埋單，所以就無理佢。到6人台空左，職員就又將佢分開1張2人一張4人。其實我地並不介意坐2人台，只係環境好逼，張2人台分開其實同唔分真係一啲分別都無。職員問：咁呢張坐唔坐呀？繼續係態度超差啦當然，我朋友就問，咁我地可唔可以坐張4人台先呢？我地並無態度差啦當然，佢就又好衰話：唔得喎一陣可能有4個人黎。無嫁啦你唔坐，你都見啦我地今晚好多人，無位比你。咁最後我地當然走啦！一間餐廳，唔單止食物，其實態度都好緊要。好似尋晚，我野都未食，單憑佢地態度，我就可以肯定我唔會再去。我地其實知道我地無訂位，又係食飯時間，當然要等啦。我地都唔介意去等。同埋除左我地之外又無其他客都等緊，我又唔認同佢講真係「咁多人」。點都好，態度真係好差。…Read More

與相識十數載既好友慶祝生日，無論地點同菜式都在我考慮之列。家住元朗區，元朗最近開左好多價錢中上，環境同菜式都優質既餐廳，爐家亦係其中之一。事前打去訂位，接聽既同事（應該係店舖經理）都非常親切有禮。晚上7：30準時到達，只有一枱食客，比較冷清，但餐廳佈局，環境都唔錯。友人偏食，可以order既食物唔多，餐廳另外送上前菜:冷面，送上細細一碗，但個冷面汁非常有誠意，食得出當中加左梅汁，完全唔係hea過三文魚壽司$38加州卷$48三文魚真係幾新鮮，友人都話呢度既加州卷好好食，佢地個醋飯味道調較得好好燒芝士年糕$48熱辣辣超正，上枱要等下先食，好易辣咀。燒雞肉串$28呢個麻麻，雞肉燒得有d乾，個汁唔係好岩我口味。牛肉豆腐鍋$68一致認為最好食！個底仲有好多金菇同菜！吉列黑豚柳烏冬$78個豬排炸得幾好，當中仲保留肉汁，仲要唔會好油值得一提既係每碟菜式即擺盤都好presentable!侍應們都好有禮貌，招呼好週到，其實做customer sevice既，有客人讚揚先可以鼓勵佢地多d，假如佢地serve得唔錯，不如寫張compliment或同經理讚下佢地丫！…Read More