li_yy1308's Profile

去到有口罩袋可以比客人放置口，唔係好多餐廳有呢個安排，好窩心的提供。肉骨茶全程有個爐熱住一煲肉骨茶，叫左1-2人份，好足料，內有杞子、金菇、豆卜、炸枝竹、豬骨等， 好入味，仲有起碼6件豬骨，仲配有油炸鬼。油飯為左配肉骨茶，所以加左碗油飯，好抵食，$15一大碗，碗肉骨茶簡直一流，碗油飯一啲都唔油膩，但仲保持到油香味，好正。扎肉喇沙混合油面和米粉好足料的喇沙，有成8-9塊扎肉，好抵食，而且可以試晒兩款面，米粉同油面，一次滿足晒兩個人的口味，個湯好惹味。…Read More

餐廳係懷舊日本風嘅裝修，燈光微暗，俾人一種舒服嘅感覺，幾啱同一兩位朋友嚟食，可以靜靜地傾吓偈。打開餐牌，好多嘢食都好似好吸引咁，特別係啲燒物。最後我哋兩個人叫咗燒物、壽司、炒飯。燒物燒得幾唔錯，面面都係黃金色咁，睇落去就已經有食慾，物量嚟講都係OK嘅，同其他居酒屋差唔多，味道都好味。明太子免治雞肉棒：呢個係我最鍾意食嘅，飽滿嘅雞肉，裡面仲有啲軟骨，咬起嚟爽口，面頭又有啲明太子，每一啖都好享受，哈哈明太子雞翼：呢個雞翼有啲驚喜，因為好飽滿嘅明太子係裡面，而且一咬落去好多汁，鍾意食雞翼真係要一試。流心芝士魚餅：呢樣好大份，食完都覺得有啲小飽，魚餅幾好味，芝士味夠濃。鹽燒雞髀菇：燒完都仲有多汁，好大舊，爽口。鹽燒雞軟骨：燒得好好，唔會硬，爽脆口感。超甜日本迷你蕃薯：真係好甜，好味，軟熟。壽司方面：叫咗黑松露帶子壽司、三文魚火炙壽司、鰻魚火炙壽司，食材都新鮮，火炙得啱好，個人覺得佢壽司可以大件返啲啲。最後有細細碗嘅黑松露和牛炒飯，唔好睇佢細細碗，但係用料幾足，濃郁嘅黑松露味，加上和牛嘅配搭，食起嚟真係好香。…Read More

越式花膠老火雞湯可檬粉花膠同雞都煮到好淋，真係夠火喉，好食又補嘅湯粉。生牛肉檬粉個湯底好濃味，好好飲，牛肉薄片一咬就咬得開，啲粉好爽口彈牙，好好食。蒜蓉牛油蝦球蒜蓉牛油蝦球好香蒜蓉味，好多蒜蓉好正，雖然佢係係個面到加，但好夾，好似融為一體甘，食落口非常好味，個蝦好大粒，爽口彈牙，個皮好脆，唔會覺得好多炸粉，一定要食。越式炸蝦春卷第一次食甘長嘅春卷，賣相已經好吸引，好夠料，入面全部都係蝦，個皮而且好脆口，新鮮炸起，春卷下放左生菜吸油。青檸梳打我好鐘意佢個包裝，一黎覺得好大杯，跟餐加$10咋，好抵，二黎杯野飲質素非常高，好飲好爽。…Read More

物超所值，一個價錢可以食兩款野，食完煲再火鍋，簡直抵到爛。環境空間好闊落，而且好舒服。可以落單點野食，仲有自助拎野食。雞煲有鴨煲、雞煲同豬手煲，揀左雞煲，好惹味，雞肉仲好入味，好滑，雞腳係鳳爪，好正。配菜入味得黎又唔會太淋，好好食。藥膳火鍋想食啲養生鍋，叫左個藥膳火鍋，好香藥材，唔太濃可以接受，打邊爐反而超乎想像，令到啲火鍋料好鮮甜。材料墨魚滑似係自家手打，白雪雪爽口彈牙。肥牛花紋好靚，食落好好口感。海鮮新鮮又甜。蔬菜好有菜味，非常爽口白甜。飲品有多款飲品可以選擇，總有一樣岩你。…Read More

豬腳薑🐷佢會比個gas 爐一直保持豬腳薑，薑一啲都唔老，因為一咬就咬到，淋得黎仲有咬口，豬腳好入味，一食就知靚豬腳，肉位好淋，骨膠質感軟而煙銀，豬皮一啲都唔硬，成個煲好考火喉，佢地控制得岩岩好，好食到唔停都口。黃金流沙蟹🦀用蛋黃脆脆包滿一隻大大嘅蟹，睇到已經都要好食，隻蟹啖啖肉，加埋啲脆脆有脆口有口感，仲同隻蟹好夾，未食前覺得會好濟，因為見到甘多蛋黃，點知食落一啲都唔會，我仲用匙羹不啲脆脆係甘食添，呢種黃金蟹煮法得呢到先有，出面通常都係濕炒，真係非常好食。蜜糖燒黑毛豬排🐽賣相似西餐果啲ribs ，佢用黑毛豬，啲肉一啲都唔硬，佢最犀利係望落一啲都唔濃，但可以外脆內軟，而且仲有好多肉汁，食到骨頭位好香肉味，超級好食，控制得個火喉好好，仲係即叫即整，好彩一落枱就嗌，因為都要等7個字燒。酸菜魚🐟酸菜魚用左龍躉，好大塊，啖啖肉，無骨，而且唔夾埋酸菜一塊食已經好入味，再有啲啲辣味，真係好惹味，好食到唔停得口，下次叫埋碗飯撈埋啲酸菜湯唔好晒。價錢💰宜家做緊半價，親民價，好食又抵食，點點係物超所值。…Read More

今日行開天后，又經過呢間野，呢間野啲卷好好吸引，所以買黎試下，入面好細一間店，都有三張枱仔，如果行街行到攰都可以係入面買黎坐低試下，我就買左番屋企慢慢嘆。佢有好多款式可以揀，最後決定買左e號烤牛肉kebab, 用錫紙包住，佢有部機會係包完之後壓一壓，好香烤味，入面有烤牛肉，番茄，洋蔥，生菜，好新鮮嘅食材，入面仲有好特別嘅汁醬，食落口會慢慢小麻辣感覺，好惹味。我本人唔鐘意食正宗印度野，因為好怕啲香料味，但呢個完全無，而且超級好味。…Read More

有好多款式食品，超多選擇。煙三文魚壽司壽司好新鮮，入口即溶。明太子烏冬烏冬好彈牙，好濃明太子味，表面仲放有紫菜絲，佢呢碟好特別，仲會放泡菜落去一齊煮，更有另一番風味。甲羅燒有三塊法包，一個爐燒一隻蟹蓋，燒左一陣後就可以勺啲蟹肉同蟹膏落多士到食，超好食。流心芝士薯餅熱辣辣，芝士仲係流心，外脆內軟，超好食。清酒煮蜆好大煲，每隻蜆都好大隻，啖啖肉，仲可以飲埋啲清酒，好濃清酒味，好正，足料。玉子燒入口即溶，口感好軟，表面仲放有好多蟹子，增加咬口，仲放有木魚添，好香。雪寶日式燒魚餅超好食嘅魚餅，薄薄一片，超級軟身，入面白雪雪，好味。芝麻雞翼外脆肉嫩滑。燒甘薯燒得岩岩好，好甜好香。雞軟骨肉串無得輸嘅一道燒物，好淋嘅肉，有啲雞軟骨係入面，令到有咬口。燒茄子同茄子大部分燒物都會放啲木魚，令到燒物更香。燒冬菇冬菇好鮮甜，好軟身，正。…Read More

前菜野食未到前會有4款前菜食住先，店員話泡菜係自家製，前菜食落好新鮮，好開胃。芝士拉絲紫菜卷蛋送到上黎熱辣辣，熱食好好食，一層厚厚嘅卷蛋包住芝士同紫菜，仲係面芥末同茄汁，超級好食。韓國壽司壽司好爽口，入面放有肉同啲瓜同蛋，點芥辣同豉油，好味道。拉絲芝士雞芝士就係個精髓同重點，好足料好多芝士，呢隻芝士仲會拉出條條長絲，簡直流晒口水，呢隻芝士仲唔會好流。五款味炸雞出面好難可以一次過食到五種味嘅炸雞，黎呢到就可以喇，全部炸都皮脆肉嫩滑兼入味。價錢大份夾抵食，店員話宜家做優惠，$118加多$20可任食埋芝士炸雞，任食4樣野真係抵到爛，汽水啤酒仲買一送一添。…Read More

呢間攞過好多獎，門外有好多老闆娘同明星的合照，門外仲有兩張梳化椅，好窩心的佈置。避風塘香辣蟹呢道必食，枱枱都會見到有人嗌，好大份，原隻蟹分好唔同嘅部位，仲配有好多香蒜，唔會太辣，我諗個個都食到，隻蟹啖啖肉，好肥美。蜜桃咕嚕肉咕嚕肉啖啖肉，無骨，我好怕食啲硬身而有骨嘅咕嚕肉，呢個超好食，咬落去好軟人，而且炸得岩岩好，蜜桃好甜。薑蔥生蠔煲上枱超級熱辣辣，啲蠔超好食，好新鮮，連薑蔥都好入味。食神炒飯佢整到整條魚形，賣相好有心思，放用左蟹籽去突出魚的輪廓，非常吸引，食落唔油唔會太咸，蟹籽令個炒飯好有口感。宜家仲要做緊半價咋，大份夾抵食。…Read More

食過三次，今次餐廳新裝修，仲有新餐牌，可以試新野喇。服務我係繁忙時間去，夜晚八點，好多人，甘多人佢地嘅服務依然做到足，會加水，砌好碗筷同枱墊，讚。兩個人叫左三樣野食。特上小食拼盤有五款小食，一次過滿足五個願望，雖然所有野都係炸，但一啲都唔會覺得好油同好肥。軟殼蟹好脆，牛油雞翼好脆好香牛油味，而且好大隻，蝦餅係手打，啖啖蝦肉，好足料，扎肉串超級好味，只有呢到只食到，好淋好香好入味嘅肉串，豬扒撈檬佢同其他店舖唔同嘅呢就係佢會在面頭放油怱，令到個粉更香更好味，提升食慾。豬扒好香脆，成碗粉有好多配菜，足料又抵食。鮮蝦米紙卷成個米紙卷好精緻好乾淨，入面嘅餡料好豐富，點埋個特別嘅花生醬簡直一流。…Read More

不容錯過嘅一間居酒屋，服務超好，會耐心介紹食物，前菜係一道花生秋葵，秋葵爽口開胃。跟住就上魚生，擺設精美，令人提升食欲，魚生非常新鮮，拖羅外燒過少少，依然入口即溶嘅感覺，正！油金魚新鮮好咪，一啲都唔會有腥味。醬油田螺新鮮大粒爽口又入味。店員服務細心照顧，會準備一隻碗放螺殼。燒甜紫薯好好味，夠晒甜，唔會燒得好濃。第一次知道有雞尾呢樣野，原來甘好食，望落會似雞軟骨，食落係外脆內軟，唔會覺得肥膩。豬腎燒得岩岩好，大粒又好爽口，加埋佢地特別嘅味粉愈食愈開胃。燒魚燒得好好食，有兩款汁可以點，一款比較咸啲，另一款較為淡啲但重啲柚子味，好清新。飯團真係無得頂，有櫻花蝦、芝麻、蛋碎，食落好似飯素味，一啲都唔會覺得乾。最後甜品係蕨餅，好精緻，唔會太甜，清下個口，非常好食。仲叫左杯酒，店員話呢隻酒配白肉魚生最岩，飲落都易入口，帶有果味，愈飲愈好飲。…Read More

今日好想去食西餐，就決定去食我愛慢煮！佢有兩間分店，今日就揀呢一間試吓先。我哋叫咗一個安格斯頂級西冷牛扒，同埋美式煙烤豬仔骨，仲有一啲小食，番薯條，燒露荀苗，溫泉蛋大啡菇，仲叫咗兩杯特飲。先講安格斯頂級西冷牛扒，熟度剛剛好，入口好淋，啲汁出晒嚟，極力推介！好老實本人本來不是太喜歡吃豬，但是我覺得原來用慢煮煮的豬扒係好爽，同埋佢整到外脆內嫩，啲汁出到嚟好好味，必食推介！我諗我遲啲會試埋佢個羊同其他野食，呢間價錢都算合理同埋都食得飽。…Read More

一間好有氣氛嘅紅酒酒吧西餐廳，可以根據紅酒特性揀酒，燈光暗暗地，好有情調，有吧枱位，多款酒可以點。室內設計高級亦有帶點歐洲feel ,隻馬最奪目。Dinner 有五款set, 叫左三set ，因為覺得set 好抵又好豐富。自製特色蟹肉燒賣皮脆多餡，好多蟹肉，皮類似春卷皮，賣相同燒賣非常相似，而且好好味，口感亦唔錯。精選什菜沙律配意大利黑醋沙律菜新鮮又乾淨，配上黑醋非常易入口，好好味。牡丹蝦刺身賣相好靚，好吸引，牡丹蝦好大隻好肥美又新鮮，點埋檸蜜汁簡直一流。是日餐湯係南瓜湯，濃濃嘅味道，配有細塊包，絕配。Tiramisu好香芝士味，同出面食嘅唔同，好有口感。松露磨菇軟殼蟹扁意粉好足料嘅意粉，好多松露，好好味，軟殼蟹好大隻，而且仲有肉添，又脆又好味，意粉軟硬度岩岩好，仲有好多菇，好足料。安格斯頂級肉眼扒侍應雖然無問到幾成熟，但送到黎應該係七成，一啲都唔銀，熟度岩岩好，牛排仲好大塊添，配埋類似黃芥辣醬好特別好好味。牛排底下仲有配菜，翠玉瓜仲有汁添，唔會乾。紐西蘭羊架配法式香草醬羊架一啲都唔蘇，唔鐘意食羊嘅我都覺得好好食，肉好淋，好軟，配埋大量法式香草醬真係超好食。…Read More

服務在門外放有排隊位放有個牌，精美又清晰，係付錢位上方亦有顯示螢幕，付款位亦有飲品牌，好窩心的服務，方便我地睇牌。另外，門外仲有自助購買機，人多時唔洗排隊，非常方便。四季春奶蓋茶我已經第二次買里的茶，上次飲茉莉奶蓋綠茶，今次買四季春奶蓋茶，第一啖似奶蓋超好飲，再飲耐啲飲到啲茶，非常夾，四季茶唔太濃，仲好滑。紫芋甘薯紫芋甘薯係新產品，一去付款櫃枱見到個牌好似好吸引，而且我好鐘意甘薯，於是叫左杯試下，好香香芋味，似落可以飲到兩種味，好好飲。…Read More

服務服務很好，上菜很快，會有侍應不停加水，炸豬皮上到枱後，職員更會比個袋仔我地同我地講如果食唔晒倒入個袋到封實放入雪櫃到，想食時拎出黎食會仍然脆口，非常貼心。環境氣氛好好，會有live music, 佈置係火車裝修風格，令我聯想起泰國有個火車夜市，好似係泰國甘。職員都係泰國人，佢地講泰文，但廣東話都講得好正炸豬皮第一次食，好好食，好脆卜卜，食落似炸魚皮甘樣。馬拉盞炒椰菜苗好入味，椰菜苗好有咬口。咸牛舌一串有四件，好淋，好似入口即熔甘，非常好食😋小曼谷炒金邊粉入面有豬頸肉，蟹柳，蝦，蛋，洋蔥等炒，味道似星洲炒米，好食。鳳爪好大碟，可以揀小辣或大辣，好爽口同入味。擺碟仲好靚。椰汁西米糕千層糕雙併椰汁西米糕好香椰汁味，我以前食過有啲整得唔好會出水，呢個唔會，好乾淨好好味，千層糕好濃好香。…Read More