Jennie07's Profile

Bookmark左呢間係美麗華嘅餐廳好耐 今日終於有機會同朋友嚟試吓!餐廳嘅環境氣氛好適合打卡 裝修好靚 入到去即刻感受到濃厚嘅泰式風情嘢飲我哋揀咗兩款餐廳嘅招牌Cocktail* Mue Thai🍹 呢杯係rum base cocktail 佢面頭放咗青檸同埋香茅 飲落去有清新嘅感覺* Pineapple Punch Cocktail用左whisky同dark rum, 酒味同埋菠蘿嘅甜味好balanced 🍍飲完好refreshing 泰式小食我哋揀咗香茅雞翼,泰式蝦多士,炭燒豬頸肉同埋酸辣無骨鳳爪我個人最鍾意佢嘅無骨鳳爪 同埋香茅雞翼鳳爪酸酸辣辣勁開胃香茅雞翼炸得好香脆同埋入面嘅雞肉都好嫩滑炭燒沙嗲牛呢個串燒可以揀牛或者雞 沙嗲醬超香 好出色👍🏻泰式椰子鮮雞湯 🥥 湯底好清甜 同埋椰香都好出 碗湯真係落足料 有大量嘅椰子同雞酒香火焰骨呢道菜上到嚟嘅時候 侍應會過嚟幫道菜加酒點火🔥 想講我好鍾意呢道菜嘅調味 會令你想一直食落去~同埋佢嘅排骨都好入味同埋好腍👍🏻泰胡椒和牛炒糯米河今次係我第一次試糯米河口感好特別 同埋炒得好有鑊氣極度推薦⭐️⭐️⭐️⭐️⭐️甜品最後叫咗黑糖椰子雪糕椰香味好濃郁 同埋佢啲椰子脆脆勁好食👍🏻另外佢入面仲有桃膠 女士們一定要試!整體而言 mue mue 無論係食物,環境定係服務都令人滿意 絕對值得再嚟!…Read More

係朗豪坊朋友行完街之後 見攰揾左間Cafe坐下~Cafe位置係正中庭角落位置 環境都幾舒服 唔會太嘈 最啱約朋友係度歎咖啡傾計☕️呢間The Coffee Academics 之前已經聽朋友講過佢哋啲咖啡好出名🤤Menu上有三款唔同嘅咖啡豆比你揀第一款帶有果香味嘅TCA House Blend另外仲有深焙同低咖啡因嘅選擇我地揀左凍嘅紐西蘭麥盧卡蜂蜜鮮奶咖啡同埋Pink Vinyl 粉紅冷萃咖啡呢兩款咖啡係其他餐廳都好少見粉紅冷萃咖啡係粉紅椰子水加cold brew飲落好清新嘅感覺另外我地叫左個泰式fusion意粉share 喇沙椰香蝦意粉🍝呢個意粉好惹味 少少辣 而且意粉texture 口感剛剛好 唔會太腍👍🏻最後我哋叫咗個甜品法式焦糖西柚多士西多士外層烤到好脆 而且有淡淡嘅蛋香味🤤西多士上面嘅焦糖配搭西柚食啱啱好西柚嘅酸味中和咗焦糖嘅甜味 食落去唔會覺得好大負擔🫶🏻行完街係度chill下都幾舒服☺️而且食物同咖啡嘅質素都好好…Read More

要搵一個又就腳又適合同朋友catch up 嘅地方真係唔容易 但今次呢間泰式酒吧餐廳真係好有驚喜 環境chill得嚟野食性價比都好高👍🏻焦糖鮮菠蘿🍍作為菠蘿控嘅我又點會錯過！同一般嘅串燒菠蘿唔同 另外再淋上少少焦糖 爆汁之餘令到菠蘿本身嘅甜味更加突出個羊架調味好香 又唔會韌 onside仲有個泰式酸汁沾埋仲惹味雞翼咖哩豬頸肉（配黃咖哩）🥘叫個時店員好貼心咁提我哋要慎選辣度🤣 又想食辣但又驚太辣嘅我哋就揀咗中間嘅黃咖哩 黃咖喱帶有椰汁味同少少甜味豬頸肉都好鬆軟 加埋薄餅食簡直係享受😋薯條配黑松露醬🍟呢個真心超好食！炸得好靚而且又keep到個脆度 本身見到個份量都好驚會食唔晒 但點知愈食愈停唔到 好快就食晒 泰式豬肉碎配生菜包調味完全同我喺泰國食嘅一樣 而且都幾辣包埋生菜食可以中和番 仲要好貼心有個爐一直熱住佢 不過小心啲食到成手都係因為啲肉太Juicy係咁滴汁🤣泰式菠蘿炒飯材料唔會hea 食落啖啖都有料 芒果smoothie 超大杯超解渴 係鮮榨芒果嘅味唔會係人工甜！係滿足嘅一晚😎…Read More

香箱蟹肉+柚子啫喱+靜岡果茄香箱蟹鮮味相對突出，口感比較豐富，配而柚子啫喱 和 靜岡果茄，整個口感偏向相對清甜清新，作為前菜相當開胃九洲石門鯛+紫蘇花石門鯛油香較為重身，師傅今次用紫蘇花作為配搭並且教我地要將紫蘇花籽先壓一壓 再連石門鯛一齊食。整個感覺好特別，食落去好清新而且仲帶有少少花香味。吞拿魚他他配芽蔥和牛油果吞拿魚他他拌左少許醬汁，牛油果粒 同埋 芽蔥，並且配上薄脆撻皮。三者加埋一齊，口感味道相當豐富，相當熱愛這道菜。北海道（帆立貝+赤貝）北海道赤貝和帶子皇刺身，帶子皇十分鮮甜，可以將橘子片先搽係帶子到再食，味道好清新，而且橘子味唔會搶走帶子既鮮甜，相當開胃。師傅將赤貝切成一串既樣貌，相對易入口，赤貝既鮮甜和香氣相對濃郁，幾岩重口味既人去食。鞍魚魚肝 醃製奈良西瓜第一次試奈良西瓜配搭魚肝，魚肝味道相當鮮甜配上咸咸地既西瓜漬，一甜一咸兩者好搶既味道竟然可以平衡到，濃而不膩白子配辣椒蘿蔔蓉 白子口感綿密，食落口個感覺有啲似海膽，相對creamy，而且師傅在底部擺放昆布，令到白子食落口既時候，都會帶有少少昆布味道，更加帶出白子鮮味熟八魚八爪魚口感軟腍又有鮮味，配上少許芥末，整個口感層次亦都提升左！北海道鰆魚 香煎後鰆魚油脂味更加濃郁，師傅有提及過鰆魚屬於白肉魚類，口感同肉質細嫩，味道較為清淡，反而魚香味會重過同突出過其他魚。Sushi剝皮魚+生魚肝+細蔥 ：剝皮魚壽司，配上生魚肝。整個配搭特別，剝皮魚本身既油份幾香，魚肝突出魚肉香濃既味道北海道凹貝（響螺）：肉身豐厚，口感柔軟細膩關鯖魚：肉質較為紮實，口感富有彈性，油脂感較為重生八爪魚 岩鹽 柚子：師傅先在八爪魚切幾刀，再淋上岩鹽同柚子汁，口感軟淋，好清新。炙燒梭子魚：師傅在上菜前先火炙過魚身表面，帶出魚油香味同口感，食落口外脆內軟中拖羅＋岩鹽：岩鹽配上中拖羅，食落充滿咸鮮味。口感層次好特別海膽：淺橙黃色既海膽，味道濃厚，反而回甘強勁，食落口好鮮甜。師傅都有話冇任何添加劑，極新鮮！食完壽司之後就有一道暖暖嘅魚湯師傅講話，成條魚先烤過再煮湯，所以味道鮮甜而濃郁 豆腐雪榚配oreo餅碎和紫蘇花：清新豆腐味雪榚配上oreo餅碎，令整道甜品口感層次感多左，再配上紫蘇花既花香味，完美地為整個晚餐劃上一個完美既句號…Read More

佢個門口咁低調，估唔到啲食物咁有驚喜！由第一個dish開始，驚喜真係一浪接一浪🤤每一碟都好精緻，睇得出廚師比足心機去砌碟藝術品出嚟，對眼球都係一種享受🤩啦嗌咗杯sake 好香米味 帶微酸 飲落好refreshingAmuse BoucheFresh Sashimi - Ourin Apple - Ponzu Jelly即日新鮮刺身-王林蘋果 •柚子醋啫喱A kaebi - Fukuoka Fig - Prawn Crisps赤海蝦-福岡無花果 - 赤蝦饼Kegani - Burrata - Monaka大閘蟹 • 水牛芝士 -最中饼前菜不得不提係佢嗰塊刺身連柚子醋啫喱🥰刺身勁新鮮，連埋個啫喱食係極之特別又好味，完美演繹左一道出色嘅fusion菜！EntréeZucchini Flower - Katsuobushi - Mentaiko本枯節明太子爽意大利黄瓜花天婦羅Wagyu Tongue - Pomodoro - Shallot烧和牛舌芯Bafun Uni - Ikura - Black Trufffle北海道馬其海膽鮭魚子黑松毫多士之後嘅和牛舌心更加係令到我一食落就雙眼發光咁對望🥹超級軟林林得黎又勁滑，必須試！而個多士真係一啖落去勁多驚喜😍塊多士係外脆內軟，上而嘅海膽同鮭魚子都極鮮甜，令本身唔食海膽嘅我都一試愛上🥰MainLivornese - Anguilla Eel - Nduja利洪內塞式烤鲜穴子AS Wagyu - Daikon - Enoki日本15和牛配味噌大根Awabi - Asari - FuFuFu Rice鲜鮑鯀浅蜊富山米釜飯烤鰻魚塊皮烤得勁脆，連埋啲山椒同埋意大利辣醬一啖食真係好正🤤嗰舊和牛熟度岩岩好勁腍，醃蘿蔔係超入味😍個煲仔飯都好香鮑魚味，連埋飯焦食超正，煲仔飯愛好者千祈唔好miss! Dessert松の実吉士批四小味甜品（Ichigo Tart, Churros Tiramasu, Kuri Canele)四小味甜品一上枱就比佢驚艷左，砌得勁靚係呢個course dinner嘅一個完美句號☺️當中嘅Churros Tiramasu同Kuri Canele都係我嘅最愛🫶🏾總結黎講，呢個course呢個價真係好值得🥰環境坐得舒服，服務100分，菜式精緻又好味！推介！…Read More

之前係灣仔食過呢間omakase，原來已經搬左去跑馬地，係禮頓中心附近。仲記得之前嚟食嗰陣，啲食材都係好新鮮而且都係用當季嘅食材。今次嚟食都一樣keep到水準!晚餐時段只有 MIYABI Menu 選擇。價錢$1880包括前菜，日本季節料理，5款刺身、2款熱食、10款壽司、味噌湯同甜品。先付(Appertizer): 1️⃣日本賀年食品鯛魚刺身昆布: 好清甜!栗子甘露煮: 甜度啱啱好,好鬆軟另外仲有日式蛋黃芝士醬嘅日出魚板同烏魚子2️⃣海老湯個湯好清甜 另外佢個柚子都好香,出乎地同個湯好夾!呢個湯都係日本新年嘅賀年食品師傅話海老喺日本帶有祝賀長壽嘅意思刺身:1️⃣真羽太:肉質比較厚實👍🏻配搭青檸同埋紫蘇花 更加香同開胃2️⃣鰝鰺:呢款係我最鍾意嘅刺身 佢口感好彈同爽口 而且都好清甜3️⃣白蝦呢個都好出色 白蝦好鮮甜! 4️⃣水八爪魚&吸盤第一次食水八爪魚嘅吸盤 口感超級爽口同彈，好特別🐙其他餐廳都好少見到有呢一款P.s. 連埋醬油漬Wasabi一齊食超級好食!5️⃣白見貝&赤貝爽甜👍🏻季節料理:最值得推介嘅係「香箱蟹」佢係松葉女仔蟹,蟹蓋嘅面頭鋪滿晒蟹腳肉裏面放滿咗蟹膏，蟹籽🤩超級滿足另外佢有個三文魚子，都係季節性先有呢一個三文魚子同出面食嗰啲係完全唔同!佢係真係超級彈,同埋完全冇鹹腥味,我都係第一次食到有甜味嘅三文魚子😂壽司🍣1️⃣赤矢柄2️⃣金目鯛3️⃣關鯖 4️⃣青深 帆立貝 5️⃣槍魷魚壽司加咗紫蘇葉喺入面，提升咗個層次感🤤6️⃣神奈川 沙甸魚 有薑蔥提鮮👍🏻7️⃣中吞8️⃣大吞 加鹽食用 降低油香~口感冇咁膩9️⃣吞拿魚天身 食咗咁多壽司,最後上埋個味噌湯🙌🏻暖翻個胃甜品: 水羊羹及福岡草莓🍓超級滿足嘅一餐omakase🤤可以睇得出全部食材都好新鮮👍🏻呢個價錢性價比好高🙌🏻值得一試⭐️⭐️⭐️⭐️⭐️…Read More

自從香港通關可以去旅行之後，都少左話食日本菜之類。今次就有朋友介紹在中環九如坊食一間Ｏｍａｋａｓｅ，環境相對清靜 適合同朋友一齊傾計 而且仲可以欣賞到師傅廚藝手勢。前菜－靜崗蕃茄，松葉蟹肉，魚子醬，海膽前菜亮麗矜貴，用玻璃杯盛載，靜崗蕃茄配搭鮮甜既松葉蟹肉，加上魚子醬及土佐醋啫，在味蕾變化上，酸味比較突出，作為前菜相當醒胃。前菜－合鴨煮合鴨煮即是汁煮鴨肉，店員介紹 廚師用鹿兒島鴨胸 昆布醬油及酒醃味，無諗到廚師會故意保持鴨肉生嫩並且配柚子胡椒、山椒葉及九條蔥，加強左鹹甜對比撞擊既味道。日本九繪魚配蘿蔔蓉日本九繪魚配昆布漬和酸汁、柚子胡椒及蘿蔔蓉，味道帶酸 食落去係有梅子味道，肉質爽口。鰹魚．蘭王蛋豉油漬鰹魚相當肥美，魚味偏濃厚，蛋黃漬非常濃稠、完全係整道業既靈魂所在，而且仲要無蓋過魚味 兩全其美。季節燒物－玉味珍燒這道菜式算係其中一個亮點，師傅燒緊龍蝦肉既時候 已經烤香撲鼻，茄子裡面係有帶子 尖椒 松茸 深海赤肉魚 粟子。整體所有菜都有炭火既香味 原個茄子原皮原整，卻燒至內心的肉全軟，燒功出色。而且整個茄子係可以連皮食！！油物－炸松葉蟹肉忌廉 青椒 魷魚炸丸子內藏蟹肉，味道鮮甜蒸物－宮崎和牛肉涮涮鍋湯底鮮甜 和牛脂肪相當豐富，入口即溶。九品壽司（魷魚 金目鯛 秋刀魚 牡丹蝦 北寄貝 吞拿魚 拖羅 海膽及江戶前玉子）第一次食秋刀魚嘅刺身 食落口感好爽口 魚味特別濃郁 幾特別椀物－麵豉魚鮫湯 魚鮫增添咗湯嘅鮮味甜品 - Creamchesse奶凍 焦糖燉蛋（蘭王蛋）和高山柿 密瓜…Read More

雖然開咗關，但係作為打工仔 ，邊有咁易請到假去旅行。韓國癮起，唯有搵番間道地嘅韓燒店食啦！一入到去，唔同種類嘅小菜吸引咗我，最基本嘅泡菜、醃蘿蔔、黃豆芽，而且係無限任拎。佢地肉類都有好多唔同部位選擇，揀咗好多人推薦嘅喜來烤肉同護心肉。一search 發現原來護心肉呢個部位好珍貴，隻豬只係有200g。護心肉其實就係佢地橫隔膜同肝之間嘅肌腱，難怪食落去比較有筋道但又好爽口，油脂都比較少。而喜來烤肉就油脂好平均分佈，食落去完全係融化係個口入面。怕唔飽所以嗌咗啲碳水化合物，嗌咗個泡菜煎餅同蟹籽手握飯團。泡菜煎餅香脆得嚟又唔會乾，辣得嚟帶少少泡菜嘅酸味，唔怕愈食愈膩！…Read More

平時$300/400淨係夠食個韓燒/放題 但估唔到差唔多價錢竟然可以食到酒店自助餐 仲要係有海鮮嘅晚市自助餐餐廳係酒店嘅2樓 而離火車站其實都幾近 位置算唔錯 當日平日七點去到 已經坐滿晒人 一坐低冇幾耐 啲staff就即刻幫我哋fill水 同送上是日生蠔 大大隻啖啖肉 鮮甜得嚟又唔會好腥 另外出邊都仲有刺身同壽司 甚至仲有凍蟹腳 大蝦同青口而沙律吧都好多選擇 有唔同嘅沙律菜水果俾大家Mix and match仲有我最鐘意嘅凍肉同parma ham而熟食方面 中式嘅就有海南雞 炒飯等西式有即場現切嘅西冷牛扒 燒蠔 燒豬仔骨仲有啲日式嘅小菜同燒雞扒選擇都幾多元化甜品方面 最鍾意係佢現場即整嘅crepe 可以自己揀餡 仲有超限量嘅即焗疏乎厘 每一輪淨係得八個 真係要早啲出去排隊😂總括嚟講$400有找食一個酒店嘅海鮮自助餐 性價比好高！…Read More

I happened to be around TST last weekend and came across this Japanese restaurant with some history in the town. Without much hesitation, I have decided to pay a visit to it with one of my closest friends. The entrance of the restaurant is surrender by traditionally izakaya design, giving out classy and chill vibes. We were shortly greeted by a friendly waitress who has taken us to our seats. After welcoming us, we were presented with the menu and we decided to order a few popular dishes that we thought would be a good call. We first got the seasonal sashimi plate on the table. It consists of three types of sashimi, each is seasonally, freshly caught, and served. All of them were fresh and thick-cut. Especially the tuna has a very distinctive, fish-oil taste profile. We then were served Japanese fried chicken. Contrary to the Korean style, the Japanese fried chicken is less saucy when compared; it tastes equally, if not better, favored. I guess the chicken has soaked in the favor while being cooked, and so it relies less so on the sauce. The roasted beef salad was unique in the sense that it was a passionate attempt to combine the green and roasted beef in one go - usually, people do it with the chicken. I thought it tasted well, but it would taste significantly better if the beef could be cooled down a bit before putting it on the salad.The toyo roll was kinda Japanese-western fusion, which using the wrap replacing rice. The combination was quite impressive.Also we order a few skewers. They are well-grilled and seasoned. Very juicy!!And we finished with the fish soup udon. It got a attractive visual which the soup looked like creamy and milky. In all, the food was surprisingly tasty. We had about 6 dishes and two drinks. The final bill was slightly over 600 HKD. Considering the amount of food and drink that we have ordered, and the quality of the cuisine, I would call it a deal.…Read More

多謝朋友介紹先食到呢間咁高質嘅綿花糖壽喜燒！呢間鋪真係好有驚喜！本身見間鋪咁難搵有啲擔心，因為係要入後巷先搵到間lift上樓。點知一上到去就比個門口驚艷左，餐廳環境同啲擺設都好靚！侍應都有好禮貌，服務好細心，令呢餐飯整體又加左唔少分數。之後要講野食方面啦，今日嗌咗碗烏冬、少少串燒、綿花糖壽喜燒鍋同埋同朋友一人一杯野飲，每人樣都係好好食完全冇失望嘅空間！碗豚肉白湯烏冬湯底濃郁，啲烏冬勁掛湯，烏冬控必點！大蔥雞同大蔥豚肉卷串燒都係勁香蔥味，鐘意食大蔥嘅Foodie一定要trytry！呢間嘅和牛絕對係冇得輸，無論係串燒定壽喜燒鍋嘅和牛都完全喺我內心100分！啲牛勁滑，超香牛味，完全唔韌！只可以話果然係A5和牛，真係會令人上癮，淨係舊和牛已經令我想再次番黎再食過！招牌嘅綿花糖壽喜燒鍋更加係令我同朋友都覺得十分驚喜！侍應會喺客人面前將個綿花糖慢慢融入鍋再加埋調料整成一個綿花糖壽喜燒鍋，亦都會為客人料理埋啲和牛，再夾埋入客人個碗度。 呢個服務同埋視覺享受都已經令我覺得值回票價，再加埋咁出色嘅味道，只可以話係無可挑剔。野飲方面，我地嗌左一杯Cocktail（Neri）同一杯Mocktail。杯Mocktail就酸酸地又帶啲西瓜香，飯前飲真係好開胃。而Neri嘅登場已經係超fancy，侍應會喺你面前燒啲煙入玻璃樽再打開，岩哂各位foodie打卡用。試埋個味嗰下真係哇出黎，令唔太好酒嘅我都覺得真係好出色好易入口，啲 煙燻味完全係一大加分位！Overall黎講，呢間十侍絕對會令我想不停翻兜！無論係眼球定味覺都十分之滿足，好推介大家去試下。…Read More

黎到粉嶺搵間日式野醫下肚先, 係粉嶺中心地下有間米子燒肉家, 新裝修, 好新淨, 乾淨亦好光猛。 👏🏻座位好闊落, 唔會一入到去就好大油煙, 抽風做得幾好, 至少食完都冇話成身燒肉味!🤗我地2個人就一個食燒肉, 一個食丼飯:五目牛肉盛丼賣相幾好,都好吸引食慾, 我就中意篤穿溫泉蛋撈飯, 個蛋漿包住D飯真係好正 , 牛肉肉汁豐富, 肉都大片, 醬汁好好撈飯, 好快就食哂成碗~😌澳洲燒肉盛合套餐150g✌🏻套餐包白飯, 和風湯, 泡菜或迷你沙律~ 肉質香口, 好林, 好香牛味, 食燒肉好處係, 燒自己中意幾多成熟都得, 店舖提供左3款口味既醬汁, 有蒜味, 甘味同埋燒汁。上菜速度快, 下次會再幫襯~😻😻…Read More

大喜屋聽就聽過好多次，今次終於忍唔住要去食！可能疫情開始穩定，連平日Lunch Time都要排隊，睇黎大喜屋都有番咁上下人氣！佢地落單就比較方便，用QR Code就可以落到單，更加清晰唔洗驚落錯單。飲品選擇比較多，有烏龍茶，汽水等等，而且最特別係有佢地自家既冷泡茶同埋清酒，梅酒。一大班朋友完全唔洗驚飲黎飲去都係個啲飲品！除此之外，佢地都有沙律吧，係主菜未上到黎之前，可以食住沙律開一開胃先！如果想食海鮮既話，亦都設有凍蝦同蜆！揀好哂飲品同小食，魚生就岩岩好送到去我面前啦，魚生幾新鮮，最重要係唔會有雪藏味同埋 唔會肉身係雪硬！鹽燒牛舌食落爽口彈牙，唔會燒到過哂火，記住一定要點檸檬汁！芝士蒲燒鰻魚玉子燒一啖有三重享受鰻魚入口即溶，芝士唔會話太過搶走鰻魚既味道！鹽燒鯖魚咬落去，魚皮偏向脆身，肉身鮮嫩！俾我想像中更加出色。榴槤炸彈入面有好full既榴槤肉，超級邪惡既炸物，食完真係會返唔到轉頭！甜品櫃都有好多唔同甜品選擇，隔離有雪糕櫃同軟雪糕機，食完放題就一定要食返啲雪榚來個完美大結局！…Read More

今次去到觀塘亞太中心3樓呢間韓國餐廳Dodam Chicken，俾佢地既韓式烤同炸雞深深咁吸引住！！而且環境乾淨 坐卡位超舒適 幾岩一大班朋友夜晚過黎飲燒酒食飯吹水。[蜂蜜牛油香蒜+韓式辣焗烤雞] $238韓式辣醬味道辣中帶甜, 個醬唔會話好搶本身雞肉味道, 咬落去肉汁好多,而且啲雞肉勁嫩！相反蜂蜜牛油食落去甜味會重啲，入面帶有少少牛油既咸味！配埋燒酒之類真係一流！[芝士雞蛋卷] $128雞蛋卷果然無令我失望，一切入去就見到啲芝士慢慢流出黎，好邪惡阿！蛋卷上有放到蟹籽，整體口感更加得意！[海鮮泡菜煎餅] $88無諗到個煎餅咁大份！海鮮份量好足料，而且煎餅係外脆內軟，泡菜本身帶點酸味襯托出海鮮既味道！ $58 $15(跟餐)…Read More

之後一直想試 但得葵涌嘅分店覺得好遠開咗係尖沙咀之後終於有機會試吓好采一早嗌定再過嚟拎 8點幾都仲企滿哂人等緊嗌咗香辣磨菇煙肉牛堡同烤布利牛堡佢地嘅漢堡扒好出色 好厚 咬落去啖啖肉 仲好juicy而且個包都唔會因為外賣面淋哂終於明點解佢長期都咁多人排隊食💛…Read More