mrprincejun's Profile

收工後要去做運動，中間有些少時間真係幾難搵野食，喺出面食要有營養又要味道ok重要快嘅選擇真係好少。之前做完運動夜晚9點，經過呢間荃新天地店想食點知佢地關門🤦🏻‍♀️，今次做運動前食💪🏻。跟住餐牌次序叫，由底到面料到醬料，唔想煩就叫佢pre-set 個啲。我地要快所以叫經典三文魚飯加牛油果，兩樣都係Mr. Jun 最愛。經典三文魚飯+牛油果 The Omega + Avocado - 個底叫左白+糙米飯（唔食澱粉質嘅有椰菜/沙律底揀）- 和風材料（第一次食，揀日式無死😂重有其他重口味或者清新選擇）- 三文魚（魚生又得，蝦，素菜又得）- 加1/4 牛油果（$12有點貴但想食無辦法）材料新鮮，可以食到乾乾淨淨食得有營養，再加運動，過個健康人生😜…Read More

喺旺角想食壽司又唔想去排長龍嘅餐廳，見立鮨人少少，評價又不錯，又未試過立食，咁就試下啦。週末4、5點時間，直接可以入去餐廳，用app或者寫紙點餐。我地嘅第一次立食體驗。三文魚盛合（$58）個賣相唔吸引，魚生可以，飯用上赤醋，對比一般食開白醋嘅，感覺上唔係好接受到。北海道魚生丼 （$158）面嘅魚生大大件好新鮮！海膽亦都入口即融鮮甜！個飯問題，唔知係我地唔慣定喺真係唔夾。師傅整完直接對喺你前面，如果唔係望住師傅個方向真係會為意搞掂左。整體立食經驗，Mr. Jun話唔會有下次，而Mrs. Jun就覺得還好，想快食壽司又唔想外賣，入嚟食都係唔錯嘅選擇。…Read More

炎炎夏日有時都會無咩胃口，今次入左去長洲，太多野想食，呢間長洲角酪又剛好喺中間位置，中途飲下酸味味嘅乳酪就岩哂啦！飲完開返個胃繼續食。:)百香果乳酪 Passionfruit Yogurt ($36)新鮮熱情果喺底，再加佢哋自家制嘅原味乳酪，好似係無糖，成杯野飲落都幾酸下😅，好彩而家夏天，酸野可以增加胃口，加上Mrs. Jun喜歡酸野，係可接受。唔想太酸，建議揀有甜味嘅水果作配搭。餐牌有好多選擇，唔飲乳酸都可以飲梳打、水果茶，重有佢哋會用唔同季節食材做飲品👍🏻，所以絕對會再幫襯。飲品店都有位可以坐低，成個環境都唔錯，呢個要讚！…Read More

香港餐廳啲漢堡賣到貴一貴，想要平得黎又好食都難搵，唔好只係諗住金拱門咁慘慘。嘉寶漢堡係物有所值！我地叫左兩個餐都只係$130，好豐富同好食！黑松露芝士牛堡黑松露芝士牛堡無得輸！黑松露味剛好，同芝士好夾，漢堡食到啖啖肉，菜新鮮，食完肯定會掛住想再黎食！雙層芝士牛堡 Mr. Jun話好過金拱門就已經夠👍🏻薯格好食！即刻食先最好，外脆內軟，好夠味道又唔會太咸。燒賣無咩特別，或許炸左會好啲。6點幾，我哋去到先攞飛，等左15-20分鐘左右就有位。地方雖細，但佢地出餐快。…Read More

星期六晚上，等左一陣，趕係佢地last order前入到去。經常喺愉景新城行過見到，呢種木系設計好吸引人嘅目光，今次有機會試了。雞肶配廣島蠔定食雞肶煎得剛剛好亦唔會乾；廣島蠔OK，不過好細一隻；蕃薯條麻麻地，又啲稔身。磯燒飽魚意大利飯定食意大利飯還可以；飽魚燒得OK。定食個湯係粟米湯，有濃郁粟米味；伴菜以為係沙律，點知係紫蕃薯蓉加柚子，味道麻麻，Mr. Jun唔係好接受到個味。整體食物一般般，係個環境搭救。…Read More

[得閒素食系列]Mrs. Jun 經常都帶住唔食素嘅Mr. Jun去食素。今次來到好多人都講嘅素年荃灣分店Friends of Years.星期四鋪頭剛開鋪無耐已經有幾枱人坐喺度，平日輕鬆唔哂好似假日咁多人。鋪頭環境簡單舒服不可能漢堡包Impossible Burger ($128)睇相片好似無咩特別咬左一啖之後有驚喜，食素唔會諗要食到好似肉嘅質感同味道，因為唔可以咁比。而呢塊漢堡好食之餘有肉嘅質感重有肉嘅賣相，好食，Mr. Jun好快就KO左個漢堡!不可能肉醬意粉Impossible Spagetti Bolognese ($88)鐘意簡單嘅Mrs. Jun, 呢個肉醬意粉非常合口味，酸酸甜甜，意粉稔度剛好。成碟素肉醬意粉可以媲美真肉醬意粉!!!:)青檸接骨木花梳打Elderflower Lime Soda ($34)接骨木味唔重, 被青檸搶哂味, 當係青檸梳打咁飲係好飲嘅.…Read More

Friday night同同事食飯，有同事會帶狗狗，所以黎上環呢間狗狗有善餐廳。餐廳有戶外座位，一半有帳篷，一半露天。餐廳位置近薄扶林道，會幾多車經過，不過一班人傾計都唔會覺得嘈嘅。我地叫左二人餐再加兩主菜。忌廉湯Mushroom soup個忌廉湯可以食到蘑菇碎，增加左個湯口感，味道亦唔錯。兩條蒜蓉麵包好夠蒜蓉味，是脆的，不錯。串燒Kobob Platter串燒有牛肉、雞軟骨、雞翼、大啡菇、菠蘿，蕃茄仔。一般般。香草羊架配青醬意粉Lamp Rack with Pesto Spaghetti 羊架唔錯，可接受的羊膻味。青醬都幾香，只是意粉煮得有點硬，個人喜歡稔身。黑松露野菌意大利飯Black Truffle Risotto 黑松露香，味道唔錯，只係個人覺得意大利飯有點硬。香脆德國咸豬手配蜜糖芥末醬German Crispy Roasted Pork Knuckle with Honey mustard除左見到嘅豬手，底下有薯角同酸菜。豬手味道唔錯，但個皮唔太脆，煙韌為主。個蜜糖芥末醬好味！蕃茄羅勒水牛城芝士薄餅Margaritas Pizza 9’’ 薄餅焗到好似餅乾，蕃茄醬未免太多太濃掩蓋左芝士味，無新鮮羅勒🙅‍♀️扣分！蘋果奶酥 Apple Crumble 味道可以，甜度剛好，只係唔夠酥朱古力蛋糕Brownie蛋糕有點乾，朱古力唔夠濃郁。另外，酒精同無酒精飲品都有得揀。…Read More

天氣咁熱，想飲凍野又想飲得健康，咁岩行過南豐紗廠咁就試吓啦。鋪頭好多選擇，四季都有唔同嘅時令生果飲品，例如而家當造嘅榴槤，榴槤愛好者岩哂。我地都唔好榴槤，所以揀返正常飲品，哈哈。豐盛水果茶Bee b Assorted Fruit tea($35)茶可以揀鐵觀音/綠茶；生果有橙、檸檬、西柚、西瓜、梨。生果切得好靚靚仔仔，記得要開蓋食埋啲生果佢呀😉。甜度剛好可以唔哂叫少甜。週末晏晝多人比較忙，鋪頭細只有3個人，落單個陣職員預先講要等20分鐘（實際等左30分鐘）。喺等期間可以行下喺南豐紗廠，或者睇下/玩下狗狗 🐶。…Read More

喺西環放工，食完正餐之後就要食埋西環歷史悠久嘅甜品鋪 — 源記甜品專家。平日晚上7點，未到甜品時間，所以有好多位。見到餐牌嘅傳統中式糖水，全部都好想試。最後揀左桑寄生蓮子蛋茶，印象中好似係第一次食，因為驚體虛嘅人唔適合飲，原來桑寄生補肝腎、強健筋骨，女性可以調經，懷孕女士可以安胎。咁多好處緊係要試試。桑寄生蓮子蛋茶 Mistletoe with Lotus seeds and egg sweet soup ($39)桑寄生飲落有啲似涼粉，糖水清甜，蓮子稔同甜甜地。個蛋仲正，醃得好入味，睇相見到個蛋黃就知。成個甜水好飲又好食！合桃露配蓮子Walnut sweet soup with Lotus seeds ($39)合桃露超香，滑溜，配埋稔身嘅蓮子增加咬口。兩個甜品都咁好飲，可惜有啲細碗同貴，不過都會搵多幾次來試埋其他。…Read More

喺西環放工肚子很餓，咁就試下米芝連推介嘅英記麵家。5點至6點之間，唔知係唔係平日加上就閂鋪所以只有幾枱人。肚餓所以叫撈麵因為麵量夠多。牛腩撈麵 Stirred noodle with Beef Brisket ($53)叉燒撈麵Stirred noodle with Char Siu ($53)個麵鹼水味唔重，煮得偏向稔身，個人喜歡稔身！牛腩稔得黎有咬口，最重要食完唔痴牙。叉燒似係自家制，所以無燒味店嘅色水咁好，不過都好味。食完飽肚，有回味感覺。撈麵重有配埋嘅湯水，湯水嘅胡椒偏重。整體環境乾淨。…Read More

好耐無喺荃灣路德圍覓食，發現黎間新開台灣鋪，又想念台灣野，所以決定試下.星期六下午，餐廳細細坐滿人，等左一陣就有位。魯肉飯 Minced pork rice ($28)魯肉飯看似簡單，整得好味唔易架，呢個都算OK油蔥雞肉飯便當 Poached Chicken with Scallion oil Bento台鐵便當的感覺。蚵仔煎 Oyster omelette蚵仔煎一般般，不過蚵仔煎好多做法，而呢個唔合我地口味。黑糖珍珠鮮奶珍珠QQ的，只係配鮮奶，略為少左啲味道。黑糖味唔重。蘋果西打，有點懷舊feel…Read More

這個時代，好難會有平靚正嘅野食，食得飽又唔會收貴你嘅餐廳愈來愈少。呢間餐廳喺荃灣香車街，喺環保五金回收鋪同雜貨鋪之間，「和食快餐」，好似日式料理，應該係港日料理，餐牌貼住喺玻璃，個價錢係$30-$50，第一眼望會以為佢寫錯價錢，望下間餐廳，鋪面比較簡陋但企理，應該係真係呢個價。什菜豬扒飯 Pork chop and mixed veggies with rice($38)成碗熱辣辣遞上，以為豬扒係普通煎豬扒，原來係吉列豬扒，唔硬，OK。:)雞扒煎蛋飯 Chicken and fried egg with rice($33)雞扒煎得好OK, 煎蛋中間係流心! 汁佢地會另上俾一壺類似照燒汁過你，想要幾多就落幾多。Mr. Jun落好少汁，Mrs. Jun係醬汁怪，要落好多。個汁係偏咸，大家睇住落啦。主菜跟熱凍野飲都係$2咋！提提大家：野飲如果唔好甜嘅人記得叫少甜。Mr. 係好糖之人覺得甜度無問題，Mrs. 杯熱菜蜜甜到漏…Read More

清閒的星期六，想隨便去間cafe坐下發呆。葵興同葵芳嘅環境比較擠逼，好少會有睇到景嘅cafe，網上發現黎間cafe即刻save低，今次終於可以試下。餐廳喺8樓，一出𨋢就見到，星期六午飯時間成間鋪坐滿，我等左大概15分鐘先有露台望景位。（過左午飯時段去會無咁滿）先落單後坐 / 坐低揀完野去cashier落單。自己一個人就落左單先去坐，費時走來走去。點左杯Hazelnut  Latte ($45)放假就係要點All day breakfast ($118)好豐富有炒蛋, 焗豆, 腸仔, 煙肉, 大啡菇, 菠菜包, 重有俾舊菇遮住嘅沙律同煙三文魚。唔知係唔係個大啡菇熱得濟令到三文魚有少少熟左lol望住個景慢慢食慢慢飲，店內播緊好chill嘅廣東歌，真係好正。不過愈坐愈曬，露台位冷氣唔多，熱天之下，無咩人想坐咁曬嘅位😅，唔知餐廳會唔會考慮加防曬貼。…Read More

Mr. Jun第一次食米芝蓮推介嘅甜品店。我地去個日係平日晚上7點左右唔哂等有位坐。Mr. Jun 唔好中式甜品，所以點左生果類別嘅楊枝甘露Mango Pomelo Sago ($34) 。食到濃濃芒果味，西米就咁miu佢都得。Mrs. Jun 點左潤肺嘅杏仁芝麻糊Almond and Black sesame dessert($24)。芝麻糊好滑。兩碗都好好味細細碗，食得出真材實料，齒頰留香，差啲想叫多碗。係有啲貴，雖然係咁，一定會再返黎，而家過左幾日已經心思思想食。環境好乾淨整齊。…Read More

Mr. & Mrs. Jun嘅第一篇食評呀~星期五晚上，成間餐廳滿座，好彩朋友訂左位, 唔哂等就咁入去。我地同幾個朋友坐入面涼冷氣。門口有位俾人坐好chill咁飲酒傾計。當日唔係好肚餓，我地只係點主菜同甜品。Mrs. Jun 推薦Vegetarian Burrito 素菜捲餅 ($145)Burrito with Salad, Spanish rice and sour cream 睇得又好食嘅捲餅，素食者就咁叫黎食已經ok。沙律都算新鮮，飯一般，主角捲餅味道足配酸忌廉更好。鐘意嘅可以加雞肉(+$25)Old Fashioned Mac & Cheese芝士通心粉 ($125)Mr. Jun 話好食，但始終全部都係芝士，食完會濟，哈哈。最後，我地有點甜品Brownie with ice cream ($90) 味道OK,可惜只顧食無影相。環境方面，Bar & restaurant 嘅音樂通常都會播得大聲啲，所以同朋友唔係好傾到計。…Read More