立鮨 (富達大廈)

Open Now

Now Closed

喺旺角想食壽司又唔想去排長龍嘅餐廳，見立鮨人少少，評價又不錯，又未試過立食，咁就試下啦。週末4、5點時間，直接可以入去餐廳，用app或者寫紙點餐。我地嘅第一次立食體驗。三文魚盛合（$58）個賣相唔吸引，魚生可以，飯用上赤醋，對比一般食開白醋嘅，感覺上唔係好接受到。北海道魚生丼 （$158）面嘅魚生大大件好新鮮！海膽亦都入口即融鮮甜！個飯問題，唔知係我地唔慣定喺真係唔夾。師傅整完直接對喺你前面，如果唔係望住師傅個方向真係會為意搞掂左。整體立食經驗，Mr. Jun話唔會有下次，而Mrs. Jun就覺得還好，想快食壽司又唔想外賣，入嚟食都係唔錯嘅選擇。