我愛curry的個人專頁

附近做嘢, 想食漢堡, 揾到呢間小店心目中香港最好食係Triple O, Baka的質素貼近.最重要的是牛肉要能肉味肉汁, 夠厚有咬口, 麵包香軟但同時皮脆, 生菜蕃茄適量中和口感.薯條亦好味好脆, 可以配湯唔係一味汽水. 食咗招牌傳統Baka Burger, 冇試特別配搭.自費午餐…查看更多

***未有享用餐廳提供的用餐優惠, 全自費***路經幾次都冇試過, 因為對面就係祥發.見社交平台有介紹幾吸引, 見OR的食評好壞參平, 以試伏的心情挑戰一下.為免排隊, 大約1:40到達, 有1張檯冇人, 其他檯有1人-4人不等, 果然有"一陣味", 酸菜酸荀味之類充斥於空氣中.入座, 冇長髮惡姐姐, 年輕小子送上一紙QR code.  上OR做定功課, 試信心之選麻酸辣, 牛或豬, 原來仲有個係牛內蔵.  堅持一下, 試豬可以同其他米線店比較.  熱飲+8蚊, 凍飲+10蚊幾分鐘就上菜, 一飲湯, BB辣的辣度似三哥的10小再多少少.  酸度唔多, 椒麻味反而霸道左D.豬腩肉5層分明, 但被湯頭搶去了其真正的味道.豬大腸夠肥美入味, 夠軟易入口, 唔多洗趙豬肚食落同豬大腸差不多味道, 都係炆到軟淋淋.其他配菜夠多夠味, 正常發揮.75呢個價去連鎖會平D, 不過應該冇咁多料, 同佐敦荃灣幾間人氣米線比又可能次一班.   有機會比多次機會, 試下其他湯底…查看更多

香港人改做香港地之後, 襯冇落雨又唔太熱, 第一次幫襯, Openrice叫定, 用code可以減5蚊, 公司行過去都10分鐘.呢度最好係可以白飯免費轉炒米粉, 但今日主要試肉餅, 冇理由唔跟飯.  可以叫少飯/少少飯/走飯, 呢度少少就好了.金沙煎肉餅, 比以前厚身, 口感更好, 味道香脆好味.煎雞扒不錯不失, 食左肉餅之後就覺得雞扒唔夠味啦.薑汁芥蘭, 幾多薑粒蒜粒, 都幾嫩綠, 只是兩餸飯通病, 炒得靚一定多油.叫三餸送支龍眼水, 要買的話要加6蚊的.…查看更多

太安樓有幾間賣熱狗漢堡，老麥之外，得呢度有得堂食，星期六一於偷食。試新店一向食基本牛肉漢堡，試普通的包，即製，等左應有10分鐘。半自助形式，先點餐付款，自行取飲品，後坐低等食。包香軟，坊間食過之中最好。牛肉中間仍有粉紅色，口感可以，比老麥安格斯juicy, 只有Triple O可與其比併。菜整理得很好，免得吃時四處掉下狼狽。與一眾差不多價位之漢堡比較的話，可以是頭1、2位，五條友個錫紙整到個包濕淋淋最狼狽。包一罐飲品，＄80，少少貴。…查看更多

平時早餐30起，通常上車後平台叫，落車自取，openrice多數要30mins見用code可以滿50減10元，一於食豪D，轉丁，轉醬多，凍drink, 剛好豬扒又大又香脆，比平時另一間$35正好多！…查看更多

LUNCH TIME在附近做完野, 唔想返公司至食, 要快食, 上OR搵搵, 行去大埔道牛雜名店遠左D, 見到最近有呢間, 即試 坐低必須嘟QR code叫野食, 四餸要48蚊都好似幾貴, 一向對車仔麵有選擇困難症, 趕時間唔慢慢度啦, 簡單地牛雜油麵多蔥多茜, 都可以揀淋D硬D, 多湯少湯走湯, 仲可以揀滷水汁/腩汁/咖哩汁或溝汁. $45.黎到真係份量好大, 每舊都算大件, 每款有2舊以上, 膀肺肚腸, 全部幾入味又夠淋, 係湯底爭左D.…查看更多

又係早D去食唔洗等唔洗迫.樽酸蘿蔔真心正, 忍唔住口, 前後食左10粒, 有當年灣仔永華麵家的水準.呢碟炸醬牛腩撈. 炸醬係正宗舊時的京都炸醬味, 鍾意食o既一食就知, 除左肉絲, 必要有冬菇粒, 牛腩係舊式炆牛腩, 即使瘦都淋, 最正係搭兩件筋, 唔洗另外雙併. 麵就爭少少, 有鹼水味, 要加辣加醋.單併撈麵46, 雙併只加6蚊, 加6蚊在區內算抵, 凍熱飲都係加6蚊.  食飽已1小時, 少少口渴. 暫時係附近最好食+抵食.…查看更多

1:45搵食, 勝在唔洗迫大把位一直想搵返住家菜的口水雞的味道, 路過呢間燒味店, 竟然有口水雞, $50算可以一試.3張大長枱, 另面窗高腳椅幾張, 簡約裝修.一大碟白飯, 比較之下, 口水雞睇落好小, 但係食落其實夠晒份量.麻香辣, 同住家菜的口水雞不同style, 雞肉嫩滑, 即使雞胸亦不鞋口.  有5-6小件雞胸, 另幾件併埋大約是一件雞翼.口水雞另一重點在醬汁, 麻辣味均有, 咸味香濃正好撈飯.美中不足是一般燒味店通病, 條菜凍的.…查看更多

附近食lunch, 起碼1:30後至有位, 何不等到2:00食下午茶呢?第2次黎, 一碗粉$35, 仲可以選擇紅豆/綠豆冰, 認真抵食.食越南野必須先試生牛河, 上次食過, 粉都好多, 唔似一般餐廳咁下午茶會少D份量.今次食茄腩河, 茄湯底香濃夠味, 牛腩就鞋D, 仲有2件好肥, 一般啦.  另叫至愛的牛油雞翼, 今次都係覺得咸左D, 但都接近以前青亭燕萍的水準了.…查看更多

一早附近做完野, 偷得粒半鐘, 上OR搵食, 見剛開門, 11：30食個early lunch.Menu眾多選擇, 有all day breakfast, 有我至愛的烤雞同burger, 從中2選1, 決定試試靚仔侍應推介的秘製烤雞, 香草醃得好人味, 不喜香草味的話建議您食手打牛肉漢堡好了. 雞肉嫩滑, 暮條香脆, 仲有新鮮沙律菜伴碟, 送埋前菜煙三文魚沙律, 正！圖中相機食先, 之後再請廚師切開方便食, 粗切薯條另上.第一次試巴拿馬咖啡豆Geisha, 偏酸甘香, 回味無窮.…查看更多

食米線，至喜酸辣香港仔有2間譚仔，食開3哥糊辣，今次同事話試呢間商場內，唔夠冷氣，食辣野，一路標汗炸酱正常，比另一間少油，撈米線食，一流有2款酸辣湯底，一問，選差不多是5小辣的湖南酸辣，因冇得選辣度，另一種是重慶酸辣，由2小辣起。湯唔酸！只有辣度適中。麻辣雞亦，香酥麻辣，入口火辣辣，都係土匪合口味。生腸，躺在辣油中，都算爽口，但辣到冇腸味，噴火救命，交同事處理，同事放入清湯洗洗再食，食完成碗辣湯…查看更多

早幾年食過，當時係貨van送貨。今年母親打算唔煮，建議買鴻X鮑魚盤菜，不過只有6人份量。團年前一星期，家姐見到佢Facebook廣告似乎好吸引，於是轉軚，證明佢廣告幾成功！食物睇相啦！由於相片限量，仲有好索汁的蘿白、豬皮、支竹冇入鏡…查看更多

是晚在家食團年飯，奉命下午到附近取盤菜，便相約友人午餐。位置旺中帶靜，某某出名甜品行3分鐘就到，天氣寒冷坐室内，其實室外也見有暖爐燈。服務殷勤，食物方面，詳見相片...總括而言，此價位在巿區只可食到工廠大廈樓上西餐，在連鎖集團充斥飲食巿場下，實為抵食之選…查看更多

之前食過盤菜, 今次襯五一去荃灣睇完隻黃色巨鴨, 一眾友好買埋海鮮黎呢度晚餐啦~士多啤梨骨, 酸酸甜甜, 真如其廣告話, 初戀的感覺... 我就FEEL唔到, 夠入味夠唸, 送啤酒一流, 骨都吮埋.小炒王, 蒜芯夠嫩口冇渣, 加入魚仔腰果等等猛火上枱, 眾肉中的一點綠, 冇法, 一枱食肉飲酒獸.豉椒聖子王, 來料加工, 收費相宜, 最重要係大廚功夫好, 否則你比幾靚料都冇用, 剛剛熟, 又夠味, 又不失本身鮮味.蒜蓉粉絲蒸象拔仔, 來料加工之2, 都係夠料夠味又剛好熟, 仲有來料3魚鮑魚仔, 來料4東風螺, 掛住食冇影相.炸大腸, 又一大排檔至食到之作, 外脆內軟, 入味冇異味, 又係送酒菜, 連舊那間泉X居都冇佢咁有火侯.椒鹽九肚+油浸荀殼, 又係考功夫之作, 做到皮香脆, 剛熟, 入面肉汁依然, 魚肉仍然鮮味.青衣火鳳鮮, 招牌菜之一, 台式雞煲, 少少麻, 少少辣, 同紅磡出名那間有得FIGHT, 佢入面有樣獨門武器, 真係超正! 送生菜一碟, 正好中和一下咁多肉食.…查看更多

食呢日係中秋節青衣友人去過多次, 話佢地D小炒好好味, 又平又抵食, 因太遠路又冇車直到, 所以一直都冇試到.適逢中秋佢地推出佢地家鄉風味盆菜, 299/4-6人咁抵, 仲有免費送貨, 於是就ORDER返個試下. (利申: 之前過年過節都試過幾次食大X樂同其他酒樓出的盆菜, 都係幾百蚊, 質素方面.......)講返正題, 打電話訂, 過程順利, 之前老闆仲打電話FOLLOW UP, 讚 :)個盆有竹墊底唔痴底, 讚 :)醬汁分開上, 讚 :)鍚紙包好, 可成盆加熱後成盆上, 唔會好快凍晒, 讚 :)有說明書教你點返熱食, 讚 :)收到貨, 食飽飽老闆仲打電話FOLLOW, 讚 :)講返食物:蝦, 有8大隻, 我冇食... 家人話爽口彈牙雞, 新鮮雞, 似鹽焗做法, 入味, 鮮, 嫩滑鴨, 似醬茶鴨, 入味, 未食個呢個味道扣肉 -- 超超超超超超超超讚 :) 跟泉章居是另一種風味, 好難文字形容, 我愛食泉章居那, 更愛此種蘿蔔, 冇渣鮮甜, 索晒其他材料D味, 一流豬皮, 唸中帶爽, 索晒其他材料D味, 一流土尤, 唔夠唸, 要趙西蘭花, 好少可盆菜之中有菜, 仲要係咁靚咁鮮綠色的西蘭花, 食肉之間食下菜可以BALANCE返魚蛋, 爽口彈牙, 不過冇咩魚味, 相信唔會咁重本自己打魚蛋的冬菇, 大大隻, 炆到淋晒, 好有菇味羊腩, 全瘦, 冇蘇味, 入晒D醬汁味支竹, 又係索汁之物, 索晒汁後只食到少少支竹黃豆味.... 全部都各有其味, 又入晒其醬汁之味, 飽飽.…查看更多