purple_hyacinthus's Profile

一間食西餐嘅小店，地方雖小，但空間感其實十足，座位之間有足夠嘅闊度。SET LUNCH 由$78-$118 包餐湯OR沙律同野飲蘑菇湯:幾Creamy,幾好飲 連包食唔錯沙律幾新鮮，配上黑醋酸酸地幾開胃。炸魚薯條 :另外叫左個小食，上枱已經feel到熱辣辣，明顯係即叫即炸。魚肉略嫌清淡，所以一定要點他他醬，帶點酸味幾開胃。薯條炸得好香脆，而且份量好多。鴨腿配野菌忌廉汁意大利飯:個意大利飯煮得啱啱好，軟硬適中，而且同醬汁混和一起。隻鴨腿都煮得好鬆軟，入口即溶.烤香草羊T骨扒配紅酒汁:出街食樣其實要睇運氣，好多時都會煮得太un 或者太so, 呢到既羊肉煮得啱啱好，入口即溶。而且味道唔會太so.鍾意食羊嘅可以嚟呢度試一下，推薦。apple crumble:係一個做得好香脆嘅蘋果批，甜度適中，酥皮嘅做得好香。最後想講吓呢度嘅服務態度真係好好，店員非常有禮貌非常貼心。…Read More

餐廳樓底好高空間感十足。午市套餐一個便當加一杯飲品大約$80。落單係自己寫紙仔，好似食車仔麵咁樣。飲品可以揀甜度同埋幾多冰。秘製麻辣牛筋牛肉麵：非常足料，牛筋同牛肉鋪滿晒成碗面度。辣度適中，唔算太刺激。牛筋入口即溶，牛展充滿牛肉味。麵條都幾爽口，整體而言，唔錯。香酥炸雞排便當：塊雞扒好大塊，超抵食。仲配有好多蔬菜。雞扒炸得香脆，而且唔油膩，肉汁仲保留到。薯餅起司蛋卷：味道同口感都非常好，誠意推薦，必點之選。冬瓜茶：可以消滯解油膩，食台菜必點之選。珍珠奶茶：經典之選，幾好飲。…Read More

今日去深井搵人同朋友食呢間 環境睇落唔錯間餐廳有分室內同室外，我地就揀左室內坐。裝修都幾chill, 有少許狗仔油畫，可能店主係愛狗之人。叫左2個lunch set, 包餐湯，麵包，飲品。餐湯：係栗米湯，好creamy, 甜度適中，幾好味。麵包：佢既麵包幾繽紛，有粉紅色同綠色，幾鬆軟。蟹肉什菌意大利飯：個risotto 好creamy, 醬汁好足。連埋蟹肉同什菌食，口感唔錯。另外，仲有3塊炸芝士，令味道多一份層次。推介澳洲羊扒配薯蓉：羊既味道比較重，鐘意食羊既會好鐘意，一般人可能要點多d 芥末去食。生熟度煮得岩岩好，容易咬口，值得一讚。熱果茶：甜甜酸酸，幾好味。Latte: 都OK…Read More

呢一間係旺角同油麻地之間的拉麵/沾麵店好有日式風味令人覺得好似置身係日本當地主要有4款湯拉麵同2款沾麵 仲有幾款小食每個麵的配料可以選擇不需要慢煮叉燒帶粉紅色 好嫩滑仲有好多件! 餐廳推介的花咲蟹湯拉麵蟹肉都好多一絲絲 湯底都幾鮮甜 加埋嘅蟹肉鮮味 唔錯!!炸日式餃子1碟有4件 都係新鮮煎 好熱好脆神匠蕃茄蝦湯沾麵呢個都係餐廳推介蕃茄迷一定要食 有香濃的蕃茄加埋蝦湯的沾麵汁 超好食沾麵汁都好掛麵 食完好飽好滿足…Read More

屯門井財街食肆林立有好多選擇，今次就試下呢間好pink pink的越南餐廳。越南炸春卷：外皮炸得香脆，口感一流。點上伴碟嘅醬汁，酸酸地幾開胃。越式蒸粉包拼扎肉：望落去好似腸粉，係腸粉皮包餡料。肉餡有d似潮州粉果。同樣地，點上酸酸地嘅醬汁，幾開胃。鮮茄蟹肉蝦湯河：碗麵都幾大，好足料，蟹肉蝦肉食落都唔錯幾新鮮。另外河粉亦都吸左蕃茄湯嘅味道，整體而言非常唔錯。推介。咖喱牛腩飯：咖喱汁相對來講就唔算辣，如果唔係鍾意食辣嘅人來講應該會幾好嘅。我比較食辣，我想佢再辣d。牛腩就煮得好鬆軟，唔錯。香茅青檸檬薄荷梳打&鹹檸七：夠凍夠汽，2杯都幾清新。…Read More

位於裕民坊個新商場，鋪面都幾大。餐桌就略嫌窄咗少少，同佢其他嘅分店相似。呢度落單都係用QR code，好方便。佢嘅晚市定食相對抵食，會跟麵豉湯，沙律同甜品。三色魚生丼：有三文魚，油甘魚，帶子同蟹子，仲有隻溫泉蛋。佢嘅刺身都係厚切，配上豉油已經可以帶出鮮味。性價比算好高。吉列豬扒烏冬：塊豬扒都幾厚身，炸得幾鬆脆，配上佢嘅豬扒醬，好味。烏冬就都係醬油湯底，算係比較幼的烏冬 好易入口，我喜歡呢個粗幼度。溫泉蛋天婦羅：第一次見到覺得幾得意所以就叫咗，每隻溫泉蛋仲可以保留到應有嘅生熟度，天婦羅外皮厚薄適中，口感唔錯。甜品：甜品好似都幾有款，今次佢比左紅豆奶凍我地，唔算太甜 都ok。…Read More

台灣嘅過江龍， 11月先喺旺角開新嘅分店。門面光線，裝修企理。飯枱好闊落，可以擺到好多食物，每張枱之間有充足嘅距離，保留一定嘅舒適同私隱。落單係用QR code，而且佢嘅服務費都會顯示埋，所以可以預算到自己將會俾幾錢。餐廳有3種地道的關廟麵可以選擇澎湖花枝丸：外皮炸到脆脆地，但食落唔太油膩，口感唔錯。點埋佢配上嘅醬汁，食落幾惹野。和牛炸醬拌麵：肉同麵做得幾balance,將太陽蛋吉穿，連同肉醬撈勻，啲麵掛晒汁，唔錯唔錯。但如果佢嘅和牛可以大粒啲就更好啦。金華火腿干貝花雕雞湯麵：一食已經feel到好香的花雕酒嘅味，雞肉煮得好入味，而且肉質柔嫩，非常好食。推介！老媽黑糖珍珠豆漿：係新鮮自家製 唔會太甜 味道香濃。老媽黑糖珍珠鮮奶：用左明治奶黑糖混合在一起，味道不錯。…Read More

The one 4/F 有呢間日式pancake 環境唔錯 唔會太逼擇左呢2款好多人食的pancake每款都有3塊焦糖香蕉pancake賣相唔錯 香蕉有一層焦糖 唔會太甜仲有d walnut 同埋有honey 自己加加埋d cream 一齊食 味道唔錯雜果朱古力pancake有好幾款水果 士多啤梨，奇異果，橙  色彩好繽紛加埋朱古力醬 同cream岩哂朱古力fans小朋友見到應該好鐘意下次可以試埋其他款!…Read More

鋪面企理，坐得舒服。同其他火鍋店唔同嘅係，佢會鋪塊紙喺成張枱，個窩同爐頭中間會有塊紙隔住。見到其他客都係食烤魚火鍋，所以就試吓。烤魚有3隻魚 5個湯可以選擇醬料都係同平時打邊爐店一樣 出去自己倒海鱸魚+泰國冬陰功湯底（bb辣）：條海鱸魚係已經煎好，一上枱就已經可以食，保持到外皮香脆。不過，咁樣嘅煮法，冬陰功湯嘅味就唔算太入味。個湯底有好多雜菜，有冬菇，金菇菜等等。整體而言，係唔錯嘅，不過如果條魚可以吸多啲湯嘅味就更好啦。美國安格斯牛肉：花紋好靚，好有肉味，而且肥瘦厚薄適中，打邊爐一流。芝士響鈴：本身響鈴已經好脆口，打邊爐已經係好正㗎啦，呢個係新鮮炸，佢入面仲加咗塊芝士，令到味道層次更豐富。牛柏葉：正正常常，分量比想像多。百香果梳打，白桃梳打：都OK 唔算太細杯…Read More

今日去荃灣行街發現左呢間好新的凍肉店 原來佢係專門買燒烤食品 雖然唔係好大 感覺好乾淨但都好多款燒烤肉可以選擇  仲有其他出面少見的冷凍食品  好似素肉, brownie ,果汁等等秘製印度咖哩雞中奕$42 估唔到呢個汁都唔錯少少辣 食得出咖哩味比起街市個d 醃左的雞奕差好遠肉質實淨 感覺新鮮d秘製蒜香豬扒$39有3大塊 幾抵食肉質出奇地好 一d都唔un就咁煎已經好好食仲買左2包出面少見的丸用來打邊爐試試價錢都可以 …Read More

今日同朋友去左呢間位於荔枝角的cafe 裝修真係充滿住波希米亞風 好多打卡位香煎北海道刺身帶子配吉列廣島蠔貝果包: 呢個Bagel好煙韌，超多料好豐富。仲有牛油果醬加埋落D帶子同炸廣島蠔上面，好有層次!超正香煎紐西蘭羊架&蟹肉米餅配薄荷乳酪醬:羊架有3件，沒有羶味，肉質好林!! 點乳酪醬無咁油膩，配搭唔錯!蟹肉米餅係蛋下面，加埋蛋汁一齊食感覺好新鮮。Fresh Ginger Honey Green Tea: 個茶壺仔好得意 飲得出蜜糖同薑味 幾freshBoholic Secret: 呢杯真係好驚喜。本身以為係普通咖啡，只係奶同咖啡比例上唔同。其實佢係一杯好似檸蜜的咖啡，完全超出我想像，真係估唔到呢2樣野可以混埋 仲要係幾好飲!! 必試提拉米蘇梳乎厘班戟: 梳乎厘班戟製作要20-25 分鐘。要預早少少叫。tiramisu的咖啡酒味好出，加埋cream，唔會太甜 班戟真係好空氣感 都唔錯!呢間真係又食得又睇得的cafe !值得再來!!…Read More

一入到去就俾佢嘅裝修吸引住，新式得來又有點懷舊感覺，而且做得精緻。好少上海菜餐廳咁有心思。麻辣香炸鳳尾魚：炸得好脆口，加上青檸汁後，成條擺落口，口感同味道都唔錯。雖然話係麻辣，但其實辣味真係好微 反而係感覺似甜辣。雞絲粉皮：粉皮做得夠煙韌，充滿彈性。加埋雞絲同拍青瓜一齊食，味道幾好。係一味唔錯嘅前菜選擇。小籠包：個皮做得薄，而且唔易穿，一夾就feel到湯的重量，呢一點一定要讚。係真正嘅皮薄餡靚。必食!黑醋松子魚：條魚基本上係去晒骨，所以食得好方便。炸魚肉配上黑醋，有炸物嘅口感但唔會有油膩感。酸酸地好開胃 食完一件又一件。海鮮澆頭麵：澆頭麵係上海道地麵食，海鮮嘅料都幾多，有蝦有蜆有魷魚 第一次食都幾鐘意。炸芝麻團：係新鮮炸出嚟嘅，一咬已經熱辣辣。外皮炸得極脆，入面嘅麵粉唔會好多，比例啱啱好。呢一味值得推介。…Read More

之前已經係灣仔食過呢間世一burger 而家係harbour city開左 超正因為呢到又方便仲有海景!! 可惜咁岩無哂海景位坐在係近門口的位置 不過有D 聖誕裝飾 幾有氣氛Honbo+Cheese Burger+ Pickles +Mike’s  lemonade 來到當然要食佢招牌Honbo男仔朋友覺得有點細 應該叫1.5 或者2.0塊牛非常juicy 好多肉汁 (不過packing唔錯 唔會滴出來)加上溶溶地的cheese正!!包係焗過表面 外皮更脆!仲叫左碟Pickles做小食 酸酸地解油膩 好食Cheese Burger + Cheese Fries + Coke Zero基本上Cheese Burger 同honbo 差唔多分別係多左生菜 增加爽脆感 口感更好Cheese Fries勁邪惡 好多cheese sauce 食到最後一條都仲有 好正!! 好岩同朋友share!!呢間可能係harbour city 最好味又平的海景餐廳! !!…Read More

今日同朋友book左呢間黃店食原來呢間都好受歡迎 6 7 點已經差唔多滿哂一定要早D book 先得白酒忌廉煮青口呢個真係好正 忌廉白酒sauce上加左洋蔥 仲係切好細粒 加埋一齊食 非常好食 做得好出色!!! 北海道軟殼蟹配黑松露意大利粉軟殼蟹有少少失望 因為個炸粉好少多左少少不過意粉係煮得好好 軟硬適中sauce都好唔錯 加左小小翠玉瓜同椒去煮 味道豐富鮮茄醬海鮮意大利飯賣相唔錯 意大利偏軟茄醬味道唔錯 略帶酸甜海鮮都有好幾款!!熱情果菠羅梳打& matcha latte…Read More

NINETYs Roastery裝修精緻，以佢嘅餐具都好有心思，每件都好靚，難怪成日都有人排隊。雖然價位略高 不過都係值回票價。Set 1Miso fish noodle,  sea urchin paste scrambkled eggs, sours vide pacific cod w/ salted lemon dill yogurts, grilled sous vode chicken thigh w/ grapefruit jam, blue cheese w/ honey & figs佢呢度嘅雞蛋係用蘭王蛋，佢整嘅炒蛋非常之香。炒蛋嘅火候亦都掌握得好好，保持到creamy嘅狀態。魚同sauce配合得好夾，帶出魚柳嘅味道。Miso魚麵帶有梅味道，幾特別。Set 2Lemon Danish Loaf bread , Chocolate Danish bread , Raw Onsen Tamago in Japanese style, Iberico Char Siu w/ caramel apple, Duck Leg w/ figs citrus jam, Mixed berries Yogurt兩個丹麥包都非常之香脆，味道唔會太鹹或太甜，如果配上炒蛋食，係更加正。溫泉蛋切開兩半，加上日式醬汁，帶有少許甜同酸，非常新鮮好食。焦糖蘋果叉燒，佢嘅叉燒係偏肥，口感會相對易入口，食兩塊啱啱好。由於用焦糖，所以比較甜，比平時食嘅叉燒係有啲唔同，我覺得值得一試。鴨腿煮得啱啱好，肉質柔嫩，味道唔錯。最後杯乳酪有好多料喺入面，但互相平衡，唔會搶走每一樣嘅味道。而且可以為啱啱食咗既肉解油膩。推介。咖啡係有2 款豆比你選 分別係choco blend 同fruit blend朋友選左Dirty (choco)先食藍莓再飲 果然係好香nut味道的coffee飲落好香純 好舒服 after taste 好香 非常喜歡Piccolo Latte (fruit blend)我就想試一下佢的fruit blend先食almond 再食 飲得出帶酸又洽到好處的果香 唔錯最欣賞呢到的set 好多選擇 而且咖啡真係好出色下次去cwb一定要再飲呢間…Read More