係觀塘站出黎唸住食個快餐，openrice搜尋下，未試過哩間土司工坊，又見有肉骨茶，都幾懷念肉骨茶嘅味道，一出站就直接搵到間舖堂食，落單時阿姐態度都未見異常，雖然都幾惡下，但哩個係餐饮服務業常態，仍在可接受範圍內，俾錢時問，可否Alipay，佢非常之不耐煩咁答到：可以，掃完code後係砰一聲咁將部scanner掟出去，果一刻我都唔知係佢同Alipay有仇口，或與使用Alipay之食客有牙齒印，定係覺得我哩位戴住口罩嘅新客面目可憎，一定要掟嘢先可以出到啖氣。有時覺得係香港食嘢真係好可悲，又唔係食頹飯，俾錢仲要受氣，仲慘過乞食。Anyway, 自己搵位入座，上餐好快，湯本身唔夠熱，味道真係好麻麻地，肉骨茶個湯淡得黎得個咸字，少少甘咁樣啦，肉骨得兩條又唔腍，又唔香，數埋裡面最多嘅係原粒蒜頭，有四粒咁多呀！食嘢期間，都有聽到其他食客低聲下氣咁同收銀兼水吧阿姐，係咁講唔該/唔好意思，真係心唸，食餐飯嗟使唔使咁呀。仲有呀，個匙羹好似用開就無洗過咁，出晒包漿，過多幾年可以當古玩把玩添呀。總之，我的話就一定唔會再幫襯，不論apm或其他分店，bye bye。…Read More
