yummymelody的個人專頁

今天早上要去中央圖書館聽講座， 由於還未吃早餐，又想飲杯奶茶提下神， 所以便在圖書館周圍覓食！ 剛巧經過勤記茶餐廳，便進去試下！                                                                  餐廳人不多，不知是否還很早！環境一般，如果燈光多一點會好一些！早餐都有不同選擇，有特色早餐，營養早餐，粉面早餐三大類！ 我見到雲吞麵係超人氣, 所以便叫咗呢個餐 (多蔥), 配熱奶茶(多奶)，$28!                                            等左一陣 ，雲吞麵和熱奶茶就有得品嚐啦！ 餐廳阿姐都幾好人，我叫佢多蔥，佢都都有滿足我的慾望！ 雲吞有四粒， 都幾大粒下， 不錯不錯！ 麵質也很好吃，沒有鹼水味！  超人氣真的超人氣! 奶茶很有茶餐廳的味道！ 雖然不是什麼特別的早餐，但我也吃得很滿足！…查看更多

這天我和朋友又來到筲箕灣吃晚飯，繼續周圍搵食！經過平記餐廳 ， 見到還有一張卡位，所以便入去試下！ 餐廳不算很大，客人都算多，相信應該係做街坊生意多！                                         晚餐很扺食，包一個小菜、一碗白飯、一個例湯和一杯嘢飲， 都只係50蚊渣！ 我哋揀咗西蘭花炒牛肉和支竹炆班腩 ！首先來的是兩碗例湯，不過例湯就麻麻地，無咩味！                                                 等了不久，兩個小菜便來了！兩個小菜都出乎意外的好大碟，我地見到初時都擔心會否吃不下！不過食下食下，我哋又食得晒喎！ 因為兩個小菜都幾好味！ 我就比較鍾意西蘭花炒牛肉, 牛肉幾淋和香口， 又有肉又有菜， 又大碟, 真的幾抵吃!                                                                          至於個支竹炆班腩 ，也很大碟， 除左支竹班腩外，還有菜和肉絲炒埋一齊，味道ok呀！ 送來的白飯也是滿滿的， 確實是一個很經濟的晚餐呢！ 晚餐包嘢飲，我地叫咗杯熱奶茶凍檸茶， 飲埋就真係很滿足呢！其實除了當日晚餐，餐廳還有二人套餐，都只是$130， 任選兩個小菜，都很不錯呢！…查看更多

這天和好朋友吃飯，在灣仔大有廣場的湘蜀人家！我地七點鐘便入到去，當時人不多！餐廳環境不錯， 我地被安排到一個卡位！ 桌上的杯碟很有特色，也很有中國味道呢！這裡的茶芥每人$15,   我地揀左一個二人商務套餐($298)和一個湘蜀炒飯($98)！                                                         食物未到前先來一個前菜----------------大豆牙菜,辣辣地，幾開胃！   二人套餐有涼拌小雲耳、成都肴肉和口水雞，三揀二， 我地選了最尾兩款！成都肴肉有六小舊，點埋d醋食，味道ok. 至於口水雞，有芝麻、蔥粒伴住， 不過雞呢就有點硬， 有點遜色！                                    二人套餐亦包括水煮牛肉 、鮮魚湯浸時蔬、 西洋菜肉餃四隻或 鮮肉蒸餃四隻!  呢個套餐幾好 , 我哋加$10便可以將水煮牛肉改為水煮魚! 好少套餐有得改呢，抵讚！水煮魚係我最喜歡嘅餸菜， 一大窩， 佈滿辣椒， 超級好味，不過魚嘅份量就少咗啲，所以晤夠喉！ 除咗魚，裡面還有大豆芽菜和紅薯粉！ 鮮魚湯浸時蔬味道一般， 不過不失！ 餃子方面，我哋揀咗鮮肉蒸餃， 有四件，點埋d醋都幾ok的！                                          除咗二人套餐外，我哋另外叫咗一個湘蜀炒飯！炒飯有蝦仁，豆，味道ok, 不過沒有太大驚喜！    套餐包咗兩碗酒釀丸子， 煙煙靭靭幾好味. 最後我哋另外點咗個豆沙鍋餅($42) ，切成8塊！ 不太甜， 又不太油膩  都幾可口！ 餐廳的員工都態度友善， 食物我也十分滿意，又坐得舒適，值得推介呢！…查看更多

這天和朋友去筲箕灣逛下，  途經東大街， 因為行到又攰又肚餓，所以便進入了呢間“ 孖寶小廚“吃下午茶抖下！  看到餐牌， 下午茶供應時間係1:30pm to 6pm. 1:30pm 就有下午茶食，又幾不錯，因為好少咁早就有下午茶供應！                                          下午茶時間都幾多人， 好彩剛剛有人離座，有一張卡位， 我地可以坐得舒服啲！  下午茶有14款選擇， 奉送咖啡或茶 。我同朋友揀咗乾炒牛河同埋炒貴刁， 一杯凍檸茶和一杯凍奶茶！ 等咗五至十分鐘， 我哋就有得食啦！ 兩碟嘢都炒得幾有鑊氣 ， 不過就比較上幾細碟， 可能係因為下午茶緣故掛！ 乾炒牛河都幾多牛肉， 牛肉幾大塊同都淋， 加埋牙菜和洋蔥，味道ok！ 另一個炒貴刁 , 有牙菜、豬肉絲同蝦仁！ 雖然外表辣，但一點也不辣，味道不過不失，ok的！    至於兩杯野飲，也是ok的，而且都幾大杯！                                                               我哋五點入去食，坐到六點鐘左右，便紛紛有人進來吃晚飯，餐廳都陸續坐滿了人，我在門外看到二人晚餐，都只係百幾蚊，相信平時應該都有好多街坊來幫襯呢！        …查看更多

這晚我和朋友在蓮. 越坊吃晚飯。 我地八點左右便到了餐廳, 餐廳食客不多。環境也不錯, 不過冷氣就開得有點大, 所以一入到去即時感覺很凍。幸好餐廳職員都態度殷勤, 為我們送上兩杯熱水, 檸檬味的, 飲完即時感覺暖笠笠。餐牌都幾多野食, 有越式, 也有泰式。我地點左三樣食物, 首先來的是蒜香牛柳粒( $128)。牛柳粒都幾香口, 不過有點韌。而且都幾多粒, 我地都食唔晒。除左牛柳粒, 還有三色椒(紅、黃和綠) , 洋蔥, 和蒜粒炒埋一起, 好有蒜香味。第二上埸的是香葉肉碎蛋炒飯( $88), 有三片青瓜伴碟, 肉碎和香葉、飯炒在一起, 加上一塊太陽蛋, 味道一般。最後出場的是軟殼蟹卷 ($72),有兩卷, 切成四件。呢個小食賣相不錯, 軟殼蟹味道香口, 被薄薄的皮包著, 入面還有些香葉, 點埋茄汁吃, 口感不錯。可能由於冷氣太大, 所以食物好快便變凍了。…查看更多

這天晚上, 我和好友們在堅尼地城的上海姥姥吃晚飯. 餐廳很近地鐵站, B出口, 十分易找. 餐廳坐位不多,不過我地等左一陣便有位了. 餐廳裝修幾有特色, 餐牌也設計得幾有 “上海FEEL”. 打開餐牌, 看到上面寫住 “窩心的服務是上海姥姥對您的承諾. 全日不設加一服務費.”  很驚訝竟然沒有加一收費, 因為一般餐廳都會收取加一的. 我地點左幾樣野食. 首先來的是雞絲粉皮($56), 粉皮上佈滿雞絲, 青瓜絲, 加埋D醬汁, 味道不錯. 不過份量較小. 接著來的是醉豬手($68), 味道OK的, 不過就沒有很大驚喜. 第三樣是酸辣湯雲吞($50), 雲吞有6大粒, 不過酸辣湯份量就好少, 但味道很好, 酸辣適中, 是我的至愛. 第四樣是生煎鍋貼($40), 有三件, 皮薄有肉汁, 煎得又不太油膩. 第五樣是排骨炒粗麵($70), 不太鹹, 也不太油, 不過排骨份量就小左D. 去到最後, 是甜品時間了. 我地ORDER左雷沙湯圓($34). 有四粒, 熱熱地, 煙煙韌韌, 巧巧味. 總括來說, 呢間上海餐廳都值得推介, 坐得舒適, 服務也不錯, 餐廳職員都不時為我地加茶. 愛吃上海菜既朋友, 也可以試下呢!…查看更多

這個週六, 我和兩個好友於中環相聚吃晚飯, 選了呢間餐廳-KIKUSAN. KIKUSAN係美心集團既餐廳之一. 呢間餐廳雖然位於置地廣場, 但食物價錢呢如果用中環價錢計算, 算是比較抵食呢. 另外, 佢雖然係一間日本餐廳, 但係呢佢除左有日本野食外, 還有其他FUSION既食物, 選擇都幾多. 餐廳環境氣氛不錯, 很有格調, 而且坐得舒適.  我地坐低就點左幾樣野食. 首先來既係吉列豬扒擔擔拉麵($72). 吉列豬扒幾鬆化, 麵是上海麵條, 有芝麻, 花生碎喺面, 幾好味. 我朋友每人叫左一杯薄荷檸檬梳打($28)和西柚梳打($28). 我心大心細, 所以等佢地杯野來左我才決定叫咩. 我各試一啖, 都係西柚梳打好飲D, 薄荷檸檬梳打太淡味, 如果檸檬多一點應該會好些, 所以我最終ORDER左一杯西柚梳打比自己.之後來的是錦繡串燒飯($68), 有雞肉、露筍, 勞埋D豉油汁,味道不錯. 煎素餃子($38)有四件, 雖然沒有什麼特別, 但煎得不太油膩, 吃得太多肉, 呢個小食總算可以中和下. 豚肉燒賣($38)有兩粒, 普普通通, 無咩驚喜. 另外我地ORDER左煙肉露筍串($28)兩串, 鹽燒雞肉串燒($26)一串. 味道OK, 不過不失. 吃到最後, 出場的當然是甜品了. 我地ORDER左雪糕香蕉布甸 ($48)和花生黑芝麻驢打滾($38). 雪糕香蕉布甸個賣相幾特別, 香蕉上面有一球雲呢拿雪糕. MIXE D埋一起吃, 幾特別, 感覺很不錯. 至於花生黑芝麻驢打滾, 其實係花生黑芝麻糯米糍. 煙煙韌韌咁, 也是我的喜愛呢. 總括來說, 呢間餐廳值得推介, 是一個不錯的聚舊之地. …查看更多

這晚6點幾, 和朋友相約吃飯, 去左太古城. 由於還很早, 所以我地周圍逛, 睇下有咩好食. 剛巧看到DIRECTORY有間NIGHT MARKET, 所以便走去看看. 到了餐廳, 原來是吃台灣菜的. 大家都想試下, 所以便進入了餐廳. 餐廳當時人不多, 我地可以隨意選位. 餐廳環境設計幾時尚, MENU既設計圖案都幾得意. 打開MENU, 寫住「 無味精」的, 啱晒注重健康的我. 餐牌選擇都算多, 我地好似去左台灣夜市咁, 好多野都試到, 最重要係唔洗食到身水身汗.  我地點左三樣野, 全部都係餐廳的招牌菜: 饒河蚵仔煎($78), 灌湯牛肉煎餅 ($48)和紅燒牛肉麵($98). 饒河蚵仔煎熱辣辣, 主要係蠔仔, 韭菜與蛋煎在一起, 幾煙韌, 黏黏地, 味道普通. 灌湯牛肉煎餅 有3件, 切開D湯流晒出來, 不太油膩, 而且幾熱下, 味道不錯. 吃完兩個小食, 主打紅燒牛肉麵便到了. 紅燒牛肉麵賣相不錯, 湯底幾濃郁入味. 牛肉煙韌度適中, 好有牛味. 餐廳侍應都面帶笑容, 殷勤對待. 所以整體來說都不錯, 不過如果食物份量多一點就會更好了. …查看更多

這個週六和幾個知己慶祝生日, 選了呢間大家都期待已久的餐廳吃飯. 由於呢間餐廳無得訂位, 所以我和朋友6:10pm便到餐廳排隊取位. 一去到, 嘩, 大件事, 已經大排長龍啦, 已有15人左右在餐廳門外. 原本我們預左要等一小時才有位的, 點知輪到我時, 職員幫我留位, 佢話要等2.5小時喎, 如果有位就會call我. 真係比佢嚇親添, 即係要9點才有得食! 我地幾個朋友都心大心細, 等唔等好呢? 等既過程中, 大家都有想過放棄, 不過又真係好想試呢間餐廳喎, 專誠來到, 中途放棄又真係好唔甘心! 所以一於堅持等下去, 等到9點左右才有位.  餐廳很大, 不過都要等咁耐先有位, 真係好震撼, 應該係我有生以來等位等得最耐的一次. 喺等既過程中, 我地已經諗定有咩好食啦. 所以一坐低, 便落單了. 首先來的是炸魷魚($128), 有好多舊 (大概二十幾舊), 好鬆化, 點埋沙律醬仲好味. 跟住來的是釀磨菇($78), 有六粒, 香蒜味, 好好味.  食完油膩野, 食返粒磨菇, 口感不錯. 接著來的是芝士坊粟米片($128),  一見到, 我地幾個女仔都好開心. 碟野好大碟架, 個碟就好似平時酒樓蒸魚隻碟咁大, 粟米片和芝士滿佈全碟, 上面有牛油果醬啦, 酸忌廉等, 口感好fresh, 好有驚喜, 真係超級好味呢! 咁大碟野, 如果兩個人來吃, 就不建議叫了, 因為一定食唔到其它野呢! 食完三樣野, 我地都飽晒LU, 原本想再叫其他野食的, 但都要忍手了. 不過飽還飽,來到CHEESECAKE FACTORY,又點可以忍到口唔食佢既蛋糕呢. 加上我既朋友生日, 生日蛋糕又點可以少既呢. 蛋糕款式超多, 如果有選擇困難症既朋友, 就大件事了!哈! 我地叫左芒果青檸芝士蛋糕和松露朱古力蛋糕塔, 兩個都好好味. 餐廳設有生日寫名服務, 可以為生日既朋友在蛋糕上寫上名字和插上爉燭. 餐廳職員亦主動為我地拍VIDEO, 和拍照留念, 亦唱生日歌給壽星女聽. 壽星女們都好滿足、驚喜、開心和難忘呢. 見到各人都很開心, 雖然等候坐位既時間有點長, 但都是值得的. 如果餐廳設有訂座服務, 就更好了. …查看更多

這天下午我在筲箕灣, 突然下著雨, 加上又肚子餓, 所以好就腳地便進入了呢間名叫麗姐的荼餐廳. 呢間荼餐廳地方唔大, 都坐滿一半人. 我選了一個下午茶炒粉麵飯餐. 下午茶都幾抵食, 有埋飲品, 都只是$32. 我叫了乾炒泰式河粉, 一杯熱奶茶多奶.等左5-10分鐘 , 乾炒泰式河粉終於有得吃啦. 嘩, 碟野熱辣辣   , 香噴噴, 好有穫氣, 亦都幾好味! 原本以為是泰式炒法應該是辣的, 但一點也不辣 .  配菜以牙菜, 蝦仁, 肉片為主, 肉片幾冧幾好味, 河粉炒得也不太油. 熱奶茶的茶也沖得好有茶味, 聞到茶香,  好滑.  雖然餐廳環境一般, 不過呢個$32的茶餐, 卻不算一般呢. 埋單時服務也不錯, 一句 “下次見” 令人頓時感到很親切的感覺呢. …查看更多

這天放工後7點要在中環上堂, 所以便在上堂前找個地方醫肚. 上個月和朋友在中環池記吃晚飯, 吃了二百幾蚊, 送了四張$6 coupons. 於是便決定再去幫襯中環池記, 順便用下張coupon.入到去已有很多人, 幸好還有位, 不用搭檯. 下午茶由2:30pm至到7:00pm, 有3 個set, 贈送飲品. 我揀了多蔥的牛筋麵配熱薏米水, 都只是$40, 減埋$6 coupon, 埋單只是$34, 確實非常抵吃呢.首先來的是熱薏米水, 薏米份量都有1/3, 味道很不錯, 飲完個胃暖笠笠, 值得推介. 因小妹要求, 牛筋麵要多蔥, 所以蔥的份量也較多, 不錯! 牛筋有四舊左右, 都夕幾冧, 白蘿蔔好甜, 湯底味很濃, 麵質又爽口, 所以呢碗牛筋麵好好食. 宜家想起都想去再食. …查看更多

由於朋友的生日快到, 所以我上網找了這間位於炮台山的餐廳為她慶祝. 選了這間餐廳的原因, 是因為它是新開的, 所以很有好奇心想試, 於是便打去訂檯. 幸好沒有限時, 我即刻比個LIKE佢, 因為現在很多餐廳為了做多一輪生意, 大多只提供1.5或2小時時限, 有時想同朋友慢慢食, 慢慢傾計去享受一個晚餐都不能. 餐廳不算難揾, 在炮台山站A出口步行幾分鐘便可以. 餐廳位於錦平中心3樓, 地方雖不大,但裝修不錯, 很有時尚氣息. 我和朋友點了兩個SET DINNER. 首先出場的是油封鴨腿藜麥沙律, 口感幾得意, 感覺亦很健康. 第二出場的是三色茄及燈籠椒湯, 味道濃郁, 加埋牛角包, 賣相和味道都值得讚賞, 與主菜比較, 一點也不輸洩. 之後主角終於出場了! 我們點了 “ 脆香豬手拌酸菜配蜜糖汁” 和”慢煮無骨牛小排伴炒時菜配自家製廚師醬汁” ! 兩個主菜都做得十分出色, 不論賣相和味道, 都很難分高下. 豬手的確很脆香, 無骨牛小排肉質不錯, 朋友吃了都讚不絕口. 見到朋友吃得十分滿意, 我也十分閞心. 吃完主菜, 當然不少得吃甜品和飲品. 餐飲我點了凍MOCHA, 味道和賣相都很好, 不算太甜. 訂檯前我已問餐廳職員可否替我在甜品碟上寫上我朋友的名字, 他說可以, 所以送到檯上的CHEESE CAKE, 真的有寫上我朋友的名字和插上蠟燭, 給了一個意外的驚喜給我朋友. 多謝餐廳這一個窩心的服務. 職員都主動問及我們對食物是否滿意. 我感覺到他們都很在乎每一個食客的感受, 從他們的菜色, 我感覺到他們的用心. 整體來說, 我對這間餐廳十分滿意, 確實給了我一個十分滿足的晚上. 有機會我都會再來嘗試其他健康的菜色. …查看更多