餐廳當時人不多, 我地可以隨意選位. 餐廳環境設計幾時尚, MENU既設計圖案都幾得意. 打開MENU, 寫住「 無味精」的, 啱晒注重健康的我. 餐牌選擇都算多, 我地好似去左台灣夜市咁, 好多野都試到, 最重要係唔洗食到身水身汗.
我地點左三樣野, 全部都係餐廳的招牌菜: 饒河蚵仔煎($78), 灌湯牛肉煎餅 ($48)和紅燒牛肉麵($98). 饒河蚵仔煎熱辣辣, 主要係蠔仔, 韭菜與蛋煎在一起, 幾煙韌, 黏黏地, 味道普通. 灌湯牛肉煎餅 有3件, 切開D湯流晒出來, 不太油膩, 而且幾熱下, 味道不錯. 吃完兩個小食, 主打紅燒牛肉麵便到了. 紅燒牛肉麵賣相不錯, 湯底幾濃郁入味. 牛肉煙韌度適中, 好有牛味. 餐廳侍應都面帶笑容, 殷勤對待. 所以整體來說都不錯, 不過如果食物份量多一點就會更好了.
