tshan's Profile

有一段時間沒有空過來，昨天终於有時間，仔仔約我再次過來😁 我地慣例都系約11:30到，我地例牌叫咗桂花黑醋咕嚕肉，呢個我地百吃不厭，尤其是仔仔，佢非常鍾意既其中一道餸😋。然後我地叫一些未試過既小菜 ：蝦膏肉碎扒蛋白-估唔到好大碟呀，上菜熱辣辣的，蛋白滑lu lu, 清清地啱晒我。十足小炒王-叫咗走辣，仔仔食唔到辣。估唔到俾既蝦乾大大隻👍，脆米粉腰果好夠脆，材料豐富好食，如果炒得再乾身碟底冇汁仲好，碟底既汁對我來講有些少咸但都可以既。野菌燒汁牛柳粒炒飯-阿仔唔知系咪太肚餓，食咗3碗😂。我最初驚好濃味或好油，我食過果啲燒汁既飯或小菜都系偏咸偏油，有啲陰影，叫呢個飯都系15,16😂最後都系叫咗，阿仔order, 佢鍾意食牛😂。來到估唔到又ok喎，唔咸唔會話好油，飯亦炒得粒粒分明，牛柳粒唔評，因為我唔食牛，但阿仔話OK。😋最後，當然食唔晒，我預咗2個食物盒打包，晚上整少個餸，中午又可以帶飯😋。呢度是小店，廚房得1,2個，加上即叫即煮，上菜是比一般茶餐廳，快餐店慢一些，要有耐心等佢出品，我鍾意每出一個餸熱辣辣的😁。如果唔等得既，冇耐性冇時間等就去快餐店或2餸飯啦....最後，食埋個冰涼腐竹薏米糖水😁佢地既糖水一啲都唔甜，味道好啱我，每次都會唔同款，每次食完糖水，整餐飯好滿足😋👍…Read More

衝著網路紅人介紹過來食的，但我覺得一般般，剛剛在堂食食完午餐，2個人叫咗菠菜羊肉咖喱，香料咖喱牛腩，黑扁豆烤雞咖喱，蒜蓉烤餅，聽落好似好多，其實佢地既材料份量少得可憐😓😓😓 羊只得3舊，有一舊仲系皮冇肉😖，牛腩叫做好啲但都系少，後加黑扁豆烤雞，雞肉又系少到冇朋友，材料份量俾得少唔抵食。咖喱都ok, 我食得辣完全不覺辣。堂食4張枱，好細間。如果以佢呢個價錢，份量咁少，性價比低😓😖。鐘意食餸少食澱粉類既我呢度唔啱我。我餓住走😓 老公就咖喱撈白飯，咖喱點蒜蓉烤餅，佢食晒啲飯又食晒啲烤餅先勉強飽囉😖 我地寧願食其他嘢，唔駛專登過來食。但佢果度好多外賣單，我地坐咁耐不停聽到佢地接外賣單。（佢地煮嘢都耐，要有心理準備預時間等。）…Read More

之前bookmark咗呢間一段時間，早幾日經openrice訂，收工6:15左右去到，時間尚早唔算多人😁。呢間cafe細細間唔算大，過來食可能真係要訂位。呢度用QRcode入單，我同阿仔叫咗：1. 日本飛驒牛肉漢堡鐵板拌滑蛋蓋飯(佢哋用咗紅米+珍珠米）+ 吉烈豬扒(要加$25) + 墨魚汁蒜蓉脆多士3塊 + 凍檸茶走甜 + 心太軟（走忌廉）。2. 白酒忌廉藍青口意粉 + 蕃茄湯 + 蔬菜牛油果沙律 + 熱 Black coffee + 窩夫 (走忌廉）。首先講阿仔個餐：我唔食牛，冇評論😅不過阿仔話好食(佢系牛都話好食😂😂)。吉烈豬扒，試咗少少，都算厚，唔會好油，但又未去到好juicy, 嘩一聲，味道唔會好咸，(最怕好咸既嘢食)。滑蛋蓋飯配上少少汁，又有粟米，車厘茄，而且用咗珍珠米紅米，阿仔就好鐘意呢個飯。甜品：心太軟，細細個，唔太甜👍如果可以再流心啲仲更加好。(相比跟另一間cafe比較，火炭果間就真係好正😜，不過果間冇雪糕，但有少少生果)我個餐，白酒忌廉藍青口意粉，勁多人like,想試下系咪真係咁好食😅，又真係唔錯喎😜。意粉好有咬口，唔會過淋，味道好好，整體好有西餐廳級數😋。蕃茄湯唔系好杰嗰種，飲落好順口，我鐘意😋。窩夫唔太甜👍。…Read More

今次第三次來食。第一次週末中午自助餐，第二次星期五晚自助餐，第三次即系今次平日中午自助餐。平日人比較少，感覺好舒服，好悠閒，唔駛爭嘢食😂。感覺上週未中午自助餐好似比較豐富啲，食物依然唔錯。佢哋既燒味做得都唔錯。今次經openrice訂有折，抵。款式晚上是比較多一些。訂坐時主題是生日，估唔到酒店最後有個Mini cupcake, 有誠意😁…Read More

上星期見佢開返，咁一行4人食去晚餐，好耐好耐以前經常食，後尾越食越麻麻，後來直情冇去。近來心思思，想試一試睇下佢哋開返會唔會好啲.....入到去都係果啲伙記，唉！！結果... 啲嘢食系唔會好啲，只有更差😞😞😞😞👎👎🙅。以前晚餐都有前菜選擇，而家冇🙅，扒餐貴，食物質素可以講只值$50😞。汁又咸，而且在廚房已幫你淋汁，冇得自己想落幾多就幾多😣。牛柳扒餐，貴，牛扒自己買既仲靚，汁太咸，阿仔食食下都話好咸😞。雜扒餐，極超級伏👎。每塊扒好薄，豬同雞，雞翼，煙肉，腸仔。屋企既扒真係靚過佢，所謂薯菜，系俾三色豆你，我去一啲普通冰室都有2棵西蘭花啦，人哋仲平過佢😞。羊架餐都叫做好啲，3件羊架，但細塊，邊邊既肥膏位多咗少少，切走肥膏位食完唔夠飽😞。甜品啫喱或雪米糍。呢隻雪米糍來貨普通到唔普通，甜，唔好食。另外，啫喱裏面硬身🙅😫😓搞咩呀🤦‍♀️。冇影相😞睇見啲嘢食都唔想影相😓。我覺得佢哋冇心機做好啲嘢食，hea 做😑只是有名氣搭救，就枱高價錢，降低食物質素。一個字‥.“差”！失望，唔會再來食🙅🙍…Read More

見網上Youtuber介紹，又有4送1優惠，緊係唔放過呢個優惠啦，預早在openrice訂位😬昨日我哋食早場，晚上7：30 前埋單離座$246（我哋揀牛肩胛A餐），雖然唔系貴果個和牛餐，但呢個牛肩胛肥牛也唔差👍。牛肩胛是在QR code 點，如果揀B餐（和牛）職員會送上來唔駛QR code點。首先，雞煲，叫咗中辣，雞就斬得細細件，都系既，因為仲有其他嘢食😅。雞既味道唔差，滑既程度冇土瓜灣聚寶軒果個咁正，但整體來講唔差，OK得架😬。海鮮拼盤👍，鮑魚來到仲系識郁架😬 淥完仲好彈牙👍其他海鮮ok架。蝦滑，墨魚滑👍好食。唔會話好咸👍彈牙。菜芯，娃娃菜，芫茜，萵苣片，冬瓜，蘿蔔都好新鮮，食咗好多菜呀😅點咗豬扒，排骨要來燒烤，正😋😋仲有好多嘢未點，太多嘢食了，例如無骨鳳爪，沙薑豬手粒都未試...😅唯一我地點咗，又唔好食既系魚片頭，呢個好伏🙅。我哋4人坐窗口位，好舒服，冷氣都勁架。總括來講，這間新開將，環境舒適乾淨，食物新鮮，希望食肆keep住以後都系咁啦！會再Encore的😬…Read More

今日2個人星期六再來呢度食中午，因為想食佢哋既黑醋桂花咕嚕肉😁。呢個真係推介，好好食😋。有人食唔停口😁 好鐘意黑醋既味道，咕嚕肉粉漿唔厚，淡淡肉，唔會好多肥膏👍👍。另外我哋再叫咗2個午市客飯：豉椒雞球飯，蕃茄滑蛋班片。佢哋好好喎，班片，班腩會在餐牌上寫明是用什麼魚，這個做法好好，一定唔會違反商品說明條例🤣。今日呢2個午市客飯依然好好食😋👍，我哋好鐘意佢哋既調味好有煮家feel，唔會好油好咸好甜，全部做得剛剛好👍。今日既糖水依然花生小米，今日食得好飽，那2碗糖水帶回家慢慢嘆，糖水好清甜😋，今晚食完糖水好滿足😁。見到其他食評話唔好，我哋真係唔覺喎，睇佢地上既菜，食材既味道，我反而覺得他們製作認真👍。而家疫情下，好多店舖好難捱，好既店舖系應該要支持下💪。…Read More

昨晚4人去咗呢度食晚餐，我哋估唔到呢到啲嘢好好食，又抵食。食完成餐飯，返到屋企唔覺好口渴，第二朝都唔覺口渴，呢樣真係好👍。（我不是打手😂)叫咗：3人套餐 $280 （組合A“1款雞類”+ B“2款小菜”+ C“1款小菜”, 再有一盅湯）即是有1個湯+4個餸🤭（任揀小菜$70內，如超過$70補差價）A 揀咗去骨海南雞（半隻）。B 揀咗酥炸鮮魷 $78(呢個要補$8), 京都肉排。C 揀咗上湯浸菜心。 (有3碗飯，我地要咗2碗油飯，1碗白飯)油飯系黃飯，唔錯🤭👍除咗3人餐，我哋仲叫咗：辣雞煲(叫咗中辣) （半隻）$158霸王辣子雞 （例牌）$72好了，講下食評先，坐低佢會俾一碟前菜，有雲耳青瓜甘荀絲，呢個前菜又唔差喎好食 （最驚喜就系埋單個陣，呢個前菜唔收費👏,一般都起碼收$10蚊，$8蚊啦🤭）3人套餐組合，呢個冇得輸啦，抵呀👍。- 一盅湯，呢個得，冇味精，好清甜，起碼有5碗湯份量👍👍- 海南雞好滑，皮爽肉滑😋😋😋👍👍。- 酥炸鮮魷，炸得好乾身，粉漿唔厚食到有“肉”，唔咸，好好食，有人食到唔停口，差不多成碟俾佢食晒🤣🤣。- 京都肉排，大大件肉排，份量夠，獻汁唔會過甜，剛剛好😬。- 上湯浸菜心，菜心新鮮，浸得好唔會做到好淋，估唔到都有唐芹，唔咸，呢個唔錯，如果多返少少菜就更加好😁。講完3人套餐，就要講我至鐘意既辣嘢🤣：- 雞煲(可以揀唔辣，微辣，大中小辣), 呢個已經俾100分，餐廳好貼心，完全滿足想食雞煲但又唔食得辣既朋友仔。我緊係叫咗中辣啦！呢個雞煲仲會送一籃生菜👍。估唔到雞好滑，味道唔會過濃過咸又唔會過油，呢個真係啱晒我，我好滿意呢個雞煲。初初滾起其實唔太辣架，越滾越耐果啲麻辣味就走出來，但唔系好辣架咋，其實如果太辣唔好，會遮蓋咗食材原有既味，所以我都係推薦中辣剛剛好。最後加水食生菜，加咗水，雞一樣滑唔會鞋👍😋😋。而且加咗水都唔覺有一層油，呢個真係好。- 霸王辣子雞，呢個真係好好好食。佢可以做到外面脆裏面滑架，有啲會做到好鞋好乾，佢呢度冇。加上控油好好，炸得好乾身冇油立立。佢啲配菜蔥都好好食👍👍例牌份量好足，仲以為出面果啲例牌細細碟。呢度既師傅炸嘢好得喎🤭👍。呢碟望落以為好辣其實唔系架，唔系好食得辣既朋友仔都可以試下喎😅埋單冇加一👍👍。今餐真係食得好滿足，好開心🤭🤣（今餐啩住食，只影咗2張相😅)推介👍…Read More

無意中發現呢間好隱世的小菜館，我哋11:30 來到，剛剛舖頭開門營業😅，所以店內只有我哋2人，星期日可以舒舒服服靜靜地好悠閒咁食一餐飯，真係唔錯😁。睇過資料店內廚師只有一人，他曾做過酒店，餐廳，大排檔，他爸爸也是廚師出身😲，因為廚房只有他一人，所以出菜會比較慢，但我哋唔介意，又唔係趕時間😁。我地叫咗: 1.大澳蝦醬义燒粒炒飯，炒飯粒粒分明，唔油，唔咸👍。份量剛好。2. 豉蒜涼瓜雞球飯(原本是排骨，佢可以俾我轉我雞球😁)，佢地系將餸同飯分開上，呢個我好滿意，我好怕啲飯全部都系汁😬。調味剛好，雞球夠滑。有少少辣椒絲，但唔會辣👍。如果呢個餸份量多返少少就更加好😁。3. 加咗個佢哋自家製黑白豆腐👍，呢個餸冇一間食肆有，加上自己唔會整到，佢哋炸呢個豆腐炸得好好，好乾身，碟底冇油😁👍。如果價錢平返少少就更加好😅。我都好印賞佢哋整到呢個餸。任可小菜碟頭飯+$6可配冷熱飲品，仲會有糖水送。今日呢個糖水我好滿意，花生小麥，呢個糖水是凍，啱晒咁熱既天氣。平時我唔好呢個，但佢哋做呢個糖水唔太甜，食落好養生，好清熱，好透心涼，食完好舒服。餐牌寫加一服務，但我哋埋單冇加一😁，唔知系咪午餐免加一。今日食得好滿意，好舒適的一餐👍👍😍…Read More

早2星期前既星期日，我哋第一次來呢度食中午飯，去到要排隊，入到去座位密密麻麻，與隔離枱一齊食飯咁濟😞。食評講得咁好咪試下啦，但中午既食物質素真係差，晚飯小菜就唔知喇。當日中午叫咗巴基斯坦咖喱雞扒飯，佢話系辣，平時我食中辣，果次專登試下唔加辣，來到顏色系夠既，點知食落都唔辣既，冇果種刺激咁，唔辣都唔緊要，雞扒超級鞋又乾，意八既咖喱雞飯仲好食過佢😒。另外，叫咗個西式常餐豬扒餐（11:30後冇粉麵加）你俾錢都冇得加，你想食粉麵就要叫另一個餐（侍應系咁樣講）😣呢個就係餐廳既缺點，唔靈活😒。講翻呢個餐，豬扒唔系大塊偏肥，薯餅偏油，牛角包唔脆淋既，炒蛋冇特別一般啦，仲有條腸。我哋再加錢叫個油菜，呢個真心唔抵，呢碟菜份量少得可憐，隻碟只是比豉油碟大少少咁多，我覺得餐廳應該俾翻個良心價囉😞😞 呢個格局，食這樣質素，埋單真係唔抵😣。呢間試過一次就算冇下次。👎…Read More

呢間餐廳以前座位好舊，現在翻新咗，當堂光猛咗整潔咗，亦感覺闊落坐得舒服。食物不是食評講的咁差喎，我反而覺得ok呀，食物種類都算多，尤其是扒餐，自選2款$88, 份量夠大，黑椒汁跟我哋平時食既唔同，佢比較稀少少，唔系杰撻撻果種，雖然稀少少但黑椒味夠之餘，感覺好似自己屋企整，唔咸👍。奶醬多，估唔到花生醬多到呢😁真係俾得好多。奶油脆脆豬，夠脆夠奶油🤣。唔少得緊系咖喱啦，咖喱真係好食，要咗中辣，中辣既辣度啱啱好👍👍👍飯都食多咗🤣。**仲有仲有，必食自製麻辣菜甫醬，上次買咗，真係堅辣，筆少少要來撈飯，正。呢個真心推介。仲有，我有問佢哋既姐姐，如果扒餐要咖喱汁得唔得，佢哋態度好好，有傾有講，真係好似街坊傾偈咁😁😁（咖喱汁系要加錢）。總括來說，我哋都好滿意👍…Read More

再來呢度食，今次來試中式午餐，今日叫咗籠仔蒸肉餅飯，好好食👍😋肉餅有炸蝦乾，薑絲，飯有蛋炒過，而且飯有銀魚仔，飯仲係珍珠米👍做到粒粒分明，肉餅又唔咸，成個飯好有誠意，雖然等咗25分鐘，系值得既👍。食完呢個飯好滿足呀😍仲有叫咗霸王雞飯，雞夠滑，又係珍珠米😋👍佢哋午餐會轉款，所以今次食到，下次再去唔知食唔食返呢啲餐日式吉列豬扒旋風蛋包飯，呢個飯是上星期的午餐，吉列豬炸得好，調味好唔會好咸，旋風蛋做得好靚👍 又系都有配菜👍👍總括我哋好滿意呢間餐廳，我覺得佢哋做出來既食物好有誠意，唔系hea做，午餐晚餐都好食。希望佢哋可以keep到水準👍…Read More

昨晚第一次來咗呢間cafe 2.0 晚餐，睇咗openrice 好多好評，終於冇中伏，真係幾好食🤗👍，而且啲嘢好啱我哋食，阿仔仲食得好開心💕我哋叫咗雜扒餐，西冷扒餐，龍蝦汁海鮮天使麵，最後加咗$25 心太軟（明知好邪惡，但唔叫又唔抵，餐加$25 真係好抵，出便食唔止$25啦）雜扒餐 - 超大份，啱晒食肉獸😋，有豬，牛，雞，蝦，配菜又多👍西冷扒 - 以為會系薄切，點知唔系，系厚扒😲而且又係配菜多，阿仔講返西冷扒，有肉質，唔似用好多粉“醃”過，有肉味。最後加$25，叫咗心太軟，雖然+$25, 餐廳都唔會hea做，有晒擺盤，掂。呢餐阿仔食得好滿足，好開心😋😋🤗龍蝦汁海鮮天使麵 - 好好食，蜆同蝦大大隻，份量夠👍整個天使麵食落好fresh😋總括呢個晚餐，我哋食得最最最滿意既一餐👍😋，唔伏，有驚喜，最滿意就係佢哋做出來的食物有誠意，好似好簡單的配菜，他們也會俾足料，牛扒也是，唔似其他一般餐廳，俾啲雜豆或2舊西蘭花。仲有他們跟餐的餐包是“丹麥吐司”呀😊😊真係驚喜，佢哋烘熱之餘會塗埋牛油，而且出便買既“丹麥吐司”唔平啦，所以佢哋既食物有誠意。而且每個餐既價錢絕對對得住個價，唔貴，抵食，又冇加一。另一個我喜歡他們的食物原因，是因為我食完唔覺口渴，他們的調味好恰當。希望他們繼續keep到水準，加油👍👍（值得一讚，尋日有個女侍應，佢服務超好👍)我哋會搵個星期六日試下佢哋既午餐，我哋埋單時，睇到佢哋既午餐也有好多選擇，中式客飯，西式既又有。…Read More

呢間觀塘紅茶分店在2019年已去過2次，分別午飯和晚飯時間,我都有寫過食評話唔錯。相隔一年，上星期再去晚飯，質素及晚飯款式已大不如前，只可2個字形容 “好差”！👎👎 差到我老公邊食邊講粗口😣。質量hea爆，價錢同質量，份量唔成正比👎我哋分別叫咗：1. 鮮茄焗豬扒飯 - 唔覺有鮮茄，個汁好假，好求其。豬扒一望就知唔靚，個色好梅，冇咬口👎 個炒飯底就冇咩大問題。2. 黑椒雞扒焗意粉 - 呢個最正常，最唔伏，意粉有咬口，唔系淋pat pat 嗰啲。3. 戲肉來了.......叫咗佢地既是日晚餐“雜扒餐” 跟西湯。👎👎👎👎伏伏伏。首先，西湯，稀到呢.....一定系溝水再溝水囉😣😣。跟著所謂“雜扒” 仲衰過阿仔學校送來嗰啲午飯盒😤 “雜扒”有一魚塊薄chit chit既炸魚塊，一塊薄chit chit 煙肉，一塊又系薄chit chit 既豬扒😣。魚塊好薄，好厚既麵包糠加上炸燶咗👎煙肉好普通嘢囉😒，豬扒又薄又淋，用鬆肉粉醃到淋冇味😖跟飯又少......呢個餐咁既質素收$75😖😖（就算$50都嫌多, 跟本唔值呢個價👎）呢個所謂“雜扒” hea 到唔hea, 頹到一個點，大佬呀，收$75架，凍飲要加錢架，$75食呢啲咁既嘢，不如我去大家樂，大家樂一定好過佢；阿仔學校飯都好過佢。呢個咁既雜扒餐，不如在家自己整好過😒 呢餐飯，我老公“小”到由餐廳返屋企，訓醒第二日仲“小”, 第二日我哋去返一間有質素好既西餐食扒，要順返條氣😅。呢間紅茶分店晚飯冇中式客飯，款式又比以前少，我以前食過既都冇咗喇😒，加上晚餐質素真係好差，中午飯就唔知。其他2間分店仲好過觀塘呢間，總結觀塘分店我哋已Black List 咗，就算中午飯ok都唔會再去了，我對呢間分店好失望😒👎…Read More

昨晚又是一行3個去咗呢間十分唔起眼既酒樓，通常屋村酒樓比較隱閉，估唔到個門面大光猛，環境舒適，可能疫情少人出去晚飯，所以坐落好舒服唔嘈，而且我地坐落地玻璃位☺️☺️講返呢度既食物，份量好足，唔怕食唔飽，我覺得每樣餸都好好食，我最怕食好多味精嘢，呢度唔系喎，食完唔會口乾，味道唔會好咸，呢度廚師有返水準，希望酒樓繼續用呢個廚師😅我地叫咗呢幾樣餸：1. 雜錦燒味拼盤 $148（有海折，雞，义燒，燒鴨）义燒，燒鴨真係好好食，初初以為拼盤有燒肉，原來冇😅聽講呢度燒肉好正，下次一定要叫個燒肉先😬2. 優惠價有5款選一，揀咗燒雞$68/1隻（阿姐極力推薦）真係好好食呀，雞肉滑皮脆，唔咸，話說早2星期前在燒臘店買燒雞，嘩，咸到呢.…要用水沖咁濟。跟昨晚食既燒雞，真係差太遠了😁3. 仔仔叫既，椒鹽鮮魷，$96👍👍👍👍嘩，份量都多呀，唔油，唔會炸得好熱氣，魷魚大大塊，真係得👍👍👍4. 囍悦小炒皇$98，呢個系佢哋推介，姐姐話好好食，份量真係夠，好食，又系果句，唔咸😅 我食咗好多，返到屋企都唔會搏命飲水👍最後燒雞要打包，只食咗5舊咁上下，其餘既餸清晒冇浪費😬😬最後，原來有糖水送，紅豆沙😬😬雖然話送，但佢地一啲都唔hea, 好香陳皮味，又夠豆，唔系水汪汪果啲，我食埋阿仔嗰半碗，食咗1碗半😬。佢地既燒味都做得好出色👍👍👍總括來講，呢度食物廚師有水準，希望酒樓keep住水準，多啲人幫襯。而家好多酒樓一間接一間冇咗😔，以前食開有間好好食既都冇咗。我離開果陣，望下人地叫咩，嘩，大大份既咕嚕肉，上湯長腳蟹伊麵，仲有雞煲，好似樣樣都好得咁喎😅下次試埋佢地既點心☺️昨晚食得好滿足。…Read More