noviaccc's Profile

朋友想食小菜就搵下有咩大排檔好食，記得幾年前去過萬發，見咁耐無去就再試下先。去到要去排隊，前面大概十幾人左右，願意搭枱可以快啲入座，我地人唔多所以只叫左幾個小菜。咕嚕肉咕嚕肉啖啖肉，上枱熱辣辣，肉唔韌，酸甜適中。蒜蓉粉絲蒸扇貝扇貝肉好厚身 鋪面粉絲可以再多少少。椒鹽鮮尤拼九肚魚呢個炸得唔夠好, 好油，無咩椒鹽味，食食下覺得好膩。蜜糖黑椒薯仔牛柳粒雖然話係必點但有點失望，薯仔好多，無咩牛柳粒，而且牛柳粒比較鞋。…Read More

最近好想食串燒，朋友推介左呢間好多特別款式嘅串燒店，仲有好多分店選擇，旺角分店鋪頭唔大，入座後都差唔多full曬，所以最好預先訂位。焦糖青蘋果鵝肝多士 $108包底係芝士包，鵝肝燒到好有油香，配青蘋果食唔會膩。免治雞肉軟骨棒 $38雞肉配有軟骨嘅脆口，配醬油生雞蛋更滑。厚切鹽燒牛舌腩 $48燒得啱啱好 厚切咬落勁爽口, 必叫！豚肉節瓜波板糖 $38豚肉夾住節瓜一層層卷成波板糖形狀夠曬特別，豚肉唔會好肥，配埋蛋汁食落去好惹味。鹽燒白鱔 $48白鱔夠肥厚身，塊皮燒到好香口，唔使太多調味已經好好味。牛油蜜糖蕃薯條 $38炸過嘅蕃薯條再加牛油蜜糖，本身蕃薯條已經好甜，好食！…Read More

食完晚飯好想食甜野，本來想再食pancake但星期三全日都休息，所以揀左深水埗好出名嘅綠林甜品。去到唔full所以可以直接入座，有幾樣野都想試下但最後選左芒果汁西米同蛋白燉鮮奶。芒果汁西米 $46西米幾有咬口唔會稔，個人幾鐘意呢個口感，芒果汁都幾甜但唔係係加糖水嘅假甜，食落幾舒服，但略嫌浸住西米嘅水無乜點隔走，所以個底都幾多水令到成碗糖水有點淡。蛋白燉鮮奶 $30奶味幾濃，唔會太甜，但凍食唔夠滑。食熱嘅應該會更好。…Read More

工作關係經過九龍灣，夜晚做完野一個人搵食，突然間醒起想食好耐嘅肥仔米線，由於果晚做完野比較夜，去到鋪頭可以直接入座，平時係經常排隊架！ 本來想叫豬軟骨同豬紅，可惜太夜已經賣曬😭咁就叫左小鍋米線加腩肉(微辣) $39每次叫完廚房都係逐碗煮！上枱熱辣辣，平時食開小辣係肥仔通常叫微辣因為覺得呢度嘅比出面嘅辣，米線煮得啱啱好唔會太稔，腩肉好入味，唔會勁多肥膏又唔好乾爭爭，而且份量都好多！酸辣湯底唔會太咸，有好多酸菜，鐘意食酸所以呢個湯底好啱我，仲有芽菜、韮菜、肉碎等。成碗米線份量好多，食完會超飽！…Read More

放工約左朋友係深水埗附近，朋友最近係網上睇到有呢間梳乎厘pancake小店，睇到相覺得好吸引就緊係要去試試啦🤩小店模式經營，店外有大概6個位置可以比客人堂食，我地都唔係住附近同埋梳乎厘pancake緊係即時食先好食所以一定係揀堂食。門外有menu睇，好快就已經揀左海鹽芝士($45) 同埋焦糖花生($45)。海鹽芝士就係平時茶飲店嘅芝士奶蓋+咸蛋黃餅碎係面。一食個pancake好有驚喜，pancake好厚但超鬆軟有蛋香，而芝士奶蓋整得好好食！夠杰身。餅碎雖然無咩咸蛋黃味但增加口感成件事好match! 焦糖花生係普通奶蓋加焦糖同花生。呢個奶蓋相對比較普通，焦糖味可以再濃d。由於海鹽芝士太出色所以呢個相對較普通。menu仲有其他款式都好想試，期待下次再試其他味道同埋encore海鹽芝士！…Read More

大角咀有好多推介嘅餐廳，朋友就推介咗呢間叫辣雞製造。餐廳有室內位置亦有室外位。安排入座嘅時候見到店員處理緊d烤雞，原來皇牌嘅烤雞係機內風干完2個鐘後先拎去烤再揸上麥芽糖，聽完之後非常期待！-皇牌爆汁烤雞 $288 （需預訂）果然係皇牌，烤雞上枱時金黃色好香, 仲keep住滴緊好多肉汁，一路剪開隻雞一路有大量肉汁爆出黎！食雞最怕食到好鞋嘅雞肉，但呢隻烤雞無論食雞胸、雞髀定雞翼位都係超juicy超嫰，雞本身唔會有好多脂肪，所以雞皮都烤到脆身亦都帶點麥芽糖嘅甜，好好食！配埋一盤有10款唔同嘅辣粉/醬汁，個人最鐘意配薑蔥蛋黃醬同蜜糖芥末食，辣粉當中試左海鮮味，如果鐘意食辣可以挑戰埋1百萬度辣椒油！一大班朋友黎到仲可以一齊玩個轉盤睇下邊個轉中一百萬辣度🥵-香辣豬軟骨煲 $78本身好鐘意食豬軟骨所以叫左呢個煲，豬軟骨份量好多，煮得好入味軟骨有咬口唔會咬唔開，醬汁見到好多辣椒籽但又唔會好辣, 帶有輕輕嘅麻辣味道，係底嘅洋蔥同青瓜吸曬d醬汁都好好食！-魔鬼魚塊 $88第一次食魔鬼魚，炸得好滑同埋軟骨一齊食幾特別，推介大家試試。-甜甜蕃薯條 $68基本上我地每次食飯都會叫薯條類，今次見到蕃薯條即刻決定要叫，蕃薯本身已輕好甜，炸到好脆, 外脆內軟，配埋黑松露蛋黃醬, 簡直食到停唔到口！-Golden Eye(mocktail) $58-New Jack $58飲品好多選擇, 有酒精無酒精果汁等等都有。店員服務好好，細心介紹menu又推介佢地嘅招牌/特式菜。食物上枱時都會介紹每種醬汁/辣粉等。下次要再去，因為仲有好多菜式想試！…Read More

平日係九龍灣約左朋友食個lunch, 唔知食咩好就行左去德福二期嘅foodeli，入面有唔同國家菜式嘅餐廳，睇見好多人都食緊呢間台灣野就試下佢啦。睇過佢個menu性價比都唔錯，有各款湯麵、拌麵、飯等。最後選左鹽酥雞配湯麵（台灣麵）$49，跟麵可半價配飲品, 選左珍珠奶茶(+$14) 再 配多款小食甜不辣(+$9)。台灣麵係粗扁麵，唔會煮得太稔幾好，湯底夠味。鹽酥雞夠熱肉質嫰唔鞋，份量亦好足。甜不辣都煙韌不過食落就有點粉。珍珠奶茶 雖然無咩茶味但珍珠幾好咬。…Read More

每次去元朗都會去買杯夏茶飲，因為真係得元朗店，自從佢地休息完再開返後一直都未有機會再飲到，終於今日就飲到喇。下午去到店鋪得幾個人，好快就可以落單，之後再等幾分鐘就拎到野飲喇夏茶真係杯杯都好吸引，又有好吸引嘅期間限定，係選擇困難症下最終揀咗人氣top 3芝士椰子雪沙$45，椰子雪沙一貫打得好細滑唔會飲到成口碎冰，飲落仲有粒粒椰子肉，椰子好清甜好fresh，面層芝士奶蓋味道都無失望，不過今次好似唔夠以前飲嘅厚身。仲有好多想試，希望好快又路經元朗再試啦。…Read More

同朋友係德福搵地方食lunch, 因為想食越南湯粉就揀左好耐無食過嘅錦麗，平日中午12點幾去等一張枱，幾分鐘就入得去，食嘅途中就開始要排隊了。雖然搭枱但係有板分隔，餐廳係用QR code點餐，仲有wifi提供。胡志明綜合粉 $74綜合粉有熟牛肉、生牛肉、牛丸。生牛肉上到枱仲有少少粉紅，都算嫩；熟牛肉係牛腩位置、煮到好稔唔會咬唔開；牛丸同以前食開嘅唔同曬，以前咬落去會有牛汁但呢個無，有啲失望。河粉算滑但湯底偏油。…Read More

想試左好耐既台式甜品店，之前經過其他分店都大排長龍而放棄左，今次夜晚係旺角再去，門口大概排左4-5組客人，先落單再安排入座，由於店入已經有空位，所以一路排一路諗食咩，幾分鐘就可以入坐喇。五式牛奶冰 (選配5款配料) $58揀咗芋泥、芋圓、仙草、小丸子、珍珠黎到比想像中大碗，賣相好靚，配料好多好豐富，牛奶冰夠晒牛奶味，食到中尾段就算d冰溶曬都仲係好牛奶。芋泥好實淨，食到粒粒芋頭。芋圓有三色，食到原材料味道，軟硬度適中仙草好滑 小丸子同珍珠都好煙韌，珍珠帶點黑糖味。下次會再黎！想試更多其他款同唔同嘅配料！…Read More

去到K11 Musea想食個Quick Meal, 所以落左去food court睇下有咩好食，記得曾經見過有人介紹呢間所以就揀左佢啦！濃厚海膽稻庭烏冬 $148當初就係比呢個烏冬吸引左，仲係店長推介，但一食個烏冬已經有d失望，因為個烏冬好稔😕個烏冬有d辣，好彩個海膽醬味都夠濃，面頭有少量新鮮海膽同魚子，兩樣都新鮮唔會腥。泰北冬蔭蝦稻庭烏冬$118食到好多冬蔭功嘅材料，冬蔭功味道都夠，酸酸地幾開胃，配料有3隻蝦幾新鮮唔錯。香濃明太子稻庭烏冬 $118成日食明太子意粉，今次試配烏冬啦，面頭有d櫻花蝦好香，但個醬汁太濃奶味，個人唔太鐘意，食左幾啖就覺得好膩喇。整體賣相好好但烏冬個質感有點失望。…Read More

假日去玩前先同朋友食個午餐，太掛住台灣既關係首選台灣菜 九份飽。假日排左一陣就可以入座喇叫左出名既魯肉飯(小) $33好鐘意食魯肉飯，魯肉有肥有瘦，份量夠多可以撈曬成碗飯食，小碗份量對女仔黎講都夠晒飽！每碗飯都配有黃蘿蔔，食食下覺得膩食下就啱晒！小食：甜不辣$36係台灣成日都要買黎食，係香港試過好多甜不辣都唔好食😕 九份飽呢個有兩種形狀嘅甜不辣，個人鐘意圓扁形切開果款，圓柱形既係香港比較常見，都彈牙！而且新鮮炸起配椒鹽好食！主食加$10可選指定飲品蜂蜜線茶 叫左少甜 飲品就普普通通啦…Read More

朋友提早幫我慶祝生日，想食西餐就揀左食過幾次既Pici, 餐廳必須齊人先可以入座，朋友留左名，人齊即時入得！每次都係叫Tasting Menu $290 per person 由於3個人所以可以選3個starter, 4個main & 3 dessertstarter:Tuna Tartare吞拿魚好新鮮，酸酸地既調味好開胃meatballs有3大粒加埋parmesan cheese係面，配蕃茄醬汁，homemade meatball唔會乾 啖啖肉好滿足cold cuts每次都會叫既cold cuts, 最鐘意ham, cheese就還好pasta:Lasagna都係每次黎必點既，熱辣辣焗起上枱，超多芝士同肉醬，三個人分啱啱好唔會溜！Tagliolini Truffle基本上每枱都會叫，pasta唔會煮得太稔，面頭刨左一堆Truffle，醬汁creamy好食。Hand-Cut Pappardelle Pork Ragu呢個寬條麵好味，可以掛到好多醬汁Pasta of the day當日係蜆肉pasta 蜆肉新鮮tiramisu 三個都選tiramisu為甜品，唔會太甜芝士好滑，略嫌個餅太多咖啡太濕，不過整體係好食。由於朋友同左餐廳講慶祝生日，所以上甜品時會有幾個職員唱埋生日歌(少少尷尬)😂同時會幫我地影張即影即有留念 送上相時會連埋一張餐廳coupon, 好sweet! 推薦大家黎Pici慶生。…Read More

星期六下午睇戲前搵地方食午餐，本來想去食人氣餃子，但太多人唔夠時間等位喇，所以就選左文記車仔麵。去到都要排隊前面大概5-6人啦。睇下食咩好快就可以入座啦。座位非常擠逼 基本上要縮埋咁食先得😅用電話落單比埋錢都好方便。魚肉 蘿蔔 花膠 瀨粉 腩汁底配辣汁見佢地有十大堆介 就係當中選左呢3款魚肉 彈牙 唔會腥 個人黎講幾鐘意蘿蔔清甜無渣好味花膠分量較少 下次唔會再叫瀨粉好少見 雖然唔係太夾車仔麵咁但都叫左，幾有驚喜 粉好滑唔會碎濕濕，下次都會想食！雞翼 魷魚 酸齋 油麵 腩汁底配沙嗲汁雞翼大大隻 好稔好入味。 魷魚份量好多 好爽彈牙。酸齋酸甜度剛好 吸埋湯一流枱前有好多唔同調味醬汁可以落，試左個辣菜甫好惹味 唔會太辣，落入碗麵度食好夾。會想再黎試多d唔同嘅餸…Read More

突然想食炸雞就約左朋友放工去尖沙咀Red chicken, 去到要等位，等左15-20分鐘先入座。半半炸雞（甜辣醬+秘制蒜香醬）$178甜辣醬唔會太辣，但蒜香醬更出色，蒜味好濃，再配d蜜糖甜味好食，雞好juicy好味！五花腩配泡菜 $148五花肉好厚切，份量都好多。肥瘦均勻唔會淨係得肥膏，本身五花肉已經有味，再配埋泡菜食超夾唔會膩，泡菜就咁食都好好味，唔會太辣，可惜無得就咁叫泡菜😅仲叫左碗拉麵不過怕稔所以無影相就食😂 都係普通拉麵啦無咩特別。…Read More