座位非常擠逼 基本上要縮埋咁食先得😅用電話落單比埋錢都好方便。
魚肉 蘿蔔 花膠 瀨粉 腩汁底配辣汁
見佢地有十大堆介 就係當中選左呢3款
魚肉 彈牙 唔會腥 個人黎講幾鐘意
蘿蔔清甜無渣好味
花膠分量較少 下次唔會再叫
瀨粉好少見 雖然唔係太夾車仔麵咁但都叫左，幾有驚喜 粉好滑唔會碎濕濕，下次都會想食！
雞翼 魷魚 酸齋 油麵 腩汁底配沙嗲汁
雞翼大大隻 好稔好入味。
魷魚份量好多 好爽彈牙。
酸齋酸甜度剛好 吸埋湯一流
枱前有好多唔同調味醬汁可以落，試左個辣菜甫好惹味 唔會太辣，落入碗麵度食好夾。
會想再黎試多d唔同嘅餸
