ohgisy的个人专页

平時成日經過見到黑蚊蚊都無為意到，原來有間咁吸引既cafe!!上網睇到相之後覺得甜品非常之吸引，於是乎即刻約朋友去食！好好彩又係唔使等位，叫咗個主食，炸豬扒恰到好處，唔會乾，入口又酥脆！非常之推介。甜品叫咗Tiramisu，非常濃味，食唔夠，差啲要同個friend搶呀！另外仲叫左伯爵茶pancake！一啲失望都無！！！好fuffy, 入口滿滿既滿足感！飲品都唔錯！下次再去試下其他野先推介！不過地方比較細有限時！…查看更多

某日睇醫生經過，原來呢度有間咁大間嘅Shari Shari, 入到去環境超舒服，應該係去過銅鑼灣尖沙咀旺角當中最大嘅一間。當日平日晚上仲要咁啱在場嘅人都靜靜地冇人大聲傾偈，非常舒服咁嘆返個冰，非常足料！好食.…查看更多

咁啱行過見到有間較為隱蔽嘅西餐，抱住嘗試心態入去叫咗兩份嘢食，兩杯嘢飲，完全冇伏，非常之有驚喜。本身好驚寫比較Creamy的意粉，但係意粉完全不會膩，材料仲好足，食完一碟都完全覺得冇問題！嗰日突然間唔想食牛肉，膽粗粗叫咗個豬鞍，以為豬肉一定會嚡熠熠唔好食，點知原來喜出望外非常之有驚喜！冇諗過豬都可以煮到咁啱啱好完全不柴！嘢飲方面都有好多選擇，亦都有清新之選，叫咗一杯茶同埋一杯酒！兩杯都非常好飲下次會再去試埋佢其他菜式！…查看更多

1. 半半炸雞
徹底解決「想食兩款但點兩隻太貴」的世紀難題！
點左黃金蒜香同韓國醬油，香口不油膩2. 魚介湯鍋
呢鍋真係全場真正既變態！勁大鍋，各式各樣嘅魚糕配清甜湯底！正！3. 芝士蟹籽蛋捲（$72）
蛋捲一上桌已經聞到蟹籽香，蟹籽多到瀉出黎！4. 芒果雪冰（$62）
壓軸甜品完美洗炸雞油！雪花冰幼滑到像棉花糖，芒果切到厚厚一舊舊，口感超好！真係無誇張，係香港少有性價比高既韓食，普遍韓國餐廳定價偏貴，仲要少係咁打卡able! 同朋友聚會仲可以飲返兩杯傾下計！…查看更多

平時經過即使附近咁多選擇都會揀呢間，因為由開店到今次之前都未中伏。但係！今日係超中伏！首先，我叫左外賣自取，去到比店員睇，原來店員係可能唔識講野，望一望轉頭身再等一陣就放低杯野飲，全程一粒聲都無出過，面無表情。因為平時最鐘意飲呢杯「莓好相遇」$48，貪佢由一開頭有幾粒士多啤梨咬下，到後來得返一兩粒都算！今次真係好嬲！以往透明杯係可以打開再攪勻黎飲，可能而家唔比用膠（但係膠飲管黎架），密封左個杯，但係無諗過要飲完半杯好淡既奶再飲半杯好甜既士多啤梨醬。無預計要打開個密封既膠黎攪勻？如果因為膠既問題，起碼店放出黎既相可以改下？店員可以講聲？拎到呢杯$48既沙冰，真係呆左，無下次！…查看更多