小's Profile

難得平時食海南雞嘅品牌有新開茶餐廳我反正平時早餐已經食到厭就去試吓新嘢一直聽附近工作的人對新店風評都說不太好心諗應該係新開業員工未熟習環境所以場面混亂，質素參差🧐諗住開咗兩三個禮拜，應該乜都上手啦點知佢真係可以做到咁貴又咁差㗎喎😅認真賣相唔錯但金玉其外敗粹其中杯凍奶茶係我嘅工廠區茶記最難飲嘅👎🏻明明係爆冰但係好似溶晒冰咁淡茶味🥶口感又冇厚度又冇奶嘅香滑多士又冇乜蒜蓉香草味最犀利係我個牛脷係酸醙㗎🤦🏻‍♂️試第一下係懷疑，咬過第二件即時吐出來🤮又冇服務，大家樂咁樣櫃面買飛😅仲要收得唔平，早餐比隔籬左右貴5-10蚊我真係諗唔到再坐低食嘅理由🙈最多只可以幫襯海南雞湯麵拎走門口嘅打卡位唔應該寫『我係肥仔』應該係寫比客人影相『我係傻仔』冇錯海南雞真係OK 㗎其他就真係⋯⋯…Read More

剪完髮諗住去麻雀館條街買外賣酸菜魚點知門口成堆人等緊位同等外賣見到隔離有間新開嘅韓式外賣店有好多唔同種類嘅泡菜售賣好似去咗尖沙咀韓國街的小食店屋企人又肚餓所以馬上轉軚包裝整齊，好企理可能始終舊區收費比較便宜食飽一家五口都係$400左右韓式脆豬腩肉，鬆脆香口，老人家10分讚賞，配合韓式辣醬同生菜包埋一齊十分滋味，可惜店家未有旋片辣椒提供，唔係就完美喇韓式一口炸雞鬆脆多汁店家好細心醬料分開俾我，以免影響外賣炸雞嘅脆皮，不過略嫌唔夠甜韓式飯卷起初想買牛肉味，點知已經售罄，店員姐姐推介我食牛油果飯卷，口感味道出奇地夾，後悔冇買多一條炒粉絲分量十足不過俾小朋友食晒，我只係食咗一啖😅順帶一提有韓式超市的各種醬菜現場售賣，質素跟尖沙咀韓國街的差不多買了醃魷魚、蘿蔔乾送飯一流…Read More

遲來的一篇食評(之前餐廳open Rice未有戶口)悠閒的大假就嚟放完，見報紙話勝利牛丸不敵貴租😱，一心走入去元朗送別，點知男友話其實勝利牛丸唔係執笠😓，仲有分店繼續經營，所以只係買咗磅牛丸就走咗，過埋去恒香買老婆餅，佢就話不如返出市區，我咁艱辛搭成個鐘巴士入嚟梗係想周圍行下，咁岩之前在FB見到有間新餐廳開張，就捉咗佢過去試試。小店定價比一般低，香港已經好少有，我一定會再來支持，加油👍🏻👍🏻…Read More

已經第二過來食喇，之前新開張時同男朋友食過覺得幾好味抵食😍，今日見過開嚟探朋友再來試試星期六丶日先有的Brunch ，兩個人見落大雨走唔到食咗三個餐再加甜品，點知埋單都係二佰幾咋😱，最衰唔係咁近我屋企，😭如果唔係應該可以成日過嚟⋯⋯…Read More

，以前在地鐵站口的街邊檔，搬入鋪頭後定位明顯提高了，好像請多了師傅，出品風格亦趨多元化，連近期大熱的韓風潮流都沾了一把；食物種類比一般串燒店多，有點出品擺碟比西餐廳還好，食品質素亦有用心進步，雖然處於橫街小巷內，亦見很多熟客帶朋友過來，整體性價比不錯…Read More

好耐冇過大角咀，朋友生日想食扒，一班人諗住平平地就過來金船長食，雖然好耐無嚟食過，餐廳老闆居然還應得我們，話因為我們全部都是大食怪😓，但十年人事幾翻新，餐廳職員都換人了，好在難得出品水準未見下降，一行八人點咗白酒煮青口x2 洋蔥煙肉焗廣島𧐢x2 黑松露Pizza x2 Burgar x2 蜜糖豬手x2 石斑魚x2 CAB西冷扒及美國豬𩣑扒各一 松露意大利飯一客初期大家可能都太肚餓，有幾樣野都忘了影相就食咗，但真是好好味，雖然只是一佰多元一份餐，但每様食物都有賣相又好食，尤其白酒煮青口😍，足足要了三客蒜茸包點汁食👍，而且樓面服務亦都好好，另外不得不提老闆推薦的意大利白酒😍，又香又甜又易入口，朋友們飲了3支還要買一支帶走 最後太飽冇叫梳乎厘，用了Tony Wong的生日蛋糕為這餐劃上完美的句號…Read More

同男友到泡泡茶買嘢飲，順便試下旁邊新開的串燒店，裝修骨子，價錢唔平，但有少量精品之作，燒豬頸、雞串一般行貨，全靠店家提供的三式泰汁提味，牛肋肉甚有驚喜👍，有𡁻口得嚟又有油香同🐮牛味；羊架🐑香料味不夠，但肉質嫩滑；茄子用泰國紅蝦米調味可惜火喉未掌握得到，燒魷魚鬚鮮味十足賣相討好，炒通菜大路出品，可以一試，最估唔到燒泰國臘腸香甜惹味👍一試難忘，反而店家推薦的清邁腸只有香料味未合港人心水，三式泰汁水準一般，略為稀身，未夠惹味，但小店用心製作，應該有改善嘅餘地⋯…Read More

和男友在家重溫三嫂個飲食節目錄影，睇佢吹到男友家樓下賣垃圾嘅金乜大有幾巴閉，睇到🔥火到嚟埋😡，口淡淡又諗唔到食乜，又費事落東大街排隊食垃圾，男友突然問我食湯粉好唔好？偷偷走去愛秩序灣我睇唔起眼的燒烤店買外賣，買嘅居然係我唔好嘅酸辣薯粉，另外加了一份✨邪惡嘅炸豬油渣拌食✨點知食落對版仲好味過旺角同東門嗰D，不太辣又有麻香，薯粉又夠煙un👍實在值得一讚，仲有強國重口味燒烤，豬腩肉🐷外脆內軟茄子同雞翼比坊間惹味得多，仲有碗類似愛玉的四川冰粉當糖水解辣，相當得意😜；難怪總係坐滿一街食客，可惜訂價丁點也不便宜😓，份量亦小家一點，只可說是租金惹的禍😔…Read More

一篇遲來的食評...十月一日, 和一班相識多年o既舊同事聚舊晚飯. 由當年o既黃毛丫頭, 到今日變成人妻, 咁多年都依然可以KEEP 住聯絡, 呢份感情真係得來不易, 所以當晚聚會我非常用心去搵一間有質素o既餐廳.在公司同事介紹下, 去o左CWB 一間新開o既中菜餐晚飯. 一去到門口, 感覺好華麗, 分兩層. 我地訂o個張枱o係一樓. 入到去, 裝修好靚, 但唔係好多枱, 望真d, 原來有好多VIP房. 呢度幾菜式好精緻, 重質不重量.仲有幾道小菜想介紹, 可惜冇位上載相. 例如清炒河蝦仁, 感覺版肉好彈牙, 同老闆親自即撞蛋白杏仁茶.…Read More

2 月5日,接完男友放工,本來諗住去西灣河食明記,點知冇開,諗起過兩條街有間燈火通明ge甜嫂,於是去試下.我同男友都好肚餓,所以都叫o左幾多o野食,有:甜嫂招牌撈芝麻河粉加牛奶雪糕--大大碗,有好多生果.芝麻河粉雖然有芝麻味,但唔夠Q.甜嫂西米撈--都係大大碗,有好多生果.入面有幾舊哈密瓜,但佢cut 地得好貼層皮,所以食落又硬又無味.另外d西比平時食開ge細粒,但粒粒分明,幾好.焗芒果西米布甸--d芒果焗完有水份,口感好似唔係好夾,但味道唔錯.奶油豬仔飽--好大個,都係個d味law,冇咩特別.四樣o野$100.整體o黎講都算唔錯,本樣都冇咩事,點知問其中一個店員拎張外賣餐單ge時候,就即刻對呢間甜嫂打哂折扣.我好聲好氣問佢"唔該,請問有冇外賣紙ar?"店員回頭望我(眼神唔多友善),用手拍一拍甜品櫃上面裝o左order 紙個籃,示意我自己拎,全程一句聲都無出過,意思好似係"咪o係度law,咁都要問,盲ga?"亞姐姐,我點知你d外賣紙即係order 紙ar?就算我蠢o左,你d態度都唔駛咁差ar ma?話哂我地都幫襯o左一百蚊.o野食已經唔係特別過人,服務態度仲要咁差,係咪唔志在d生意ar?…Read More

七月二十二日晚。男友o係灣仔番工，話呢間餐廳成日都排哂長龍，於是放工去試一試。一入去，餐廳都唔算太多人。招呼我地入坐嘅經理非常熱情，聲音非常響亮!心諗服務都算ok。但當佢一??我地到另一邊場坐低時，我同男友即刻O 哂咀!!我地要o係一個好迫嘅角落，同一對老夫婦搭枱（但其實我見到仲有好多位，不過我地冇出聲。）由坐低一刻開始感覺唔舒服，因為同老夫婦嘅枱實在太近，傾講唔方便，該對老夫婦又好似唔係好想我地坐低，總之就怪怪地!睇o左一輪餐牌，與男友決定叫一個意粉餐，同一個牛排餐。餐係包一個湯或沙律and一杯飲品。食物上到枱當然開始食啦，一路飲湯一路食包。湯無咩問題，個包好好食，因但個放包嘅籃就有D問題，好似有D發霉。其實食物整體都算ok，意粉都算幾大碟幾抵食，牛排就不過不失啦，因為無咩牛味，但未至於難食。之後叫o左一客心太軟做甜品，一上枱已經聞到好香，一食落口，又真係唔錯wor!!!總算o係成餐食最感安慰嘅地方。…Read More

上年同幾個舊同學相約係六國食飯，約定今年再嚟過，BUT........好失望。食物水準差咗，款少咗，仲貴咗。諗住甜品會好D，點知都係咁，尤其係個tiramisu，居然出水，一路食件蛋糕D，就一路發現隻碟好多水，酒店都會有咁ge 出錯......…Read More

同男朋友行朗豪坊，煩緊晚飯食咩。上到十二樓見到一間門面裝修得幾靚ge餐廳，門口仲要鬼咁多人，心諗都係大家貪新鮮，人排我又排ge心態，咪又係一間普通日本壽司舖。點知男友話想試下，唯有等位啦。一等就一個鐘，等位其間睇過menu，都有幾款特別ge壽司。終於有位坐喇，等到眼瞓ge我當然喇喇聲叫o野食啦。上菜速度都算快，同埋覺得佢地ge壽司唔同平時出面其他ge壽司，感覺上新鮮D。當晚試咗都好多壽司，印象最深刻係佢地ge Monster 壽司，因為係我覺得最麻麻ge一款壽司，佢都幾大份，一咬落口感覺有D "漏"(絕對唔係因為我食飽咗)，如果佢入面加番D生果，例如芒果咁就好D。…Read More

最近係新鴻基中心附近有工作,朝早會係附近搵早餐食。於是比我發現呢間餐廳，一朝早八點幾已經好旺，所以我覺得食物質素應該唔差。一入門口D侍應好有禮貌、，個餐牌有好多選擇，真係好正。另外值得一提ge 係佢地D三文治外賣,全部即刻整,好新鮮。當中有一個係菠菜雞茸，我係出面都未見過，所以買咗一份試下。一份三文治加一杯O野飲都係$15。真係好抵。…Read More