kevinhosos's Profile

叫咗一份caesar salad,冇乜特別,係配料比較少…一份risotto,正正常常,都係配料比較少…一份烤斧頭豬扒,嗰件豬扒,切落去手感已經非常有問題,果然係又梅又柴,條骨就唔夠熟,啲肉直頭可以用刀刮碎出嚟,食一嚿,成個喉嚨啲水份都畀佢吸乾哂,260蚊畀件咁嘅豬扒我,真係離哂大譜,今次黑名單之餘仲要幫手宣傳一下…由於當時仲有嘢未上,費事投訴完畀人加料,所以冇即場投訴,但係我冇食哂啲豬扒,埋單時我有提起,但係個職員只係敷衍咁應我:哦係呀……Read More

最初開嗰時係散叫,第一次食完覺得雖然偏貴但質素滿意,當時好多客,職員都好忙,…後來見佢轉任食都心叫不妙,果然質素下降,選擇種類都減少,而家晚市7-8點都係得一半客,根本策略錯誤啦…樓上樓下做平價放題係人哋嘅事,你自己獨佔高質市場咪ok囉…現場每張枱個設計真係ok嘅,因為爐邊已經係抽風口,所以現場空氣清爽唔會有油煙,食物質素都幾好,尤其熟食羊架同羊肉串,羊肉好淋,另外火鍋肉類種類多,每種肉都好嫩滑,唔會太肥亦唔會韌…最可惜係冇咗豆腐同冷泡茶囉……Read More

午餐叫咗個鰻魚蛋包飯,來到啲飯濕到食唔出一粒粒,仲要好似水咁淡完全冇飯味,蛋熟過龍硬哂,鰻魚好似食緊軟膠咁完全食唔出魚肉組織,連個麵豉湯都衰過人,比一般麵豉湯淺色好多仲要真係冇味,好肯定所有食材貨源係最差嗰種級數,真係超級差…Read More

今晚7:50pm入座，同我地講限90分鐘，落完單5分鐘上哂，已經心叫不妙，沙律同冬陰功可以理解一早整定，但個炒金邊粉肯定齋撈冇炒過，串燒表冇燒過肯定就咁執上碟，味道當然差劣…8:15pm，個女經理走黎叫人埋單話last order，我話"吓？坐咗唔夠半個鐘就last order？"，女經理直行走咗…8:20pm，輪到個男侍應走埋黎話last order催埋單，我入座只有半個鐘咋大佬，個男侍應仲話佢地要收工～請問新都會d餐廳係咪都咁早收？入座時同我講90分鐘，結果25分鐘走黎同我講last order，估唔到7:50人座已經阻人收工～難道佢地老細唔喺香港，所以成班圍威喂？…Read More

鰻魚炒飯，其實係撈飯，好少鰻魚，飯底太濕和風牛肉飯，又係飯底太濕，五塊牛肉其中一塊完全咬唔爛重點係甜品，食落覺得有少少煙灰味，後來揾到刨冰碗底果pad紅豆好重味，好似去完好多人食煙嘅地方之後洗頭時果陣味咁，由於一開始已發現紅豆唔係凍，所以我懷疑食材一早放哂出黎，然後有人喺附近食煙而污染，又或者係有人食煙污染廚房用具…總之我同個經理講，佢入去了解完出黎同我講，佢食過，果d唔係煙灰味，可能係d紅豆蓉來貨廠果度煮燶咗所以有陣味…我覺得都講得通，但半信半疑…後來有做廚房朋友話，應該係有人食完煙返黎冇洗手，將手上煙味染上食物，我都認為呢個機會最大……Read More

尋晚喺板燒郎食完，兩個人埋單$504, 我俾$600佢找，找返黎見到幾張銀紙同一堆一兩蚊，目測十幾蚊，見佢找到咁散都係想人俾多d貼士，我咪留十零蚊俾佢做貼士，結果找完數一數，紙幣只有60蚊，加埋我只找咗63蚊…我即刻揾個侍應同佢講找錯錢，叫返個女人返黎…職員: d散子有3x蚊，入面有5蚊10蚊銀架我: 咁係我睇錯，我本來只係諗住俾幾蚊貼士職員: 咁你係咪想拎返？我: 係呀(其實我幾肯定找返黎嘅錢係冇5蚊10蚊銀)隔一陣佢又返黎，左手俾一個5蚊同一個10蚊我，我一接，佢右手極速夾埋其他散子走咗去，我數一數，一共收返$78, 佢以搶錢方式拎咗$18貼士…本來想再追問，但當時我都趕時間，而且我心諗，呢位估計係經理嘅職員咁樣槍貼士，真係幫公司做臭個名，不如等今日得閒開post, 希望佢老細知道公司運作情況，但如果呢d係跟公司指引做，就請原諒我多事了…Read More