蕭小小記's Profile

今日秋涼很濃，突然想起之前經過厚福街，有個用唔咸唔淡嘅廣東話介紹佢間餐廳，所以決定去試一試。店內環境簡約 空間感不錯由於初嚟埗到3個人叫左幾款菜試下佢d菜名好特別青松亭之路（五花腩凱薩沙拉配特製醬油）仙巖村的秋天 （韓式蕎麥冷麵配特製甜酸芝麻醬）陽光與搜勝臺竊竊私語 （韓式燉牛短肋骨配土豆泥及什菇）纜車中觀賞麗水市 （香煎扇貝配蟶子沙律及海鮮味泡泡）智異山日出時分（生拌牛肉配自製甜黑醋及時蔬）雜貨店購物去野營（迷你燒烤，4款：五花腩，牛肋肉，肉眼牛扒，牛扒）每款菜式由賣相到味道都很出色韓菜同西方菜合併 配合得很到位份量唔算大 要食返澱粉質先夠飽但卻已令嘴饞朋友留下很好印象大家亦一致認同一定會再嚟食👍🏻…Read More

初五提早收工，拿拿聲約埋個老友去食開年飯。大家都係牛魔王，所以就沖去試下616牛肉專門店！到達時間才5點半左右，由於離晚餐時段仲有段距離，所以一踏入店內周圍坐位隨意任選。我梗係要坐近窗邊位望下街景 位置闊落，地方乾淨。先看餐單，真係除左牛肉都無咩其他肉類可選。e度有不同牛肉部位可試，對於我嚟講d名好陌生，不過見價錢合理，所以決定叫左8碟牛，內有7個不同部位（牛駝峰、牛舌、胸口膀、牛心、牛朴肉、牛心椗、匙柄），點都會叫少少菜減輕下罪惡感嘅！:)最好係，佢個枱紙有埋6個d部位嘅時間，好細心囉但令我最驚喜嘅係佢個栗米同黑姬菇，真係又甜又好吃～…Read More

今日跟友人去試這間新開樓上食店。這店雖然在觀塘工業區內，但都不難找。首先，我們先叫2杯Latte, Rosa 同 Hazelnet嘆下先。我們點了三樣菜，「帶子卡邦尼意粉」-意粉軟硬適中，忌廉汁香滑不膩，帶子煮得好嫩滑，我最buy係佢選用厚身煙肉粒，帶有少許煙熏香味之餘不會過咸，亦吃到每粒嘅肉汁，味道好到一口接一口；「蘑菇乾茄黑松露闊條麵」- 選用鮮蘑菇加上混入黑松露嘅忌廉汁而令整碟有著香濃嘅蘑菇味加幼滑口感，乾茄亦做到平衡味覺效果，不錯不錯；「青檸蜜糖雞翼」-選用炸嘅方法，皮脆但可惜未能入味，比較普通。環境簡潔整齊，服務又很好，雖然是新店但食物做得比到驚喜，特別欣賞他們嘅意粉，煮得非常有水準。哈～這店已經列入了我嘅美食名單了，下次我一定要嚐下他們限量嘅海南雞飯！…Read More

初知道這間店是在石硤尾，由一對姊妹經營。每星期日及公眾假期都休息，並不做晚餐時段，而且店內只得十幾個座位，所以很多時都要排隊等約30分鐘以上嘅時間，有時仲要日曬雨淋，但仍有一班捧場客光顧，本人亦是。我最欣賞她們都好用心，全部都係即叫即煮，而且真材實料，碗碗都好豐富，沒有味精。但可惜，因為某些原因要結業。慶幸，她們各自終於搵到適合的舖，而我又可以在嚐她們嘅手勢了。這間舖比之更細而且地理位置有些偏僻，所以找了一段時間才到。營業時間比舊舖更短，只營業5天及不做晚市。好彩到埗後就有位，一坐下馬上看餐牌，幸好大部份跟舊舖嘅一樣，所以即刻叫我最喜歡嘅「蕃茄魚旦腸仔麵」，因為爐具很少而且又係即叫即煮，所以等食都要成約15-20分鐘。首先，嚟個凍咖啡同奶油麥多墊肚。凍咖啡是用小型咖啡機沖，味道不會差；奶油麥多烤得外脆內軟。主角終於出場，如我所講蕃茄湯超濃郁，啖啖蕃茄肉，而且整碗鋪滿蕃茄魚旦腸仔，好足料，麵底用上韓國麵，非常Q彈，而我當然非常滿足，吃到了一頓滿足嘅午餐。:)…Read More

雖然整天下著細雨，但都無損我約老友相聚嘅心情。因為與友人多年無見，所以決定搵番間可以無限時嘅食店盡訴心中情。這是我第二次幫襯，我喜歡這間cafe嘅環境舒服，服務態度又好，但可惜是午餐比晚餐選擇少，所以大家都沒有出現選擇困難症。我們叫左2個set lunch,友人選了南瓜意大利飯拌雞扒，面我則點左紅酒燴牛面額伴麵包條。先嚟個時日餐湯「蘑菇湯」，佢地嘅湯出奇地不油膩亦不杰身，有啖啖蘑菇蓉，味道似飲蘑菇鮮雞湯一樣。但比較起出面嘅蘑菇湯，這湯嘅香味略為遜色了些。跟著係「南瓜意大利飯拌雞扒」，我之有食過佢地嘅意大利飯，甚為欣賞，而我友人亦很喜歡。而我嘅「紅酒燴牛面額伴麵包條」，紅酒汁不太濃配襯起燴牛肉，口感不會覺得很油膩，但牛肉偏乾身又切得太碎，難以用义去食，而且本人亦不太喜歡用麵包條配搭，因為太幼身，不可與牛肉同汁一齊享用，有些可惜。整體上，餐廳環境及氣氛一流，係一個好地方可以友人輕鬆暢談，而且味道算不俗，但希望配搭方面可以改善一下吧。…Read More

今晚難得五位中花可以聚首一堂，當然要食餐好啦！我們選擇左去尖沙咀港威酒店嘅Three擦餐勁嘅！最喜歡就是沒有限制用餐時間，讓我們這班中花可以暢談無阻。因為一星期前已經book左枱，所以不用等已經有位了！一進內已是分得清楚嘅Bar位，首先是海鮮Bar,跟著是沙律Bar，炒麵Bar，甜品Bar, 轉入右手邊是熟食：有中式，印度菜，西式，美式。我本人最愛食海鮮，當然第一時間沖去食即開生蠔，很新鮮但偏細隻。龍蝦和青口很鮮甜，再配埋個泰式汁，prefect match！有長腳蟹，不過偏咸！沙律款式少又普通！甜品選擇多，又精緻，尤其是心太軟，苦甜度剛好，再配上vanilla ice cream 簡直prefect match吖！到熟食區，當然要食鵝肝多士，燒牛肉，燒羊架，燉湯，北京填鴨，四川擔擔麵，喇沙湯麵。因為本人胃部容量有限，未能一一掃哂，唯有寄望下次啦！歡樂嘅時光過得特別快，我們經過3個多小時嘅掃食，除左食飽，仲有笑飽！…Read More

終於等到開心星期六嘞！我同妹妹一早約好一起去學煮飯仔嘞！今天個太陽猛烈到暈，由地鐵行上去cooking studio都只係差不多15分鐘，但我地兩個都已經成身濕哂！好彩對面有間咖啡店打救了我，我立刻跑到對面買杯涷latte飲。我最喜歡看到有層次嘅飲品，好似藝術品一樣！他們的咖啡沒有酸味，但帶微苦，我本人很喜歡。下次來，我一定要坐下來享受享受！…Read More

今日與友人逛街時苦惱著晚餐吃什麼，突然想起了尖東富豪酒店內有間類似居酒居的食店，所以決定去試一試！ 因為我們大約6:30左右，所以去到不用等便有位。雖然在酒店內，但內裡並沒有豪華裝修，而是像一般家庭式的居酒屋，一點都不拘束。一坐下我們立刻點菜，首先當然叫這店出名的食材「鳥」=「雞」，跟著牛肉，豬肉，蔬菜，醃漬，魚乾。在品嚐每一道串燒，都感受到大廚的用心，他把火候控制得宜令每道菜吃起來都外脆內軟，鮮嫩多汁，令人回味！ :) 由於每種食材所用嘅時間火候都不同，所以好與壞，除了食材嘅新解度，都要取決於廚師的手勢同經驗。這店並不是集團經營，又沒有什麼著名大廚，但這種有心的食店已經買少見少，希望他們繼續努力維持水準！  …Read More