ghostbuster's Profile

📍中環識行當然唔會行樓梯，而係用中環行人扶手電梯直上，然後打橫行過嚟啦☺️小小一間舖，有一位帥哥老闆坐鎮，不愁冇客（笑）佢哋主打係飲品，各式咖啡和非咖啡都有，仲有一啲小食今日仲係好熱，所以就唔叫咖啡叫咗杯凍飲 - Tiny Goldfish; 少少一杯梳打水入面放咗粒啫喱金魚，賣相精緻另外老闆介紹，就點咗一件pistachio lamington, 咁身為開心果控嘅我就當然開心啦😂PS 靚仔又可愛嘅老闆剛來香港沒多久，唔係好識廣東話，但係普通話同英文溝通就冇問題；佢建議如果想坐得舒服啲，就避免中午時分至兩點左右過嚟，會比較多人…Read More

📍尖沙咀日本人愛碳化物已經係人所共知嘅事，而當中除咗米飯之外，烏冬同蕎麥麵就最深得我心😍早前，日本某大型網站投票選出最滿意烏冬連鎖店，選民從價錢、湯底、以至整個用餐體驗評選出最佳心水食店；結果毫無懸念，丸龜製麵成為日本國民心目中嘅第一名👍首先價錢方面，佢哋可以用親民嘅價格去供應一碗優質烏冬，仲要係新鮮即製，客人可以睇到製麵流程，拉近距離感同增加食慾另外，佢哋有一套獨有嘅點餐方法 - 客人先點選烏冬及湯底，然後拿起托盤就可以移到自選天婦羅區及飲品，最後再結帳；整個流程非常暢順，今日測試由點餐到付款，只需要花不足一分鐘去到主題，食物質素 - 由於烏冬係每日新鮮製造，所以食得出好彈牙，再加上濃郁嘅清湯底同埋牛肉，已經可以成為一碗好好食嘅烏冬🍜再加上佢哋喺口味方面十分貼心，喺唔同地區都會製作一啲限定版，例如香港先會有嘅蕃茄牛肉烏冬🍅再加上佢哋有一個自助調味料區 - 客人可以自己加上蔥花、薑蓉、天婦羅脆粒和特製鰹魚醬油等，故可以令到整個用餐體驗非常圓滿🥳PS 最近香港店跟從日本方面新發行手搖冷烏冬，係炎炎夏日一個絕佳選擇（只限外賣；同埋購買後兩小時之內要進食）…Read More

📍中環好耐冇食過咁精緻好味嘅西班牙菜😋La Rambla位於中環IFC 3/F連卡佛旁邊，店面地方偌大，座位舒適寬敞；面對維港景緻，遠眺九龍，仲有分室內外兩部份，一入到去已經有舒適度假嘅感覺食物方面，我哋先點咗幾道前菜，包括avocado lobster, truffle bikini 同uni ensaladilla; 每道前菜都好開胃，易入口，食得出好有水準👍然後主菜方面，大家都冇乜心水，所以就問店員意見；佢就介紹一個off menu - Australian Wagyu T-bone steak; 點知呢個真係極好介紹： 首先主廚會成舊扒攞出嚟俾我哋睇，肉質紋理好靚，大家見到都已經嘩嘩聲好期待，到煎起上盤時即刻聞到香氣撲鼻，牛味濃郁，只係加咗簡單調味（鹽同黑胡椒）已經可以帶出牛肉嘅鮮味，滿分💯最後再食埋佢哋出名嘅churros, 非常滿足嘅一餐PS 順帶一提，佢哋嘅服務態度非常親切，有禮貌而且好friendly, 絕對值得二訪…Read More

📍灣仔平時香港交開電費都不外乎中電同埋港燈，今日就試下過江龍電力公司路易奇⚡️其實佢係一間專食A5和牛嘅台灣高級燒肉店，香港店開咗大約一年左右，今日終於有機會品嚐我最愛嘅和牛😋今日晚餐餐牌係一個套餐， 每位$498，有時覺得唔使揀仲好套餐包括先嚟一杯welcome drink，前菜係他他牛配芝士同魚子醬多士，非常開胃然後開始燒嘢食：包括美國牛舌厚切，同日本A5和牛牛小排；全程專人燒俾你食，唔使自己操勞喺燒嘢食嘅期間，佢哋會再嚟一客日本A5和牛刺身，等你可以一邊食一邊等之後就輪到日本A5和牛月見金磚，我覺得係全餐最好食嘅部份跟住就係雞同豬二揀一，再嚟一客封門柳最後我哋再加錢叫埋佢哋嘅名物真理丼 - 包括A5和牛他他、海膽、魚子醬、黑松露醬同埋蛋黃，建議我哋撈勻嚟食；呢部份我覺得係值得試嘅👍總括整個用餐體驗都幾滿意，座位舒適，食物美味，招呼唔錯，用餐流程都算順暢；但係我覺得有一樣比較可惜嘅係，成個餐食完之後冇甜品去埋尾，你唔可以用一客蛋糕或者雪糕去畫上完美句號，我覺得係美中不足…Read More

📍尖沙咀泰國嘅海南雞飯一向出名，好彩喺香港都可以食到相對平價而又出色嘅地道泰式海南雞飯香港人鍾意食海南雞飯，除咗走高檔路線嘅文華，天天，Chatterbox Café之外，我都好鍾意食水門雞飯位處尖沙咀金馬倫道地舖，好明顯並唔係上述餐廳所攻嘅顧客群，而係針對比較大眾化價錢嘅市場招牌菜水門雞飯$54，轉雞髀肉加$10 ；雞肉嫩滑，再配特製泰式醬汁，非常可口開胃；油飯份量恰到好處，同海南雞相輔相成，但又唔會覺得太油膩；再加上泰式冬瓜湯，入面有胡椒，小辣好味🤤然後可以再加$8配泰式飲品，我覺得無論泰式檸檬茶或泰式奶茶都好有特色，必點…Read More

📍上環原來有啲嘢真係回憶比現實更美好泉章居，幫襯咗都不下數十載；以前會去旺角店同銅鑼灣店食飯，仲記得佢哋嘅鹽焗雞同霸王雞都好好食市道唔好，而家只剩返上環一間店，冇幫襯過；七點左右到達，大約都有八成滿座，感覺佢哋生意都幾好憑記憶點返幾道招牌菜： 先嚟梅菜扣肉，調味濃郁，肥膏同瘦肉分布均勻，梅菜醃得好入味，係咁多道菜中最好食嘅招牌霸王雞（例牌）：唔知係咪期望太高，失望越大；稱得上係招牌，預期會係雞肉嫩滑，雞味濃郁，醬汁調味適中；但事實係落差太大： 雞肉好嚡，未至於完全冇雞味，但係食唔出嗰種鮮味，亦完全冇醬汁，少少乾哽嘅感覺中式牛柳：亦係比較失望嘅一道菜，牛肉比較韌，醬汁遮掩咗牛味黃金蝦：經歷咗之前幾道菜嘅過山車式體驗之後，已經再冇對呢度菜有任何憧憬，而令我費解嘅係，點解咁嘅食物質素都仲有咁多人嚟幫襯，唔通真係就咁賣個名就得？或者可能係真正好食嘅菜式，我哋冇點到🥲…Read More

📍堅尼地城原本諗住同朋友去堅尼地城海邊行吓，點知突然落大雨，又唔記得帶遮，唯有搵地方避雨⛈️Little Cove Espresso喺堅尼地城海旁，冇%咁多人，而且有落地玻璃，採光十足；喺入面睇住啲人街外淋雨，非常過癮🤣佢哋嘅營業時間係每朝07:30至傍晚18:00 , 當下曾經有疑問點解唔做埋晚市🤔（可能係人手問題唔justify去做）言歸正傳, 因為係下午茶時間，所以我哋點咗兩件蛋糕同兩杯飲品, 分別係Laminton, Basque Cheesecake, iced lemon tea 同sencha green tea整體感覺: 食物質素ok, 環境唔錯，夠開揚，可以望街景, 傾偈一流…Read More

📍觀塘同事介紹觀塘區中菜館，今日就等我哋試下有幾好食張公子位於觀塘工業區，地點算稍為隔涉，但佔地全層，座位頗多，屬酒樓格局首先係食佢哋嘅名物，張公子叉燒 - 選用伊比利豬肉，冇筋，入口即溶，上品👍艷影蝦球 - 好新鮮大隻嘅蝦，加上薄衣炸完之後，再沾上檸檬醬汁，外脆內軟，開胃之選公子牛肋排 - 老實講外表並唔吸引，但食落發現原來肉質鮮嫩，充滿肉味，幾有驚喜瑤柱扒豆苗 - 正常發揮，不過不失張公子炒飯 - 以為係普通炒飯一碟，但食落非常足料，每粒飯都炒得均勻，鑊氣好夠，好食最後夥計送咗一客薑汁糕，一客桂花杞子椰汁糕同兩碗陳皮燉雪梨作為甜品；服務態度滿分…Read More

📍中環久不久就會搭船由中環去尖沙咀，但唔細心留意都唔會發覺碼頭上層有一間隱世餐廳Watermark佔盡地利，一行入去條長走廊已經感受到個氣派，然後再擁有270度無敵大海景，無論日夜都可以遠眺維景，加上全部落地玻璃同特高樓底，環境氣氛一流👍食物方面，晚市佢哋有一個tasting menu, $698或$528一位, 但因要照顧各人口味，所以今晚我哋係點咗à la carte 西班牙伊比利亞黑毛豬：肉質軟腍，冇帶羶味，再配以特製醬汁，口感一流龍蝦意粉：龍蝦肉鮮味彈牙，意粉醮滿龍蝦汁😋香煎北海道帶子：另一款必食之選 - 帶子煎得啱啱好，加上炸蒜片，可以帶出食物本身嘅鮮味墨汁意大利飯：配以海鮮，但份量略嫌較少酥炸廣島生蠔：炸生蠔本身已經熱辣辣好美味，再配以檸檬汁山葵乳酪，將食物帶上另一個層次卡邦尼寬條麵：呢個就較為普通，略嫌唔夠beaconWatermark: signature drink, 唔使諗，一定要嗌，影相打卡一流😂Dessert: 甜品方面，分別叫咗tiramisu同芒果椰子蛋白脆餅，去完結呢個盛宴總結嚟講呢度環境一流，服務態度亦非常好，再加上食物有驚喜；今餐都算冇乜好挑剔…Read More

📍灣仔合和新開嘅商場比想像中好行🤗餐廳開喺商場內，除咗日式大型家品店同高級壽喜燒日山之外，呢間充滿和式風味嘅餐廳好多時都要排隊如果唔係知道佢係新餐廳的話，就咁睇室內裝修，感覺非常懷舊：紅色地磚，深木色家具再配以卡位，以為自己喺日本嘅舊式餐廳入面食品方面，亦都係跟足和洋式餐廳一樣，餐牌設計非常日式；主要分小食，意粉，沙律同主菜；亦有三文治，甜品同特色飲品；今日我哋就試咗白肉丸子沙律同日本青椒厚切炸豚肉；食品質素正常發揮，但就係呢種氛圍，所以食得特別開心因為唔太肚餓，有啲後悔冇點到佢哋嘅玉子布丁🍮，下次一定要食返…Read More

📍銅鑼灣身為麵包超人，日本最新開過嚟嘅Truffle BAKERY當然要衝去買啦🤯就連木村拓哉都鍾意食嘅白松露鹽包，係佢哋嘅名物；香港賣$23一個，貴唔貴就見仁見智，不過眼見都好多人嚟排隊買，並唔遜色過Bakehouse除咗佢哋嘅招牌白松露麵包之外，香港分店再加上限定爆餡松露朱古力鹽包，不過我哋去嘅時候冇貨，所以就只係點咗原味再加一個donut最誇張係白松露鹽包每人限購一個，想話幫人買多個都冇，要再排隊（反而聽說試業期間每人係限購三個）講返個麵包，基本上每啖都可以食到淡淡嘅松露味，唔會太搶口，但係非常香；再加上岩鹽，麵包超級軟熟，食完口腔猶有餘韻，極好食👍期待佢哋可以好似Mister Donut咁極速喺各區開分店🥳…Read More

📍銅鑼灣友人話想食壽喜燒，見到銅鑼灣有間關西風壽喜燒就想試下該店採用北海道十勝產A4和牛，唔同部位分別唔同價錢；我哋就點咗極上肉眼壽喜燒套餐，配以前菜，蘭王蛋，日本米，野菜同甜品；本身呢個價錢都算幾吸引甫上枱都覺得幾唔錯：牛肉雪花分布均勻，亦附有食法和步驟；枱上已放好兩支自家製壽喜燒汁和昆布汁自行調味其實如果要求唔高的話，又可以DIY確實係幾唔錯，不過關西風壽喜燒理論上應該係一路煮，然後一路調味，而唔係一支醬汁過；以前食過師傅手勢（例如Mori和伊勢熊）同我哋自己玩真係兩回事，亦唔可以保持到每片肉嘅水準都一樣😅 （當然要請個專業師傅即席幫你煮就唔係收呢個價錢）總括嚟講呢個壽喜燒都算係抵食嘅，又可以DIY；不過要有個心理準備：油煙非常大，食完出嚟會聞到成件衫都係…Read More

📍灣仔祝大家聖誕快樂，新年進步🎉聖誕節食西餐當然最好feel; Trattoria Felino一直喺我意大利菜wishlist三甲之內, 今日終於食到😋店內裝修簡樸，感覺cozy, 但座位又不至太逼；店員服務態度親切，彷彿想話俾你聽佢哋係用食物味道嚟決勝因為第一次光顧，所以好穩陣咁點哂佢哋嘅signature dish先😂Grandma Ida’s Meatballs - 肉丸加上蕃茄醬，味道正常，不過不失，唔算可以衝擊到味蕾嘅感覺Carbonara Egg - 呢個係用蛋黃醬加上pecorino cheese同風乾豬頰肉脆，然後放喺雞蛋殼入面作為容器，玩味十足；味道就真係好似食緊carbonara咁, 有軟有脆有咬口, 好有特色👍至於主菜就係pasta - Tubetti, 短卷意粉配以墨魚粒, 魷魚粒同羅勒，帶微辣好香口, 可以秒殺😋最後當然要叫返個Tiramisu去roundup整個meal; 用餐體驗非常唔錯，期待下一次再光顧…Read More

📍尖沙咀新加坡過江龍空降K11 Artmall, 今日終於有時間去朝聖👏顧名思義，去到一定係叫杯咖啡先啦！點咗杯大latte再配份早餐 - Breakfast Pancakes; 原本好眼瞓, 即刻精神為之一振🤩佢哋嘅營業時間特長，由早上八點開始，直至晚上十點，可以朝啡夕酒午餐方面，佢哋有啲香港獨有菜式，今次就點咗一份虎蝦叻沙芝士通心粉同爆汁牛肉漢堡；兩款味道均屬中上；個人比較喜歡虎蝦芝士通心粉，芝士焗得好香，虎蝦調味亦好，夠哂彈牙另外再點咗一杯Chai Latte; 加咗肉桂香，印度式拉茶，好幼滑好好飲😋然後甜品就分別點咗一份非一般朱古力蛋糕同tiramisu; tiramisu正常發揮不過不失；份非一般朱古力蛋糕就真係非一般咁甜，而係極甜同極濃，再加埋一球雪糕同caramel sauce, 食咗一半已經膩到被K.O.😂 個人意見，如果食完主菜，最好都係一份甜品兩份食會比較理性😅…Read More

📍尖沙咀最近睇咗一套有關親情嘅戲，令人感動；身為子女應該孝順父母，同時父母亦都需要主動同子女好好溝通；好彩我同母親感情要好，今日佢就帶咗我嚟食好嘢🥳凱悅軒位處尖沙咀Hyatt Regency內之中菜館，最近佢哋推廣$388/位兩小時任食點心，用OpenRice app預約有八五折，反應非常熱烈👏基本上一般酒樓有嘅點心佢哋都有，而且賣相精緻個人比較喜歡蝦餃，金錢肚，粉葛鯪魚赤小豆湯，芒果沙律蝦角，XO醬炒腸粉，春卷同椰汁南瓜西米露至於嚟之前比較期待嘅蜜汁叉燒反而比較一般 - 肉質嚡身比較瘦，希望下次會有改善BTW員工服務態度好好，尤其是經理Roy，值得一讚👍…Read More