FoodieKwanHK's Profile

係灣仔收工,約左細佬出黎食晚餐。繼上次食左黑龍之後,今次試另一龍-風龍。裝修係好傳統既日式拉麵店,即係一排座位,望住廚房個款。我同細佬6點前入座唔洗等位,餐廳播放日本動漫歌曲,岩聽得黎坐得都算舒服。我叫左豚骨湯拉麵+餃子,細佬就叫左雞白湯拉麵+辣味蛤肉。豚骨湯拉麵既湯底濃郁得黎唔會太咸,麵身軟硬適中,都可以掛湯。叉燒係另上而且有炙燒過,非常香口,溏心蛋亦都好好味。我有試左細佬個碗既湯,雞白湯既味道多左雞既鮮甜味,限量供應確實係唔同啲。小食方面,餃子都煎得幾香脆,辣味蛤肉好惹味,配合埋啤酒真係無得彈。整體黎講,拉麵同小食都好味,不過對我黎講未到驚豔既程度。下次黎再試蝦味噌拉麵,網上見評價都好好。豚骨湯拉麵套餐(包玉子+餃子) $110雞白湯拉麵套餐(包玉子+辣味蛤肉) $125…Read More

依日見天氣都仲熱熱地,就諗起可以食刨冰。依間係北角站B4出口行幾鐘分就到。鋪頭細細,座位唔算太多,我大約1515到,都要等兩張枱,同埋多數都要搭枱。掃QR落單,整好之後,要自己出去櫃枱攞。搭枱又坐得太入既話,出入都幾唔方便。第一次黎,款款都好吸引。最後揀左蜂蜜豆腐2.0試下,另外叫左隻銅鑼燒。由於都幾多人,我地都等左15分鐘左右先有野食。好大一碗刨冰!!蜂蜜糖漿可以好似我咁淋哂上去,又可以一邊食再一邊加,豆腐味淡淡地,配合蜂蜜既甜蜜味剛好。而刨冰本身又刨得夠細,綿密順滑,搭配灑係上面既黃豆粉,唔會太甜又冰涼。至於銅鑼燒就比想中細隻好多。不過抹茶+紅豆泥本身就係一個難輸既組合,餅皮都幾香軟,幾好味。整體黎講,天氣熱熱地食刨冰絕對係不二之選。依間刨冰既質量好,我同細佬兩個人食,食到最後只係剩返好少冰水。下次可以試下其他味道,只係座位比較迫係硬傷,其他無乜問題。蜂蜜豆腐2.0 $118紅豆抹茶銅鑼燒 $28…Read More

是次深水埗搵食最後一站,嗜甜如我,都係食甜品-梳乎厘。佢地既梳乎厘都幾多款式,我最後揀左酒心Oreo味,另外實在太熱,所以叫左杯芒果沙冰。我落單個陣,職員話堂食即叫即整要等15-20分鐘。佢地有幾張櫈係鋪頭旁邊,所以都可以堂食,可惜無冷氣,得部風扇,聊勝於無。芒果沙冰首先送到,急不及待試一口,確實係冰涼,芒果味都幾香,只係天氣太熱,好快就變左芒果汁😅等左20分鐘左右,終於等到上菜,賣相十分吸引,而且都幾足料。梳乎厘非常軟熟,羹叉輕輕一吉就可以分開,搭配Oreo餅碎,令口感上多左重變化,不過就唔係好食到酒味🤔整體用餐體驗都唔錯,份量合適,味道足夠甜,係用餐環境係後巷(算乾淨)同無冷氣有啲可惜。酒心Oreo梳乎厘 $50芒果沙冰(細杯) $15…Read More

第三站特別啲,去左一間餃子專門店食芝士蛋糕。無錯,其實家後係餃子專門店,不過我朋友話有賣巴斯克芝士蛋糕,於是去試下。店員話嗰日有4款味道可以揀,我睇牆上既餐牌,仲有開心果,藍莓等幾款。不過之前已經食左兩份主食,確實係有啲飽,所以淨係叫左一份原味芝士蛋糕。店員送到黎感覺比想像中細件,不過賣相確實唔錯。同平時食開既newyork cheesecake唔同,依款芝士蛋糕無餅底,芝士味一樣香濃,口感濕潤軟錦,表面有少少焦糖化左,多左一層焦糖香味。整體黎講係好味既😋我單點一份黎講係細件左少少,不過如果食完餃子當甜品食,個份量應該岩岩好。其實佢地既餃子都出名,下次再去就試埋餃子同其他名既蛋糕🤤P.S. 逢星期三全日休息自家製芝士蛋糕(原味) $30…Read More

第二站就去食馳名蛋牛治。其實唔係第一次食,但係每次黎深水埗搵野食,都會記起要食佢。由於佢店面唔大,加上國慶假期,所以去到都要等一陣位,而且要搭枱。當然叫左份蛋牛治烘底。記得 記得 記得 烘底!!!另外叫左杯凍檸茶。同我同枱既4個人都係叫蛋牛治😂可見出名程度。唔洗等好耐食物就送到。香!確實係香!烘底既麵包香,燶邊既碎牛蛋餅既肉香蛋香,仲有少少牛油香味。唔係要影低,一送到就已經想拎黎食🤤影完就急不及待進食,烘底多士香脆,碎牛蛋餅足料,調味適中唔會太咸,同以前食既味道一樣,唔錯。值得留意係設有最低消費,淨係蛋牛治會爭幾蚊,可能要諗吓仲想食咩,或者叫杯野飲。馳名蛋牛治 $24 (烘底+$1)凍檸茶 $19…Read More

放假睇完風林火山,又出去搵野食。今次plan好去深水埗搵食,一共有4間餐廳。第一站,劉森記麵家。依家店出名係依然堅持人手打竹昇麵,蝦子撈麵同鮮蝦雲吞麵都係招牌菜。十一假期,好多人黎到搵食,不過大家都好有共識,食完就起身走,所以都唔洗等好耐,10分鐘左右就有位。叫左一份鮮蝦雲吞麵,另外叫左一份油菜。鮮蝦雲吞大大粒,有鮮甜既蝦,加上有包埋豬肉,雲吞皮又滑,再者一碗有五粒,份量足又好食😋麵既蛋香足而且爽口彈牙,湯都鮮甜,油菜大碟得黎甜,正常發揮。值得一提係每台都有擺既醃蘿蔔,酸酸地帶爽口,既開胃又解膩,有機會一定要試下。整體用餐體驗算唔錯,雲吞麵無超出印象中雲吞麵既範圍,不過都落係好食既區域。有五粒雲吞就係超出預期,CP值算唔錯。鋪頭細細,人頭湧湧,對I人如我,就唔多敢影個餐廳入面🫣上菜都快,大家食得又快,人來人往咁,都幾有香港特色。鮮蝦雲吞麵 $44蠔油菜心 $24…Read More

未夠鐘返工,行遠少少搵左間cafe坐下。依間cafe裝修簡單得黎幾有型,坐低都覺得好chill,好舒服。叫左一件自家製芝士蛋糕,加一杯凍mocha。其實意粉好吸引,不過由於時間關係,留返下次先試,今次食左件cake先。佢地既芝士蛋糕唔係好濃芝士味,食落口感綿密,都幾好味。不過就細件左少少,大件啲就會抵食啲。至於杯mocha,由於平時好少飲咖啡,就評價唔到咁多。原來間唔中咁搵間cafe,坐下chill下都幾舒服,以後再發掘下。自家製芝士蛋糕 $50Iced Coffee Mocha $50…Read More

依朝早想搶Aespa演唱會飛失敗🫠於是出街搵甜品食開心下😋依間係由日本黎香港既可麗餅專門店,有接近30款口味組合可以揀。我揀左店家推薦炙燒焦糖吉士鮮忌廉試下。廚房係開放式,可以睇到可麗餅既製作過程。我當然唔放過,盡可能錄低啦😁可惜最後燒焦糖個part俾小姐姐擋住影唔到🫠未食已經嗅到好香焦糖味,外觀都好吸引。第一口咬落去就係面頭香甜既焦糖配吉士醬,可麗餅薄薄地都幾香。不過因為我點既係吉士配鮮忌廉都偏濕,食到後面有啲淋左。中間食落有焦糖脆脆,令口感唔會太過單調。整體食落因為焦糖其實好甜,不過配搭吉士同鮮忌廉平衡返,所以屬於偏甜。我個人就食得好開心😋下次可以試下其他味道。我諗加啲生果會有更多口感上既變化。炙燒焦糖吉士鮮忌廉 $49…Read More

依間餐廳我早就想試,約左朋友係土瓜灣,見未夠鐘去食甜品當午餐😋餐廳係港鐵啟德站C出口個層,好易搵。閑日中午時間去,都多人食午餐,但唔洗等位。今日目標係食甜品,午餐留返下次再試。侍應帶左我坐中間bar枱,用手機落單。叫左一份抹茶生朱古力芭菲,外加一杯凍抹茶牛奶忌廉朱古力。等左一陣,首先黎左芭菲先,先係比我預期中大杯,其次係非常足料,賣相滿分💯食芭菲最開心就係每樣材料分開食又得,幾樣材料一齊食又得,一路食,口感一直變化。生朱古力上撒了抹茶粉,口感綿密,唔會太甜既抹茶雪糕,香脆的玄米脆片,軟綿綿的鮮忌廉,仲有紅豆蓉,雲呢拿雪糕,抹茶啫喱,正😋杯野飲就相對普通,基本上係抹茶牛奶底,再係忌廉上面淋左少少朱古力醬,期望會有多啲朱古力味,所以有啲落差。整體黎講芭菲好好味,值得再去食,有啲想試下培茶系列☺️飲品就要再諗下揀試邊款再試😀抹茶生朱古力芭菲 $98凍抹茶牛奶忌廉朱古力 $48…Read More

睇完捕風追影之後搵食,細佬話新都城開左間拉麵,於是去試下。排左一陣隊就有位,同細佬一人一碗大盛招牌豚骨叉燒拉麵。叉燒係薄切叉燒,並盛有2塊,大盛有3塊外多1隻溫泉＆多1塊海苔,叉燒食落感覺偏瘦一點點。麵條我感覺係偏硬身少少,都有掛湯,不過不失。湯頭就算好清下,而味道都係清清淡淡咁,鐘意濃味既話就可能爭啲。原本想叫份餃子,點知佢地係蒸餃🫨於是叫左份小籠包試下。食落都係普普通通,下次唔洗叫。整體黎講我覺得一般,唔係唔好食,但無乜亮點。不過一碗大盛拉麵既價位都係$59.9,並盛既話都只係$49.9,平價又飽肚,我接受。下次可以試其他口味,海老濃湯好似都唔錯。招牌豚骨叉燒拉麵(大盛) $59.9一橋小籠包 $19.9…Read More

今次係朋友介紹下,去新都城試下依間中餐館。話係中餐館,但又唔同傳統酒樓,而食物確係唔錯,而且價錢算合理。印象中既冷盤都係細細碟,份量唔多。但依間既拼盤不一樣,一共有9款冷菜,可以揀5款。我地揀左:蒜香四季豆,雞絲粉皮,鎮江水晶肉,虎皮素鵝與海蜇頭。而每一款既份量多,而且味道都好,基本上淨係依個拼盤,都已經可以當一個餸。第一次黎,想叫多啲餸試下,於是揀左平時少食既賽螃蟹😋口感同味道食落真係好似食緊蟹肉咁,加埋有蝦仁,整體既味道唔會太單調,唔錯。跟住要左份黑醋話梅骨,酸酸點點,既開胃又送到飯😋份量係多既,不過每舊骨都細細粒,同埋啲肉有少少嚡口。下次應該會叫啲啖啖肉既菜式😂豆沙鍋餅甜得黎唔膩,外皮都仲係少少脆,唔會淋哂,好味😋整體用餐體驗好舒服,服務員有耐心。依間餐廳會變成我同細佬以後晚餐既選項之一!最想再食係啲蟹粉菜式同其他中式甜品涼菜五寶 優惠價$99 (原價$129)賽螃蟹 $82黑醋話梅骨 $88…Read More

天氣熱熱地,就搵左間有刨冰食既cafe坐下。一入餐廳就有一種熟悉既感覺,原因係佢地用既枱櫈都係香港中小學常見。即係木製桌面下面有個鐵櫃桶個種,員工locker都係以前學校啲locker,連個menu都用單行紙整到作業簿咁,好有特色。Lunch食完炸雞都仲好飽,所以淨係叫左個刨冰,甜一甜,涼一涼。一共有4款刨冰,全部都好吸引,最後揀左芒果小丸子刨冰🥭雖然同meun張相既擺盤有啲唔同,不過係刨冰上面多左朵芒果砌既花,整得幾靚。淋係刨冰上面既芒果味糖漿好香芒果味,酸酸甜甜。刨冰本身軟綿綿,食落涼浸浸,刨冰既底層有啲寒天波波,令到成個刨冰有更多唔同層次既口感😋兩個人食既話,一份岩岩好👍睇其他客人都有叫主食,有意粉有飯,睇落都好吸引,奈何真係唔算餓,只好留返下次再食😁芒果小丸子刨冰 $128…Read More

手撕巨無霸炸全雞！雞油香,外皮酥脆,雞肉鮮嫩多汁！即叫即炸,等多陣都值得👍全隻炸雞上菜視角效果好正,用手撕扯酥脆既外皮既時候,會有清脆既啵啵聲。同時流出香氣四溢既雞油,再加埋岩岩炸起,熱辣辣既觸感,鹽酥雞既調味配搭鮮嫩多汁既雞肉,確實係一試難忘！其實唔係第一次幫襯,試過一次之後成日都想再食多次🤤溫提,炸全雞供應時間:一至五 下午2時30後供應,假期 全日供應。店家仲有提供各式各樣既台灣小食＆飲品。今次叫左兩款,分別係百頁豆腐＆蒜味香腸,都幾好味。觀塘工廈仲有好多好野食,日後慢慢再搵同分享😋手撕巨無霸炸全雞 $198百頁豆腐 $35蒜味香腸 $35波霸奶茶 $28仙草凍奶茶 $28…Read More

終於book到IFC位,同fd一齊試下。入座就已經落好order,埋位等食。以第一次去食既用餐體驗黎講其實好正,係你面前用炭爐烤漢堡扒。炭火烤肉既香味不斷傳黎,令人食指大動。上菜個陣,亦會對食材進行簡單既介紹。官方提供3種食法,分別是原味,配蘿蔔蓉＆配生雞蛋。我覺得第一種原味食法就已經好好味。調味唔會太咸,漢堡扒又唔會過於鬆散/緊實,處於一個平衡既狀態。一啖咬落去,炭烤既獨特油香立即充滿整個口腔,配合可以無限續碗既白飯,正😋第二種食法係蘿蔔蓉加柚子醋既組合,酸酸地非常開胃。亦可以清新一下口腔,避免連續食太多肉類過於油膩。最後一種係配生雞蛋,意即生蛋拌飯,非常好送飯,亦提供到飽足同完滿感。我覺得依個順序非常好😋食完3塊岩岩好👍整體用餐體驗都唔錯,起碼IFC個景已經贏左。食物符合預期,套餐包埋既味噌湯都好好飲。最大問題係真心難預約😂@hikiniku.to.come_hongkong有興趣想試,可以預早7日,早上10時到佢地社交平台既link預約。A4九州和牛挽肉と米套餐 $168SAPPORO生啤 $58…Read More

係openrice搵屋企附近有咩食偶然之下發現既一間印度菜雖然舖頭細細,擺既位唔多可能我6點左右就到,咁岩有位坐叫左份香料咖哩羊唔加錢可以配白飯我加左錢配蒜蓉烤餅咖哩好香,味道濃郁得黎帶少少辣係適合香港人口味既咖哩😋有滿滿既羊肉,啖啖肉,油香肉香咖哩香配埋蒜蓉烤餅,真係控制唔到咁瘋狂吸入🤣正👍小食有好多款今次試下個蟹肉忌廉薯餅真係要記得開聲聽,真心脆！不過食既時候要小心,岩岩炸起,入面仲好熱飲品叫左杯芒果乳酪酸酸甜甜,都幾開胃雖然係街坊但真係好少行去慧安園商場😅最多都係拎下快遞依個舖位,我上次幫襯都仲係車仔麵😅可想而知幾少過去不過以後應該會多左機會喇因為依間印度野真心好食😋香料咖哩羊 $75加配蒜蓉烤餅 +$15蟹肉忌廉薯餅 $44芒果乳酪 $15…Read More