以第一次去食既用餐體驗黎講其實好正,係你面前用炭爐烤漢堡扒。
炭火烤肉既香味不斷傳黎,令人食指大動。上菜個陣,亦會對食材進行簡單既介紹。
官方提供3種食法,分別是原味,配蘿蔔蓉＆配生雞蛋。
我覺得第一種原味食法就已經好好味。
調味唔會太咸,漢堡扒又唔會過於鬆散/緊實,處於一個平衡既狀態。
一啖咬落去,炭烤既獨特油香立即充滿整個口腔,配合可以無限續碗既白飯,正😋
第二種食法係蘿蔔蓉加柚子醋既組合,酸酸地非常開胃。
亦可以清新一下口腔,避免連續食太多肉類過於油膩。
最後一種係配生雞蛋,意即生蛋拌飯,非常好送飯,亦提供到飽足同完滿感。
我覺得依個順序非常好😋食完3塊岩岩好👍
整體用餐體驗都唔錯,起碼IFC個景已經贏左。食物符合預期,套餐包埋既味噌湯都好好飲。
最大問題係真心難預約😂@hikiniku.to.come_hongkong
有興趣想試,可以預早7日,早上10時到佢地社交平台既link預約。
A4九州和牛挽肉と米套餐 $168
SAPPORO生啤 $58
