小砵's Profile

見佢開左一段時間，就諗住試下！一入到去，阿姐叫我地兩個坐一邊卡位，真係肥少少都坐唔到環境方面:個手袋放上腳度，個人已經貼晒枱凳！服務方面:拉客叫你入去食既時候就幾熱情，一坐低叫野食，啲態度就變晒，勁晦氣！食物方面:米線不過不失，豬腸就有啲韌，薯粉無食到，所以唔清楚，最過份係蒜泥白肉，厚切唔緊要，啲肉又柴又韌！！唯一可取係響鈴，夠脆！！總結:無下次！食物麻麻，服務麻麻，啲位感覺仲窄過新釗x同譚x！！…Read More

吃過晚飯後，突然想吃甜品，想起糖百府早前曾經裝修,好似環境比以前好，所以同老公去試試 :) 可能時間尚早，店內尚有很多位置，環境的確比以前好，服務方面一般般。食物多了很多西式甜品的款式，我選擇了栗子紅豆金寶配雪糕，老公依舊選擇咖啡雪花冰。個金寶一拿到我面前，就心知不妙 我從未見過有咁大粒金寶，金寶味道口感跟丹麥藍x曲奇一樣，食到底，竟然有用來整碎蛋三文治的蛋黃醬,我不太肯定是否蛋黃醬，但味道的確似 :( 咖啡雪花冰，份量頗大，咖啡味很濃郁，味道唔錯！ :) 證明下一次來糖百府，都是吃雪花冰比較穩妥！！…Read More

放假突然好想食上海野，平常很喜愛去上海x婆食，但實在太懶，還是往附近算吧！最後決定試試這間忘不了食物方面：我每次都一定要食上海肴肉，上海x婆的肴肉真是好好食，但忘不了的肴肉價錢就跟x婆一樣（$52），質素會否差太遠吧，肴肉貌相很差，咬落去非常鬆散，啫喱比例太多:(小籠包不過不失（$32）但醋實在太甜，很奇怪紅燒牛肉麵（$52）份量頗大，但味道十足車仔麵的牛楠麵獅子頭麵（$48）獅子頭肉質非常鬆散，肉味欠奉原來惠顧麵送豆漿，但竟然落單侍應沒有告知我們，是我後來太渴，想叫杯豆漿飲，另一位侍應話有得送豆漿，還問我們轉頭，邊個幫我們落單，咁都不知道=_=算了吧，送回豆漿給我們就可以，費事追究。叫了凍黑白豆漿各一杯，非常解渴，豆味還不錯，算是成餐最滿意總括來説，我唔會再光顧，無論食物環境服務都不太好，價錢亦不算便宜…Read More

下午一點左右黎到拎位，企左一陣先有人派飛俾我:(等左十五分鐘入座，好快就點左野食~我叫左個石鍋牛肉飯，我媽就叫左海鮮焗飯~跟餐沙律好快就送到，而焗飯五分鐘亦送到~焗飯已經食到一半，飲品都未送到，於是叫人加茶，應左我地，（但到我地食飽都係無人加，和民全線都唔主動幫人客加茶）飲品係叫餐既二十分鐘終於送到，熱奶茶及熱檸茶味道淡如水:(石鍋牛肉飯係叫餐既半小時送到，媽媽既焗飯都食得一乾二淨喇！埋單時，用和民信用卡，我已經諗住俾埋張卡侍應，一次過折左先拎俾我簽，但係個侍應無接到，反而係就咁走左去，再拎張未折既單俾我，佢之後先醒覺話張單未折，叫我俾番佢折番，再拎番黎俾我簽。我諗之後都唔會再黎葵芳和民==食物方面：海鮮焗飯:入面有帆立貝仔，魷魚及蝦仔，份量較少，魷魚唔熱，連暖亦都講唔上石銅牛肉飯:味道還可以，還付送泡菜，因應個人喜好添加，但付出半小時才有得食==熱奶茶：真係好過份，淡到好似飲緊一杯怪味水熱檸茶：同樣淡，得兩片檸檬…Read More

一直都想試下稻香既邊邊,一去到d公關都好有禮貌,仲叫我地小心地滑(下午去飲茶絕對冇咁好服務)坐低左,我地就洗餐具啦,但係冇個兜兜俾我地,我地叫侍應俾我地,順便遞埋野食紙啦~果個短頭髮既侍應就咁拎起其中一隻碗倒去後面張(木台)就算喇!!當時我仲洗緊,佢望一望我就算喇跟住就咁走左去就算喇~我地之後都照樣跟住佢咁倒水算喇=.=叫佢拎撈喱又唔拎俾我地,又要我地自己去拎~服務真係好唔掂呀!!!不過另一個阿姐就幾好既,佢應該先係服務我地依邊既侍應~講番食物喇~湯底有5折,要左個鴛鴦湯~有部份野食都有8折~點左鬼馬蝦條,芝士墨魚丸,粉絲,腐皮卷...牛肩肉$19.8 X 2桂花蚌$48鬼馬蝦條:蝦滑唔係幾好食,而且熟左油炸鬼同蝦滑會分開~芝士墨魚丸超唔好食,d芝士似牛油味多d桂花蚌真係好好食,好爽口,我試過有一間有d怪怪地既味,而且一d都唔爽口嫁牛肩肉都唔錯~總括黎講:食物都算唔差,值得我下次再去!! 但服務真係要好好咁改善,無論係飲茶定晚飯時間!!!…Read More

當日6:10pm去到排隊,拎飛咋=.=竟然拎到A7因為第一次我拎A47,所以冇繼續等落去~好彩今次都唔洗等好耐~野食都算OK既,$99既和牛肋肉,望落去個樣好靚,但食落又冇咩特別~最喜愛佢個雞肉,好好食,上級牛助肉都不錯帶子...豬頸肉都好普通,佢個腹胸肉好難食><我係想叫王漾腹胸肉嫁,點知叫錯左=.="(我見到人地用較剪剪嫁0.0)除左肉食,亦另外叫左個拉麵,都不錯喔~到甜品喇,竟然冇牛角雪糕食囉:(最終都只係叫左個銅鑼燒(綠荼)其實我一開頭就係咁點燒肉,食到一半,已經覺得好膩喇,下次真係要叻D,慢慢叫,唔好一次過叫晒所有野食~順帶一題,佢個爐烘到我個人好唔舒服呀…Read More

本身同家人諗住去西鐵附近果間,好彩我一早上左open rice睇睇先,發現到果間勁多劣評!!馬上搵其他啦,見到好之味好似唔錯,所以就黎試下喇!!!:)地點方面:都幾唔就腳,我地係元朗公園巴士站,行過去都幾遠><一早應該搭西鐵轉的士(下次要醒目d喇)環境方面:星期六都唔算多人,可能位置既關係,燒野食都幾舒服,而且有冷氣房(細房加多$80)服務方面:係我去過咁多燒烤場最好既一間,d員工好有禮貌,想租麻雀打,都只係加多$50!!食物方面:都係平時食開既,食物選擇都幾多,又有番薯,什菜包,粟米,唔係度度都有得任拎嫁0.0我最鍾意牛柳粒,好好食,燒起上黎又方便11點幾仲有生果拎值得一提既...就係佢有好多調味料,d蒜蓉牛油用黎搽面包一流價錢又唔貴(星期六$85位,包一支水及飲品,免開爐費)服務態度又好,又唔洗同人迫住咁燒!!!我下次一定會再黎…Read More

之前睇到飲食男女介紹,好似好平靚正咁wor...而且媽媽一向都鍾意食海南雞飯,一直都想帶媽媽去試!!但佢舊店地址唔太方便,所以一直都冇去!今日無啦啦想搵我家姐食lunch,得知文華原來係佢公司樓下,所以就終於可以去試下喇!!!去到都唔算話好多人,等左十分鐘左右啦,我地本身3個人,無啦啦有多個人話黎左,跟住問個阿姐,可唔可以俾張摺椅我地,個阿姐話,你點坐呀,(其實勉強都可以坐多1個既)你等等先啦...跟住佢就冇理過我地,直至個fd黎到,我地叫另1個阿姐俾張椅我地,之前果個阿姐就大叫,俾張椅佢地啦.d態度超差呀!!我家姐同佢boy fd食完走先,家姐俾左佢杯飲品我,放左係我隻手隔離,(咁佢果d係2人位)個阿姐就執野啦...點知佢拎走埋我杯飲品,杯野仲有大半嫁wor,問都唔問我就拎走左,杯野放左係我隻手隔離,而唔係放係隔離果張wor= =有冇搞錯呀食物方面:雞湯:味道好淡,有幾條椰菜係底,但係碗湯唔熱,勉強叫左和暖><白雞飯:賣相一般,不過已經起左骨,媽媽鍾意有骨多d,媽媽話佢d白雞都幾好食,而個油飯我就覺得唔好食!!個飯份量都比較少,如果係男人食既,就未必夠喇喇唦雞米線:好出奇,d雞有骨既,但係佢飯果d雞係冇骨嫁wor,個湯都幾辣,入面得幾件豆卜同幾件雞仔,但係都要$38,會唔會有d唔值呀?!總結:我地唔會再去文華,食物未見出色,漏單情況亦都嚴重,服務態度唔好,d店員晦晦氣氣!!…Read More

平時都有黎飲茶,不過以後都唔會再去,食物一般,冇咩特別野講!!星期六同媽媽姐姐去飲下午茶,向來潮篇服務都唔太好嫁喇...食完後我同姐姐去埋單,等個收銀計數,無啦啦問我幾多個茶位,我本身已經見到佢打左3個,咁我咪同佢講3個,跟住佢話你地4個下嘛,我話得3個,幾時多左個人呀,跟住條友指住張卡,咁依度又寫4個,講真,張卡寫到咁樣,但好明顯佢係畫左3劃啦!!!我地冇理佢,總之就係得3個,條收銀勁啤住我地囉!!!又係佢自己問我地幾多個先既,我地話3個,佢又要唔信,死都話我地係4個,你自己睇唔清楚,咁關我地咩事呀,喂...我地等俾錢嫁咋,我見住佢打左3位茶錢嫁喇,無啦啦又問幾多位,條氣咁唔順既,咁咪問番佢d同事囉~等俾錢都要咁受氣,無啦啦俾人屈,唔通呃你果$5咩,我而家好後悔冇罵佢轉頭~我以後都唔會再去依間野~…Read More