邦記's Profile

話說三四年前朋友K帶我去沙田個間, 食完唔會再去, 點解? 唔係因為佢野食唔好味, 而係佢用紙碟膠刀叉嘛, 好cheap咁, 原因我開頭都唔明.到上個禮拜朋友A先話我知哥陣裝修先係咁, 其實都唔錯架. 咁一個人行開荃灣, 小小地諗住試下.一見佢牆身餐牌, 諗住$50落樓算. 揀來揀去諗住叫半份Pizza加野飲算. 點知去到收銀先知原來身後有下午差同set 既餐牌.咁就叫左個set, $41蚊, 有個百寶Pizza+沙律+野飲, 仲有幾蚊budget, 原來加多個$8芒果班戟都得個四眼女收銀出奇地好禮貌, 未試過晌同類型餐廳 (de..fr..., etc.)見過. 好啦, 叫完搵位坐, 兩點幾唔使等位都幾好, 一個人霸四個位唔使爭.坐近窗邊無耐, 個男侍應擺隻吉碟都幾求其, 個底要自轉幾秒先等到隻碟完全貼檯. 跟住放低個沙律又好pea 咁, 但佢語氣又好好架播, 真係唔明.跟住介紹Pizza同野飲個女侍應都好有禮貌. 出奇既係, 全間餐廳 D 員工都好有笑容, 真係除左大排檔之外, 唔會咁多笑容, 仲要係斯文笑,唔係玩到唔認真個隻) .至於野食50蚊黎講我覺得算係超值.環境, 已經係用膠碟鐵刀叉, 唔係紙碟膠刀叉, 檯又乾淨, 好丫. 但頭頂有3盞射燈壞左做咩唔換呀, 扣分!由唔會再去到 ” I'll be back ", 朋友A, 你得左.…Read More

開頭以為佢同之前哥間同地方既 Bayview 係同一間, 只不過係裝修左, 所以小學既聚會就諗住係哥道包場. 一去到, 男店員推介個set, 嘩! 七千幾, 眼都凸埋, 之後會員價節左係四千幾. 同酒店擺一圍差唔多. OK, 咁我都縮沙, 表明我既Budget係每人200蚊樓下. 跟住佢都即刻建議我當Dinner set 做個餐牌俾我. 每人連加一大慨$198加個加一(會費$120另計). 咁我覺得如過係以舊Bayview既水準黎講加依家個裝修, 係絕對OK. 男店員都有話俾我聽, 如果我要坐足三粒鐘的話, 係可能要我地加個湯或者甜品先OK. 咁我都OK.落左500蚊訂之後, 先記得上黎openrice睇下, 睇完就好唔安落, 希望自己唔會俾個喊面佢, 自己就驚左成日. 但心諗openrice成日有人會抹黑事件. 安慰下自己.到左當日(200809201900), 見個餐牌無左小部分之前俾我睇既野食 (那小部分正是"有肉食"的款色). 而且價錢連加一之後係$280. 與我原先預計$230樓下有一段距離, 跟住男店員解釋係因為加左個湯/甜品. 經一輪討價還價之後, 男店員都可以我地唔要湯/甜品就減到$240, 咁我都認為人地都要做生意, 都無問題. 何況之前佢確實有講係會加. (但無講加幾多, 我自己亦無問, 係我問題.)未人齊我叫左杯凍柑桔檸蜜, 蜜味好蜂蜜, 唔係菜蜜哥隻. 幾好飲啦.人齊之後叫野食, 因為餐牌上面全部菜色比較無肉食. 好似雞亦, 白汁煙肉意粉, Taco等等共十多項... 最後揀左濃汁西蘭花豬軟骨跟薯角. 薯角幾好味, 豬軟骨一般. 但對面個friend就問我點解無左西蘭花.(真係一粒都無) 男店員了解之後都有話換俾我, 我都唔需要, 男店員都好有心將西蘭花另上. (不過咁既失誤, 下次唔好喇.) 食完仲好肚餓. 不過之後加埋個好得下既New York Cheese cake. 都加番分既.經歷就講完. 再細講各方面啦.環境係OK既, 但係電視機就認真煞風景, 個場明明係適合清清靜靜, 擺部電視出黎都有, 點會傾到偈呢...價錢, 其實我無細閱餐牌. 但席間有人叫大家睇下一杯益力多係幾錢, 睇完之後我都. 你地自己睇下啦下. 以分量及菜色黎計都唔值$280.服務. 總括就係唔Pro, 唔識笑, 上碟雙手"牙"落去, 唔識側身單手擺低, 要個客就佢地. 呢D都無, "講'送'名"同"請慢用"更加欠奉. 走亦無講"多~晒拜拜". 咁樣點留客呢. (俾足tips你啦, 要改喇!)P.S. 是晚有大慨六七個人上過黎坐低過, 但好快就走左, 係俾我十一個朋友嚇親定係其他原因就唔知喇.…Read More

睇見咁多人排隊, 咁多笑面食評, 終於一試, 失望而回.兩個人食左三百四十幾蚊. 炸物好食. 麵豉湯好重蘿白味, 但係算好味.但係講到壽司, 我就覺得真係麻麻, D飯一夾即散, 魚生亦唔新鮮, 正常係滑身既三文魚, 會變到鞋口乾爭爭咁離譜.服務亦算係無乜, 就算我去個陣係夜晚十點半, 好靜, 都係唔會招乎你, 我坐Bar檯, 我用左隔離支鉛筆(個位無人坐), waitress一聲不響搶左去, 嚇呆左. 係臨尾埋單數碟數得好清楚抵讚.衛生亦係唔得, 成日有食物唔蓋\好. 生熟食物由同一個壽司bar師傅遞俾你, 雖則話係食落肚都係一樣. 但係你整個陣都係用同一隻手無洗到既手架麻... 仲個個講晒日文咁, 要求仲咁低, 唔係好得.而環境, 有D推介食物牌設計唔靚, 手寫得好求其, 字體亦難睇. 唔似個彩色Menu咁靚. 燈光在門口order檯有種up dup感覺, 唔光猛亦唔係陰暗有格調.至於價錢, 以同價黎講, 有好多更好既選擇.…Read More

尋晚四個人去食, 四樣野, $198 only, 仲要飽到食唔落, 真係very good.一黎豉椒聖子, 都好多肉食, 唔係淨係得D殼, 我地連D洋蔥青椒全碟食晒, 好惹味!之後黎左薑蔥田雞, 都係啖啖肉, 生熟arm arm 好, 唔會太生唔敢食, 太熟好鬼un.再黎咸魚雞粒豆腐煲, 雞粒豆腐都好滑, 不過咸魚略嫌少左D.最後炒個蒜茸豆苗, 小小un, 不過都未去到有渣.最後一提就係呢道D碟頭都幾大碟, 賣相都唔會話好好, 但正因為賣相唔太好, 反而D野食會好味D. 同埋都唔算勁多油. 老闆同伙記都幾好笑容. 抵讚!…Read More

夜晚九點半左右入到去. 得一台六人左右. 我去到包場.侍應哥哥好鬼有禮貌, 有D唔慣. 唔知叫乜既情況底下叫左個二人餐B. 要雞Pizza.五色豆腐- 有皮蛋鹹蛋肉鬆等等, 豆腐好滑, 皮蛋又無皮蛋仲難食味, 加埋一流!炒紫椰菜- 落腰果&提子乾, 又酸又甜! 妙!牛尾湯- 好想要多碗, 個碗實在太細.羊鞍- 七成都見肉食紅(以為唔會.), 火路不過不失. 可惜係孜然(有人叫紫鹽, 即小茴香, cumin seed)無落埋一齊燒. 不過又真係唔係個個香港人arm食.鴨胸- 不過不失, 一般好味之作但欠缺特色.雞pizza - 芝士雞肉烤餅(似印度D Naan 餅) 雞滑到痹, 芝士好味, 唔知係叫咩芝士.羊奶凍- 極品, 可惜個器皿好似蠟燭座...點都好, 羊奶凍好好味但太小分量. 食完反而有D肚餓想再食. 埋單之前問個哥哥散叫係咪都一樣大, 佢話係. 我二話不說佢就主動送兩個俾我外賣, 呢樣拋磚引玉手段真係好受. 實會短期內再幫襯.雖然價錢要成$270 兩個人, 不過都算物有所值.最可惜係, 我要大漠豪飲豪食個種風範!!!!係播! 個頭盆豆豆都唔錯, 夠爽口.…Read More

去食左個2送沙茶麵同芋盒.2送沙茶麵, 揀左牛肉同雞肉, $15, 大件夾抵食, 小小辣, 外賣又唔洗加錢. ^_^芋盒3粒, $10, 其實係芋頭皮鹹水角, 夠熱, 足料.$25 蚊食到咁滿足, 都唔需要理格局裝橫啦, 乾乾淨淨就算.我諗響銅鑼灣或者尖沙咀, $40蚊都未必食到咁o既質素.…Read More

今日響呢道飲茶食左個"脆皮叉燒包"好鬆脆, 味道都唔錯, 唔會有食到成口由o既感覺.又食左個春卷, 平時食春卷, 就算仲係熱, 有時個皮會脆得黎硬, 呢間又唔會咁, 係脆得黎鬆化, 值得一讚.仲食左個瓜粒湯飯. 魚湯唔鹹, 又足料, 有好多蝦仁鮑魚粒菰粒, 抵讚.不過, 真係一分錢一分貨......…Read More

兩個人, 一入到去坐底, 我家姐話:"咦?! X 星集團?"我就覺得唔對路...雖然餐牌同門面有好多韓文, 不過都擺脫唔到港式服務同格局.叫左兩樣咁大把:1. 人參竹絲雞a.人參無一條, 唔該改餐牌.b.雞入面D 飯唔夠c.味度似足味精老火湯, 無參味無雞味.2. "蚊"牛肋骨a. 俾晒牛腩我, 又要改餐牌.b. 話明"蚊", 變左多汁炭燒, 好多都變左焦炭唔食得.c. 無鮮味, 似大排檔野.另外個辣醬, 根本係紅色甜醬, 唔該試下味先好俾客食.可能係散叫關係, 侍應們無奉上前菜. 係後來食到尾聲, 韓藉女侍應長識做. 總算加返一分. 散叫無飯跟, 非常失敗. 去過其他韓國餐廳, 同樣價錢, 都有湯有飯有前菜分量大味道好. 呢間! 早接早著, 做返中菜把啦!…Read More

響呢間做Part-time, 所有肉腸都食暈, 逐個講下啦.Polish, 第一次食係新的, 好好味, 有D似午餐肉, 第二次食左條隔夜的, 腐肉一樣, 即吐!Cheese, 美味! 有cheese 標出黎.Chilli, 難食! 但個chilli con carne (個肉醬) 就好好味, 不過真係辣左D! 亦都係唯一一樣新鮮買料返黎整的食物. (洋蔥唔計)Classic, 正常, 最穩陣. 隔夜都無問題.Chicken, 難食!Veggie, 未試過....Sauerkraut (類似炸菜物體, 唔知中文叫乜) 加落隻熱狗道, 好味, 分開食, 難食.有時問著D客話要唔要洋荵, 佢話要要乜都要, 就會覺得好似去到車仔麵話乜都要咁, 因為仲有Relish, jalepenos, tobasco, HP sauce, 沙律醬, 李派林呀, 諸如此類, 係咪真係乜都要先!講返食, D cheese 唔好食, 好粉.... Jalepenos 一粒就已經好鬼辣....D 多士勁貴, 兩塊麵包夾芝士火腿就三十蚊.....不過有樣平, 就係酒, 所有啤酒一支$20, 一個shot$15-20.服務.... 睇人, 唔係幫住自己友, 但香港人就一定好過其他人.…Read More

今日去呢間食早餐.個火腿通D 湯有陣雪味....個荷包蛋Ok, 不過格離條腸仔未發育, 奀挑鬼命....個杯咖啡有陣"窿"味......整多個牛利包, 尚算OK, 不過條"利"又係俾人打橫切左一半, 薄"利"多銷, 無晒口感.....埋單三十一, 可接受.…Read More

剛去完一個朋友的喪禮, 諗起附近有呢間舖, 就諗住入去飲下悶酒, 借酒消愁.入到去叫左細House Sake 同埋一個燒多春魚串送酒.好快咁就"上菜"啦, 個多春魚D春火喉恰到好處, 唔會太生攪到D春滑潺潺, 亦唔會太熟攪到鞋唼唼. 連魚頭魚骨都食埋. Good taste!!!跟住呢個「」已改名的Wendy」見我悶悶地, 便遞上雜誌. Good service!!之後食完飲完. 見唔係好夠, 就再睇餐牌. 響諗緊時, 呢個"Wendy" 就推介燒牛利, 我無心情諗, 就照她的推介Order 啦!響呢個Order 未黎之前, 無啦啦送左一碟墨魚頭前菜俾我, 仲送多客House Sake 俾我. 我R 晒頭, 做咩送咁多野俾我.原來係店長小姐知道我是半年之前在Openrice 留過言的顧客, 所以便送那些給我. 估唔到一個半年前的顧客, 他們都記得呢!! 仲記得我留言的名呢!! Good memory!講返個牛利, 亦都係火喉好, 唔韌, 辣味亦恰到好處. Good cooking!今次主題係"俾人收買的留言". 係因為俾他們的服務所收買, 他們請的都係其次, 他們懂得顧客的心理, 亦都對於我呢個小小的粗鄙運桔客都有一種貴賓級的專重. 是現今香港人經營的食肆所少有的.在此多謝Openrice 間接請了我食免費前菜同House sake 呢! 亦多謝廚師先生的手勢, 店長小姐的"適做"同記性, "Wendy"小姐的殷勤. 估唔黎食野都可以ease the pain of the funeral.我諗, 呢間野唔令到我至少每個月黎一始都唔得喇!可惜服務呢項最多俾五分, 可以的話, 我會俾十分.…Read More

芒果忌廉豆腐花- 我想熱食, 佢地都俾到我, 除左舊芒果係凍的, 豆腐花食落好滑, 芒果唔太新鮮, 有瘀痕.番茄雞柳意- 好大碗, 味道普通但唔難食. 實夠飽.柚子雞翼- 甜甜地, 好有柚子蜜d味, 正! 廿蚊有五隻, 可接受.石榴甘露- 美道唔會假, 唔澀, 上面d珠珠都好爽口!人為顧客多, 無得坐入面, 坐左響馬路邊, 又別有一番風味. 不過侍應們比較粗毫, 扣分!…Read More

我最鍾意黎呢間食三鮮煨麵同三鮮湯年糕. 好好味.三鮮煨麵有蝦, 雞肉同火腿, 仲有好多菜. 都幾健康的.三鮮湯年糕一碗就夠晒飽, 唔洗食其他野.有次要左個酸辣湯, 名不虛傳, 正! 辣得黎唔會搞到變孖"潤"腸, 料又夠足.獅子頭隔離哥d菜唔會煮到出面咁十成熟, 得八九成熟, 似返條青菜, Good!!!不過試過淨上海雲吞, 個湯稍鹹, 唔係咁好味.亦試過蝦仁炒蛋, 都係鹹得滯.環境: 對一間三十年老字號黎講已經好企理.服務: 員工都好有禮, 個呀姐同個收銀老細都有禮貌. 亦唔會好熱情咁煩住.…Read More

星期一, 要返工的日子, 係呢間食晏, 一個人要等約十分鐘, 唔算太過份.坐底就點左$30牛肉湯烏冬同$10餃子. D 牛肉好碎濕濕, 餃子仲見到有好多點白色(未熟透的跡象), 烏冬算幾彈牙啦!不過d位就真係好窄, 斟水要自己斟, 個碗遞出黎要自己接. 食車仔面都唔使咁啦!食物一般, 價錢一般, 無招呼. 係一間烏冬快餐店.會唔會再黎? No way! 會唔會約人黎? No way! 會唔會叫人千祈唔好黎呢間? 又唔算得咁差.....…Read More

兩個人去到, 唔洗等就有位, 除左鞋就諗住入去坐低啦. (建議那些放在一邊的拖鞋貼上"員工"字眼較好, 有不少人都穿了入去坐.) 咁去到仲有好多位剩, 咁就梗係揀個自己鍾意的位置坐啦! 點知唔得, 一定要坐安排好那張檯, 都唔知話佢制度好定抑或要睇多d劉華個廣告!一張四人台兩個人坐, 係要張d 杯同筷子擺響一邊, 有兩個我諗唔俾人搭台的吉位響隔離, 何不擺響正中等客人感覺闊落d呢?好喇, 講完坐位講野食, 叫左以下食品:芒果乳酪/酸(無酒精)- 無冰更好, 味道稍淡.士多啤梨奶- 有珍珠? 好似仙記飲品, 味道唔知, 不過又係好大粒冰.串燒芝士- 好味, 口感唔錯, 唔"流"."火間土卷"- 味道一般."火間土雜錦刺身飯"- ~$150碗的, 可惜唔新鮮, 不過D刺身都擺放得好好.總括黎講, 就係手工好, 用料差.再講返服務, 成日唔見人, 想叫人就好徬徨.講裝修擺設, 都唔錯, 都算有睇頭, 不過擺個裝住茶印住啤酒牌子的膠Jug 要客人自斟自飲又未面太失禮, 擺個茶壺都得掛.講環境, 本身無乜野, 可惜其他客好嘈, 破壞氣氛, 唔知有非吸煙區外, 可唔可以有靜音區.埋單$396, 一分錢俾唔到一分貨.…Read More