TimeY's Profile

由中學開始已經去葵芳剪髮，每次經過都會食一碗車仔麵。今次專登帶個外國朋友嚟一齊食，水準依舊，好食。私心推介！秘製汁加手打麵！手打麵，其實應該就係上海粗麵，唔係周圍有得食，再加上佢嘅秘製汁，簡直係絕配！不過食咗咁多年，都食唔出秘製汁係咩味，總之就係好味。呢間車仔麵最特別係可以任加菜甫，有辣有唔辣任君選擇！我就建議加辣菜脯，再好食多一個層次。（掛住食，唔記得影加咗辣菜脯之後個樣）另外一個私心推介就係雞翼尖！佢嘅雞翼尖好入味，煮到好腍！不過一定要趁熱食！見好多客人都有叫滷水雞髀同腸粉，我今次都試一試。滷水雞髀屬於偏甜，但佢又未去到瑞士汁咁甜，好食。腸粉正常發揮，大家都可以試吓。…Read More

回到黃埔呢個老地方上班，先發覺原來有咁多好餐廳未曾去過。一係唔是，一試就食咗間咁好食嘅新派拉麵店，好食。濃蝦湯虎蝦拉麵正到不得之了！湯底極濃兼濃稠，成碗拉麵係撈同湯之間，好正！虎蝦亦都係一個超大嘅驚喜，整隻虎蝦揸得好透好大隻，而且面頭嘅唔係炸粉，而係櫻花蝦，香味十足。蟹肉炸蠔大大隻又鮮嫩嘅炸廣島蠔，再加上蟹肉，無敵組合。葡提鴨卷好特別的一道串燒，薄薄嘅鴨肉包住一粒提子汁燒白鱔，醬燒雞肝白鱔同雞肝都好夠肥，燒得好好，完全唔會乾。…Read More

檸檬茶係香港人最喜愛嘅飲品之一，估唔到今次可以試到一個咁高質嘅檸檬茶，超級推介！本身行過諗住買杯沸水飲，揀嘅時候店員推薦呢個招牌檸檬茶，我心諗都應該同普通檸茶冇乜分別，結果一飲，大開口戒。飲左一半先記得打卡🤣🤣🤣成杯檸檬茶嘅茶底好清新，好舒服。因為經過手打檸檬嘅關係，成個檸檬汁同香味都出晒嚟，而且佢用嘅檸檬都比較特別，係一個普通黃色檸檬咁大嘅綠色檸檬，係超級香！如果中鄉同平時嘅黃檸檬或者青檸完全唔同，好特別。而且個配方方面應該係有調整過本身嘅甜度已經係中微甜，呢方面我覺得好好，下次一定翻焯！…Read More

今次陪朋友嘗試呢間餐廳，體驗減100分，食物質素非常一般。如果你係為打卡，，呢間店舖絕對滿足到你嘅需要。如果你係追求食物嘅性價比，大家可以選擇其他餐廳。牛肉拼盤食物質素都唔差，有埋牌仔話你知係邊款食物，可惜醃料比較一般，感覺上似係求其到啲燒肉汁俾你就算。價錢忘記咗，不過一食嘅第一個感覺就覺得唔抵。海鮮拼盤呢個我覺得好差。大蝦未溶雪，生蠔一pat水咁俾你，淨係賣相都唔得。呢個真心唔使嗌呢個反而好高質素，外脆內軟，蛋味亦好濃。呢個超級推介！…Read More

星期五下午放假，又可以去捐窿捐罅搵啲咖啡小店試試。今次去到北角呢間小店，都係一間比較偏日式嘅咖啡小店，同樣係選擇左我最愛嘅吧枱窗口位，望住外面嘅街景，品嚐一杯好啡。今次試咗一杯1+1。其實成個概念簡單直接，就係一份Espresso加milk coffe。上咖啡時候，店員好有心機解釋你知，今次係用咩豆，風味大概係點樣。但係因為時間夾得有啲耐我已經唔記得咗係邊個產地同店員介紹嘅風味，我記得嘅係一個比較淺度烘焙或者中度烘焙嘅咖啡，果感比較明顯，好飲。其實我好建議咖啡小店做多少少呢一種嘅配搭來做銷售，因為可以比多啲人感受到Espresso嘅味道，亦都可以同時一次過試晒兩款咖啡。…Read More

一直以來都好想試吓川菜，咁啱朋友推介，就嚟試一試。雖然唔知靜靜中，不過好好味。土豆燒牛肉呢個午市套餐，份量好大，同平時叫一碟餸冇分別。牛肉好多，亦都好淋好入味。呢度有一個心機位，紅椒係燈籠椒，而青椒則混合左燈籠椒同埋尖椒，好好食。麻婆豆腐唔好怕佢咁多油，因為食落一啲都唔油。豆腐好滑，上到枱仲係一粒粒，冇乜點散度，而且煮到好入味。第一次食川味嘅麻婆豆腐，先知道煮完之後上面總會林辣椒豆瓣醬，幾特別嘅食法。不過呢個位要提一提，佢都幾鹹，建議大家陪多啲白飯食。大碗花菜呢個簡直係今日嘅MVP，好友鑊氣，味道適中，正！呢個大家一定要落單試試，真心推介。第一次食川菜，所有嘢都嗌小辣，但識落其實都唔少，唔太食得辣嘅朋友要有心理準備，而且餸菜偏向濃味，我好鍾意！哈…Read More

難得星期五下晝放假，當然要搵間coffee shop坐下chill下，享受一下。今日嚟到西營盤，試吓呢間好有味道嘅小店。成間coffee shop設計簡潔，偏向日式，以白色 同木為主。最緊要有我最鍾意嘅窗口位可以坐喺吧枱度望住外邊嘅街景，正！Mocha味道來講正常發揮，但係不得不讚賞一下佢嘅拉花，有心機，唔係啲求其拉個心就算嗰隻。Long Black呢杯反而係意料之外。首先，以我嘅一般認知，long black係以熱水做底，倒入Espresso。但呢間小店，就將Espresso同熱水分開上去比客人，由自己決定份量同倒法，客人可以一邊倒水，一邊想試吓咖啡同水嘅比例，調配自己喜歡嘅濃度。試飲咗一啖Espresso，比較偏向淺度或中度烘焙，加咗熱水之後， 酸感同甜感更加突出，好飲！…Read More

午飯有兩個鐘嘅好處係可以周圍去試新嘢。今次機緣巧合試到呢間，本身冇咩期待，但一試就決定可以翻焯。簡單一句，大食夾抵件 每個午餐都會跟一個前菜冇咩特別。滑蛋雞扒飯呢個必點！超級好食！雞扒份量足，仲要脆皮。滑蛋亦都好好味，加咗日本燒汁去煮，一流！好耐都冇試過咁高質素嘅滑蛋雞扒飯。汁燒牛肉飯呢個又係好正！牛肉份量極多，而且唔係好柴好乾爭爭嗰種，咁當然唔係嗰啲A5和牛嗰個Level啦，絕對對得住呢個價錢有魚。洋蔥都要講一講，事關外邊食嘅通常都係啱啱斷生嘅洋蔥，呢度係炒熟好多，洋蔥甜味出晒嚟。下次再試其他，正！…Read More

呢間係我近排食過性價比最高嘅餐廳，糧尾之選，非你莫屬！鹽酥雞扒紅燒湯麵鹽酥雞扒好好食，好足椒鹽，炸得好脆，而且份量好大，有兩塊雞扒。呢間餐廳好特別，個湯底係俾你選擇。呢次我揀咗個紅燒湯底，本身一上枱見到咁淡色都會覺得好味，但係一飲落去出奇地正。佢係有好多紅蘿蔔去煲成嘅紅燒湯，好清甜，同一般嘅紅燒湯係完全唔同，建議一事。滷肉飯呢碗滷肉飯同喺台灣食嘅完全唔同，沙茶味比較重，整體來講中規中矩，但唔係特別突出。…Read More

在一次嚟到呢間餐廳食嘢，今次帶個朋友嚟食。同樣地質素好好，好抵食。之前可能我一直粗心大意，到今日先發覺原來佢哋係會換menu。佢哋有得選擇湯或沙律，咁我就一定揀沙律，事關佢係一次性嘅自助沙律吧。惜緣基本到八成飽。一直都係食開羊架，今日都係一樣，但唔同嘅係今日係羊T骨。呢個都幾特別， 未試過喺出面食過，不過我都係覺得羊架好味啲，會騷啲Juice啲。呢個雞串燒配鷹嘴豆泥，不過不失。反而最重要係呢個甜品，甘荀蛋糕，勁好食！最後$298落樓，合理價錢！…Read More

難得嚟到觀塘，梗係要試吓啲工廈美食。今次呢間小店，總括嚟講中規中矩，如果主食嘅份量再大少少就好啦。海鮮蒸蛋呢個反而有驚喜，起碼係熱辣辣，而且都幾足了。味噌湯正正常常，都食到少少顯肉前菜沙律，都唔錯。炭燒雞扒飯靚ge，味道來講都幾好，不過燒汁略為少啲，而且塊雞扒好細塊，只有一塊。坦白講，呢個份量就唔係好夠食。生薑豚肉飯呢個飯個份量啱啱好，味道亦唔錯，推介！而且同上面個飯一樣，都有啲飯素係側邊，有啲心事。…Read More

等到頸都長埋，今次終於食到！傳說中嘅榴槤自助餐。先講價錢，每人平均$950左右，其實都幾貴，事關比起其他酒店嘅自助餐，佢都差不多貴成$100，不過鍾意食榴槤就冇計啦，點都要朝聖一次。嘢食嘅款式唔係好多，不過質素好好！其中我最推介嘅係佢個蟹粥（可惜冇影相），羊架同埋佢啲刺身。生蠔反而中規中矩冇乜特別。不過係呢度，所有嘢都係其次，主要係食榴槤。佢一甜品有大部份都係榴槤製品，不過坦白講，一般般。但係大家唔好失望，因為佢嘅重頭戲係榴槤雪糕同埋任你拎嘅榴槤醬以及榴槤斑斕醬。榴槤味濃，又夠香甜，淨係食呢樣嘢都值回票價。同場加映，godiva黑朱古力雪糕，呢個又係必食！…Read More

平日一至五，都好經常去堅尼地城食嘢，事關小人啲，而且仲會俾人催埋單，最重要係多人食飯的話可以開返支紅酒，價錢合理又好飲。今次試羊架，好食！師傅手勢好好，大約七八成熟，肉質好淋。分量來講中規中矩，如果淨食主菜其實有機會唔夠，但係個starter 係好似以前Pizza Hut咁，比你自己去夾沙律一次，所以一定飽（因為自己夾會夾得好大份）呢間餐廳都差唔多係一半飯堂咁滯，基本上每個星期都會去一次，環境其實都好好。唯一要彈下嘅，就係個地板有機會有少少黏立立。…Read More

自從帶過母親大人試過卜卜蜆湯底嘅火鍋之後，日日都嘈住要再食。做仔嘅我，當然有求必應。上OpenRice睇咗好多間，發覺呢間同之前食過嘅好相似，於是一於試一試，睇吓同之前嘅有咩分別。卜卜蜆湯底基本上同之前嘅分別唔大，一樣係超多蜆，而且隻隻先甜肥美，處理得好乾淨冇沙。黃金響鈴永遠都唔會令人失望。新鮮炸好，蛋黃亦都好香甜，正！特色丸拼盤一睇個樣就知道新鮮，特別推介松露芝心墨魚丸，超好食，松露同芝士味道好夾。特色水餃拼盤同樣新鮮，特別推介鳳尾蝦雲吞，黑松露蟹肉餃。成隻鮮蝦係水餃蓮蓬味真係第一次食，好食！基本上食咗咁多間相似嘅火鍋小店，呢間算係最高質素嘅一間。…Read More

食物有時候，除左好味之外，其中一個好重要ge原素就係，爽！要點樣先為之爽呢？大碗！多料！濃味！刺激！呢個就係我ge定義！每逢心情唔好，又或者好攰，食完呢碗米線必定回魂。豬腸豬耳大辣小鍋米線味道夠酸夠辣夠濃味！又夠大碗！豬大腸好入味，洗得好乾淨，又燜到好淋身，超欣賞！豬耳夠爽夠入味，咬落口架架聲，超正！另外加多左一盤豬大腸同滷水豬手。豬大腸唔使講，一樣水準。滷水豬手大大件有成六七件，又淋又入味！而且亦無咩毛，算好乾淨！…Read More