intiMATE.Coffee (Closed)

星期五下午放假，又可以去捐窿捐罅搵啲咖啡小店試試。今次去到北角呢間小店，都係一間比較偏日式嘅咖啡小店，同樣係選擇左我最愛嘅吧枱窗口位，望住外面嘅街景，品嚐一杯好啡。今次試咗一杯1+1。其實成個概念簡單直接，就係一份Espresso加milk coffe。上咖啡時候，店員好有心機解釋你知，今次係用咩豆，風味大概係點樣。但係因為時間夾得有啲耐我已經唔記得咗係邊個產地同店員介紹嘅風味，我記得嘅係一個比較淺度烘焙或者中度烘焙嘅咖啡，果感比較明顯，好飲。其實我好建議咖啡小店做多少少呢一種嘅配搭來做銷售，因為可以比多啲人感受到Espresso嘅味道，亦都可以同時一次過試晒兩款咖啡。