SamGorFoodie's Profile

老荔冰室青山道495號誠信中心地下1號舖Score 分數：A / 75+位置： 荔枝角，係油站旁，其實就好方便但又都幾難搵。價錢： ～HK$70/人味道：講真，好味。但賣相就麻麻服務： 一般清潔： 都唔錯，合格環境： 70至80年代feel推薦： 佢d豬排幾正，又彈牙又多肉汁*特色：承傳到大排檔嘅味雖然賣相講真就麻麻地，但味道真心幾好。平時食晏時要排隊就知好食，而價錢就.......在荔枝角區快餐黎講算貴架，但都算好食。…Read More

丼燃食堂旺角花園街3-5號鴻威大廈地下6號舖Score 分數：A / 75+位置： 旺角區，近油麻地果邊，廣華醫院對面果條街+馬會對面價錢： ～HK$80/人味道：真心好食嘅服務： 夠快（如果坐唔爆時）清潔： 咁多年黎都保持到清潔，值得一讚！環境： 裝修好有自己嘅特色，感受到特色： 四皇這間食堂係旺角已經好幾年，講真，初時開業時要食就一定要排下隊，閑閑地都最少要排隊30分鐘，但大家都呆等都願意，點解？咁硬係覺得值啦～（相信大部分都係女伴嘅決定😅）。時間過得好快，過左幾年嘅風吹雨打後（10號風球都頂得住），有唔少新食肆開左，汰弱留强下這間丼燃食堂依舊係旺角屹立不倒，裝修又依舊新新地但又冇新意下，係繁忙時間已經見唔到排隊情況了🥲。可能依家想食嘅人已經覺得唔需要今次屎弗痕，經過就久違再次試下E間丼燃。講真，味道都係好好食，但感覺已經冇左之前嘅衝擊🫠 點解嘅？係咪因為我地試得太多好食嘅野呢？還是......咩原因都好啦，結果就係結果，冇咩人排隊就成事實。如果大家還想回味下，親有機會就快d去試多次，否則又可能成為集體回憶了。…Read More

Eagle & Sparrow Music Cafe佐敦文蔚街23號地舖Score 分數：A / 80+位置： 佐敦／柯士甸地鐵站，行8分鐘左右，都算幾方便。價錢： ～HK$100/人味道：估你唔到，食素都可以咁好食，唔似食緊素服務： 感受用心清潔： 大致整潔環境： 裝修有自己嘅風格，有味道，感受下就明推薦： 蟹餅，好好食*特色：現場音樂會 + 素食 + 生桐（健康飲食）講真，同朋友係網上搵到這間特色餐廳時，都有d擔心，因為果邊條街有d靜。不過見咁有特色咪嘗試下咁囉。嘩，點知又真係幾正喎。以為門口舊舊地，點知入到去見佢裝修就覺得佢老細應該好鐘意“音樂”，純粹感覺，冇咩根據嘅～ 因為好多野都係同音樂有關，有水晶波波轉轉球添架🤩食物就係健康為主。係呀！健康嘅生桐飲食可以比你選，亦有唔少其他野比你叫，但煮法都好健康，食得多都唔怕。咩咁會好食架咩？我都懷疑過，但食物黎到之後就轉諗 “真係素”？佢地擺盤都好有靚靚cafe feel。加上現場又有音樂，個人感覺放鬆晒。講真，一班女仔 ／ 約女仔去特色餐廳，E間一定冇介紹錯😏 追到女朋友時，記得叫朋友follow 我添呀！唔該🤭睇開我嘅朋友都知道，我一向唔太推薦菜式，但今次我只能講 “蟹餅你唔試過，唔好話黎過添呀！”。佢地嘅飲品雖然唔平，不過真心有特色。佢地嘅特色唔係出面cafe果種，係.....係.....健康得黎又有心整比你飲果種，真係唔知點講好，試完你就知鬼咁正。唔好食嘅話，留言比我。可以保證真心正。完！…Read More

極之拉麵長沙灣元州街399號喜漾地下2號舖Score 分數：S / 95位置： 元州邨對面 ／ M記邪對面價錢： ～HK$80 - 100/人味道：可能係香港三大好食拉麵服務： 細店仔，相信應該係老闆親身上陣清潔： 大致ok乾淨環境： 細細間，坐位唔多特色： 調魚拉麵講堅，這間拉麵店係我食過咁多間拉麵店最好食嘅其中一間。佢嘅鯛魚湯底真係無敵，好濃味，真才實料，不知不覺間飲晒佢嘅湯添。可惜，可惜，佢嘅位置差。話就話近地鐵站，其實都要由地鐵站行10分鐘先到，加上唔係當區居民，真係好難搵到。只好認住間M記邪對面，咁樣就易搵d。…Read More

壹.01觀塘駿業街56號中海日升中心2樓D號舖Score 分數：A / 75+位置： 駿業街，去開觀塘就覺得方便。未去過就難搵d價錢： ～HK$80/人味道：真心估你唔到，有d驚喜服務： 好多算幾有熱情嘅年輕人做待應清潔： 大致ok乾淨環境： 一般特色： 不是墨魚丸係美食之觀塘區內，可以跑出嘅店唔多。這間店如果只講味道唔係話特別好食，但論性價比就極高。價錢平，味道中上，絕對係糧尾恩物。…Read More

牛丼家旺角通菜街123號盛世酒店1樓及2樓Score 分數：A / 75+位置： 旺角區，近太子果邊價錢： ～HK$50/人味道：又真係幾好食喎服務： 快餐服務囉清潔： 唔錯唔錯環境： d燈幾光，裝修冇咩，唔花考特色： 牛魔王雖然係快餐，但快餐黎講一定係頂級。米飯口感一流，牛肉汁先係佢嘅精華中嘅精華。如果黎開旺角又想平又想快又唔想是是但但，E間絕對一流…Read More

湊湊火鍋‧茶憩 (家樂坊)旺角登打士街56號家樂坊地庫B3號舖score 分數：A/70+位置： 好方便，係家樂坊旁。無敵啦價錢： ～HK$70/人(午飯價)味道：味道又係標準～好食但又冇咩大驚喜服務： ok 嘅清潔： 大致乾淨環境： 設計幾有特色，唔錯。幾靚特色： 廁所係出面。食店係家樂坊，幾好…Read More

小胖台灣便當 (德立大廈)尖沙咀加連威老道21A-21B號德立大廈地舖及1樓score 分數：A/70+位置： 好方便，係the one 對面價錢： ～HK$70/人(午飯價)味道：味道好試巿林夜咁～so far so good服務： 先買後送上，有話咩服務清潔： 大致ok乾淨環境： 有枱有櫈特色： 台灣原味道…Read More

翠湖海鮮酒家荔枝角長沙灣道833號長沙灣廣場2樓202A號舖score 分數：A/70+位置： 好方便，係荔枝角站A出口，長沙灣廣場上，全程有蓋唔怕雨。除非你行路或搭巴士價錢： ～HK$150-250/人(晚飯價)味道：味道係標準囉～好食但又冇咩大驚喜服務： 酒樓阿姐服務咁，還想咩要求清潔： 大致乾淨環境： 晚巿酒樓囉特色： 廁所係出面（算方便）、 茶水無限添飲（吹水好去處，唔怕缺水）以我去過咁多間晚巿酒樓嘅經驗，講真嘅，我覺得冇咩特別。唔難食，又唔係特別好食，好標準嘅傳統中式酒樓。午巿嘅點心我就未試過啦，但今次係佢裝修後第一次去，都係算咁，因為成個環境算新。…Read More

安平燒肉荃灣眾安街55號大鴻輝(荃灣)中心17樓Score 分數：A/75+位置： 好方便，位於傳統荃灣巿中心，大鴻輝中心。有得拍2蚊百達通優惠添價錢： ～HK$200/人味道：幾好食，本身唔少肉亦已調味服務： 服務員整體好有禮貌清潔： 大致乾淨環境： 裝修都係安平燒肉特色 囉～ 算新淨特色： 有廁所（重要）+算清潔、 台式燒烤、飲品選擇唔多講真，試過幾次後，我就覺得中午的餐 性價比 較晚飯高。因為平得黎，個人嘅感覺就更加好食~ 安平燒肉，一向都高高地質，算係香港少數連鎖高質台式燒烤店。聚會，拍拖食飯其中一個好地方。…Read More

REFLECT Restaurant & Bar旺角西洋菜南街74-84號旺角城市中心12樓Score 分數： A／85+價錢：～HK$200／人墨西哥菜餐館在香港不算普遍，所以偶爾試一下墨西哥菜，絕對係新鮮嘅選擇。味道方面，還以為會好多辣椒，但這間餐館嘅菜式味道已融入香港人口味，一D都唔辣，菜式新穎味道又好。總之一句： “好鬼正”。環境氣氛感覺沉實，場地衛生算好，雖然黑黑地，但感覺舒服，待應態度友好。真心可以一試。…Read More

黑布小巷 (億利工業中心)荔枝角長沙灣道883號億利工業中心4樓405室score 分數： A/75食過嘅朋友都知佢地水準一樣都差不多，都係好食嘅。而且職員會好好有禮貌咁問你 “係唔係大廈員工？”，其實這句應該過左時了吧！？依家都好少話會跟到咁足。大家答句“非也”，咁就會有一場解釋你聽........之後改口回話“關你咩事！” 咁就可以唔使食啦～bye~ 除非你答 “係” 就先可以進入第二關講返野食先，佢地今次新出嘅野就真係令我有d “驚喜？” 辣味三文治 真係好辣，自問唔食得辣嘅可以試下挑戰，應該會投降。不過都係好食嘅，都係貴左d囉！佢地嘅新紙飲筒就真係好唔掂+佢地嘅飲品膠蓋真係好衝擊得，插極都唔入！！！嬲左！！！…Read More

二十道北角七姊妹道193號遠東大廈地下A號舖Score 分數：A / 75+位置： 好方便，係鰂魚涌站C出口，行1個街口價錢： ～HK$100/人味道：幾好食，d麵幾彈牙服務： 細細店想有咩服務？清潔： 大致乾淨環境： 日本食傳統拉麵店咁特色： 有廁所（細鋪喎）、 湯中有香草、豬肉有燒過這間店是好似日本傳統細細間拉麵店咁，全部都係 bar枱，如果鐘意咁嘅味道就一感受到佢地特有嘅風味，唔鐘意就一定有千萬理由唔鐘意。不得不提，佢地咁細間鋪頭仔竟然有廁所，真係唔係度度有，值得一讚 👍🏻至於味道，我本身鐘意d麵有少少彈牙感，真係幾適合我，而濃湯中加入香草就有d中西合璧，比到少少驚喜人。係香港算係值得一試之選。…Read More

會長之家烤肉長沙灣福榮街506-510號榮發閣地下A1號舖Score 分數：A/80+講到韓式燒肉，一向高要求嘅我比分都好嚴謹。今次難得真心比高分，因為我自己實在燒得太好啦～ 多謝！多謝！ 我應該可以成為一名高級BBQ員。咁又講返句公道說話，佢地嘅裝修又真係好靚，好比心機去設計，擺設，選色用心（黑色為主，污糟左都不覺得），令人坐得舒服........細心嘅你一定問，同味道有關係？ 答：無。係坐得安心和舒服囉。 咁又講返，佢地用料新鮮嘅，睇得出來貨冇耐，證明用貨都好快。位置方面，長沙灣內街，睇地圖唔太遠，行去+搵15分鐘左右啦～ 夏天就夜晚先好去，不然熱死～不得不提，佢地嘅梳打，無得頂。食住鬼死咁熱嘅燒烤，享受著涼浸浸的冷氣都唔夠，真係要飲返杯冰凍的飲料才足夠。這個時候，如果你腦中閃出 “凍野無益”的念頭，咁就恭喜你。可以去快餐店食個粟米肉粒飯，唔好學人食咩燒烤啦～…Read More

Scores 分數：A/75+一黎就講重點：缺點1. 地圖教近長沙灣C2果邊？一定知邊度啦～又咪要睇Google地圖。 其實，都行幾入，預出地鐵站後再行5 - 6分鐘左右2. 晚上8點就last order，對於我黎講，早左D喵3. 甜品，好～～～完全唔期待呀！咁睇得出，間餐廳好用心經營。公平D講，佢地亦有不少優點：1. 佢地d野飲，質素高。真係值回票價。2. 位於長沙灣荔枝角之間，入左DD咁，不過租平......我估，所以唔使+10%（免加一）3. 除左咖啡類推薦外，亦力推佢嘅 蝴蝶粉。酸酸地少少辣，好鬼正。完全唔覺係傳統冬陰功汁4. 咁嘅價錢： 三五知己平平地 ／ 追女仔糧尾恩餐廳5. 裝修新，環境整潔。可以趁佢新新地，試下正所謂：錢唔係無，只係想用得其所。咁有性價比高嘅餐廳，唔係唔試下呀！？(其實我真係好窮，無錢:)…Read More