tianwe's Profile

冬天一定要打邊爐，上網已經睇到呢一間餐廳，航母海鮮盛宴睇到個名都已經好吸引,所以一早約埋班朋友放工去試一試係咩來頭,今次簡左去銅鑼灣新鋪,因為佐敦個間長期都爆人,所以睇到一有新開張就馬上去了。一坐底就叫左最出名既航母海鮮盛宴,原來除左8樣海鮮之外,仲有得加其他料,我地就加多左牛肉,午餐肉(打邊爐一定要食),蟹柳同豬肉等等個航母海鮮盛宴一上,即係睇到D海鮮好新鮮,D蟹仲要未死好生猛,跟住友善既員工就馬上幫我地加湯,一加就見到D蟹想走出黎,真係比佢嚇一嚇。由於要等佢地熟(大約15分鐘)我地叫左竹遮水飲,等到一打開,我地都立刻開始食野,我先由蝦食起,蝦都好新鮮,肉非常彈牙, 大大隻扇貝好厚肉,同花蛤一樣好鮮味,提一提鮑魚一熟就要食，正！否則煮太耐就會un左,湯底非常濃郁,加埋D配料真係好夾,最後我地先落後加既牛肉,午餐肉等等,;非常滿足。回味指數5粒星,下次一定會再黎,因為材料真係非常新鮮,同埋員工服務好好,不停會幫你換碟,所以一定會再黎!!!…Read More

養生養心 健康滋味 那天約了客人到西灣河談合約，約是中午時份，當然是醫了五臟廟吧！看到這間麵店，門口貼了許多雜誌介紹，啊，原來有人蔘雞湯麵吃，好想是幾健康和養生，反正我真的不想吃那些多汁快餐了，一試吧，反正價錢真的不貴。小店一間，開放式廚房，好企理，有點家庭感覺。那天好想吃點蔬菜，店員介紹他們的招牌麵沁沁麵，是以人蔘雞湯做湯底，我正想嚐嚐，點了一客，還加點了羅漢菓茶(只加五元)。人蔘雞湯不算好濃，有人蔘的淡淡回甘味道，湯水有雞鮮甜，不油膩，也不是滿口味精，感覺清新住家，好家的人蔘湯水，不錯。再嚐上海拉麵，煮得不會太腍，稍為彈牙，有吸湯水的奇妙果效，再吃那溏心蛋，好味道，因有好香鹵水味，不會死咸，蛋的流心滋味，令蛋香在口腔和人蔘的味道在味蕾瀰漫，好滋味的感覺。還有西蘭花香脆可口，木耳的爽口口感，伴隨人蔘雞湯的味道，好清新又可口。那羅漢果茶清甜潤喉，是羅漢菓的天然甜味，沒半點人造糖，這頓麵餐，實在好，極具創意，健康住家，筆者好愛啊！…Read More

坐bar枱位可以望住師傅煮麵、熬湯、調味、上盤，令等待時間好快就過，而且可以欣賞吓師傅嘅技術。先睇睇餐牌，有成六張咁多，有介紹店內提供嘅三款叉燒同埋兩款麵（博多1.25mm細麵、熊本1.5mm中幼麵）嘅分別，有啲資訊性嘅內容，係呢度食拉麵之餘仲可以學到一啲拉麵知識，感覺呢間拉麵店好重視拉麵文化，更想客人可以了解、認識拉麵，好有心思。魚介熊拉麵($88) 我選擇咗梅頭瘦叉燒、中幼麵、軟身。第一啖試咗個湯先，好濃郁嘅魚介湯配合香油味道濃厚，我飲到停唔到口。叉燒瘦得嚟唔會鞋，厚度適中，而且加咗少少蘿蔔蓉，令叉燒味道增添酸甜感。而中幼麵嘅掛湯力並不比幼麵遜色，同樣做到好濃湯味嘅感覺，而軟嘅麵質符合我喜好，唔會太腍。超級黑熊拉麵($125) 朋友選擇咗火炙半肥瘦叉燒、幼麵、硬身。佢就話個湯好香黑蒜油味、香氣十足，另外而佢個碗由於係”超級”黑熊拉麵，所以份量應該係加倍，非常飽肚。…Read More

難得放假先黎打風, 搞到之前搞到之前plan好去長洲玩都要取消, 我又唔想一整日留係屋企無所事事, 就約朋友出去食飯輕鬆下, 上上openrice睇下食咩好, 見到觀塘極尚大瀛喜八號風球都開,而且評價都幾好就而且評價都幾好,於是決定食呢間, book好位我地我地book左1730, 我地早左少少去到, 但都見到好多人係出面排隊, 估唔到打風都有咁多人食!我地坐低之後就點野食, 食放題又點會錯過刺身呢～其他種類都各點少少試我地點完之後就出去拎野飲, 有幾個大雪櫃都係放飲品,汽水、茶、果汁、啤酒樣樣有, 我就揀左解茶, 可以消脂,等自己無咁多罪惡感出面仲有好多野食, 冷盤、沙律、炸物等等, 我都拎左少少番去食住等!刺身黎到喇~刺身下面放左好多冰, 可以令刺身keep住新鮮。件件刺身都係厚切, 三文魚好肥美, 油脂分佈得唔錯。油甘魚好香魚油味,入口即溶! 螺肉好鮮味彈牙, 帶子好厚肉, 非常嫩滑。 刺身非常新鮮, 好高質素!我地仲有叫到少量壽司, 壽司好“的骰”, 唔驚食到好飽肚, 賣相非常精緻。醬燒極尚蟹棒壽司(左)啖啖肉, 蟹棒好鮮甜! 鹽燒左口群邊壽司燒得好香, 左口魚鮮味十足, 上面加左少少蔥花, 有一份清甜味。最後既蒜香牛油燒牛肉壽司(右), 牛肉好嫩, 加左蒜同牛油調味,令壽司更加惹味!我個人好鍾意食蟹,就叫左一份咖哩炒蟹, 一份蟹已經包含哂蟹既所有部份, 食落咖哩味好濃郁, 蟹肉都好鮮甜,蟹蓋仲有唔少蟹膏,好味!鐵板風味豬頸肉炒得好香口, 辣辣地,都幾惹味, 青椒好甜, 一啲都唔辣!串燒中, 蕃薯仔好林好甜, 外皮燒得好甘香,好味! 燒雞軟骨好有口感, 用左少少椒鹽調味,好香口!牛肉粒好嫩口, 一啲都唔韌,有少少炸過既蒜片夾埋一齊食,更加香口!最後食埋個甜品做happy ending, 係出面拎條牛奶雪條同牛奶布甸, 兩者都有好香濃牛奶味, 值得一試!總結: 上菜速度好快, 好有效率。職員好有禮貌, 會提醒我地邊啲食物即時熱食比較好! 食物質素又高!下次都會有埋朋友黎食!…Read More

約咗老死去呢間超另類的Cafe，是一間以明信片和郵品為主題的Cafe，位於銅鑼灣的唐樓，友人話呢度唔Sell服務，全部自助。入到去，野要到Counter 落Order，有個牌寫明無服務，食完要自已執好餐具，又話唔好催單咁…但咁有個性，我反而喜歡，因為之前去英國旅行都見過咁的Cafe，其實都幾好呀，反正店內不夠人，香港人真係要體驗一下呢D自助餐廳啦，唔係下下比人服侍的。其實我好鐘意入面大郵筒，是英式啊，你想起香港殖物地的自由嗎？好懷念呀！牆上貼上好了不同國家的明信片，好多不同國家的風景，好美麗迷人。那帆船不錯，令人真想快快出走，體驗一下外面的世界…啊，原來腳下有隻花貓，好可愛！至於美食，煙三文魚火箭菜沙津，好新鮮，煙三文魚上佳貨色咸香新鮮，沙律菜也好好吃；卡邦尼意粉汁醬也好忌兼芝士汁，香滑有層次，意粉不會太腍吊汁一流。白牛來也，綠茶雪糕+Soda奇妙組合，比單飲開胃Soda更滿足，多了甜品的享受。臨走自助式收野，還自助式買了一張好特別的公仔明信片，其實Cafe的美食不錯，主題特別，只要不講服務，是一間好有個性的Cafe！…Read More

放題食得多，但自從上次朋友帶我食過烤肉放題之後，食過番尋味，一直都想再黎食多次，今晚終於約齊人再黎食啦。一坐低就黎刺身同沙律，剌身唔太新鮮，沙律D菜唔係太靚，而且冇太多款選擇，雖然呢到係用電腦板落單，咁睇應該慳番D時間唔洗職員落單啦，但其實上菜真係好鬼慢 大約有10款肉類可供選擇，碟肉一黎朋友仔已經將全部放哂落去燒啦，可想而知佢地有幾餓呢。我地馬上燒，但可惜牛柳粒太韌太厚啦，完全咬唔到，鐘情牛舌既我都嬲豬，因為牛舌都係呢個情況，其實野都係普普通通，冇咩特別除左肉都仲有蔬菜同海鮮烤既，種類都唔係好多，我地揀左D蕃薯同菠蘿。烤完既菠蘿鮮好多都係好酸，真係酸到一個點。至於個紫心蕃薯烤完之後，係脆脆地既，但冇乜甜味總之呢間野真係唔係好值呢個價，食物好一般般，服務都好一般！…Read More

雖然話黎食雞煲但都有叫其他小食嫁，先黎碟刺身有三文魚、帶子、北寄貝、櫻花魷魚、甜蝦，賣相唔錯望落都幾新鮮，厚切三文魚色澤鮮艷紋理清晰，食落so creamy ，北寄貝及櫻花魷魚又夠爽口，夾帶檸檬片既帶子口感唔單只爽身仲好清新，可惜甜蝦太細隻，味道鮮甜但冇咬口雞煲黎啦，我地叫左招牌雞煲，勁多芫茜未食都聞到陣香味，雖然唔係新鮮雞，但惹味又濃郁既醬汁搭夠，雞肉非常入味又夠滑口，食下食下一隻雞咁快就食完食完雞煲我地冇打邊爐既打算，最後再叫左碟小食之一既” 八味金磚脆豆腐”，見到有好幾枱客人都食，加上店員拎住行過既時候偷望到其賣相好吸引。新鮮滾熱辣既豆腐剛炸起就上枱，表面略灑點椒鹽及芝麻，咬落外脆內軟又帶點鹹及芝麻香，非常香口估唔到呢到除左雞煲出色連小食都同樣出色…Read More

前幾天股票有斬獲，心情極佳，決定由我萬歲，請朋友吃一頓法國私房菜。黑松露蘑菇湯，黑松露味不算突出，似普通蘑菇湯多D，而且有D水水地，唔足料豬肉腸拼西班牙火腿，豬肉腸味道香濃、不過食落好；西班牙火腿咸咸地，但好乾身芝士煙肉焗蠔，蠔係大隻，但芝士燒得唔夠焦，仲係水狀，同埋芝士味太淡啦，好一般吞拿魚他他，洋蔥、蕃茄同香醋汁混埋吞拿，味道好青好生，法式蒜蓉包仲要好硬身，唔好食煎封法國油鴨脾伴自家製雜莓汁，鴨肉太咸，而且食落肥肥地，咸咸到齋食有D難受，如果有配其他野食會好D忌廉烟肉磨菇意粉，汁超多好漿，料都OK，D汁好肥，意粉有D硬…Read More

Tea time突然好想食飯，但唔係處處有飯offer，第一時間諗到吉野家但諗番上次食到好飽，番到屋企晚飯都食唔落，吉野家的下午茶其實份量頗大)因此到了揾食天堂覓食點左個$12咖喱飯一試，小碗份量比較少有兩大舊薯仔，夠林又帶有少少口感，可惜只有丁點兒肉碎，小小失望用了珍珠米，食落幾彈牙，黏度高，咖哩汁微甜，唔辣的用料唔算非常多，單講$12一細碗份，得醬汁同薯仔其實唔係好值，雖然米同薯仔食落是不錯純粹係因為咁岩想墊一墊肚都還好，但其實可以有其他更好既選擇…Read More

元朗有好多好野食，今日同朋友行元朗，就黎呢到食特色懷舊小食 - 粉仔同咖哩雜。呢到就比較舊，隔雜幾間都有D舊食店差唔多樣，價錢一樣好平！粉仔既湯底好漿較杰身，食落好香蝦米味，一條條麵粉整成既粉仔咬落淋身，配埋爽口既辣菜甫，好夾!!唔錯!! 咖哩雜有魷魚、豬紅、豬皮、豬腸、魚蛋、菜，份量可以，味道一般但唔係難食，如果咖哩既辣味重D會更好。呢到食野真係好平，2樣野加埋都唔洗$50，雖然話唔難食，但始終我諗還有好多進步既空間，所以唔能夠要求太高…Read More

喺大快活食早餐，叫咗一個好大皮蛋瘦肉粥嘅餐同埋有一件蘿蔔糕，要＄20。唔算係平架，不過因為我最鍾意個餐唔喺度，所以我先叫呢個餐咋。個皮蛋瘦肉粥唔夠鹹，同埋啲米飯好似有少少稀，同埋太大，要食好耐先食得哂，都有唔少皮蛋碎，但係肉碎就真係太過碎啦，啲品質都唔係幾好。冇乜味而且好鞋身。主要都係飲水食米飽。個蘿蔔糕就比較鬆身，味道都算可以。 下次我都係寧願去附近嘅粥粉面飯店食早餐，感覺好似比較好。睇黎都要搵定一間😂…Read More

去土瓜灣探個舊朋友，朋友亦盡地主之誼帶我去附近晚膳。呢間餐廳從外觀到內裡既裝修都非常讚，燈光柔和，氣氛唔錯，估計呢到食野唔平果然冇估錯，平均一份set dinner都要$100起，估唔到係土瓜灣既cafe食野都咁貴。難得今日開心，就叫個美式雜扒餐enjoy下套餐包蒜蓉餐包及是日餐湯，是日餐湯係粟米忌廉湯，飲落好香粟米既鮮甜味，加埋忌廉滑滑既口感，好正!! 等左陣主菜黎啦，主要有雞扒、豬扒、雞翼、德國腸、煙腿，再加埋薯角做配菜，感覺份量好多。醬汁一般，最欣賞塊雞扒表皮煎香，食落香脆而肉質依然嫩滑多汁，整體樣樣都好味，唔會難食，但唔太特別，相對呢個價錢就唔值啦………Read More

1950餐廳係有D地方都聽過，餐牌上的食物種類選擇亦算多，大多都係西式類既，睇落樣樣都好吸引，花多眼亂，最後決定叫住少少試下先，話哂第一次黎德國式啤酒焗雞聽個名好似幾得意，把原隻燒雞插在啤酒樽上，燒雞係熱辣辣既但外皮已經係林哂，裡面肉有D鞋，冇乜味，完全食唔到有咩味西班牙海鮮飯，呢個炒飯D汁都幾多，但食落完全一餅野咁，好厚，不過比隻燒雞好，至少味道唔算太差 菠蘿火腿蛋Pizza，材料鋪滿哂上面，再加埋芝士拎去焗，睇個樣係唔錯既，D料都夠，但係質素真係頗為參差，薄餅底好硬，硬到食唔到淨係食哂個D餡…Read More

朋友話發現油麻地有間唔錯嘅樓上餐廳，所以帶我黎試下。天氣咁熱，好在由油麻地地鐵站行過黎都幾近。招牌好靚好colourful，餐廳位於酒店樓上，搭lift上去好方便。一坐底首先叫咗個BBQ醬雞翼將炸好了嘅雞翼加上了BBQ醬酸酸甜甜的味道再加上外面脆卜卜的雞翼一食落口唔單止開胃而且呢度用上了X X L size的大雞翼食落口啖啖肉然後叫左個精選二人套餐蒜蓉麵包亦都唔錯，蒜蓉牛油味香口，麵包鬆軟。仲配龍蝦湯,湯味非常濃郁,係小有既餐廳做到既美國安格斯西冷牛扒叫左個5成熟既牛扒,調味做得好好 pepper seasalt 既份量岩岩好 又唔會太咸又提到牛肉既鮮味出黎 超好食呀 同埋牛肉入口要細心咀嚼 果種肉汁既甜味好正呀套餐仲有沙律配菜，包括車厘茄、生菜、沙律菜、西蘭花。總括黎講,係可以返轉頭再試已經約好朋友下次再黎試下共仔菜式…Read More

呢牌胃口麻麻，食得太清淡啦，口啖啖咁，心思思想吃四川野，約左老死奧海城睇戲，看罷齊齊想食辣，揀左呢間。呢間十二味，裝修好靚仔，好田園，入面有個可愛細蚊仔公仔在牆上，加上木桌木枱，好簡約，還月露天座，幾好！口水雞麵來了，雞真的好嫩滑，那麻辣汁，又香又麻又好辣，加上的汁酸酸地，充滿了芫茜、香芹和胡椒的味道，汁醬好好食，吊到D雞鮮味，令人好開胃，麵是幼麵，是做擔擔的那種，好滑好煙韌咁，加埋D麻辣汁一齊食，好食過擔擔麵！友人和我也愛呢個香酥炸肉，外皮有脆漿，炸到好脆好香，入面半肥半瘦，入面好JUICＹ有油香，好辣好麻，送可樂最正！辣子雞真係好辣！！！又好麻！！！但係呢個真係好好味，愛死了炸到好香腰果，Ｄ雞入晒味，食到噴火，重有係Ｄ辣椒干，好香好辣，邊飲可樂邊食，一味雪雪聲咁，好過癮！…Read More