一坐底就叫左最出名既航母海鮮盛宴,原來除左8樣海鮮之外,仲有得加其他料,我地就加多左牛肉,午餐肉(打邊爐一定要食),蟹柳同豬肉等等
個航母海鮮盛宴一上,即係睇到D海鮮好新鮮,D蟹仲要未死好生猛,跟住友善既員工就馬上幫我地加湯,一加就見到D蟹想走出黎,真係比佢嚇一嚇。
由於要等佢地熟(大約15分鐘)我地叫左竹遮水飲,等到一打開,我地都立刻開始食野,我先由蝦食起,蝦都好新鮮,肉非常彈牙, 大大隻扇貝好厚肉,同花蛤一樣好鮮味,提一提鮑魚一熟就要食，正！否則煮太耐就會un左,湯底非常濃郁,加埋D配料真係好夾,最後我地先落後加既牛肉,午餐肉等等,;非常滿足。
回味指數5粒星,下次一定會再黎,因為材料真係非常新鮮,同埋員工服務好好,不停會幫你換碟,所以一定會再黎!!!
