JackieChow168's Profile

好耐無黎，今日退步咗。但都係ok嘅間店位唔多，一張4人小圓枱要坐5個人，見其他枱不停催客走，都可以理解嘅。還好我本身都趕時間，坐低到埋單16分鐘，所以我無比人催🤭✌️碟飯比起以前蝦仁細隻咗但數量無多到，蛋量少過以前，味道就無變依然keep到水準嘅，不過啲米飯就有生米，可能我唔好彩係鍋底最後嗰碟吧，差不多每啖都混咗硬嘅飯粒，呢樣真係唔多好。😅上環，$61蚊連凍飲，附近都無乜抵食嘅茶記，硬食啦😂。…Read More

早幾日先試呢間個咖哩牛坑腩飯先講個咖哩，普普通通，香料味不足，色同味都遍淡。牛腩切到好細粒，雖然唔係真坑腩，不過大部分都係半肥瘦同夠淋。雪腩亦處理走雪味，幾好👍🏻。但因為咖哩味不足所以亦突顯咗雪腩牛味唔夠嘅缺點。重點係價錢，你又唔係cwb或TST街鋪，只係响深水埗偏僻嘅道路。又唔係用料特別好或特別多，連凍飲$71蚊會唔會過分咗啲？唔係放兩條草加兩粒蕃茄就高級咗架喎😂講真，如果$51蚊會再食，$71蚊就唔值了。…Read More

見到谷友話正，即刻衝去試試。先講咖哩 本身面頭啲咖哩係好香濃，好抵讚。但食咗兩啖一夾起裡面舊蘿蔔，碗底就有啲湯湧上來，因為佢咖哩汁都少，即刻沖淡晒，陰功！😢牛腩方面就一半半，有一半係帶肥或者帶筋嘅好食，另一半係柴皮瘦腩，攝牙罅就靠晒佢😆。不過唔係全部柴皮瘦就算啦。個例湯就幾好，飲到材料嘅味，唔係有味水。整體來講可以嘅，好順路經過先會再食嗰隻。建議商家換個大小小嘅碗，咖哩汁多翻啲。:)$55加汽水$7蚊共$62。熟食中心就唔平了。…Read More

去咗佐敦食早餐，求其就腳响門口見$35蚊份早餐，呢區都算平，就試試，點知發覺呢間幾好喎，又抵食。首先，多士夠脆夠熱，炒蛋夠滑調味又好，塊火腿竟然都唔錯😆。沙爹牛就麻麻，無沙爹香味，亦不掛汁，啲汁一攪就沖散晒，唔掂😂。好彩啲牛唔韌，食得，不過好細塊，碎濕濕咁。雖然無沙爹味，但個湯底有濃厚嘅胡椒味，我又幾鐘意😊。不過如果你一啲辣都唔食得嘅，問清楚佢有無不是胡椒湯底先。$39連凍飲多士，算幾ok會encore…Read More

黎咗呢間好多次，不過第一次寫食評比佢。本身諗住過嚟食大火焗豬扒飯，見lunch set都有想食嘅嘢就慳返幾蚊啦🤭咖哩牛筋腩飯，比想像中好。本身對茶餐廳牛腩不敢要求，點知呢個ok喎，腩同筋都炆得夠淋又入味，都清走晒啲雪味，可能我好彩，成碟大部分腩係半肥瘦，得一舊係全瘦柴皮腩。要彈下個汁同薯仔，薯仔炆得不夠淋，個汁就不夠香濃又比較水。講真，炆得牛筋嘅汁一定杰身，咁水應該係炆好啲筋腩先放落咖哩度。不過整體真係ok，茶記牛腩算好好了。…Read More

又响禧利街搵食，呢間餃子响開飯都算多人like就走去試下。Size睇落都幾大隻，咬落就發現係皮很大塊，餡料唔小嘅，係塊皮太大啫，而且都算厚，厚得黎但又好淋，係烚得過火嗰種淋，幾明顯係烚定有人叫再翻熱嗰種。我叫嘅係韭菜豬肉餃，可能因為烚太耐味道流失咗，所以韭菜味肉味都欠奉。湯底有小許魚味，胡椒粉味，但咸味為主。整體其實有普通餃子質素嘅，不過以餃子為主打就未夠班。價錢都普普通通，唔平唔貴，整體我會比70分。…Read More

伏伏伏乾、柴、咸所謂6小時慢煮T-bone，得3mm厚😢，慢煮都係為咗保存肉汁同令肉肌肉纖維變軟，你可以乾到咁，不如就咁煎罷啦，同埋已經咸到咁，你仲跟Dou 鹽做乜吖。。。。總括就係”乾柴咸”。所謂肉眼扒無咗塊肉眼邊，點解會咁嘅呢？切咗返屋企打邊爐嗎😂？同埋點樣煎先可以咁柴咁乾，又係一塊”乾柴咸”。個酥皮洋蔥湯，睇係幾好睇嘅，飲落咸到苦，救命。全晚得配菜入面啲粟米係正常。扒煎得咁差真係好有難度，小弟佩服🙏🏻🙏🏻…Read More

湊巧午飯時間經過鑽石山荷里活廣場，看水牌見到有間牛肉麵，之前未食過就去試試。坐低叫了半筋半肉麵配小食和豆漿，服務員態度和上菜速度也不錯。先講碗麵，賣相幾好，但得兩舊筋一舊牛肉真係幾孤寒😅，牛肉燉得很軟糯很入味，兩條牛筋一粗一幼剛好有兩種口感，幼的入口溶很粘口，粗的還有小小咬口。湯底不像台灣那些紅燒牛肉麵有很重的牛味，它是帶藥材味及淡淡的肉味，比較像肉骨茶，小編頗為欣賞，可惜的是店家沒配上咁夾的麵，湯該配幼麵，幼麵才可沾多點湯，店家用了成本較低的寬條白麵讓整件事大打折扣，寬條麵應配比較糊的汁或醬才對呀。有驚喜的是跟餐的小食，豇豆有蒜香油香，花生夠脆，讚👍🏻。珍惜奶茶飲到淡淡茶香和奶香，唔似出面啲乜乜堂得個死甜都飲不出其他味。總結: 希望店家唔好慳嗰小小，比多舊肉人食同可以比人揀幼麵啦，不景個午餐都60多元，你唔孤寒其實好高分。…Read More

第一次試三才魚蛋粉😅聲稱自家制魚蛋，中午經過見幾多人排隊又好多雜誌相貼响門口，夜晚就去試下。魚蛋係有啲魚味但亦有啲腥味，彈牙度有少許，整體不過不失。波菜餃好多菜，偏淡，不過包得幾靚樣。湯底最失望，一般自家製魚蛋嘅都應該有好多魚骨餚湯，碗野黎到見個湯無乜色水都知奶奶地野，飲落真係無味😅，所以攪到河粉都無味，粉亦無米香，不過好滑無散晒。最得係辣椒，好香，唔死咸，好在有佢救翻無味嘅湯粉$36蚊雙拼10分滿分就5分啦。…Read More

限聚令下晚市只能外賣，第一次叫一蘭的外賣拉麵，結果中伏中到核爆！😡😡😡首先佢個麵底並不是平時堂食的拉麵，正確來講佢並不是拉麵，而係好像低質即食麵咁嘅麵質，仲要膠膠地咁。。。。。失敗！😓一碗拉麵最重要嘅第二樣 - 湯底，一個字 “味精湯”，我寫包單佢呢個湯係用味粉或味膏開出嚟。。。。失敗中嘅失敗😓😓最後，叉燒得紙咁薄一片，我都未食到乜嘢質地已經無咗，青葱係大陸葱，亦再無其他餸了。單又做錯，一碗不要葱的加了葱，餐具又無跟。一碗咁嘅無餸即食麵你賣到109蚊，你有無良心呀？比起食神嗰碗99蚊那渣麵過份10倍，就算食神嗰碗失敗嘅那渣麵今日都仲係賣99蚊，你呢碗我覺得最多值廿蚊咋。一直都有幫襯一蘭嘅我，決定分手💔。…Read More

這間三餐冰室在我公司附近，雖然坐落大街，但那位置在尖沙咀來說是不多人會到，所以就算午飯時間亦多數不用等位，所以係一個唔錯嘅選擇。大部分餐廳午餐很多時都是ABCDE幾款選擇，但這裡每天午餐都有十幾款可以揀的。今天選了這個香蒜汁雞排飯，先講雞排，他們是煎得不錯，可以說是皮脆肉滑，雞排還保留著不少肉汁，個蒜香汁調味亦不錯👍🏻。重點係個飯，我最欣賞佢哋個白飯真係煮得剛剛好，飯粒分明帶小許煙韌，這樣的飯吃起來特別好食👍🏻👍🏻👍🏻。…Read More

每次行IKEA都會响裡面餐廳食埋野，因真係抵食。今日點了煙三文魚沙律、肉丸薯泥及鮮燈汁，加埋都係幾十蚊，今時今日真係唔易搵。味道又如何呢？煙三文魚沙律今日呢個真係麻麻地，煙三文魚可能放久了，不太新鮮帶點腥，之前食過就唔係咁嘅，算我唔好彩啦😅。肉丸薯泥呢個不嬲都係鎮店之寶，今日都保持水準啦，肉丸可能係機打機唧嘅關係，肉好淋，而且個汁味道偏淡的，所以幾啱小朋友吃的。薯泥係溝出來那種，所以一定夠軟夠滑的。…Read More

100蚊唔使有200g牛肉嘅Stone Grill，仲有埋沙律、湯、意粉或飯同埋汽水，直頭係底啦，質素仰點呢？一齊睇睇。入店前要在自助售賣機揀好要什麼然後付款再攞飛仔，店內位置不多但地方尚算企理。食物方面，先講配菜。沙律是菜絲沙律，用來配搭濃味嘅肉無咁膩，麵豉湯是純粹味噌溝的那種，不喝也罷😅。意粉都係普通野。至於主菜嘅牛，因為佢本來已經醃過，建議大家先試咗原味先再點燒汁，以免過咸。肉的質素以88蚊來說算不錯了，我最欣賞係牛排上面的蒜片，放在石上再燒乾一點特別香。總體來說CP值高，值得一試。…Read More

前身是營業多年的豐盛酒樓，被瑝府收購後改名瑝府豐盛重新裝修後營業。現在環境靚咗價錢貴咗，食物質素如何呢？今日來試試她的點心吧！試了幾款點心，基本上樣樣都不錯，重點是蝦餃，不得不多用幾隻字介紹一下。先說層皮，很多人以為晶凝通透就好，其實不是，蒸到透明就過熟了，蝦餃的皮蒸到剛剛白裡透紅的才是最好，這裡就蒸得剛剛好，厚薄亦適中。再說裡面的餡，蝦、荀、豬肉比例為7:2:1，比例相當好，濕潤程度亦恰當，相當有水準👍🏻👍🏻。…Read More

車仔麵特色就是可自由選配不同餸菜來配撘。今日小編希望為大家多試幾款餸菜，所以便不叫麵了。事不宜遲，我地遂一試試😊。湯底- 車仔麵的靈魂，這裡的湯底味道尚可，但味道主要來自鹽，建議加多點豬骨或牛骨下去煲吧。瑞士雞翼尖 - 瑞士汁入味的，雞尖較瘦。豬紅 - 不錯，豬紅都是批發來的，來貨不錯吧。豬皮 - 又不爽又不淋味道又怪怪的🤨。通菜 - 老，很多渣。韮菜 - 全是渣，不要吃😣豆卜 - 普通菜心 - 鮮、嫩、淋，最好的一款👍🏻招牌餃子 - 附近有兩間餃子店，餃子可以留肚別處吃😂秘制牛筋 - 夠淋夠入味👍🏻柱侯牛腩 - 全都是柴皮瘦腩沒有一舊似樣，千萬別吃🤬麻辣醬 - 不錯，食辣的朋友可以一試。小編另外還單點了一碟小食 - 台式炸豆腐，吃得出豆腐是翻炸的，但又炸得不脆，不好吃。…Read More