kekimama's Profile

每次經過都見到人龍，亦曾經聽過2個朋友都話唔好食，唔會幫襯，上星期早上經過，竟然冇人排隊，所以比個機會試一試。叫左3個餐，有2個5-8 分鐘左右都出到有得食，剩低－個french toast 等左40分鐘 才到，期間問左三次，第一次係叫餐後25分鐘問；個侍應妹妹，答我幫你睇吓，之後無回應，再問第二個：答「整緊」⋯再問第三個：答「呢啲係耐」我唔明佢哋用乜嘢方法煮（相信係比較慢），唔緊要，點煑係佢地方法，但係如果個餐係要煑咁耐，建議在菜單上寫明製作時間，係知道咁耐，我－定唔叫！食物味道一般，唔值得排隊食！冇下次。…Read More

三人行睇完戲行行下，點知落大雨，見到有新café ，環境唔錯，便入去試試啦😊Mama 之選： All day breakfast 😋擺盤很精美，顏色鮮明，非常豐富有七款食材，每樣都獨立用心製作，炒蛋奶香綿滑，煙肉及香腸煎得剛剛好，車厘茄拌有香草糖漿，清甜易入口，法包有牛油果茸及蒜蓉醬配合，還有煙三文魚及炸薯角，十分滿足🥳 好⋯⋯飽仔仔之選：卡邦尼粗管通粉😎傳統配上師傅的新點子，見到餐牌上寫明（no cream),真的廚師不像其他一般餐廳，偷步落忌廉去煮，師傅用了粗管通粉配以巴馬臣芝士醬，加上意大利煙肉粒，味道香濃純厚，愛巴馬臣的值得推介😚老公之選：煙三文魚配酸包多士🥸酸種麵包的天然香味，淋了小小橄欖油，令人一試難忘，一碟二大件，上面配有多層煙三文魚及火箭菜，再加上酸豆、乳酪醬及洋蔥配搭，口感豐富而又帶清爽新鮮的感覺😙小食：芝士松露醬香炸薯角😋😎🥸薯角炸得外脆內糯，配以芝士醬已經一絕，再加上咸香濃郁的松露醬，芝士控必食😝老公愛啡：Signature drink (ice)🥸效果吸引，咖啡下層有湯力，加上果味糖漿，上面放上迷迭香青檸奇異果片，咖啡芳香來點水果酸甜，十分清新醒胃，炎炎夏日中必飲勁推，幾持別🤩…Read More

今晚和老公二人，回來吃我之前喜歡的手撕雞湯麵，事隔一段日子，好像什麼都變了，湯-不熱的，米粉硬到吃不到，似小時候用熱水浸泡去吃的超力米粉，但如果湯不夠熱，米粉如何㓎軟😭沒辦法下只好請店員，幫忙「叮」下，結果回來後，都是「硬」米粉（比先前稍為好少少）😭，湯稍暖一點，最後為免再麻煩人，我硬食！因為不想再麻煩廚房哥哥了，叮完一次，結果也是一樣。味道好咸😭（對我來説），之後狂飲水😭老公吃公司三文冶，不過不失，也可接受！只此，放棄不再回這𥚃了！沒用心去烹調！是否是冰室文化？我不認同！希望管理層留意一下出品！失望🤦🏻‍♀️…Read More

大公司用料好，最喜歡他們的豬耳扎，爽！不過份量稍為少了一點，可能我大食😂仔仔愛菠蘿炒飯，菠蘿新鮮，略為燒過，味道清甜。香茅咖哩牛腩飯：味道不錯，但個人覺得咖喱味濃多一點會更好。牛腩囗感適中。整體來說，不錯！…Read More

星期日早上和朋友、家人一起4人到黃金海岸商場吃早餐, 路過這店門口，沒估到他們已經開了並有早餐供應，我們見價錢也接受，所以入去一試。在門口已經有位很親切的外籍男仕，給予我們一個warm welcome 😊👍🏻三個人點了All day breakfast +$10 可添飲咖啡1杯 及多士任食另外朋友點了煙肉三文冶，我沒試，看上去味道不錯。整體食物質素不錯，環境又舒服，本來想晚上再試晚餐，但仔仔有點咳，唯有下次再試。在黃金要找一間價錢合理，味道好，又坐得舒服，這𥚃是不錯選擇！…Read More

情人節-同老公回喬屋撐抬腳，原來今晚有情人節餐，因為師傅好少做餐，所以我們決定試下這個Omakase 1）先來杯餐前酒：用甲洲日本白酒及新好生菓浸泡，好fruity! 👍🏻2）然後「八寸」：- 有明太子冷奴-這個比較簡單，明太子加沙律醬配豆腐吃，不錯；- 鮪魚醬油漬-本鮪配上醬油漬過後，依舊鮮味！仍是我最愛！- 鹿兒島半熟玉子- 半開玉子加沙律醬及蟹籽，有口感（因為蟹籽）和味道很好！😍3）湯：這個湯很得意-叫「櫻餅吉野湯」、細問之下，原來是櫻花葉包著用道明寺做的櫻餅，個湯就用吉野葛粉去煮，味道清淡帶點淡淡櫻花香味！4）什錦刺身：中拖羅/牡丹蝦/帆立貝和油甘魚 - 👌🏻5）燒物：- 伊勢海老櫻花燒 - 一向喜歡這個醬汁，今次燒龍蝦，好有心！因為師傅砌左個心型🤪，我最喜歡在龍蝦底的薯蓉，好好味！6) 飯：白燒鰻魚茶漬飯 - 魚燒得香，最欣賞個茶湯，透出淡淡茶香！飯糰也是燒過，帶點紫菜香👍🏻最後是一個白色的慕思蛋糕，好靚！有櫻花🌸裝飾！蛋糕味道不太甜，淡淡椰子及芒果味！好好味！這個情人節晚餐，真的令人回味！👍🏻👍🏻…Read More

很久沒來奧海城了，發現餐廳也變了不少，原本打算來吃西餐，見到這間被環境吸引了，門面很寬大，開放式，主要當日不太多人，又好像是西餐，我們就入去一說！坐下來看Menu 見到原來是韓國品牌進駐香港的特式西餐，我們一行四人，其中兩個一老一少，吃得不多，所以這次沒點了太多嘢食！Menu 看來比較簡單，但都有意粉/Pizza / steak 等等，我們點了幾款；1）Scallops with Basil Cream Fettuccine$158味道不錯，個汁偏清淡2）Garlic Cream Mussel $148 同樣不錯，好鮮味👍🏻3）Garlic Chicken Ssam $158好像中式的义子，都是用來放肉碎！口感偏硬，但粉味香（靚仔waiter 哥哥介紹以下這個）4）Garlic Bread Tower $48幾得意，侍應哥哥會在你面切開，味道一般😂整體來說食物也不錯，坐得舒服！…Read More

環看當天Yoho Mall 某些餐廳已人潮擁擠地排隊等開飯，我們三個人太懶等位同人爭，故此行多倆步到另一邊Yoho Mall I 搵下有乜好嘢食，結果一致同意比個機會試下這間德國餐廳，皆因亞爹同亞仔都幾喜歡吃德國腸😁在門口看都見到有Set Lunch ，在這個商場中算值得試！我們點了 1) Sausage Platter (for 2 pax)- 餐廳挑選的香腸味道很好，不會太咸，有些帶點辣，但味道適中；2) Mussels- 店員介紹用啤酒烹調，不過不太覺有啤酒味，但比較一般用白酒煑的青口，雖然沒有白酒的果香，但有另一種麥芽發酵香味！3) Krombacher Non-Alcoholic -店員介紹，味道不錯，麥味香4) Stiegl Grapefruit -同樣店員介紹，味道清新，一流；5) Fruit Punch -正常好飲6) Cold Cuts Board-, 各款ham 肉味道不錯，值得推介，伴碟的酸瓜也很好味…Read More

月曜日的晚上首先抱歉這次食評可能太長，因為「為食」⋯然而吃得多⋯所以寫得多😁在香港工作壓力很大，適當時候要減壓，所以今天決定放自己一天假，陪個仔去剪頭髮，跟住去睇戲，當然晚飯直落啦⋯⋯😍😍👍🏻今次同亞仔倆人撐枱腳，選了位於登龍街的樓上店，因為懷念這間店的丼飯，所以特意帶埋仔一起來🤗我們今次目的地是6樓的「喬屋」，進入餐廳客人不多，可能早吧？！仔仔坐下來已急不及待在我耳邊說，好肚餓⋯😂這次來發覺menu 有點不同，我懷念的丼飯仍在，不過多了其他款式食品！令我心癢癢試了新嘢😂我為他點了⋯⋯1) 照燒魷魚- 唔乾，加埋個汁，正！基本個仔一個人食哂 - 變成了仔的最愛！❤️❤️❤️❤️❤️2) 煙肉車尼茄卷-都是比個仔 KO 埋，佢話d 煙肉咸咸地，D車尼茄好juicy ❤️❤️❤️❤️3) 燒牛舌- 雖然薄左D，不過味道啱啱好❤️❤️❤️❤️4) 手羽雞翼- 雞皮好脆，又夠味！❤️❤️❤️❤️5) 燒粟米- 半條栗米，分兩件唔駛爭！牛油香！好味❤️❤️❤️❤️6) 燒鵪鶉蛋- （好耐冇食，好期待-⋯結果係⋯好味）❤️❤️❤️❤️7) 燒多春魚（日本產特別肥美）❤️❤️❤️❤️❤️8) 燒年糕- 仔覺淡，不過我就喜歡口感軟糥，配上醬油好香甜❤️❤️❤️9) 燒芝士年糕- 之前來吃炸的，覺得個芝士味很好，今次有燒，內𥚃像吃棉花糖般軟棉😍😍❤️❤️❤️❤️10）鮭鹽燒- 我自己對熟的三文魚就普通，不過啱小朋友食就👌🏻！見個仔食哂，應該唔差😂❤️❤️❤️❤️（這個❤️由個仔比的）11）腐皮烏龍麵 - 在京都吃過腐皮蕎麥麵，很喜歡它的湯汁及配料簡約清淡！甜甜地嘅腐皮，加上海帶，估不到現在可以再一次細嘗，不過只是轉了烏龍麵，湯汁很有水凖，同在京都吃的很相似😍❤️❤️❤️❤️❤️今次最特別是我見到menu 中，多了一個系列叫「珍味」，裡面有我曾熟悉的「豆腐のみそ漬け」-「豆腐味噌漬」，在日本的居酒屋試過, 所以一系列的珍味，就入了我肚，「亞仔唔會爭😂」1）豆腐味噌漬- 其實用味噌醃製，咸咸地，口感好像有些軟芝士感覺！🤗❤️❤️❤️❤️❤️2）鮪魚醬油漬- 我自己喜歡有口感同魚味重的魚，這個老闆話日本直送！加上醬油！満分！😍❤️❤️❤️❤️❤️3）油封鵝肝涷 - 在傳統居酒屋未見過，吃落去好像mousse , 好滑，好香❤️❤️❤️❤️❤️4）酢鯖魚5）酢小肌「酢鯖魚和小肌其實很相似，之前多吃酢鯖魚，但新鮮自己漬的，在香港比較少，始終經酢漬過，口感偏實但彈牙，不同在其他日本餐廳吃到的肉質，實和散！這個酢鯖魚很有水凖，可見師傅一番心機！同時試了小肌，牠是體積比鯖魚細少很多的🐟，在香港亦甚少吃到，肉質比酢鯖更嫩更有🐟味😍😍」both ❤️❤️❤️❤️❤️吃串燒個陣已忍不住叫了梅酒啦！「三洲梅酒- 辛囗」，介紹話⋯全天然無添加糖，雖然寫辛口，一D都冇辣嘅感覺，而且甜度適中，加冰飲⋯不錯😍！❤️❤️❤️❤️❤️整體食品質素好，性價高！由於今次得兩丁人，冇機會吃到日本直送的鮮魚😭😭！同時沒有吃我懷念嘅丼飯，但今天有嘅驚喜，已經好🈵️足，下次約齊人再食！💪🏻💪🏻備註：老闆見我點了幾款珍味，但是飲的是梅酒，佢好好人請我飲兩杯清酒，因為佢話，我所點的珍味最好是配清酒，一啖清酒，一囗珍味！老閭請的兩杯清酒都好好，一個較濃，酒味重，一個較淡，淡淡花香味，倆者都易入口！😍這就是旨味！當晚飲到High high地😍😍！重等到老公收工來接我地返屋企😍😍🤓⋯Happy Holiday ✨🥂💫…Read More

又是日矅日的晚上，今晚和家人來到很久沒有惠顧的法國餐廳，為何很久沒有來⋯⋯因為上一次來的時候，覺得味道一般所以沒有再來😂因為事隔很久，所以決定比個機會重新再來👍🏻😂環境氣氛依舊浪漫，始終都在黃金海岸，予人一個休閒浪漫感覺，拍拖來吃飯其實不錯選擇！喜歡看日落的可選擇坐露天坐位，不過我們怕熱，所以還是坐室內卡位！我們點了兩客肉眼扒，一客燒雞，一客海鮮意粉！頭盤可選擇湯或沙律，店員服務很好又細心👍🏻👍🏻我們選了湯及沙律各兩款，分別是洋蔥湯及蘑菇忌廉湯，沙律-軟殼蟹沙律及煙三魚沙律😁洋蔥湯-比較淡囗（自己喜歡較濃一點）❤️❤️❤️蘑菇忌廉湯-可以👌🏻😊❤️❤️❤️軟殻蟹沙律及煙三文魚沙律-沙律菜新鮮、隻蟹有點炸得過了火，煙三文魚-靚貨好味❤️❤️❤️我和老公點了肉眼扒五成熟-剛好，整體好味，肉質鮮嫩！❤️❤️❤️❤️仔仔的海鮮意粉，味道清淡，份量十足，包走回家再吃😂❤️❤️❤️母親大人的燒雞-賣相精緻，味道不錯，雞偏淡！可能由於母親大人不喜芝士原因，師傅特別為她「走」芝士，所以味道淡了，但雞味足夠，適合不愛濃味人士❤️❤️❤️❤️餐後飲品-點了咖啡同檸檬茶👍🏻❤️❤️❤️美中不足-沒有甜品😂😂整體用餐-❤️❤️❤️❤️…Read More

優閒日曜日辛勞了一星期，又是好好款待自己和陪家人的時間了，星期日早上到酒樓飲茶，對我這個怕去排隊的人來説，實在痛苦，又想食很又不想等位⋯可以點😂⋯都係等！幸好只等了一會😍(可能我們早）這間新開的酒樓，朋友介紹，所以即管一試，地方不算太大（以元朗酒樓來説），可能早市關係，放枱比較迫一點，但可接受的！不過環境雅緻，地方整潔！坐下來也很舒服😊一坐下來，我們一行四丁人，已經超肚餓，未來得及叫點心，侍應姐姐剛帶來一碟新鮮熱辣金黃色的叉燒餐包，真係好開心，即係拜託姐姐放低，唔理三七二十一⋯⋯食左（我連相都影唔到😂）！帶小小甜的包面配上叉燒餡料-味道剛好，加上剛出爐！好味！❤️❤️❤️❤️（4/5）之後例牌⋯評分制 ❤️❤️❤️❤️❤️(5/5)1）蝦餃⋯皮薄加大粒蝦⋯正❤️❤️❤️❤️2）燒賣⋯口感實在，肉質鮮美！不會像有些酒樓吃落去滿口肥肉！❤️❤️❤️❤️3）牛肉球⋯囗感彈牙，牛肉不覚有膻味❤️❤️❤️❤️4）煎薄餅⋯夠咸香脆口⋯❤️❤️❤️❤️❤️5）腸粉⋯皮薄⋯又滑❤️❤️❤️❤️6）糯米雞⋯👌🏻味道適中，不過再多些餡，糥米薄少少！就更好！❤️❤️❤️7）藥膳雞腳 ⋯ 淡淡酒香，味道不會過濃，雞腳口感適中！❤️❤️❤️❤️❤️8）芋角 ⋯ 我最愛，不油膩，鬆脆內軟！❤️❤️❤️❤️❤️整體食物質素好好👍🏻👍🏻值得回來再吃！下次吃晚飯！…Read More

和老公同個friend 去試, 之前睇食評話麻麻地, 服務又差, 但今次我們去, 就這兩方面的確又唔係食評講咁差! 幫佢地做d平反!我地三個人, 叫左3個雞類套餐, 跟住再散叫左燒鰻, 牛肋, 牡丹蝦刺同三文魚刺, 燒年糕等等..都好多野食, 不能盡錄, 我地無飲酒, 都食左1200蚊, 雖然稍貴了一點，　但都值！!原因係好好食！ 　我覺得值得再回去的，除左好食外, 係環境都坐得好舒服, 係衰在行得遠, 經扶手電梯行都好少少, 行到上去, 真係唔餓都變餓!　服務又幾好！　所以希望佢地繼續努力！　比間好味的餐廳我地去食野啦！…Read More

突然想起食上海菜，在屯門就一定會到這裡! 喜歡這裡什麼....? 食品夠穩定，次次食都是一樣味道 服務好 :) 而且出餐超快( 我地叫一個鍋貼，由落單到起菜，不到4分鐘) 想讚佢快，但係又讚唔到，因為一看就是"叮"熱後上檯，雖然如此，但係...都算ok! 其實翡翠一向給我的感覺，都是大眾化餐廳，以這個價錢，服務以及食品質素，算係好了! 所以繼續勞力! 再讚服務好好，有禮貌，好過尖咀個間! p.s: 相片忘了影小籠包，因為一上檯就無晒啦!…Read More

:) 好耐無食過放題，總係覺得食放題都無乜好野食，但自己又幾喜歡食泰國菜，係旺角行完街就同老公上黎試一試，起初都怕要等好耐先有位，可能我地早啦，所以都唔駛點等，但個場都已經幾多人，(真係好彩) ，坐抵之後，我地就盡快叫野食，侍應姐姐就點左個冬陰公火鍋，最愛辣的我，對於這個火鍋，就一般，因為佢地唔夠酸辣，但勝在都好香，辣d就更為適合我，然後我地兩個點左d沙律，點知都唔錯喎，特別係個柚子沙律! 都幾有水準，其他食物，我地乜都叫，最難忘係區地d串燒同咖哩，真係幾好，同九龍城地道個d有得揮 我老公真係幾喜歡區地d串燒，啖啖肉配埋個汁，都好惹味! 我就最開心見到佢地d甜品，我叫晒咁多款黎試(除左雪糕外)，樣樣都好好味!其實整體感覺，係幾好，環境唔錯，我地兩個人去，都坐得好舒服，係張檯細少少，所以要keep住叫人幫我地執檯，哈! 其次食物，當然唔係所有食物都好食過九龍城d泰國菜館，但係以百幾蚊一個人價錢，食到咁多選擇，一飽個胃口，都算係咁啦。下次叫多兩個朋友黎一起食會好d,再食多d.! 始終食放題都係多人食，可以叫多d! 重抵! …Read More

帶媽媽和另外兩個朋友來食晚飯! 6點半到，已經好多人啦! 真係奉勸大家記得要訂檯會好些，除飛你一早來食啦!媽媽第一次來，照樣點了最出名的"北京填鴨"，仍舊好味! 正!今次第一次食小籠包! 唔錯! 有肉汁! 皮薄! 再叫了個菜! 一個冷盤! 最好味的甜品，今日無食拔絲萍果，但食左好耐無食的"高力豆沙" 都OK..但好像以前好食D.. 所以下次回來都係食拔絲!今次唔知幾錢，因為唔係我比! 哈，有人請!…Read More