PPPPPPiki的個人專頁

觀塘「餃子堂」呢間餐廳開咗唔係好耐，但係我間唔中都會同同事去呢度食午飯，因為佢嘅食物種類多元化，一班同事大家想食唔同嘅嘢都冇問題。我推介呢度嘅「沙窩鮮蝦雲吞雞湯餃」！佢一共會有八粒嘅鮮蝦雲吞🦐，湯入面有好多菜同埋雞件！ 又有肉、澱粉質同埋蔬菜🥬配上一啲熱辣辣嘅湯又有營養又好味。而且天氣熱嘅時候食返啲有湯嘅嘢比較開胃！我哋亦都嗌咗煎饅頭同埋生煎包，質素亦都唔錯；而我上次都叫過佢哋嘅蒸飯，類似點心舖頭嘅質素。…查看更多

有日跟同事去咗呢間「榕記陳皮燒鵝」食午飯，之前聽佢哋講話呢度嘅燒鵝瀨粉好好食，所以就跟佢哋一齊去試吓。我叫咗燒鵝米粉跟熱檸茶（$63），啲燒鵝真係好靚，好耐未食過啲咁靚嘅燒鵝🤤，佢嘅燒鵝皮好香脆中間有一層好香嘅油脂然後啲鵝肉都幾嫩，唔會好韌，所以好好味！燒鵝同米粉嘅份量都好多，好夠飽！雖然$63呢個價錢以燒味飯黎講係比較上貴但係質素幾高值得一試！另外，呢間舖頭好有趣，通常燒味舖嘅師傅都係年紀較大，但係呢度斬燒味嘅師傅都係後生仔🙈…查看更多

天氣開始好熱🌞，今日晏晝去咗西營盤呢間「芋圓一」嘅舖頭食個糖水下午茶。我同男朋友叫咗一個傳統仙草芋圓、炸燒賣同埋一樽桂花烏龍冷泡茶。傳統仙草芋圓入邊有好多樣材料，好豐富，包括有紅豆、薏米、珍珠、芋圓、仙草等等。每樣野嘅質素都唔錯，特別係啲芋圓好香好煙韌，仙草凍凍地咁好消暑。而炸燒賣都幾好味，炸得幾好香口。而桂花烏龍冷泡茶就冇咩特別🙈呢間舖頭嘅位置喺內街入邊，比較上難搵；但如果有機會去開個邊值得去呢間舖頭試吓👍🏻…查看更多

同事Farewell飯特登上OpenRice搵吓好食嘅大排檔，見到「新滙聚」呢間好多好評所以去試吓，結果冇令我哋失望。😎我哋叫咗豉椒炒蜆、椒鹽鮮魷、滷水拼盤、黑椒薯仔牛柳粒、蠔餅等等。 每一樣嘢食都好好味，好有獲氣而且好新鮮。每樣嘢都係即叫即整所以熱辣辣！特別欣賞佢嘅炸嘢，佢嘅椒鹽鮮魷同蠔餅都係即刻炸起，好鬆化而且好香口！🤤飲品方面我嗌咗杯「有氣鮮檸蜜🍯🍋」，好正，好解渴！因為有檸檬同蜜糖，食啲齋嘢飲呢個就啱晒啦！食完晒之後個夥計仲請我地食桂花糕！清清甜甜咁可以解油膩感👍🏻呢間餐廳嘅位置位於工廈入面，所以帶啲難搵。同埋餐廳入邊嘅座位都比較想迫，所以多人嘅時候覺得有啲太嘈同埋好窄好迫。…查看更多

「麵尊」係我心目中數一數二好味嘅車仔麵，雖然每一次食都勁多人等位，但係為左食我都係會排隊。今次嗌咗三餸河粉：有炸魚皮、酸齋同埋五香牛腩。佢哋嘅車仔麵特色之處係佢個湯底係帶甜既牛腩汁湯底，所以食起你唔會覺得太鹹唔想食，反而會令到你更加開胃。🤤嗌三餸已經好大份好夠飽！由於本人唔太食得辣，所以就冇試到佢最出名嘅麻辣同咖喱汁🤓 但係唔辣都好好味。另外值得一讚嘅係佢哋嘅店員好有禮貌同細心！見到有視障人士嘅食客佢哋好細心帶位同埋照顧佢哋！…查看更多

今年520晚餐同男朋友去咗馬鞍山「Just Steak Premium」鋸扒。唔想洗太多錢但係又想有啲儀式感，呢間餐廳可以係你其中一個選擇。裏面有唔同價位嘅扒，亦都可以自由配搭套餐或者係單點。我哋嗌咗紐西蘭肉眼同埋西冷，我哋分別都加多$39配左套餐（包含飯或者意粉，飲品同湯）；同埋叫多咗個炒菇。兩款牛扒比較之下，我哋都覺得肉眼比較好味，肉質較嫩而且肉味夠香。另外，我非常鍾意佢哋嘅水果茶🍊🍋🍎，茶味同水果味都好濃好解渴。但係，餐湯唔知係咪因為凍左，所以覺得好淡冇咩味。…查看更多

今次係第二次去「屋子生活」，上一次去嘅係大圍分店，今次係第一次去馬鞍山分店。呢間餐廳嘅環境相當有驚喜😌，近住落地大玻璃既座位係榻榻米既設計，可以一邊食嘢一邊欣賞出邊單車徑嘅風景，而且出邊嘅日光透入晒成間餐廳，有啲曬日光浴嘅感覺，另外樓底非常之高，成個空間好廣闊，感覺好舒服。 我地order左一個玄米茶戚風蛋糕🍰（配季節水果），同埋桂花烏龍奶蓋茶🍵。戚風蛋糕有微微嘅茶香，配上嘅cream口感輕盈而且好香，加埋入邊嘅提子一齊食，甜度適中，好適合夏天食！另外，冰凍嘅桂花烏龍奶蓋茶，冰涼嘅口感🧊同清香既桂花味有一個煥然一新嘅感覺。…查看更多

去「Five Guys」食野通常大部份人都係會嗌佢嘅burger，但係我覺得佢嘅熱狗係非常之有驚喜😌 熱狗入邊嘅香腸煎得脆脆地，但仍然都保留到嘅肉汁。另外，熱狗同burger一樣都可以無限加配料, 今次配左蕃茄、生菜、蘑菇等等，每一啖口感都非常豐富，食佢嘅時候啲汁都係會滴晒出嚟🙈推薦大家去試吓！另外叫咗杯奶昔🥤，今次加咗士多啤梨🍓Oreo曲奇🍪同埋煙肉🥓，熱量爆燈！！！但係間唔中一次真係好滿足🤤餐廳環境氣氛好熱鬧，播住啲好搖滾嘅音樂，然後啲職員態度熱情又有禮貌👍🏻👍🏻…查看更多

Beans 係唯一一間我會定期幫襯嘅Cafe, 佢既食物同飲品質素都保持到高水準，每次都令人滿意。今次嗌咗個新菜式「黑蒜．磯燒鮑魚．蜆肉白酒意粉」，佢屬於一種偏向乾炒嘅意粉，黑蒜白酒嘅醬汁有少少甜甜地，食嘅時候唔會覺得好油膩，反而有啲清新嘅感覺，同海鮮鮑魚蜆肉好夾。絕對可以試吓！🫶🏻另外嗌咗「蟹膏甲羅燒黃金蟹肉意大利粉🦀」，呢個意粉已經數唔到order幾多次🙈每次同唔同朋友都會想嗌依款一齊share。蟹肉蟹膏嘅鮮味令到成個意粉都好香。我哋仲跟餐加咗個黑松露薯條（$28），份量好多好抵食，粗身薯條真係好正🤤今次第一次叫佢嘅甜品「Green Tea Waffles🍵」，除咗主角窩夫🧇，佢仲有好多配料例如紅豆麻薯、綠茶雪糕等等，好豐富👍🏻餐飲我哋叫咗「法式焦糖燉蛋拿鐵」同埋「伯爵茶拿鐵」，兩杯都相當好飲☕️…查看更多

星期日family day🫶🏻,同屋企人夜晚去左淺水灣呢間泰國菜餐廳「Sip Song」食晚餐。好鐘意呢度嘅裝修，啲餐枱色彩繽紛，裝飾同擺設都好靚😍環境舒服好relax⭐️ 我地order左幾個菜一齊share食，呢個Phad See Ew🫶🏻我地一致認為系最好食！🤤🤤 其實系泰式炒牛河🤣 佢嘅牛肉好香再加上用左比較闊煙靭嘅河粉，每一條面都掛上左好香嘅豉油醬汁！甜甜地咁好好味👍🏻另外仲嗌咗泰式雞肉串燒(Gai Satay)、冬蔭公炒飯（Kao Phad Tom Yum)同埋飛天炒通菜(Pak Boong Kapi Fai Daeng)。炒飯同埋個菜都比較辣，如果下次叫小辣應該會好食好多！😼👍🏻…查看更多

今次係第一次去Tino’s Pizza Cafe, 主要係咁啱經過見到餐廳環境寬敞幾舒服，所以就入咗去試吓。主菜都會連一杯嘢飲或者餐湯，我哋嗌咗一杯台式凍珍珠奶茶🧋，同埋是日餐湯粟米湯。珍珠奶茶意外地覺得好好飲，係好台式嘅味道🤣我覺得粟米湯如果味道濃啲嘅話會更加好飲！不過入邊有好多粟米粒所以口感好豐富。🌽主菜一： 肉肉堤諾先生Pizza 🍕Pizza入邊嘅煙肉係厚切而唔係平時早餐薄片果一種！食落嘅時候非常之香。另外佢嘅Pizza批底咬落又香又煙靭。主菜二：羅勒煙燻雞烤麵意粉係用左好香好清新嘅青醬；不過啲雞肉略嫌硬咗少少同埋無咩味，如果肉質淋啲同埋有更加多既香味會更加好。小食：芝士肉丸配烤餅🧀我地再加$28加配呢左個芝士肉丸配烤餅，我覺得呢個非常值得試！芝士醬同埋肉丸都好好味！改善空間：薄餅同意粉如果再熱啲嘅話會更加好，因為上菜後好快就覺得已經凍咗。另外餐廳衛生都需要改善，用餐過程當中都見到有啲蚊飛過。值得欣賞：店內嘅職員服務態度好好，我哋食唔晒啲食物想打包走，佢地都主動幫我哋包裝入袋！…查看更多

落雨潮濕嘅天氣特別想食啲酸酸辣辣嘅嘢食，星期六就同男朋友去咗尖沙咀嘅星林居。星林居嘅小窩米線有樣嘢特別欣賞就係佢地提供唔同辣度同酸度既選擇俾客人自己揀，可以自行配搭自己最適合嘅口味！今次我叫咗豬腩肉魚皮餃小窩米線。豬腩肉同小窩米線嘅酸辣湯底好夾。魚皮餃正正常常！另外我仲加咗多啲芫荽，增添左好多香味🤤唯一有樣嘢要改善就係，碗麵上枱嘅時候啲湯成日都會流到周圍都係，連隻匙羹都會沾到啲湯汁，搞到隻手污糟晒。…查看更多

要講到香港令我回頭再食嘅拉麵店，「一幻拉麵」絕對係我嘅頭三位。上星期同男朋友去尖沙咀海港城既一幻拉麵食嘢，終於可以坐到窗邊嘅吧枱位置，可以一邊睇住維港景色一邊食美味嘅蝦湯拉麵。 每次嚟到都要嗌蕃茄蝦湯拉麵🍅🍜🍤，酸甜嘅蕃茄湯同濃郁蝦香味非常之夾，令人食到非常開胃！🤤 另外一款必叫小食叫「甜辣小蝦沙律」！呢個沙律令到你嘅口腔可以清新一下，減低拉麵嘅油膩感🍤 加埋眼前嘅景色真係好正👍🏻…查看更多

平時出邊食個沙律至少要$50-60蚊，但食完都唔夠飽。但係開花結果佢哋嘅皇牌經典套餐$58勁豐富之餘又飽肚又健康！份量大到連啲男同事都話夠晒飽！🌞依家天氣熱辣辣又潮濕成日都無胃口食午餐，呢排成日同班同事過去開花結果食佢哋呢個沙律加三文治嘅套餐。私心推介三文魚牛角包再配鮮果同埋吞拿魚沙律！🐟🥐三文魚牛角包非常有質素！入邊有酸酸甜甜嘅沙律醬再加上三文魚夾喺烘過既牛角酥入面！真係非常之有誠意！🤤 🥗🌽吞拿魚沙律都非常好味而且份量好多，入面有粟米粒同火腿絲令到成個口感好豐富。飲品方面，我叫咗杯熱奶茶🫖，本身對杯茶冇咩期望但點知意外地覺得好飲！另外要讚嘅係佢哋嘅員工服務態度好好😆 係午市時間咁忙嘅情況下都好有禮貌同主動幫啲客人！…查看更多