餃子堂 (Closed)

觀塘「餃子堂」呢間餐廳開咗唔係好耐，但係我間唔中都會同同事去呢度食午飯，因為佢嘅食物種類多元化，一班同事大家想食唔同嘅嘢都冇問題。我推介呢度嘅「沙窩鮮蝦雲吞雞湯餃」！佢一共會有八粒嘅鮮蝦雲吞🦐，湯入面有好多菜同埋雞件！ 又有肉、澱粉質同埋蔬菜🥬配上一啲熱辣辣嘅湯又有營養又好味。而且天氣熱嘅時候食返啲有湯嘅嘢比較開胃！我哋亦都嗌咗煎饅頭同埋生煎包，質素亦都唔錯；而我上次都叫過佢哋嘅蒸飯，類似點心舖頭嘅質素。