食食肥豬女's Profile

呀豬生完baby，重出江湖。入元朗同朋友食磯燒放題，正！環境舒適， 每個爐上都有抽油煙機，d味唔會谷哂係身度。一睇點菜紙見到好多選擇， 除咗有飲品自助區更有沙律吧飲品選擇多樣化，左手邊就是啤酒汽水，右手邊則是茶類飲品仲有韓式茶類添呀，推介龍井茶和蘋果紅茶， 龍井茶能夠清一清每次進食後的味道， 蘋果紅茶則較甜有很重的蘋果味。食小小開胃刺身， 甜蝦肥美鮮甜， 八爪魚＆鮑片厚薄彈牙， 帶子好soft食住等過海鮮拼盤， 之後馬上有服務員為我哋燒， 仲好細心剪去蝦的觸鬚 。蟹蓋，扇貝，帶子， 生蠔 都非常鮮甜美，落左燒酒和海鹽，最緊要d海鮮無腥味同沙蟹蓋需要燒耐d， 好食既嘢，果然需要時間等待，食落去特別好食，好creamy呀之後又食啲壽司， 火炎燒三文魚 、蟹棒壽司、燒牛肉壽司， 個人特別喜歡蟹棒壽司搭配沙律醬，很好吃很開胃，我仲點咗兩次呀。海鮮燒得7788，又叫了第二波， 每次燒帶子後都覺得非常鮮甜， 口感鬆軟。 蜆肉再搭配燒酒非常濃味，一試難忘，馬上叫第二盤。除咗炭燒海鮮外，又叫左d熟食也值得推介， 尤其喜愛芝士或薯仔甚至肉醬的朋友。蟹子芝士bb薯， 芝士可拉絲， 薯條配搭茄汁芝士十分一流。薯條咬落，又脆又多薯燒雞軟骨非常之“脆”和好有咬口， 燒牛舌就靭辣汁一口豆腐外脆內軟， 豆腐入口即溶， 但辣汁並不辣反而有點甜。 麻辣煮花螺，調味十分特別， 甜甜微辣的， 食落有點像沙嗲汁。另外再燒一些蔬菜，燒菠蘿十分多汁， 菇菌類十分香濃， 最特別是燒雞蛋能夠燒成一整隻熟蛋好像麥當勞一樣 最後9分飽後，吃了西瓜和木糠oreo木糠布甸和韓國 綠茶甜筒， 生果新鮮多汁，木糠布甸質入口即溶， 綠茶味甜筒 綠茶味香濃，甜味適中，綠茶控大愛 …Read More

阿豬最近公司好多野做，同同事搞完大單野，收工後同同事openrice下就揀左Ocio。我地叫左兩個set，分別係Ocio特選早餐、帶子蟹肉意大利飯，都有湯/沙律，甜品、飲品。磨菇湯入面多磨菇蓉，入口充實香濃磨菇味，一流！配既包較軟身。Ocio特選早餐，份All day breakfast 真係好大份，第一感覺驚食唔晒。多士烘底內熱表皮脆，抹上提供既士多啤梨果醬，酸甜正！配既煙三文魚、沙律、蕃茄材料新鮮。德國腸咸香，阿豬散左d鹽同黑淑上去牛奶炒滑蛋調味，十分不錯。薯條炸得唔錯，唔太油。不過配既烤雞烤得較乾身，口感麻麻地。帶子蟹肉意大利飯同傳統意大利飯一樣濕底，帶子粒入味唔韌，磨菇片蟹肉調味唔錯，奶香濃。分量都幾大，一個人食唔晒。飲品叫左士多啤梨冰茶，涼透心，士多啤梨粒甜，好！甜品叫左士多啤梨雪糕，滑身，士多啤梨味重。其實呢個環境幾好，適合小聚，阿豬同同事食到好飽。真係食唔落冇另叫甜品，不過之後有機會會叫番。…Read More

阿豬真係好鐘意食放題架，今次係附近做完體檢，梗係要進補下啦！入門口處有自助沙律吧及生果自取，隔離就係雪櫃有好多款飲品任君選擇。一食梗係要食最好啦，所以加左68蚊升級美食！可惜今日無鮑魚，阿豬真係好傷心….海膽新鮮無異味，配上青瓜，十分清新！池魚十分正，encore 左3次，呵呵...刺身方面：三文魚幼滑魚味十足。甜蝦鮮甜味美。吞拿魚有根，略"鞋"。赤蝦肉質十分彈牙，味道十分鮮甜creamy。油金魚，章紅魚都好鮮味。蝦頭更帶有蝦膏，十分新鮮，正！帶子刺生鮮味十足，十分味美，encore。小食方面唔好睇佢小小一碟，份量好多，叫時小心。中華沙律，蟹子青瓜絲最好食。海晢偏甜。芝士焗蠔配料好多，蠔肉不算小哦，不過基本都係食醬啦~~芝麻雞翼最美味，香脆可口，正！睇食評見人地話紫心香芋丸 & 榴槤丸不錯，特登叫左黎試，真係唔錯，榴槤丸香氣十足又甜，鐘意榴槤既人真係建議食下！壽司飯細舊，不過飯略濕，但整體口感調味不錯。天婦羅蝦炸得唔好，個粉漿唔夠乾身蕃薯天婦羅好味，香甜。整體黎講食物不錯，好多款，出既數量都算齊，good！最後拎住個MOVENPICK既雪糕,，拎住走咁食，實在好開心！…Read More

今日阿豬約咗幾個朋友放工一齊去尖沙咀食放題，我哋梗係揀一間又有熱食又有好多唔同款嘅刺身既放題啦！哇！真係好新鮮，擺得又好靚！油甘魚油香重，鮮甜冇渣三文魚都幾厚切，新鮮好味帶子鮮甜，不過切到好薄 ，可以切厚d，提升口感蝦頭冇黑色，肉質彈牙，呀豬仲order 左兩轉添鮑片、象拔蚌ok呢度嘅刺身俾阿豬既感覺新鮮鮮甜泰式鳳爪酸甜開胃，唔錯鐵板一口牛  以為係一粒粒正方形嘅，點知原來係一塊塊嘅牛柳，牛味都算濃朝鮮魷足炒年糕  不辣但味濃，分量岩岩好，口感特別日式牛肉鍋  材料分量配搭好好，味甜，唔會大大煲食飽你溫泉蛋 略咸，可留意調味，流心~~~日本蠔 每次拎兩隻，like Facebook 就有啦！雖微腥，但不錯。串燒即制肉類很香口，又唔食落去好煙韌串燒菠蘿配搭嘅汁微咸有啲奇怪，走左汁會好d最後喺餐廳menu外店員送咗甜品俾我哋第一個係焦糖燉蛋，唔算太甜，ok仲有一個咖啡奶凍，咖啡味適中，OK整體來講阿豬我覺得呢度嘅食物賣相相好，唔錯唔錯，可以再ENCORE~~…Read More

阿豬唔識飲酒就係人都知架啦！朋友相約酒巴街，話食餐飯都嚇左我一跳。估唔到係一間隱藏係酒巴街既日式居酒屋。入到去餐廳唔大，但菜式唔少，我地幾個又唔知食咩好。店員服務態度好好，會問一問我地，又提供意思推介菜式。最後阿豬一行三人另外叫左d壽司、燒赤蝦、燒豬仔脾、炒什菜、炒飯。蟹膏軍艦，推介！松葉蟹蟹膏十分Creamy，唔同一般蟹膏佢一d都唔腥，入口蟹膏香濃好突出。下次一定要再食芥辣八爪魚軍艦，調味唔錯。火炙左口魚邊黑松露壽司，口感好好，阿豬俾佢surprise到，推介！左口魚魚肉較結實，魚油足，師父將佢薄切做壽司，入口濃郁甘香好鮮味。香燒豬仔脾，醃得好入味，咸香為主，燒得有點乾，阿豬覺得淨係點少少醬可以令佢更加惹野，ok。燒赤蝦好大隻，用海鹽燒，蝦肉較實乾身，咬落有口感，唔錯。鰻魚炒飯賣相好靚，入面既鰻魚塊、珍珠米、日式醬油炒得好均勻，鰻魚粒都多，好香口，推介！蟹粉炒什菜 阿豬覺得叫什菜好特別，因為佢係指瓜類，翠玉瓜同茄子，蟹粉味濃，加上高湯勾茨，入口綿滑清甜，唔錯！阿豬覺得個配搭翠玉瓜爽口，茄子淋身，可以考慮用其他配搭，如加添幾種菇類。呢餐誠意服務，高質食品，值得再回味！…Read More

阿豬個朋友都幾耐冇見，約出黎大家就腳d去旺角，聽人講呢間屋喔唔錯就黎試下。黎到...真係好多人 ，我地兩個等左半個鐘左近，大家食記得book位先。小食叫左鹽酥雞，幾大份，size一口過好易食，炸得好而且夠脆。鹽既分量加得唔錯，十分咸香，好味！阿豬同朋友叫左兩個dinner set +28包飲品同甜品。黑松露野菌蚵仔燉飯，黑松露味好濃，蚵仔數量都唔少又新鮮，食落有蚵仔味突出之餘又有菇味，好食！個飯吾會太咸，飯較軟身，偏濕，口感食落好creamy，食落都幾飽。跟餐甜品Cheese cake Tiramisu，阿豬同朋友愛好甜野，所以揀左Tiramisu 。外貌好得意，係盆栽咁上碟，食落Cream層好滑易溶，不過較奶，成個樣都加左分，可以講係唔錯！飲品阿豬叫左冰藍蝶花蜜莉茶，賣相十分好，同埋好甜。阿豬同朋友都俾吸引，因為冰底多，阿豬最後飲唔晒，分量十足。下次會再黎，到時食多d台式野。…Read More

萬聖節前夕，和幾個友人出來飲杯野傾下計。這間店是友人推薦的，他經常來吃午餐。先來 Seafood Platter這裡的 Seafood Platter比起出面，份量十足，款式也較多，每一種都很新鮮。十分欣賞帶子，十分柔軟，不用沾任何醬汁，品嘗其鮮味，實在很棒！生蠔睇落很瘦，食落帶點海水味又爽口，後勁鮮甜。麵包蟹的膏略少，有點失望。阿豬依然不懂酒類產品，所以叫左Mocktail。沙冰非常幼細，主要的味道是車里子，味道清香略淡。不喜歡的人可能會覺得類似車里子藥水般，所以點的時候要留意。現場不似其他Bar Restaurant般嘈雜，有歌手彈奏唱歌，悠悠歌聲伴耳，實在舒適。阿豬點左鵝肝黑安格斯漢堡配無花果醋汁，上枱已嗅到好香的鵝肝味，漢堡為方便食用已切開4份，焗住要同人分享。黑安格斯漢堡柔軟多汁，配上香濃的鵝肝，味道意想不到的配合。薯條已調過味，十分香脆又有點辣。另附有沙律菜及酸菜，當下減輕食漢堡鵝肝的罪惡感，感覺都健康d~~最後阿豬又點左一杯 Mocktail Wonderland 入口很香甜的荔枝味，及微微的橙香，很順喉。另附送爆炸糖，可加落去，飲下在口中輕微爆炸，實在很有刺激感。…Read More

是日又係去肥少度，晚餐當然係鰂魚涌海光街解決，因呢條街有好多不同種類既食店。今次選擇左星馬菜，店內裝修簡潔鮮明，令人感覺在乾淨舒適的環境下用餐，心情立即好爽！阿豬叫左娘惹咖哩牛腩配薄餅上枱已嗅到很香的咖哩香，娘惹咖哩牛腩沒有泰式果種很重的椰奶味，所以阿豬好鍾意食。咖哩只是少辣，牛腩較少肥位，但牛味十分香濃。薄餅剛烤好，十分香口又煙韌，沾上美味的咖哩十分惹味。馬拉盞炒芥蘭，馬拉盞香氣十足，芥蘭炒得十分靚，既爽口又甜。食落口更有陣陣馬拉盞及咸魚香滲出，送飯一流！阿豬再叫了一份馬來西亞肉骨茶，睇食評d人講幾正。阿豬好鍾意藥膳類食品，因很香之餘，又可補下身。肉骨茶睇落好足料，有多種藥材在面，附送炸兩可放在湯中浸淋吸湯。但飲落就喝不到藥材香味，而且只剩下咸味，不知是否落太多醬油？實在失望。但排骨就很軟淋夠咸。食完好飽，希望下次再黎時肉骨茶有改善。…Read More

見到openrice提示新開了一間上海菜，阿豬就緊係快快黎試下酸辣湯拉麵啦！已是下午2點幾，都仲好多人等緊位，等左成15分鐘。坐下立即奉上茶，是綠茶來的，沒一般上海菜的濃茶那麼濃，但同樣可解膩。阿豬立即點左一碗酸辣湯拉麵。酸辣湯較濃稠，材料十足，有木耳、鮮筍、豆腐，肉絲，香菇等。肉絲是先走過油的，更加香口。拉麵是師傅手拉的，麵條柔韌且有彈性，也較幼身索味，放在酸辣湯上，份量十足！酸辣湯酸辣程度不算很高，但兩者調配得剛剛好，如再辣一些應該更刺激味蕾。小籠包一籠四隻，剛蒸起仲有熱氣。小籠包皮非常薄，幾乎可看到內涵，夾起也不易穿，抵讚！沾少許醋，咬開湯汁十足，味鮮甜，實在值得推介。…Read More

今日行過見到荃灣千色匯再開返，立馬去食先~~又係叫左芒果多芒小丸子配芒果燸米糍。呢款係最經典，既美味又一年四季都可食到。多芒小丸子食落滑滑的，又夠冰凍，加上香甜的芒果味，配上煙韌的小丸子，實在一流！芒果燸米糍有好多椰絲，成落口十分香甜，裏面的芒果肉十分新鮮！…Read More

涼茶係中國博大精深既藥膳之一，不過呢呢類野名豬真係唔識點用文筆描述。Anyway 名豬之前去食完烤魚後，喉嚨即刻feel到有d痕，有幾聲咳。附近見到有呢間樂生園，於是入去叫左個龜苓膏食，食完第2日喉嚨已無事，心中覺得清熱之用，因此特登寫出黎推介下！阿豬覺得樂生園既龜苓膏挺身且苦味頗勁，舌尖入口滑滑的，至利根感到苦味，有著較濃厚的藥材味，感覺十分足料！但阿豬覺得苦，所以要加較多的糖漿去中和下！而且呢度既龜苓膏比海x堂既平，只須要$27，所以覺得好抵食！p.s. 涼茶，龜苓膏呢類野成效如何，因應各人身體，見人見知既啫。…Read More

Oceanthree呢…阿豬都買過好幾次，質素唔差。今次火都黎埋，真係要寫返一篇先得！ 今次中秋做節，妹妹男友都上黎一齊食飯，又想食生蠔刺身咁，於是6點幾去左Oceanthree買自取，返到屋企都不過係15分鐘既路程，然後將d野食放雪櫃。晚餐後繼續食月餅、生果、開生蠔，食Parma ham & 刺身。妹妹話盒三文魚特價，$100/盒。就咁睇三文魚紋分佈均勻，顏色好靚。但一撕開兩層保鮮膜開蓋就已聞到有少許臭味，實在不敢相信！盒內有兩層，底下果層三文魚紋已睇唔到啦，嗱埋一舊，魚油流出。 三文魚邊位更變左深灰色，發臭。上面那一層雖然外觀靚，但拎開黎聞也是臭的，只是臭味無咁勁，所以成盒丟落垃圾桶。重申，回家路程15分鐘，係晚上(熱極有限)，野食放保溫袋，內有冰袋(返到屋企都係溶左d)，生蠔，Parma ham 無問題，你唔好同我講呢盒野係因我路途中導致臭既！另外生蠔，Parma ham好好食，阿豬後面會再補寫一篇。…Read More

朋友一早book左呢間日式燒烤放題，點知掛3號波，本已想取消架啦，但難得約齊人，咁就照去啦。去到對鞋已入哂水，好彩阿豬坐入面既位置，偷偷地除左對鞋踏住佢，嘻…我地選左6點~8點果round，盛惠258 + 10%入座已包一set 醬料，豉油、泰式生蝦汁、日式燒肉辣醬之前睇openrice已知只有一罐飲品，以上是珍貴的一罐飲品牛方面花紋好靚。黑毛霜降和牛油脂豐富，入口味濃無渣。熊本一口和牛牛味濃郁，慢火烤左好耐，肉質也是十分軟淋，推介！安格斯牛粒也同樣味美。刺身方面，三文魚不是厚切，但非常滑且魚味十足。甜蝦creamy但不夠甜。北寄貝原片上，爽口又滿足。八爪魚唔靭。友人盛讚鮑片但阿豬唔鍾意食就係略！白肉魚多根，吞拿魚略鞋，試完一次就無再點啦！其他encore 再encore！天婦羅蝦粉漿薄，蝦肉爽口！海鮮方面 北海道香草牛油帆立貝非常大粒，燒出來帶子位柔軟帶有香草牛油香味，十分味美！魷魚也是十分鮮味。日本小玉貝肉非常鮮甜，推介推介！多春魚十分香，多春魚子在口中彈跳，口感實在一流！海蝦個樣好靚，但剝殼入面已肉梅左，唔新鮮。豚肉方面，極上黑豚肉極度推介，由於油脂較多，燒既時候有時搶火。但燒好後，皮脆肉軟豬味香濃，like爆！血池赤豚小排肉質爽口。辛辣七味一口豚燒極都唔熟，外面都焦左菇類肉厚十分香，建議放在旁邊慢烤。菠蘿十分香甜，就咁食唔使燒都得！雞方面雞翼已剪開，好易燒，但無味，切須沾醬汁食！如果可以加20~30蚊可以任飲，我唸我都會加既，因燒烤無野飲實在難頂！最值得一讚的是店內抽風系統很不錯，食完唔會一身油煙味！食完繼續出去在暴風雨中行走……Read More

是日星期六睡醒已是早上11點多，惟有叫肥少放工時順便買粥返屋企做lunch啦~~生記呢就成日食架啦，佢個粥底係用瑤柱、腐竹、豬骨和瘦肉去煲，所以好鮮甜。阿豬就緊係又叫返豬潤，豬粉腸粥。每碗粥都會跟一小碗甜甜地既豉油，裏面有些蔥絲和薑絲，可提鮮。豬潤新鮮爽口，豬粉腸也新鮮，唔苦。粥煲到好綿，又香甜。食完同阿菇玩再訓!!!! 果然是豬也！ …Read More

煎釀三寶乃香港特色小食，惟又平又好食既煎釀三寶越來越少。位於荃豐的大家姐多年來屹立不倒，阿豬行過荃豐定必來買炸魚蛋食。煎釀三寶 $10/4件今次唸住買多幾樣黎分享下，點知都係失水準。炸腸仔炸得過火，既乾又實。茄子整口都是油，絲毫茄子香味及甜味也沒有。而且呢舊既魚肉更加唔見左。炸豆腐算是不錯，外脆內軟。惟有炸魚蛋依然keep到，魚蛋剛炸起脹卜卜，好大粒，聞落好香，咬下更是柔軟且富有彈性，比起外面炸得硬實的已是十分好！由於炸豆腐及炸魚蛋算是不錯，今次就俾ok啦！不過阿豬又會變返以前咁只會買$10/4件炸魚蛋算啦！…Read More