H2Ofish's Profile

因為喉嚨痛係屯門睇完醫生，諗住拿拿聲搵番間餐廳食d野然後食藥，結果係tmt plaza行左好耐都唔知食咩好.......剛剛見到遠處有間好多人既餐廳-就係榮式燒雞扒門口貼上了老闆與不同名人的合照例如森美,阿蘇.......心諗應該唔會差得去邊~跟住攞飛等位，個待應話要十分鐘，我地企係門口等.....個頭拎完飛，我隱約地聽到好似有人叫我個號碼，但個侍應姐姐再叫就有另外二個人行左過去，心諗係自己病到呆呆滯滯聽錯，媽媽又聽唔到，咁就繼續等。結果-侍應姐姐再叫就叫我地之後既號碼，我問佢我地張號碼細d做咩唔叫我地，個侍應姐姐就啤住我地話叫左你地聽唔到之嗎!! 1.叫飛叫到咁細聲點聽到2.仲要淨係叫一之咁大把3.我行都未行到去就叫其他人呢d咁既服務態度唔好再搞我講番食物方面兩個字總括到-普通1)雞扒拼豬頸肉飯 $38連飲品雞扒其實即係M記埋板燒雞扒不過就燒到塊皮有一小部分係脆-記住係一小部分豬頸肉就比較肥了一點，有少少辣個d菜好大草青味好似無煮過咁:(加上個飯唔夠汁(其實係甜豉油)整個感覺好乾:(:(:(2)雞扒烏冬 $28雞扒相同不再重複....湯底係奇怪的辣麵豉湯，無錯是辣的......烏冬真是少得可憐和過分........大大個湯碗僅得三分之一個烏冬至於烏冬方面，TMT 兩間手打烏冬都比榮式做得好好多老實講，食物絕對唔值呢個價錢，服務方面絕對需要好大的改善。除左該位姐姐以外，還有一位待應哥哥施展佢凌厲的腳法將圓櫈踢番去原位，結果踢到一仆一碌..........…Read More

食左士林已經大半年有多，差唔多每個月都去支持下:)但係唔明點解元朗另一間"台灣麵"往往比士林多人明明士林無論是食物質素同服務都比該"台灣麵"優勝得多!!!無奈的是士林處於不利地理位置同店舖大小有所局限.........通常都是食下午茶因為免費有野飲!!!!如果非下午茶就要加十個大洋先有野飲......是次惠顧:1)雞扒麵 $27個人認為此比牛肉麵更配為鎮店之寶雞扒外層炸得脆卜卜但內層仍保持嫩滑,絕不炸到乾到成塊紙皮 eg.大x大雞扒加少少鹽更為好味麵方面做得十分出色與雞湯底配搭一個字-絕麵好像是老闆親自製造,出面食唔到柔韌適中,不會過軟據menu所寫湯底是雞加不同配料熬成,飲得出有濃濃金華火腿味淨飲湯會覺得偏咸些少,但配合麵變得恰到好處飲完冇口乾,無味精2)牛肉麵 $29牛肉麵的牛肉並非一般大啖大啖的肉,而是一層牛筋一層牛肉相間的咬落煙煙韌韌,亦不會咬不斷的,但略帶少少"蘇"味沒有肥膏,不肥膩,女士們可以放心!此麵湯底是牛肉湯,味道濃郁,反而濃淡適中又據menu所寫是以牛骨熬製x日而成湯底可以轉換3)炸豆腐 $21普通不過,外皮不脆,醬汁味道一般不值一提之餘亦不值二十一個大洋.....4)飲品 凍飲+$2珍珠綠茶-今次珍珠差了之前珍珠好正,現在變細了,細軟了,少了一份咬口柑桔綠茶-似檸檬綠茶多d =.=服務真的不錯,很快收碗碟等唔阻住傾計,坐耐d都可以:)有一次侍應姐姐見到我地坐個位將近被凳後另一食客推至淹沒亦主動出聲幫我地!那麼用心的一間店-今次終於拎起心肝寫食評撐士林=]!…Read More

之前已經食過莎樂美,今次帶愛好鐵板的媽媽來試試餐廳有二層,一入去,被下層侍應叫上樓上上到去又被上層既侍應叫落樓下,被人點到陀陀擰@.@終於安頓好,是次點了二個鐵板餐$43: 1)帶子拼雞扒配白菌蒜蓉汁 2)大蝦皇拼什扒配肉汁1)帶子拼雞扒配白菌蒜蓉汁羅宋湯:個人點了羅宋湯,味道十分濃,但又不會過辣或過鹹,不錯主菜:白菌蒜蓉汁相對起肉汁味道偏淡,可以說只有淡淡的蒜蓉味與雞扒未能做到相輔相成,但汁是固定的不能改至於雞扒除了大真是無特別可言,眼見只有二大塊雞扒放在鐵板上雞扒沒有鮮味,局部地方還不夠熟帶著淺淺的粉紅色和丁點兒的血水一山還有一山低-正是萎縮的帶子一眼便看出是急凍的帶子,當然沒有鮮味,放落口好像爛泥般的質感粗薯條吸收了汁是此餐中最為可口之物還有一點要投訴是塊鐵板-擁有一條長長的裂口令我切雞扒時,成塊鐵板郁下郁下不但做成不便,還有衛生的問題!!拜託快換了老化的鐵板2)大蝦皇拼什扒配肉汁周打魚湯:湯上放了兩小片梳打餅,與白湯出奇地配合湯內有小小的魚粒帶起整個湯的鮮味,而湯亦沒有重重的忌廉味主菜:此餐包含了:巨型豬扒雞扒各一,普通腸仔和火腿各一,大(頭)蝦皇一隻豬扒顯然比雞扒好味,至少是有味道的,但亦不算十分好味腸仔和火腿不用介紹,只是普通貨色而已所謂的大蝦皇,只大在個頭........身的肉是梅梅的.......相比起雞扒餐,此餐予人較抵食的感覺甜品方面,是細細球的朱古力雪糕與雞扒形成強烈對比雪糕內有一粒粒的朱古力碎,個人認為較甜了一點食鐵板為的是落汁到燒得熱紅紅的鐵板上發出的"咋....咋...."莎樂美絕對為你做到此效果,但對於食物質素便不能太過苛求如你並不追求此滿足,建議食普通午餐(三十多元左右)以便宜一點的價錢享受同樣質素的食物吧!餐廳的佈置充滿80年代的風格,一邊食還可以一邊聽懷舊金曲除了能滿足喜歡吃肉的人,還可以滿足愛懷舊的客人!最好奉勸二句:唔好飲個到比你既水(有好多浮游物) 唔好與餐巾有親密接觸(係recycle即洗也不洗便循環再用.....)…Read More

之前黎過呢到食LUNCH覺得D食物都唔錯所以今次專程黎食晚餐但係呢到d服務差到貼地!!!!!!!!!!!!!一入到去比人"呼喝"到一張四人枱,仲要比個眼超超waiter吩咐"坐入去!"呢d咩態度仲好意思收我加一!!!!!環境都係一貫的"酸縮"味講番食物,今次二人同行,order左一個牛柳餐($98)+黑松露菌帶子意枌($68):(牛柳餐1)周打蜆湯比較稀,味道尚可,不過d蜆有沙但相信係新鮮蜆肉因為肉質唔係"淋"且帶有鮮味2)牛柳要8成熟,切開黎血淋淋點睇都無8成,7成都未必有咁滯根本無依order黎做,味道亦無特別薯角就幾好食,夠熱但原來可以跟意粉or飯,但menu無寫,waiter又無講得班"熟客"會知,我都係聽到人地叫先知d野唔清唔楚:(:(黑松露菌帶子意枌d意枌過軟,咬落去好淋一間所謂既意大利餐廳連咁基本既意大利枌都做唔好,真是枉稱為意大利餐廳=.=味道過淡好似無落鹽,蒜頭過大粒咬落去好難頂..........帶子薄薄的,鮮味卻不錯,但只見小貓三四隻........食食下途中,waiter拉開左張4人枱做2張2人枱2張枱得少少的空隙變相同隔離枱一齊食飯........咁既服務認真趕客!!!!以呢個價錢去都去服務,環境同食物都好過去既NY cafe唔想再比錢受氣…Read More

意粉屋呢個名由細聽到大但從來都冇食過................今日終於下定決心一試揀左食下午茶,叫左一個奇脆批餐($45)+龍蝦湯餐($52)1)酥皮龍蝦湯正:),講講個酥皮先,黃金色澤均勻,食落還是脆脆的,厚度適中少了一陣牛油既"蘇"味,值得一讚湯的方面,有細細隻龍蝦仔,無咩鮮味不過個湯帶著濃郁海鮮加龍蝦味,都唔錯2)龍蝦汁帶子雜菌長通粉果然無令我失望,長通粉軟硬適中配上鮮甜龍蝦汁,絕對無得彈帶子只是細細粒平平無奇,反而雜菌吸收了龍蝦汁成了主角之一但略嫌唔夠熱,只帶微暖3)奇脆批相比起龍蝦湯和長通粉,奇脆批相形見絀批邊是類似酥皮蛋撻的皮,餡料亦無特別之處,乃平穩之作整體來說確實不俗,會再試晚餐,因為晚餐有較多選擇!…Read More

同媽媽專程試下金華同貢茶,來到剛好有下午茶,但下午茶都係得3款....不過黎到當然不得不試菠蘿油:)於是就叫左一個菠蘿油($6),墨西哥($4),下午茶A(二隻雞翼+一個蛋撻+凍奶茶$24)天衣無縫-菠蘿油微暖既脆皮配上凍凍而香濃既牛油-絕配如果個包大熱就會令牛油溶化少左一份口感,但金華卻配合得恰到好處呢到既菠蘿油既皮比外面食到既脆好多,一咬已經聽到脆皮裂開既聲,同時覺得佢地比外面食到既無咁油膩個人係第一次食菠蘿油,但已經被他深深迷住*v*(雖然知道好肥....):)出奇軟熟-墨西哥包亦是暖暖的,皮較普通的鬆化,包的部分卻十分軟熟食落已感受到重重牛油的味道,感覺反較菠蘿油油膩一點此亦為比菠蘿油略遜一籌,但比街外的還是有過之而無不及蛋味極濃-蛋撻撻芯做得非常出色,富有濃香蛋味,十分嫩滑,唔似而家街個d咁得個甜字撻皮亦十分鬆化,軟軟的絕不比菠蘿油遜色!!!雞翼就不值一提,只是不過不失奶茶做得唔錯,頗濃滑至於服務...........一入到餐廳好似打緊仗咁..........所以如非必要,淨係想食菠蘿油或者其他包可以選外賣, 一到行一到食好過…Read More

見貢茶係旺中附近開左分店,唔駛行到落登打士街,專程去試下呢間人氣爆哂燈既飲品店此行叫左招牌奶蓋烏龍茶,等左幾分鐘就有,效率都幾高按指示,先飲奶蓋,頗為香濃,似似地泡沫咖啡既奶泡再飲烏龍茶,飲落口,茶香但較甜,因為諗住係唔甜,少甜會比較好最後拌勻飲,飲飲下覺得有d"漏",2個人share 一杯都覺得"漏"$12大大杯都幾抵,下次唔會叫奶蓋烏龍茶因為好"漏"茶始於係解渴其中一樣最好既飲料,係行街行到口乾既好選擇,唔駛次次都珍珠奶茶,相信此乃貢茶成功之處…Read More

抱住期待心情去食Triple O's............諗住又唔係平質素實有番咁上下點知不外如是!!!講Mushroom Burger combo先d mushroom係就係炒得幾香,但d芝士一d味都冇,都唔知夾係到做乜........塊牛肉薄到........係厚過m記,但收得咁既價錢,厚番少少都得卦冇肉汁乾"憎憎"咁,要比66蚊完全唔抵+$20要左blueberry milkshake一句講哂得個"甜"字blueberry味都好似冇咁,勸大家無謂蹝$$薯條係粗就幾粗不過唔係好熱就已經扣分,點醋都幾好食茄汁係原枝裝,冇較過味,對我黎講有d酸(仲好難倒出黎,waitress姐姐主動幫手都倒到好辛苦咁)講Chicken Superme combo唔係我食,不過食左一啖,雞好有鮮味..........其他真係好普通總括黎講,普通食物(唔係難食但又唔係好好食),偏貴價錢,服務就好好,食完會覺得唔抵:(如果要試Triple O's,可能其他分店會好d 不過我都未試過如果食burger都唔會揀呢間,freshness burger同佢價錢接近但好食過佢…Read More

睇到咁多好評專登去試下,點知........叫左一碗標準加蟹肉食落好濃味仲好大蒜味,蟹肉冇鮮味唔知點好食......食個陣覺得冇咩野但食完之後成日都好口乾,好多味精一次都嫌多:(…Read More

今日預祝媽媽的生日,係openrice到見到呢間咁多好評就即刻book同媽媽一齊試。餐廳唔算好大,放到幾張枱到。老板態度好好,向我地推介食物。最後我揀左cheese burger combo 再+$25可以跟飲品同沙律,mum就揀左羊仔架既set。講下沙律先,揀左season,d菜好新鮮好爽脆,佢唔同平時食既salad,係冇沙律醬不過有d好同菜夾既醬,仲有芝士碎加左pepper 整體感覺好好,好開胃!主菜(1)cheese burger combo 原本$68+25跟set::)厚厚既牛柳配合溶化左濃郁既芝士~~正!!!!!!實在厭倦m就hea底burger飽亦煎得好香加上熱辣辣大大件既薯角絕對值得不過略嫌牛柳唔夠汁同埋比較"漏"主菜(2)羊仔架set $158由於唔係本人食,所以唔好清楚不過食過一啖,唔"蘇",好香同個汁配合得唔錯飲品:如之前食評-凍朱古力!!!!!!好香濃since係吉百xcappucino淡淡的,都係飲凍朱古力吧la~相片好曚因為用手機影......提醒一句:真係一定要book因為餐廳唔係好大,位唔多,見到好多冇book既人入黎都要失望咁走,所以記得book定la!!!…Read More