Kaykay_Luk's Profile

難得約到朋友，放工當然要去食啲好嘢食。嚟咗附近呢一間手工意粉舖頭，諗住試吓佢嘅手工意粉，因為朋友鍾意食手工意粉。臨近聖誕，舖頭都多咗唔少聖誕裝飾，見到花咗唔小心思。我哋叫咗一個日本忌廉汁魷魚菠菜手工意大利粉，再加菠菜葉，車打芝士日本太陽蛋薄餅。仲加配咗個薯仔沙律同芝士焗雞塊。要讚吓個芝士焗雞塊先，首先芝士味非常濃郁，亦都覺得表皮夠脆，咬落去唔會剩係得粉！薯仔沙律除咗有薯仔之外仲加咗蘿蔔粒同埋蔬菜絲，唔會太肥加咗好多牛奶或者cream，覺得自己好健康。要大贊呢一個日本忌廉汁菠菜意粉，手工意粉夠晒彈牙，食落去完全感受到嗰種手作嘅誠意，夠晒掛汁值得推介！至於個薄餅餅皮都夠薄，太陽蛋加菠菜嘅配搭夠晒特別，仲好貼心幫我哋已經切開咗容易食。最後呢個唔使錢就已經包咗嘅水果茶反而係驚喜之一，唔會苦澀推介！…Read More

今次嚟食尖沙咀旗艦店 帶咗媽媽黎試吓靚海鮮 揀套餐前 侍應都好耐心咁講解每個套餐嘅分別係咩 再介紹埋佢哋老闆係做海鮮生意 而餐廳會要咗啲靚嘅海鮮先 再供應俾其他地方 所以可以係蟹仙食到靚靚海鮮一開始會見到侍應放咗芋頭、豬骨、粟米同海鮮湯黎做粥底 之後梗係戲肉蒸海鮮啦😂😂😂硬膏蟹隻蟹好大隻好厚身 啲蟹膏係鹹蛋黃色 蟹既size好大 半隻都食到好多肉😻😻龍蝦係真係好新鮮呀，上枱仲識郁 啲肉係一絲絲 膏既味道令口回味帶子好鮮甜 肉質好紮實好新鮮…Read More

今日同朋友仔嚟試吓開咗無耐既烤魚餐廳依間餐廳提供魚類嘅選擇都有草鯇魚同魽魚 湯底味道選擇都幾多 最後我哋揀咗香辣口味嘅魽魚 估唔到魽魚肉質嫩滑 啲魚肉經過長時間嘅烹煮後 都唔會變爛 仲吸收晒啲香辣湯汁 味道相當惹味👍🏻👍🏻另外我哋仲嗌咗啲配菜 有黑牛柏葉、寬粉同埋萵筍黑牛柏葉好爽口 淥完依然彈牙 正而萵筍都切得幾薄 淥咗之後 入口軟林林浸咗香辣汁嘅寬粉十分入味 真不愧為食烤魚嘅配菜必選😜食緊烤魚嘅同事我哋都嗌咗啲串燒 試咗豬頸肉串、大漢羊肉串同埋雞軟骨串燒嘅表面都燒得好香口同脆口 肉質唔會過老 味道香濃😎走嘅時候發現隔離兩台嘅食客係內地留學生 即係證明呢間烤魚嘅口味都幾正宗吖🥳…Read More

今日口痕痕食啲馬來西亞嘅嘢，落樓下去左麥金.麥金特式馬拉茶啡室。黎到餐廳時間都7點幾啦，但係人都唔少。試試呢個娘惹喇沙老鼠粉先，綠色椰汁咖喱雞加埋老鼠粉， 都幾辣咖。我地幾個朋友食到停唔到口。真係好好味同埋好飽肚㗎。再黎個馬來西亞嘅咖央多士。馬來西亞直運嘅有咖啡味的麵包，算好有特色，擺盤好靚啊。馬來亞拉茶值得一試，好滑滑，茶味又濃，奶茶控一定好滿意，食馬拉菜做配搭一流。飲品就再叫個羅漢果菊花茶啦，菊花茶飲得多，但都未試過加埋羅漢果落去啊，飲落去好順口，清下熱氣。…Read More

尖沙咀新開左間正宗鐵板燒呀海膽天婦羅 非常脆 非常香口 有淡淡的海膽味茄子漬 表面界花 漬得好入味螢光魷魚 咬落有少少爆汁 好味大蝦沙律 配辣汁 sooooo refreshing刺身 厚切 估唔到食鐵板燒都有有水準嘅刺身食北海道凡立貝 菠菜底  清甜 菠菜吸晒鮮味茶碗蒸 濃濃的高湯 絕對唔馬虎 茶碗蒸都做得咁好 難得難得燒雜菜 清一清 等主角來鐵板肉眼扒 唔洗點形容 鐵板牛是無敵的 去到呢個位其實己經好飽 但都好快食晒就知味道無得輸櫻花炒飯 炒得超好 粒粒分明有咬口 食到最後真係好飽 竟然食到一半有個湯變茶漬飯 最尾食晒食埋個雪芭就完了題外話，呢間食完真心推薦左俾朋友食，個朋友食完都話正！…Read More

今日放咗工之後 同朋友想搵間近近哋嘅餐廳食飯 上網search呢間餐廳評價唔錯 所以就去咗呢度食飯呢間係樓上嘅餐廳 上到去餐廳嘅燈光同擺設 裝修 都好有情調 好適合三五知己放咗工之後聚一聚由於我哋兩個女仔唔太大食 所以淨係嗌咗一個套餐 我哋叫咗一個黑麥啤酒西班牙豚肉辣肉腸意大利飯 加一個小食同甜品 分別係mozzarella芝士條及蜜糖芥末雞翼 同埋個朱古力布朗尼我哋跟餐所以佢送多咗個蒜蓉包沙律同埋紅蘿蔔忌廉湯畀我哋 忌廉湯好足料 食得出佢入面仲有少少蘿蔔蓉 清清地又甜甜地 配埋蒜蓉包一齊食 可以中和蒜蓉包既味道我最欣賞係佢嘅小食：mozzarella芝士小及蜜糖芥末雞翼 一食落去 芝士條就好多芝士唧曬出嚟 而且仲可以拉絲 兩條芝士條兩個人食分量啱啱好 至於佢個雞翼唔太辣 甜甜地 再加上個表皮焗得好脆 調味適中 所以我哋兩個都仲想食多次至於佢個意大利飯 食得出佢好重啤酒味 而且我好欣賞佢個意大利飯唔太乾 我之前去過某啲餐廳 佢哋整意大利飯收汁太多 所以啲飯食落有啲乾 不過依家呢間餐廳就冇 所以食落去口感適中 而且味道都唔錯我見佢其他食物賣相都唔錯 如果下一次有機會既話 我都想試下佢地其他嘢食…Read More

打邊爐呢樣野真係食極都唔會厭 今次再去食豪啲食尖啲既邊爐新店😏佢哋嘅火鍋湯底都有好多選擇 我去嗰晚就無哂酸菜魚湯底 但有貼地嘅湯底同貴少少嘅滋補養生湯底 我哋最尾揀咗姬松茸竹絲雞湯底湯底十分足料、誠意十足 而湯底味道就鮮甜濃郁 雞味好出 少飲住家湯嘅朋友可以嚟滋補滋補鮮准山新鮮爽口本地手切肥牛肥牛大大一片 油花分布好均勻 輕輕落鍋淥一淥就可以食得 牛肉味極濃郁😻😻😻肉質細緻有㬭口👏🏻即炸響鈴打邊爐必叫嘅響鈴 呢款即炸嘅響鈴配以糖醋食 睇得出廚師落咗啲心思去搵同響鈴夾嘅醬汁👍🏻👍🏻 即炸響鈴脆口唔油膩 鬆脆口感亦見到廚師嘅功架台灣空運鮮鴨血鴨血完全血腥味 食落爽口正宗👍🏻👍🏻優惠期間打邊爐就送一人一隻大閘蟹😱😱 仲有貼心薑茶 膏多蟹靚 👍🏻👍🏻👍🏻…Read More

青蘋果颱風乳酸食杯嘢嘅賣相係一上枱就贏哂😂😂😂 一塊塊嘅青蘋果延伸出嚟 好有睇頭 而佢嘅乳酸味道好濃郁黑松露蟹肉甲羅燒未食落口已經聞到超級超級濃郁既黑松露味道🤩🤩 食落口就覺得啲黑松露同蟹肉嘅味道真係好夾呀極度推薦😋🥰🥰😋鮑魚磯燒大大隻鮑魚上枱嗰陣仲會見到啲鮑魚會係咁郁 職員將啲鮑魚放上咗鐵爐個陣 鮑魚受熱之後會係咁郁 真係好新鮮呀👏🏻👏🏻👏🏻職員之後幫手起腸同埋剪一剪花 照顧周到三文魚中卷有牛油果青瓜絲玉子蟹柳包住喺入邊 賣相好精緻 而味道都幾豐富 北海道海鮮炒飯呢個炒飯會食到好多海鮮 有青口、魷魚、蟹肉 大家可以用呢個飯嚟做晚餐嘅總結👍🏻👍🏻…Read More

好耐冇食海鮮 又唔想去得遠 發現原來市區都有海鮮食 蒸海鮮啲海鮮一定係最新鮮先夠膽做 店員姐姐話啲海鮮全部野生捕獲 老闆自己批發 所以先做到咁抵食一開始碗碟都會係開餐前高溫燒毒然後就開始放粥底 粥底可以揀落唔落芋頭 除左芋頭 仲有啲粟米、豬骨、南瓜咁有蝦有蠔有魚片 樣樣都好新鮮帶子真係好甜 蒸完個汁好好飲貴妃蚌都係好甜好甜 帶有好濃郁既海水味 而個蚌好有咬口、煙煙韌韌鮑魚依個啖啖肉呀 完全無鞋口同好韌 證明真係蒸得啱啱好 食落反而俾佢既彈牙程度嚇親 真係超級彈牙膏蟹蟹肉好多 膏都好多 樣樣都好好食 最後食菜食粥食甜品已經好飽了…Read More

同朋友約咗行街行開旺角，所以就嚟出名多嘢食嘅女人街睇吓。見到呢一間鋪頭門口都有啲客仔等緊，應該有啲質素保證，所以就同朋友入咗嚟試吓。我哋兩個人但係都好大食，叫咗兩個主食同兩個小食再加兩杯跟餐嘅嘢飲：208極上牛肋骨鍋配韓國手打烏冬，302韓式泡菜鐵板燒飯配烤肉，510海鮮蔥餅，505煎粉絲餃子，凍紅棗蜜同凍柚子蜜。呢度果然夠晒韓式餐廳，叫完嘢食之後就會有一啲開胃小菜，比我地食住先。好豐富喎呢度嘅開胃小菜有四樣，包括粉絲，青瓜，泡菜同埋芽菜。我最鍾意嗰個青瓜唔會太辣得來又酸酸地夠晒開胃，芽菜都唔錯咬下咬下夠晒口感。跟住好快就上咗鐵板燒飯配烤肉，其實我覺得呢一個配搭好好有齊晒我哋想食嘅嘢又有鐵板燒啦，又有烤肉，又辣辣地滿足晒我鍾意食辣嘅朋友。一嚟到個飯就渣渣聲，新鮮滾熱辣啱啱整好，用嚟打卡一流呀。影完相之後就撈勻啲飯食，食落口都夠晒惹味，不知不覺就食咗好多落肚夠晒開胃。另一個煮食就係牛肋骨配烏冬，我覺得呢一個嘢食就比較適合想食清淡嘅人多啲。原因係佢個烏冬入邊放咗好多豆腐，整到好似豆腐鍋咁，啲豆腐又好入味又滑又嫩，放入口就自己呑左。至於啲烏冬亦都夠晒彈牙，唔會話咬落去好稔。食完一啖烏冬同豆腐，再食一啖牛肋骨呢一個配搭真係啱啱好。另外果兩個小食都有返咁上下質素，個海鮮煎餅用咗好多材料，又煎得夠香，每一啖都食到唔同嘅海鮮，唔會話好多粉，而且仲好細心咁幫我地切開咗幾份，方便細細啖細細啖咁食。至於粉絲餃子日都夠晒大隻，每一隻餃子有手指咁長㗎，仲有成五隻為一份餃子，配埋隔離嘅醬汁，味道配搭起上嚟亦都好夾。…Read More

咁岩喺附近經過，同朋友行都有啲肚餓，見到呢一間新開嘅鋪頭好似都幾多嘢食，於是就同朋友入嚟試吓。入到黎好快就有位坐啦，我哋兩個就揀咗香煎蓮藕餅配豬扒飯，同埋咖喱牛腩飯，仲叫咗啲小食就係炸饅頭同兩隻雞翼。呢度鋪頭個名叫做閏家，果然連嘢食都係主打住家菜。每一個餐都會跟例湯，而且每日嘅例湯都唔同架，今日嘅例湯就係花生味豆煲雞腳。個湯夠晒濃郁，加埋啲湯渣同媽咪煲嘅真係一樣架。肉餅豬扒飯個肉餅幾好食，食過其他餐廳d肉餅可能煎得太耐，所以唔好食。不過，難得哩間d肉餅食落唔乾身，比想像中既好食！個豬扒都有驚喜，好鬆軟，仲要佢好細心將個豬扒剪到剩低dd同骨相連，好容易就可以將d骨同肉分開，哩到要俾個like佢！至於個咖喱牛腩飯，我哋就叫咗中辣。上到黎見到啲咖喱牛腩份量同碗飯一樣咁多架，大食嘅人都唔使驚。而且入邊嘅蘿蔔同牛腩都大大嚿，應該炆咗好耐，因為蘿蔔同牛腩都好稔，尤其係蘿蔔，完全係好入味，成舊都係咖喱味。而且最緊要就係佢嘅中辣係真係辣㗎，鍾意食辣嘅朋友真係要來試吓。至於小食，個炸饅頭炸得夠晒香，入邊唔會話好多粉，同埋好稔，配埋煉奶食落去真係好滋味呀。…Read More

終於放假得閑啲當然就去周圍搵嘢食，嚟到呢一間新開嘅日式居酒屋，佢連個名都夠晒update係日本今年嘅新年號令和吖。呢度果然夠晒日式，鋪頭掛滿晒好多唔同達摩だるま造型嘅燈籠，仲有唔同顏色代表唔同意思添。揀咗一陣，我哋決定嗌松二人前石鍋火鍋套餐加三色刺身盤。前菜我哋揀咗日式炸雞同埋和牛他他其，至於個鍋我哋就揀咗雞湯底。嘢飲我哋就揀咗幻彩藍蝶花檸檬梳打，貪佢有得變色夠晒過癮。首先上嘅係日式炸雞同埋和牛他他其，呢個日式炸雞唔會太多炸粉加上調味好夠，就算我唔點沙律醬，都食到好香口嘅炸雞味。至於另外個和牛他他其，就俾到我小驚喜，就係佢塊和牛夠晒軟同埋稔，加埋面頭嗰少少黑松露醬同蔥花，非常之容易入口。個三色刺身盤就有三種唔同嘅魚刺身，包括三文魚，吞拿魚。跟住就嚟到重頭戲，石燒日本和牛！首先每一舊和牛都好夠厚度，第二就係呢度嘅侍應哥哥會好好服務咁樣拎塊石板過嚟，介紹完一輪，再親自幫我地燒。去到咁上下時候，仲會叫我地快啲影相打卡，呢個服務一流呀。每一舊和牛嘅厚度都好平均，我哋揀咗七成熟，咁外面就可以食到石燒嘅香味，入邊比較生嘅部份仍然可以鎖住肉汁。舊和牛夠晒鮮味，就算唔點調味醬汁，原汁原味食都夠晒和味，10分推介。跟住就食海鮮鍋物有scallops，海蝦，蠔，同埋蜆。食海鮮鍋都唔算特別，最特別係食完海鮮鍋之後記得要同侍應哥哥講，因為仲有一個鍋物雜炊，即係用海鮮鍋嘅湯底煮成嘅一碗粥。佢哋會好有心機咁樣先幫你過濾晒所有嘢食，確保只係剩返湯水，先會拎黎煲粥，之後仲會加一隻蛋落去，食落去除咗有齊晒頭先海鮮鍋湯底嘅鮮味，仲有蛋香味，呢一個食法真係好有創意而且好吸引我呀。食咗咁多嘢，返去一定重咗十幾磅。…Read More

呢一間鋪頭叫做chalet，法文嘅意思係小屋咁解，所以呢一度都裝修好有心思，好似一間屋仔咁，用咗唔少木頭做裝飾，仲有磚牆，令我感覺到真係好似睇人地法國嗰啲渡假小屋咁。我哋叫左個set dinner 加多一個餐湯，香辣牛肉他他同帝王蟹餅配蛋黃芥末醬。我哋落咗order之後好快就送上餐湯同埋麵包，呢度嘅餐湯係洋蔥湯，而麵包就係大廚今日親手整嘅hand made麵包。食落去個皮夠脆，入邊又唔好太硬。個香辣牛肉他他，肉質夠晒嫩滑，上面仲要加咗啲蛋汁，令到啲肉可以更加黏，連埋一齊食增加濕潤嘅感覺，面頭仲要配左一塊脆蝦片，口感十足。至於主菜就係半熟鴨胸配提魚。我最鍾意佢個胸唔會太生，又唔會太熟，放入口感好好。條魚亦都煎得好香，魚皮煎到脆脆地啱啱好，條魚又唔會腥。至於個甜品，就係日式玉子卷同法式焦糖燉蛋嘅混合體，甜甜地，好香嘅焦糖味好特別啊。…Read More

我哋一入坐 侍應就拎咗兩塊麵包俾我哋 依度既麵包係配蛋黃醬嚟食 啲麵包好脆口 配蛋黃醬幾夾而今晚既餐湯係粟米忌廉湯見到佢哋有set dinner 我哋就叫咗一份 揀咗香煎安格斯西冷牛扒配紅酒汁 同埋試咗佢哋既小食—香辣雞翼配蜜糖蛋黃醬 同埋黑松露野菌意大利飯香辣雞翼配蜜糖蛋黃醬啲雞翼炸得好香脆 配埋依個蜜糖蛋黃醬會中和咗個油膩既感覺 食落啱啱好🥳👍🏻👍🏻黑松露野菌意大利飯相比其他菜式 依個意大利飯就比較淡味 但食落又發現咁既味道反而會慢慢食得出黑松露既香味 香煎安格斯西冷牛扒配紅酒汁塊西冷牛扒真係五成熟 而我就好鐘意佢哋既薯條係闊身薯條 🤤🤤😋😋😋…Read More

我想嚟食呢度好耐㗎啦，終於夾到朋友可以入嚟一齊試吓。我哋都算早嚟，所以入到黎嘅時候唔使等位一入就有得坐啦。一入嚟就見到佢哋燈飾裝飾得好靚，好似有好多粒星星係自己隔離咁，好鍾意呀，用嚟打卡一流冇得頂。我哋嗌左一個期間限定嘅辣炒豬肉鍋，一個天婦羅飯卷，一個藍莓smoothie同埋士多啤梨smoothie。有靚仔oppa幫我地落order，heheh。落咗order冇耐，差唔多5分鐘就已經有嘢食啦，好嘢好肚餓。我鍾意佢個天婦羅飯卷，首先啲天婦羅炸得趣卜卜，雖然包左喺飯卷入面，個天婦羅都唔會稔晒，咬落去都仲好脆，仲有卡卡聲。除此之外，個飯卷十分之足料，唔會話頭同尾唔夠餡，無論食邊一舊，都會食到滿滿嘅飯卷。加埋仲落咗好多沙律醬，用嚟配辣野就就好夾啦。跟住其他嘢食都好快就上晒啦，個辣炒豬肉鍋除咗有中間超級多辣炒豬肉之外，仲有側面嘅芝麻好香飯，粟米芝士，泡菜，菠蘿。因為我唔食得辣，所以落order嘅時候有問到可唔可以小辣，果然講得出就做得到啊，個辣炒豬肉唔會太辣，甜味夠晒重，食辣同唔食辣嘅朋友都可以食。至於嗰兩個smoothie，一樣有讚冇彈。個藍莓smoothie入邊仲可以食到啲藍莓渣，充滿藍莓味，但係又唔會太甜，唔會好稀，感覺加咗好多水咁。至於個士多啤梨smoothie，一樣充滿士多啤梨味，但係比起藍莓，我覺得呢一個smoothie 就甜啲啦，用嚟解辣啱啱好啊。呢度除咗裝飾好靚之外，門口入口位仲放咗一個寫信區，仲有好多好靚嘅裝飾，等客人可以寫信比之後嘅自己，見到真係忍唔住寫返一兩張卡癡喺度。💛…Read More