小康妮's Profile

平日睇完醫生過黎食午餐，位置方便，大量卡位，叫左午餐C xo醬雞柳炒公仔麵配白湯(羅宋賣哂)加杯凍飲71元。炒麵到左，賣相一般，因為炒到全部碎麵失望，味道中規中矩，白湯係用罐頭菇，你預係白汁雞王飯既白汁味，服務不過不失正常茶記發揮，價錢偏貴，隔離焗飯望落好食d。呢個價錢配呢個質素感覺一般，有其他更好選擇。…Read More

呢度餐牌既食物相片都好吸引，本來想叫滑蛋蝦仁炒河，但佢話冇河粉咁佢話可以轉飯，咁我話ok，黎到變左蔥花蝦仁炒蛋飯，即係滑蛋變左熟蛋，本身諗住整左就算，男朋友就好嬲，因為佢個撈麵餐都煮得好差，係冇味既，之後佢同侍應講，侍應唔明蔥花蝦仁炒蛋飯同滑蛋蝦仁炒河轉飯有咩唔同，仲叫左個比較高級既員工過黎，雖然佢都唔明，但最後侍應都話再整過俾我地，不過黎到都係熟蛋但冇咁熟，之後我懷疑佢地係整唔到相片個效果，整唔到其實可以講既，我咪叫第二個餐，點解要格梗整俾我呢🥲我好唔鐘意食蝦仁炒蛋，但滑蛋蝦仁係ok，乜真係咁難明咩？滑蛋蝦仁係有芡汁架嘛，蝦仁炒蛋係乾身，點解做飲食可以分唔到？🙂呢間野都係得個外表，食落唔掂。。。。不過檸茶幾得意，冇檸檬，但有檸味。…Read More

星期日行完山同男朋友搵野食 見呢度有仼食薯條上網book左6點食5點九打黎confirm 咁舖頭6點先開 去到叫左肉眼同西冷要5成同3成熟都煮得岩岩好食落仲好有炭燒味 勁正 仲好juicy 餐湯甘荀橙湯都好味好特別我想講佢d餐包都係好正同埋薯條熱辣辣即整俾你 醬都係仼添黑松露醬幾好味🤤不過其實份量好多 我地大食都係食左兩盤佢碟扒入面本身仲有蕃薯條會比薯條仲好食🤤同埋服務好好 環境都好舒服食完仲有張卡仔俾你儲印仔換野食其實仼食薯條餐真係超飽不過塊扒真係高質 會想再食🤪…Read More

見到評語幾好 book左位同男友食夜晚叫左大家推介既黑松露燒鵝，麥皮蝦，另外再叫左大富豪炒飯，藍乳脆香骨。首先個燒鵝超級靭，似食緊煲湯瘦肉再差d😢問店員係未正常，佢話係咁架，你加30叫脾呀嘛(餐牌冇寫)，仲要等左近一小時先到，好差！之後麥皮蝦正常既，麥皮係幾好食好熱氣感覺，但佢整到咁香口，d蝦殼都好硬，食又唔係，唔食又唔係，冇評語講得咁好。大富豪炒飯只係普通既蛋白蟹籽炒飯，唔差，但冇乜特別。南乳脆香骨，又係香口野，炸得唔油膩，食一兩舊ok，因為好鬼咸，送酒食還好，佢有六舊，好大舊下，我諗四個人食都得，我地兩個人完全食唔到🤨咁既價錢我相信出面大把好食過佢，唔會有下次！有d懷疑d評語係未真🧐…Read More

同男朋友行完山搭車去荃灣望到呢間餐廳，睇落坐得幾舒服就入左去食晚餐啦，叫左個2人餐幾抵食$279加1，有2個主菜，一個前菜仲有餐飲同湯餐包跟。1.黑松露忌廉湯 好飲但係唔算特別2.煙三文魚沙律菜好新鮮好食既3.牛柳最驚喜 雖然佢好細舊但肉味好濃同埋叫3成佢俾到5成我 不過價錢平 我認為性價比算高👍🏾4.海鮮pasta食落有d辣 不過係好食既香辣 個人覺得呢個價錢食到以上既晚餐性價比屬高正常食量2個人岩岩好，不過如果大食可能就唔夠食啦🤪…Read More

上星期日本來打算同男友行山，點知落大雨，咁就去左西環做gym，順便睇下附近有冇cafe可以食個午餐，係OpenRice搵到2間都係同一條街，但就要行上山道條斜路上黎，不過做開運動就冇所謂啦，行到上去已經見到呢間既老闆係門口熱情介紹，所以就入左去叫左2份all day breakfast我唔飲咖啡，老闆介紹我飲培茶latte男友就飲Tonic🤗1.凍培茶LATTE❤️呢杯野係冇咖啡成份，因為我唔飲咖啡，佢係超滑同埋有好香培茶味又唔苦，雖然佢要另外加55蚊，但如果我再去我都會再叫呢個，因為真係超好飲，好想再去飲呀☺️2.TONIC咖啡唔飲咖啡既我試左一啖呢個，一飲令我覺得好神奇，首先第一下感覺係超似威士忌烈酒既感覺，慢慢佢個味會drop返淡，最後會變左甜味，好似一杯野可以飲左幾個味咁😂之後問返老闆原來佢有開班教人沖咖啡，如果飲開咖啡一定要試下佢d咖啡啦，唔知飲乜，老闆都會識幫你揀☺️3.All day breakfast 👍🏾 好似90零蚊，叫呢個純粹係因為肚餓，點知驚喜地好食，炒蛋滑到離譜，又勁香勁creamy，沙律菜好新鮮，有我鐘意既火箭菜，煙三文魚正常好食，腸同菇都炒得勁香，最正最特別係老闆整既牛角包，係一個勁香勁有口感唔會碎既鬆軟牛角包🥐…Read More

星期日同男友撐枱腳 見呢間有88折就試下 成日經過都好想食終於食到 上到去有卡位坐 叫左24件壽司拼盤 牛舌 田螺 焗蠔 蟹肉忌廉薯餅 樣樣都好出色 1.24件壽司全部好鮮甜 由其是吞拿魚😍2.焗蠔大大隻 叫左3隻 個芝士汁好正😋3.汁燒牛舌係鐵板上 有焦香味👍🏾4.薯餅一碟有4件 外脆內軟 足料好食😝5.最出色竟然係田螺 好食過某d西餐廳如果再去 我認為田螺係必食🤣埋單都係500頭倒 好飽好抵食質素唔錯☺️…Read More

收工同男友去食黃金冰室 以前食過都ok既，但呢家完全搵笨實。咁我地叫左金銀蛋花甲浸時蔬 同埋 家鄉蓮藕煎肉餅 孖寶餐138好似幾抵喎。咁第1個送，浸時蔬其實係得幾條菜，隻碟既深度大家有眼睇到，味道係不過不失，但得果小小，賣呢個價錢我覺得當我傻仔。之後諗住有第2個送幫補下就算啦，當我地食哂碟野個肉餅先黎，一見到就R哂頭，我叫家鄉蓮藕煎肉餅，佢呢舊野係搵2塊勁油蓮藕入面釀小小肉，仲要粉紅色既，我想像既肉餅應該係肉多過蓮藕，點解會變左蓮藕釀肉，我估計成本唔洗10蚊，其實你個餐牌叫煎蓮藕什至蓮藕漢堡我都冇咁嬲，但你叫家鄉蓮藕煎肉餅，我無知，究竟咩鄉下既煎肉餅係咁。我男友成餐飯係咁鬧，都唔知食左d乜，返到屋企仲要自己煮野食。…Read More