tai2cat's Profile

最近在家附近開了一間日式外賣壽司🍣店，一直都想試試但就是找不到機會。5月8號那天剛好只剩下我，工人姐姐和亞囝在家吃飯，天氣太熱唔想煮飯就試試那家新店吧。由我屋企行去呢間店只需3分鐘，很方便。店面裝修簡單舖很小，主要是做外賣，只有一張高枱供堂食。店内3個壽司師傅，都係年輕人來的，會主動向客人推介新鮮的食材。佢哋啲壽司價錢都算中上，但係師傅話佢哋即叫即做保證新鮮。那天我們只得3個人，唔可叫太多嘢，只試了10款左右的食物。落單後店員叫我們等15分鐘左右，師傅是即叫即做的。我哋等左15分鐘啲食物就做好，返到屋企開餐覺得食物質素不錯，夠新鮮可以再來。…Read More

今晚放工遲咗，唔想返屋企至煮，叫咗Papparich外賣海南雞飯。之前我買過好多次，至少五六次，一路以來食物質素都不錯。返到屋企打開盒飯就覺得今日嘅海南雞簡直係垃圾。成碟雞只有皮同埋肥!雞肉有極大雪味同只係得兩塊（其他都是毛，皮及肥膏），盒飯要收我＄110簡直係搶錢！咁樣嘅質素真係一啲都唔值，對呢間餐廳真係失望到極點。打到餐廳投訴，聽電話嗰個女人話佢哋餐廳最近轉左個供應商攞雞所以呢排啲雞有d唔同喎。呢批雞肥d同埋好細隻，起咗啲骨之後就冇乜肉剩其實我唔係好有興趣知道佢餐廳啲貨嘅來源，我只係介意佢唔好食。如果要比咁樣嘅質素嘅嘢客人，我覺得你不如唔好賣啦！最後只好煮公仔麵食☹️…Read More