Kikicck's Profile

晚上6點幾，點個近4000嘅餐。上咗4、5個餸，到8:30都冇餸到。等我仲以為上齊，去廁所順手埋咗單。等到人都火，追咗兩次都話即刻炒。呆等到人都激到飽。餸又唔嚟，錢又唔退。除咗粗口都冇乜嘢想講。打字期間，又上咗兩味，唔追唔嚟，嚟又唔齊。我錢又俾咗，嘢又唔齊。宜家仲有三味未到，火都嚟，職員態度友善都冇用，我嚟食嘢，唔係食態度。食唔飽，咩都冇用。嚟得慢，蚊都瞓。又嚟一味，仲有兩味。打包帶走算，蝦多士冇計要即食。最後兩味終於到，真係最難忘嘅中秋節。🤨…Read More

感謝今日執到我電話的客人、職員。多謝你哋，唔該曬。今日嚟南記食最愛的小窩B餐，唔知係邊個俾我勇氣叫咗中辣，辣到我口水鼻水出曬嚟。食到最後冇曬可樂，辣到我失憶咁😅漏咗電話係枱面都唔知。多謝🙏🏻咁多位，有執返俾我除咗辣之外，口味保持一貫水準。辣豬肉好好味，魚片同春卷都彈牙可口，大大嘅冬菇我鍾意，芽菜加米線配湯汁，正。唔可以唔提有我最鍾意嘅酸菜肉碎嘅酸辣湯㡳，正到冇餸都可以食曬一碗米線。當然有餸更正斗。…Read More

宜家好難約到星期六日食飯，所以約咗平日食。一開始差啲搵唔到餐廳，因為朋友冇話我知餐廳一半係Bar。蘭桂坊好多酒吧，仲以為自己行錯路。意粉，薄餅都好好味。仲叫咗2杯啤酒，專揀香港少見果啲。意粉份量挺少的，不過味道好好。只影咗意粉，其他都忘記影。薄餅剛上的時候好正，不過涷咗就有啲硬。2個人食份量啱啱好。食完見8點幾，為安全著想，又散水。可能有一半係Bar嘅關係，都幾嘈吵。我哋要仲個最入面嘅位置，感覺還可以。女廁只有1格，同一個共用殘廁。…Read More

今日過到北角就打算食埋先返公司。熱檸水好正常，冇驚喜。牛腩好霖好好味，仲有芝士鋪面，好芝士薯角唔錯太陽蛋😍，一啖食咗佢個蛋黃🤣又夠肉，又有芝士最正係全碟只有一個西蘭花，少量粟米粒。對我呢啲食肉獸嚟講，簡直絕配。餸仲多過飯呢方面好合符我嘅要求可能係芝士太多食落有啲膩，但大致唔錯…Read More

之前係朗豪坊食過，印象之中都算唔錯。但今次係上環食真係令我大失所望。正所謂希望越大失望越大。從未食過膻味牛肉麵。好失望囉。牛味道正常，但啲湯好膻真係好難食囉=皿=豬手仲要有毛=皿=杯酸梅冰真係出乎意料地難飲。雞翅啲味尚計ok，但只有2枝骨:(即係得1隻中翼。溏心蛋味道唔錯，但啲青瓜唔多掂果碟沙茶雪菜，味道最好味。夠有沙茶味。食物講到呢度。服務呢方面呢，失望。似乎上環真係少餐廳，佢地真唔憂做。真係唔想回想…Read More