little_teen's Profile

無食一排原來轉左餐牌，多左唔同款式，而且價錢仲抵左，吸引。菠蘿煙肉安格斯牛肉漢堡：食過幾次呢度嘅burger 都不錯，今次encore。賣相靚仔，份量十足，麵包表面微微烤焦，夾著厚實多汁嘅安格斯牛肉餅，牛肉餅質感紮實，肉汁豐富，濃郁牛肉香氣，熟度岩岩好。一片烤得微焦嘅菠蘿片，自然甜味帶微酸同焦香。薯條一向都高水準，即炸又香脆，外脆內軟，咸味適中。脆皮燒豬腩配蜜糖紅菜頭菠蘿沙律 ：擺盆賣相討好，燒豬腩外皮金黃酥脆，脂肪分布均勻，入口時外皮酥脆，內裡鮮嫩多汁，菠蘿酸甜清新正好解油膩感，配搭不錯。卡邦尼扁意粉：醬汁有濃郁奶香味，仲有好香芝士味，口感絲滑濃稠。一向最愛，保持到水準。…Read More

上次試過呢間鹽味清湯底非常唔錯，再來encore。北海道豚足濃清湯拉麵：呢款就係鹽味清湯底，清澈而鮮甜，清爽濃郁唔油膩，而且湯底鹹度適中，可以大啖湯。麵條口感彈牙，煮得剛剛好，粗細適中，可以吸收湯底精華。豬手大大件，經過長時間燉煮，肉質超級軟嫩，膠質豐富，入口即化。大大片叉燒都係亮點之一，肉質鮮嫩，脂肪分佈均勻，入口即化。兩條炸牛蒡香酥可口，咸香味十足。溏心蛋溏心度剛好，又腍又滑。白松露慢煮叉燒濃清湯拉麵：呢款拉麵加左白松露，白松露撈勻係湯底，香氣超香，回味無窮，完全係另一種風味。午餐加$38可以加配小食同飲品，今次揀左名古屋雞翼同炸洋蔥圈，真係超酥脆。店員講每日只賣100碗，賣哂就收鋪，真係受歡迎。…Read More

宇治金時絕對係日式甜品入面嘅經典之作。滿滿綠茶冰加上大量紅豆、白玉，仲有一個抹茶雪糕球。綠茶冰食得出綠茶味，冰感略重。紅豆蓉熟得軟爛，味道清甜。白玉小丸子口感煙韌，最好食係抹茶雪糕。紅豆相思用料豐富，仙草舖底，口感嫩滑，上面有濃郁嘅紅豆，再配上晶瑩剔透嘅西米。椰汁冰味道香濃，椰味十足，非常清涼。最鍾意芋圓，不同顏色不同味道，口感煙韌，味道香甜。…Read More

今日來到西九中心美食廣場，呢間韓式小店菜式選擇非常多，好吸引！千島海鮮韓式pizza 新鮮即焗，賣相吸引，整個餅面有好多魷魚、蟹柳絲、蜆肉等等，再加上大量芝士，顏色配搭豐富。餅底厚薄適中幾鬆軟，千島醬嘅味道非常突出，甜中帶酸，好開胃，芝士份量夠慷慨做到拉絲效果。卡邦尼炒年糕公仔麵勁多奶油超忌廉咪，芝士奶香味濃郁，口感順滑，煙肉鹹香，洋蔥超甜。韓式年糕煙韌軟糯，富有嚼勁，公仔麵就夠索晒汁 好飽肚。原味飯卷紫菜鹹香，脆卜卜，材料都好豐富，有蟹柳，紅蘿蔔，青瓜，魚片等，好有韓式風味。…Read More

今日同姐妹來個中式午餐，呢間粵菜點心喺Element場內黎講唔算太貴，環境舒服，二人坐四人卡坐超舒適，服務仲好好。羊肚菌杞子滑雞蒸飯賣相吸引，大大件雞件舖滿飯面，仲有幾隻貴價羊肚菌，用料足料。雞件嫩滑多汁，羊肚菌爽滑，加少許甜醬油拌勻，米飯沾滿雞汁同菌香，醬油甜甜的，非常好味。花膠撈麵：女士最愛花膠超大片，晶瑩剔透，而且相當飽滿厚身，入口富有彈性，膠質豐富，吸收晒蠔汁味道，海味十足。真係一個非常滋補養生嘅麵食。鮮竹卷：炸腐皮吸滿高湯，本身已非常清甜。內餡有豐富嘅豬肉、蝦仁等，紮實，鮮味十足。懷舊千層糕：少見傳統甜蒸點，賣相討好，白黃一層層相間堆疊而成，層次分明。甜度適中，不錯。幾款食品都相當不錯！…Read More

龍蝦湯蛋蓋煙肉天使麵龍蝦湯醬鹹香濃郁，帶有鮮明嘅海鮮味，麵條煮得剛剛好，保持住彈牙嘅口感。炒蛋份量多，味道香濃，整整蓋喺湯麵上面，仲有好多煙肉片同番車厘茄，好健康嘅一碗湯麵。 飛魚子蟹柳炒飯配餐湯炒飯色彩繽紛，金黃色嘅炒飯搭配紅色嘅蟹柳絲同晶瑩閃亮嘅飛魚子。炒飯粒粒分明乾爽，每一啖都充分吸收咗蛋香與調味料嘅鹹香，而蟹柳絲軟嫩甜甜的，仲加左啲菇類加添香氣，咸香味濃，不錯。 加配 BBQ雞中翼焦香四溢，表皮帶有微微嘅金黃色澤。濃郁嘅醬汁帶住輕微嘅甜鹹味。…Read More

真係好鍾意食呢間牛麵，今日喺黃埔搵食再來幫襯！沙茶鮮牛肉刀削湯麵：最濃郁嘅沙茶醬，甜中帶鹹帶輕微辣味。牛肉片切得厚薄適中，口感嫩滑，沾滿茶沙醬，香氣四溢。刀削麵煙韌有嚼勁，厚度均勻，充滿彈性。湯底係呢碗麵嘅靈魂，經過長時間熬煮囓牛骨湯，牛味夠香但又唔覺油膩，好清爽。另一款揀左最經典嘅牛筋腩麵，份量超多，最鍾意牛筋非常軟糯嘅，膠質豐富。牛腩亦都好腍滑，牛味濃郁。一碗麵加$12有一枝水果冷泡茶﹕青蘋果冷泡茶酸酸甜甜，茶底幾甘香，夠解渴。另一款白桃冷泡茶仲正，白桃味香，酸甜適中。小食都有好多款，見到好邪惡嘅炸大腸好吸引，出面比較少見。大腸炸得香脆，脂肪適中，唔腥，加左少少椒鹽，惹味。…Read More

間中會走入嚟西貢遠離繁囂。鍾意呢間餐廳坐得舒服，環境又舒服，食完飯又可以去海邊行陣。Chicken Mexicana Burger 賣相靚仔材料夠晒豐富飽滿，超厚身嘅雞扒煎得微焦，呢款漢堡算係非常清新，有新鮮嘅生菜同番茄片，醬汁係牛油果醬。Pancetta Carbonara 一睇就知奶油香味勁濃，仲有好香芝士味，口感絲滑又夠濃稠。意粉本身韌度適中，配料係最基本嘅煙肉、白蘑菇，簡簡單單就係最好味。Honeycomb Pancake 兩大片圓潤厚實嘅鬆餅，表面金黃，口感超級鬆軟，中間濕潤。蛋香、奶香、牛油濃郁，本身已經好好味，再淋上甜甜嘅蜂蜜糖漿，加一點清甜花香，更甜蜜。Cast Iron French Toast 用熱熱嘅鐵板送上，熱辣辣，多士煎到完美嘅金黃色。兩大件多士外層微脆，中間係浸滿蛋漿，濕潤柔軟，而且勁香牛油味同蛋味。最後雲尼拿雪糕來一個冰火，暖暖嘅多士加上凍冰冰嘅雪糕，勁滿足。…Read More

上次去廣州食唔成，估唔到旺角就有一間。環境舒適闊落，服務仲好好。五指毛桃脆皮雞煲﹕鍾意五指毛桃有好似椰子獨特味道，仲加左好多紅棗、杞子等材料，味道香甜濃厚，真係暖胃又滋補。有翼、腳、骨頭部份之外，仲有雞內藏。中間五小碟全雞肉只需30秒就熟透。真係勁脆皮! 雞肉依然鮮嫩多汁，口感爽滑彈牙。雞肉吸收晒五指毛桃湯汁嘅精華，超甜！揀左兩款火鍋料，特級肥牛賣相勁靚仔，油花分佈均勻，肉味夠濃。咸蛋黃蝦丸本身蝦味濃，口感彈牙，咬開中間金黃色咸蛋黃餡料爆漿流出，一陣咸香！潮汕牛筋丸結實Q彈，勁爆牛肉汁。墨魚丸就鮮甜滋味，粒粒墨魚肉，真材實料。最後叫左兩個甜品，天然桃膠椰子凍有濃郁嘅椰子清香，質感滑溜，椰子本身嘅天然甜味，清爽，超正! 鳳園大滿貫配料滿滿，極為豐盛，只需要十幾蚊。食物高質素，服務高享受，不錯，會再來!…Read More

知道呢間小店醉出名，原來連雞煲都可以外賣自煮，今日就訂一個二人餐返屋企，外賣包裝方便企理，超級豐富，份量夠晒多，絕對係懶人福音。前菜係醉蝦同醉花甲，一打開盒就聞到濃郁嘅酒香。大蝦隻隻新鮮飽滿，蝦肉質地緊實彈牙，新鮮香甜，酒味甘醇慢慢散出。花甲大大隻，肉質鮮嫩，吸收酒味嘅能力更強，鹹鮮與醇香平衡，回味無窮。按指示先煮熱湯底，加入材料煮十分鐘就食得，再按喜好加入純酒。湯底有勁多杞子、元肉、紅棗，味道甜甜，啖啖酒香，非常好味又養生。半隻雞好新鮮，肉質鮮嫩有彈性，肥瘦適中，充分吸收左湯底嘅精華。配料仲有幾款，蝦滑、墨魚滑彈牙爽滑。五花腩肉片肥瘦相間，肉質嫩滑。菠菜餃皮薄餡料足。最後加落埋米線同蔬菜吸收湯底精華，飽晒。另外煮埋幾粒芝麻湯圓，芝麻餡爆漿，味道濃香，完美嘅收尾。…Read More

環境實在太吸引，到處都係火車主題，連座位都係火車車卡包廂，小朋友一入場已經勁興奮。餐廳外有一個觀景平台Cozi Starry，環境光猛都幾舒服。餐廳唔算大，但係應有盡有，麵包前菜、沙律、凍海鮮、刺身、熱盆、甜品、飲品都齊全。主打海鮮主題選擇都幾多，蒜蓉粉絲蒸扇貝索晒蒜蓉汁。即煮嘅海膽汁鮑魚蝦仁意粉，新鮮熱辣，味道不錯。最愛嘅甜品首選自製脆皮窩夫，牛油味夠香，新鮮熱辣，外脆內軟。自行配上雪糕同埋朱古力醬，正！最後仲有多款雪糕選擇，Movenpick、Häagen-Dazs口味都幾多。仲有香港品牌Co Co Berry有好多香港特色嘅口味，豆腐味清甜豆味香，超推介。香港奶茶非常濃郁，都不錯。食飽飽上五樓兒童遊樂場玩，玩樂設施應有盡有，連電動車都有得玩，真係超開心。…Read More

觀塘工業大廈美食多，呢間餐廳環境不錯，舒適闊落，午餐都幾抵食，仲可以追加小食同甜品。餐湯係洋蔥忌廉湯有奶油濃稠感，粒粒洋蔥非常清甜。焦糖瑪奇朵：濃縮咖啡味道甘香，係個人鍾意嘅堅果味，加上全脂奶製成嘅奶泡，口感絲滑輕盈。用焦糖醬為咖啡加上甜度，甜苦味相當平衡，十分喜歡！山政小山園槙之白宇治抹茶：茶底濃郁甘香，上面加上鮮奶拉花令茶味柔和一點，高質！慢煮日本雞胸配自家製干邑燒烤醬：雞胸肉慢煮烹製，熟成度剛好，肉質非常柔軟，原汁原味。干邑燒烤醬味道微甜微酸，帶濃郁果香同酒香，不錯！煙三文魚闊條麵配波菜忌廉汁：煙三文魚整成靚靚嘅玫瑰花，鹹香加上煙燻香。闊條麵吸附濃濃嘅波菜奶油汁，啖啖芝味，超正！棒棒鷄鎚配蜜糖芥末汁：外皮炸得金黃酥脆，加上酸甜甜蜜糖芥末醬。法式檸檬撻：賣相小巧又精緻，清新檸檬香氣，酸味恰到好處，口感輕盈似奶油質地。吉士焦糖梳乎厘：視覺效果一流，兩大塊梳乎厘非常鬆軟，空氣感十足，蛋香味濃。頂層仲燒成焦糖脆皮，最鍾意烤得夠脆，仲帶一點甘苦味，焦糖爆谷絕對加分。常說甜品放第二個胃，今餐份量十足，主菜同甜品胃都滿滿，盡興而歸。…Read More

深圳食過幾次大愛品牌，原來旺角開左店！裝修雅緻，以綠色竹林為主調，舒適自然，今期聯乘米芝蓮星級名廚制定夏季限定菜單，仲係香港限定，款款都好吸引。粉絲裹蝦：臨桌現煮，大蝦爽滑彈牙，鮮甜多汁，好新鮮，蒜香滿瀉，粉絲吸收左蝦汁、蒜香和醬汁精華，超正！麵餅醬香五花肉：視覺效果一流，麵餅包住炸香左嘅五花肉，肉質滑嫩，配上清爽嘅蔥絲同青瓜，濃香又清爽。筆墨酥香：夏日限定之一品，以文房四寶主題，打卡必點！一上枱直頭靚到嘩一聲，新鮮出爐酥餅仲熱辣辣，酥皮黃金酥脆，番薯內餡細膩綿密，天然甜度，超好食！西湖雷峰塔：以杭州西湖雷峰塔為靈感，造型勁精細完整，靚到唔捨得食。暴打鳳梨茶：超可愛熊仔茶，茶底幾香，鮮果非常清爽，清新水果消暑之選！懷舊米漿：溫暖又順滑，米味濃郁溫潤。豐富視覺效果，味道一流。註冊埋個會員，有迎新優惠又可以儲分，抵！…Read More

Lamb Seekh Kebab & Chicken Seekh Kebab：老細好好，可以俾我地叫雙拼，試晒羊肉同雞肉兩款唔同口味。免治羊肉卷有濃郁嘅羊味，香料味豐富，帶丁點微辣。另一款雞肉卷雞味更香，口感較為鬆軟。配搭薄荷酸奶醬，更加清爽，亦減輕左油膩感。Butter Chicken：一上菜已經聞陣陣香氣，主打味道當然就係印度牛油，仲有好香嘅薑黃等香料味，上面加少少鮮奶油，口感順滑柔和，味道甜甜的加一丁點辣度，非常適合我地嘅口味。雞肉柔嫩多汁，吸收晒醬汁味道，非常好食。當然要配上烤餅一齊食。揀左兩款唔同嘅烤餅試試。Garlic Naan：滿滿嘅蒜香同牛油香。口感煙煙韌韌，索晒汁，超正。另一款係Roti Chennai 感覺似手抓餅鬆鬆散散的，牛油味更加香，仲燒到脆脆地。新鮮即開椰青水，清新解渴，味道微甜，正好解膩，真係透心涼。來重慶大廈就追求正宗印度風味，味道比預期的好食! 老闆同職員都非常親切友善，服務好好。…Read More

沙田友老友介紹，女士們最愛嘅花膠雞！湯底選擇幾多，一早已睇中呢款滋補花膠雞煲，本身味道幾香甜。半隻雞份量都非常充足，仲有大大塊嘅螺片同花膠，真係非常之滋潤。雞肥瘦適中，肉質非常嫩滑爽口。極品本地手切牛頸脊：呢款牛肉大理石紋理非常靚，睇得見的高品質。輕輕煮十秒八秒，牛肉仍保持鮮嫩多汁，配上沙茶醬甜豉油就最岩！十優狀丸：賣相靚，一次過試齊五款口味。每款都好新鮮，口感彈牙。墨魚魚丸本身海味香濃，食得出粒粒墨魚肉，更加爽口Q彈。仲有一款黑墨丸，味道更咸香。升級版加入加入黑松露，菇菌味香非常夾！蝦丸真材實料，勁彈牙。鯪魚丸食得出新鮮，魚香濃郁。最後加一份雜菜籃：幾款蔬菜都非常新鮮，吸收晒湯底香甜，清爽！豐富滿足的一餐。…Read More