羊肚菌杞子滑雞蒸飯賣相吸引，大大件雞件舖滿飯面，仲有幾隻貴價羊肚菌，用料足料。雞件嫩滑多汁，羊肚菌爽滑，加少許甜醬油拌勻，米飯沾滿雞汁同菌香，醬油甜甜的，非常好味。
花膠撈麵：女士最愛花膠超大片，晶瑩剔透，而且相當飽滿厚身，入口富有彈性，膠質豐富，吸收晒蠔汁味道，海味十足。真係一個非常滋補養生嘅麵食。
鮮竹卷：炸腐皮吸滿高湯，本身已非常清甜。內餡有豐富嘅豬肉、蝦仁等，紮實，鮮味十足。
懷舊千層糕：少見傳統甜蒸點，賣相討好，白黃一層層相間堆疊而成，層次分明。甜度適中，不錯。
幾款食品都相當不錯！
1
