Zeon's Profile

深水埗曾幾何時同西式漢堡連唔上關係，直到某年開了一間 Burgerman 後就漸露曙光。Oh......忘了頂頂大名、歷史悠久的嘉頓漢堡！ (笑)然後左一間鄰居，右一間 Fast Taste，落少少西九8樓又一間西九漢堡(剛復活?!)，遠少少又一間本地老薑添福(剛長沙灣開分店)，想食素漢堡嘅又一間素年，實在有太多選擇了！現在又新增了一大英雄進駐，當然先嚐為快！老老實實，因為外賣關係，回家十幾分鐘途中，經過高低起伏、跌跌蕩蕩，賣相當然變形，但味道不變 (應該)。第一次當然就試 11cm 的英雄漢堡，2個人分別點了一份正常，另一份加 $10 轉了出名的 Panger，以作比較。跟餐薯條就免費改了薯餅及炸雞塊，薯條就留待下次再試。薯餅味道一般，因為食慣了金拱門出品，所以唔習慣......加上得一塊，被炸雞塊比下去。炸雞塊味道不錯，不過焗太耐有少少淋，份量亦頗多，有6-7粒，覺得賺到了！明顯偏心！------------------- 以下相片請有心理準備 (驚) ------------------- ↑ Panger 款的 ↑↑ 正常款的 ↑因為牛肉肉味太濃厚、醬汁太豐富 (芥末味)，所以一齊咬時食唔出 Panger 的分別，分開就覺得塊 Panger 較甜、有少少咬口，唔係空氣 pancake 款。其實簡單一句就係整體味道不錯！以後又多一間可以選擇了 …Read More

上年某日經過南昌街時，聞到一陣好香的牛扒味，往前走幾步就發現了這間當時未有店名的店舖，就決定搵日去試試。到有次星期五放工後，經過看到未滿坐便走入去 ( 試過幾次全滿座唔想等就走了 )，當時叫了 12 安士的美國極級肉眼牛扒。預設跟意粉，可跟飯，或淨扒，不包飲品。味道上可以媲美同區突然出名人氣爆燈的某 " 數字自助牛扒店 "。另外，我亦認為比附近 2 間出名的港式老店更好，只係差在沒有套餐及鐵板上的選擇。牛扒有牛味就正常不過，感覺沒有用過鬆肉粉之類，咬口亦實在，惜筋位較多。快快手食完第一次後，已覺得會再有下次。上月第 2 次及今日的第 3 次都是叫 $88 的 12 安士美國極級牛扒，其實感覺和肉眼差不多，所以揀 C/P 值最高的就可以了。頭 2 次配菜跟西芹真的嚇壞！今次就是比較正常的椰菜。經過輕輕一煎的蕃茄，於最後才進食，可清除一下口內的油膩感，是不錯的選擇。這間我會列作經常去的食肆之一，大大份牛扒，價錢不用 $100，又不用排隊 ( 排隊就食其他 )，喺今日咁高物價指數的香港，可以在哪再找到？…Read More

見近日新開舖即時和朋友去先試為快！用食券機時發生少問題，機器找少了錢，幸好有職員即時幫忙取回。交上食券入坐後便開始等待及取自助沙律，如圖所見，不要太有期待，醬汁有3款可以任加。免費任斟的湯味道怪怪，可以不試。等了約10-15分鐘後檯前機仔響起便去取餐處，取回來是用廚房紙蓋著，職員說是用來防止彈汁。乾坤一開，2 款牛已近 5 成熟，與檯前所示的 1 成熟不同因為不知要準備，牛扒到後才去盛飯，倒醬料，加黑椒、鹽等動作，導致牛肉過熟，真的是「Well Done」！建議要提前準備所有工作，牛扒到後即提起看生熟度，再放回鐵板決定要再烹調時間。味道方面是有牛肉味的，比一般港式扒房水準要好，合理價錢及期望。另外，餐廳沒有籃、掛鈎，袋只可以放地上或跟身。但有即棄圍巾可取用，不怕肉汁彈在身上，貼心！…Read More

幾個月前食了一次後覺得這間餐廳不錯，所以昨晚又再一次光顧。首先，以下是上次用餐的食物。~~~~~~~~~~~~~~~~~~~~~~~~~~~~~~因上次試了焦糖單骨雞翼覺得好食，所以今次會試其他口味。本來是想叫 pizza，但店員說不小心整爛了最後一個，所以才轉這份全日早餐，不過就很豐富。蜆肉什菌意粉有少少辣，但今次已不見在餐牌內.......玫瑰 latte，意想不到會有花瓣做裝飾，推介說穿了就是齋啡，味道 ok 的綠茶 combo，這個是當晚的焦點，好重綠茶味~~~~~~~~~~~~~~~~~~~~~~~~~~~~~~今次排隊的位置和上次差不多，前面大約 8~10 張檯要等，所以預計 1 個鐘應可以入座，但最後排了 86 分鐘才能入座......(請跳至 題外話/補充資料)等到天方地老後，終於可以入座落單。今次是孜然單骨雞翼，一樣熱辣辣好好食，推介推介煙三文魚蜆肉意粉賣相不錯，夠足料卡邦尼煙肉意粉，意粉較硬身，少汁，不太合口味跟餐 + $15 蝦餅，但試無妨焦糖 cappuccino，要先搞一下才可以飲，否則只有咖啡而沒有焦糖的甜味法式焦糖燉蛋 latte，只是賣相可以，味道一般全晚中伏之選，除了焦糖燉蛋好食外，雪糕好快溶，香蕉批只可以用無味黎形容......早知叫返綠茶 combo，後悔試新甜品…Read More

因屋企附近新開了一間拉麵舖，故晚上放工回家前，特地前去一試味道。說實在一碗 $85 的拉麵在深水埗區來說是偏貴的，相比起銅鑼灣某幾間出名的都是差不多價錢就吃到一碗，個人先認為這間拉麵的CP值太低，但總要試一次才知是否值得的。入店後看到全都是吧檯位的坐位，並沒有2 / 4 / 6 人檯供朋友坐在一起，故不太適合一大班朋友邊食邊傾計，幸好我是自己一個來的。坐低後就開始揀拉麵，我點了一碗混亂玉子拉麵，其他的都全部正常份量。等了大約10分鐘後拉麵送到眼前，心想差別很大.....與餐牌上滿滿的配料不一樣，原來3倍份量和正常是很大分別的，不要被圖片欺騙。(這個是否違犯商品說明條例就不在此討論)味道方面，這間店的湯底不太合我的口味，不過粗身的麵質是做得不錯的，可以掛到湯汁。叉燒就覺得一般但有點凍，蛋就不過不失。食到最後用紙巾抹咀時，令我最憤怒的事發生了！負責清潔的店員竟然在沒有問詢我的情況之下，立即收走我的碗筷，心怕我會坐很長時間似的！ (當時大約7:45pm，門口只得幾個人等位)之後懷著一個憤怒的心情離開。雖然近屋企，但這間我決定以後不在去！西九7樓的隱家拉麵 (同老闆開的) 好好多。…Read More

早前發現 Yahoo! 有做豚王尖沙咀新店團購價惠，所以同事就買左 2 張一齊去試下，亦順便回味早幾星期係銅鑼灣店食既味道。搭左成個鐘巴士到尖沙咀，但因為餐廳地點唔就腳，去到附近都要搵左一陣先到門口。一入門口，侍應一貫地大聲歡迎客人 ( 日文聽唔明 )而因為今日做團購價惠只賣裡豚王，所以全部人都係食同一種味道既拉麵。坐到位置後，侍應會俾張大紙巾客人，以免客人用餐時湯汁彈到身上，亦有問長髮既女士需唔需要橡筋紮起頭髮，呢方面感覺上都幾貼心。好快拉麵上檯 聽到隔離檯客人問呢碗係邊種味道，先知原來呢款咁神秘既味道，係用元貝做湯底，但食落依然有豬骨湯底既味道，估計係兩者混合。起筷後，一開始即食既紫菜已經變腍，無脆口感覺，呢方面要改善。伴菜既筍，只係能夠用「重口味」黎形容，超級入味，但就較鹹。半熟蛋做得剛剛好，仍有糖心蛋黃，只係略嫌蛋味不夠，比上次食原隻時差少少。拉麵方面，雖然做到掛湯，但味道、咬口好似一般，可能麵質唔太岩口味。叉燒就同平時分店食的無大分別，可能食過日本其他拉麵舖果種入口即溶既感覺，所以香港版既叉燒既唔太喜歡，同埋偏瘦，要多咀嚼兩下先得。至於拉麵最精髓既湯底，元貝味其實唔突出，要差唔多食到底時先覺得有元貝味，所以起初覺得湯底只係普通的豬骨湯底，可能要開始時搞多幾下等味道平均分佈。而貫徹拉麵慣常作風，湯底都係無加味精，飲完一整碗都未有口渴，值得一讚！總括幾次經驗而言，豚王整體可以做到日本果種既感覺，但始終有用料唔係日本貨，所以唔可能百份百做出原味，要好食既都係要去日本品嚐，香港泡製的拉麵只可以用作止心癮。如果未去過日本食拉麵，其實豚王係香港黎講已經做到好頂級，最少比香港一風堂落味精好幾級。…Read More

朋友早 2 個星期前已打黎預約今晚 7 點鐘 訂 8 位幫我慶祝食生日飯，本來都一切正常，今朝仲收到餐廳電話再確認。到 6 點半左右朋友再收到餐廳電話通知話今晚好爆，叫我地準時去，逾時不候，咁都冇問題，因為我地已經係 K11 行緊打算等到 7 點先入座。但係到左 6 點 45 分，又再一次收到餐廳另一位職員打黎催我地入座，同埋果陣先同我地講坐到 8 點 15 分就要交檯。突然先聽到咁既通知，當下心情真係超差，即刻同朋友講，要求職員留名，要向餐廳作出投訴！朋友電話講完後，對方回覆話可以免 8 點 15 分交檯！但已經非常不滿餐廳職員溝通不足！預約時唔一早同朋友講定要限時間用餐，否則一開始就不選擇呢間食！最後我地都冇入去食！差劣既服務，已經激退客人既意慾！就算再好食，都唔會俾佢賺！ …Read More

大約十年前 , 明將只係得西九龍中心果一間 , 作為學生既我試過用學校食 lunch 既時間同同學們一齊仆倒過黎「豪食」 !記得當時以有限既零用錢食一餐 $39 的日本餐真係好巴閉 ! 而到依家仲記得當時 lunch 同同學每人各自怒刷左十幾廿碟既情況. 其實對一個學生黎講 , 果陣明將真係好好食 ! 講真 , 當時迴轉帶上有好多三文魚壽司 , 同埋每塊都好厚同大塊.十年過去.......雖然唔算係食過太多既日本餐廳 , 但最印象深刻都係非此間莫屬 !機緣之下 , 前排同同事一齊黎挑機試食最出名既紅豆軍艦壽司 !「打王」之前當然係搵小兵們熱身下. 先黎個蟹子沙律軍艦 , 只係覺得沙律味好重 , 紫菜好焾 , 蟹子無特別之後黎個蟹棒壽司 , 蟹棒是凍的 , 壽司飯是暖的 , 感受到冰火既感覺 , 亦都開始覺得要面對小兵既挑戰跟住就黎個墨魚(?)軍艦壽司 , 賣相極嘔心 , 見到好多「口水泡」既黏液係面.....同事話呢個好難食 , 拍得住個「王」, 而我就覺得未到最差之後黎個吞拿魚軍艦 , 可能因為d醬唔係自家製 , 所以算係比較好食之一 , 而仲有個粟米沙律軍艦都比較好食.跟住既就係甜蝦壽司 , 真係可見餐廳為左慳成本 , 每件壽司只有一隻甜蝦 , 我先食一舊壽司飯 , 將 2 隻甜蝦合埋一齊 , 之後再食就好正常.之後就黎個蟹子軍艦 , 嘩......一食之下 , 簡直想反胃 , d 蟹子好腥 !!!!! 入口後蟹子佈滿口腔內 , 好難逐一清除 , 唯有要飲啖無味既茶去沖一沖.之後再黎其他....最後當然係打王啦 ! 登登登櫈........紅豆軍艦壽司 ! 先同王拍個照 , 再開始挑戰佢.一次放哂入口.......咬多兩下之後 , 發現紅豆好乾身 , 好似 d 吸水珠珠咁 , 吸乾哂口入面 d 水份. 咬左好耐先可以再講到野. 至於味道呢 , 就真係唔太難食 , 可能有心理準備 , 所以冇預期中咁差 , 竟然有點「失望」囉 , 哈哈~~與其俾呢間「OK」既評語 , 倒不如俾「喊」. 相信越多「喊」會越多人黎食...........XD…Read More

10 月 31 號同朋友去長洲遊山玩水兼食海鮮，梗係先上一上Openrice 睇下有冇好介紹 係朋友一致同意之下，決定揀蘇波記作為今次既晚餐地點。因為人多既關係，可以叫好多款餸去試試~先黎個蒜蓉粉絲蒸帶子帶子真係得個 5 毫子左右咁大 味道一般~之後梗係黎個蠔餅啦~出黎好似 pizza 咁，賣相極之吸引，而蠔仔又比想像中大粒，加上又唔太乾身(因為唔係煎出黎)，加少少魚露調下味，好食！ 跟住就黎碟蒸魚嗯.....其中一條係上碟時未蒸熟，要拎去返蒸，之後起筷時又發現有一條霉霉地.........唔太掂之後就黎個炒蜆........好細粒~ 無乜肉食~但個椒鹽鮮魷又有驚喜喎~ 熱辣辣夠滋味，加上大件夠咬口，都唔錯~~跟住又再黎個瀨尿蝦同埋炒蟹兩款都細隻到想喊........瀨尿蝦只有一隻手指咁長，而個蟹就同食殼無乜分別......而個蟹又辣到飛起，食完再食其他餸，成個口都已經只有辣味.......至於個辣酒煮螺呢，雖然都算係細粒，不過仍然可以好易咁用牙籤篤佢出黎，而辣既程度就剛剛好~食左咁多海鮮，當然要叫返 d 菜食下啦~大致上都唔錯，而個雜菜煲朋友話都比預期中好食~最後埋單每位都唔洗 $100，呢個都算係其中一個驚喜啦~~ …Read More

朋友生日話要入西貢行下兼食海鮮，所以一班人下晝就入左黎西貢四圍行下影下相咁。到左晚餐時間，因為朋友之前黎過呢間度食而覺得又唔錯，所以決定再食多一次~~我地叫左個象拔蚌做刺身，而個頭就煮粥。做刺身既爽口，蘸少少芥辣食真係無得頂 ! ! ! 而煲粥又夠綿，加埋鮮甜味真係正~ 蟶子王大大隻又爽口兼無沙，所以食得好滋味滿足 ! 而今次每人仲要有 2 隻添喎~ 白灼蝦就冇乜特別，唔算有特色，而且平時街市都買到游水蝦啦................花甲都好鮮甜味美，不過唔算大隻，咬幾下就 good 一聲落左肚~~ :)而個炒飯都唔錯，飯炒得散之餘又香氣撲鼻 ! 本來係叫黎為飽肚的，但每人只係分得一少碗又唔多夠喉喎~ 下次應該要叫多碟~ 食飽後，侍應最後送上一碟橙作為飯後生果，之後坐多陣就埋單去食甜品~…Read More

依家酒店係做緊以沙嗲為主題既下午茶自助餐，但竟然只係有一盤少少的沙嗲串燒，仲係一分鐘內就會俾其他食客大手大手咁搶左...........然後 refill 的就會係一盤普通的肉腸..........睇住 2 小時內只係出到 2 盤沙嗲串燒..........而熱葷的盤其實只有 4 盤，一開始大家想食的時候要輪候 10 分鐘先可以等到......超恐怖 ! ! !然後另外有 2 個蒸籠 ( 1 個燒賣 / 蝦餃 , 1 個包點 )、3 盤生果、1 盤迷你葡撻、1 鍋雞粥、1 個麵包區連多士爐、1 部自製窩夫的機。至於味道方面，其實真係冇特別，有部份可以用差黎形容，甚至比茶餐廳的更不如 ! !因為食物種類同質數唔好，朋友見到有檯客人食左半小時就走人，可想言知其實呢個自助餐係食唔過.........本來黎既時候已經無期待過，但竟然可以令人失望而回 !…Read More

同朋友玩完哈囉喂後就出返銅鑼灣食野，因為見到呢間 9:00pm 後指定壽司有半價或 85 折，所以就決定試試~~壽司其實就一般，無話特別好食，不過我略嫌佢細件........而軍艦壽司既紫菜又焾哂，一 d 都唔脆卜卜.........至於 d 燒物就鹹左少少，不過個燒帆立貝又幾好味，本來叫左一客都要再 order 多一客~~個豬軟骨鍋都係鹹左 d.........而個滑蛋牛肉飯 d 牛肉無乜味...........反而海鮮拉麵就唔錯！都好多材料係入面~~叫左咁多野，最後埋單都只係每人 $114，都可以接受既~~ 但如果係正價黎食就唔太抵啦~~…Read More

朋友因為去買傢私，得到 2 張酒店自助餐買一送一優惠，所以就即刻約埋一班朋友出黎食飯傾計~可能平日人少既關係，朝早一 book 即晚都仲竟然有位 ( 我地 8 人) 晚上去到埋位後，出去拎野食時，見到食物種類少得可憐..........真係........唉 ! ! !忌廉湯啖而無味........沙律菜只有 1 , 2 款...........熟食有 牛肉 x 2 款 , 羊扒 , 咖喱雞 , 煎魚 , 但竟然無豬 ! ! !煙三文魚，煙火腿.....果 d 煙燻食物真係過鹹！我食得鹹都頂唔順........凍長腳蟹就有少少「霉」，但試無妨，唔洗暴食~~飲品方面，咖啡「無味」，茶都係淡味.............好彩仲有一個好細既壽司吧，唯有每次出去都拎一碟只有 4 塊既三文魚刺身入去食，不過都係無乜味 甜品方面就有 cake，布甸，生果 + 朱古力噴泉，迷你葡撻 ( 一下子被人清左)，有緣見過一眼可惜冇拎到.........唉~而唯一好食既就係最最最正既 Movenpick 雪糕！有 4 種口味：朱古力，焦糖，Tiramisu，士多啤梨~~ 唯有係雪糕方面食返夠本啦~~~最後由 7:00pm 食到 9:30pm 先埋單走人，食物質量、數量不足，唯有靠朋友的輕鬆說笑取回不少開心的分數~ :)…Read More

朋友生日話要黎呢間食，本來打算去 book 位的，但聽電話果位服務員話只係可以 book 夜晚 7 點鐘，之後黎既就要 walk-in。因為我地係約左 9:30 pm 既關係，最後都唯有要 walk-in 去~因為肚餓，係未等齊人既時候已經開始點野食。原來呢間同「一壽司」都係同集團，所以 order 紙都好相近喎~我地 order 左三文魚壽司、帆立貝壽司、哥斯拉卷、雞軟骨、三文魚子軍艦、粟米沙律軍艦、鰻魚壽司、玉子燒、海膽玉子、海膽壽司、炸蝦天婦羅、蟹柳壽司、赤貝壽司同埋個冷烏東。而落單後，都好快就上食物~因為之前未試過叫三文魚壽司，估唔到塊三文魚竟然係有條「尾」可以用黎包住舊壽司飯喎~ 而個帆立貝壽司就好大大大粒，個賣相已經好吸引，咬果陣真係好滿足~~ 鰻魚壽司上面塊鰻魚好薄皮，雖然都算長，但食果陣冇乜食鰻魚既感覺.........因本人比較鐘意食蛋，所以玉子燒同海膽玉子都覺得幾好味，食多多都唔會厭~ 而個炸蝦天婦羅就麻麻.......( 蝦身 - 炸粉 ) x 厚度 = 0，哈哈.........雞軟骨朋友話一般......( 距離太遠我食唔到~ )個三文魚子軍艦就因為跌左好多「彈藥」落船，所以賣相打左折扣..........海膽軍艦都不過不失咁~ 襯佢未「熱」時好快 D 食~~因為個烏東有 d 脆脆撈左入去，朋友就話咁唔太好食，而我就覺得一般啦~~食哂檯面既食物後，朋友就叫侍應上 cake ( 要切餅費 $50 )，但侍應淨係俾得一把刀，而冇俾碟同埋叉................要問佢先去拎，反應慢左少少喎~~而最抵死既係.......叫個侍應幫手影相，已經轉埋個 auto mode 俾佢，但佢都竟然唔識用............唉~ 依家做侍應要學埋影相咁先 pro 架麻~~…Read More

今日同朋友去完南丫島玩左半日，夜晚就黎呢間食飯~因為有 book 檯既關係，一去到就可以即刻入座。而係入座時，侍應都有講明要幾點前交檯 ( 約 1 hr 45mins )，都算交待清楚，唔洗之後嘈~~我地 3 個人叫左 4 餸一湯~先黎個菜乾湯 ( 4 - 6人份)，好大陣菜乾味，而豬肉味就冇乜~~ 飲落唔似有味精，都算唔錯~~ 每人都有 3 , 4 碗架，抵飲呀，哈哈~~~之後就黎個咕嚕肉，估唔到呢間既咕嚕肉咁正！d 豬肉夠哂爽口唔會太過韌，而且又大大件！咬開後睇到原來 d 肉係有少少肥既部份，咁就唔怪得啦！怕肥既人唯有酌量少食啦~~ 而青椒、菠蘿、洋蔥就唔係太多，感覺好「貨真價實」~~再黎個炒通菜同埋椒鹽拼盤 ( 我地係鴨胸、魷魚、九肚魚、豆腐入面揀左頭 2 者 )。炒通菜就冇乜特別，而椒鹽鴨胸同埋魷魚都係繼續好大碟！唔似出面 d 食肆咁，超多椒鹽，超少「主菜」！不過咁咪變左唔似椒鹽囉~~ 但對食肉獸黎講，呢個係一件好事~~跟住黎個餐廳推介既「米酒雞」，我地見到差唔多每檯人都會叫一個架！好堅！呢一個真係要襯熱食，因為有酒香味係入面，如果放耐左就會聞唔到酒香撲鼻既情況~ 糯米飯係 d 雞下面又可以吸到雞汁，加上酒味黎食又幾唔錯~ 而雞肉又剛剛熟，夠哂滑，唔見到骨入面有血既情況出現 ( 我食到一件好厚身既，先見到少少咋~ )，抵讚！最後侍應見我地差唔多食哂時，又送左一碟橙黎，真好！不過我嫌佢唔係凍的，哈哈~~~…Read More