逢狗必小大寶寶's Profile

雖然日本築地市場早幾年已經拆左，不過想食日本菜，其實銅鑼灣都有「築地」既～石燒鰻魚炒飯$95鰻魚粒粉量比得好足，炒飯飯底好足，兩個人都夠食，而且醬油味都出眾，令地成個飯變得好色香味俱全牛肉野菜壽喜燒$88食日本野，我一定會點至愛既壽喜燒，貪佢有菜有肉食仲有湯飲😁牛肉份量多幾香牛肉味，湯底味道又調得岩岩好，野菜方面全部索哂湯，勁正～炸墨魚咀$50賣相相當一流，外層金黃口感香脆，入邊個質感超彈牙，食落超過癮啊～…Read More

一向都鍾意東南亞口味既我，貪佢香口又食物款式多選擇，今次就係the one 發現到既唔錯既東南亞餐廳👏沙嗲串燒$89/6串入邊豬牛羊各兩串，兩個每日一人一串，咁就唔洗爭。佢地既串燒水準都好高，串串都燒到好香口，配埋惹味沙嗲醬汁，下次要再來encore啊～特式火車頭湯粉$78呢個火車頭真係便宜又大碗，湯頭十分清甜👍配料十足，有爽口既牛柏葉，香甜蘿蔔，新鮮牛腩同牛味十足既牛生肉，可以一次滿足哂你多過願望～黃咖喱軟殼蟹$113呢個軟殼蟹真係高度推薦啊！軟殼蟹炸得金黃香脆，食落好香口！咖哩味道唔算辣，但勝在咖哩味道極之香濃同配料十足，加小小汁落隨餐的薄餅一起食，真係完美配塔。另外餐廳仲有個火爐仔比埋你保持咖哩鍋既溫度，咁就食到最熱辣辣既咖喱~…Read More

平時想食野都會選擇街頭小食，貪佢便宜又美味。今日經開北角見到間小食台，見好多選擇又價錢相宜，決定試試佢～墨魚腸$9/條一睇到餐廳見到黑色既腸，覺得超新奇，決定一定要叫呢樣。呢舊「黑色野」外皮幾香爽，一咬會散發淡淡油脂香味同墨魚汁味道，開心大發現，推介啊！台式麻辣腸$5/2條相比墨魚腸，佢既味道就更偏向肉味更香濃，而多小一份胡椒既香味，都是相當不錯的香腸～鹽酥雞$20新鮮熱辣炸起，金黃色脆卜卜，食落淑鹽味超惹味😍炸魚片$12/4粒又係熱辣辣，咬落幾彈口，食完一件自然又會想食下一件～重慶酸辣粉$15見15蚊平平地，就整番碗食下先～佢個薯粉好彈牙，好有咬口；雖然叫左小辣，但食完個嘴都麻哂～好個引🤣滷水雞髀皇$20食小食，絕對唔可以冇左我至愛之一雞髀～佢地既雞髀大大隻，啖啖都係肉，而且滷水汁調得岩岩好，同雞髀完美配搭啊！…Read More

觀塘多野食選擇眾所周知，今次就係女朋友公司附近又搵到隱世西餐廳介紹比大家～$548 二人晚餐前菜餐湯：凱薩沙律，南瓜湯，香脆麵包配香草牛油沙律菜好新鮮，南瓜湯飲落真係實料，啖啖南瓜味出哂來，正！麵包焗到卜卜脆，配埋勁香既香草牛油，真係好想encore食多幾塊😂蕃茄汁海蝦意大利面呢個意大利幾有驚喜～佢地用既意大利醬汁不但好惹味，而且麵條食落好有咬口。值得一提，鮮蝦份量同質素都比我想中更多同更新鮮，我真係冇選擇錯啊😂西京燒銀鱈魚外皮煎得香口，而不焦。成塊魚扒大大塊，鮮味十足啖啖肉，口感十分嫩滑。不過，我平時食得清淡小小，調味咸左小小，否則就頂瓜瓜啦😄朱古力布朗尼濃濃既朱古力味，件布朗尼又唔算好甜，幾岩我既口味😆…Read More

前排食過呢間高質餐廳，確實一試難忘😻個中學老死又話想試，咁就決定去呢間餐廳分店再食過夠😂Rhanleigh chardonny $198 +優惠$50/6隻 美國中碼生豪食飯首先梗係叫枝白酒飲下先啦～呢隻白酒拎出來十分冰凍，飲落清甜易人口，加埋佢個優惠$50/6隻美國中碼生蠔，隻隻新鮮肥美大大隻，超有鮮味，兩樣一起食超夾啊～威爾斯羊仔架$188羊架質素很高，而且烤得香口，肉質仍保留到嫩滑，羊膻味仲好突出，羊迷必點！烤焗海鮮併盤$298燒海蝦外面燒得好香口，食落蝦肉爽新鮮彈牙，凡立貝大大隻，又係烤到金黃色，得兩隻唔夠候啊～最後，龍蝦新彈口，食落龍蝦獨有既味道很濃烈👍芝士焗西蘭花$68西蘭花一向都係我鍾意既蔬菜之一😍芝士焗到有焦香味道，而且芝士熱辣辣仲慢慢咁融化係西蘭花到，食落芝味突出又有流心邪惡感覺～…Read More

最近股票賺到小小錢，就決定對自己好d，食餐好d la~烤焗海鮮拼盤 $298一上枱，見到咁大盤烤好哂既海鮮拼盤都流哂口水🤤龍蝦質素好新鮮，烤香味後都保持到龍蝦鮮甜爽口既肉質。海蝦大大隻，食落好嫩口彈砂。扇貝表面燒得焦香，食落感覺巧新鮮～美國中碼生蠔 $50/6隻佢既中碼生蠔超肥美，個人好鍾意佢既海水鮮味～而且餐廳有跟埋檸檬汁同蕃茄醬，可以照顧唔同口味既人士👍易飲果甜南非白酒 $198食好東西，冇理由唔叫枝白酒嘆下呢。呢隻白酒味道香甜，好易入口，配生蠔真係一流🤤👍美國特級安格斯肉眼 $248安格斯肉眼烹調時間把握得好好，外質熟而不焦，入邊就6-7成熟，而塊牛肉味濃濃，咬落有肉汁幾juicy添😋…Read More

今日係灣仔幫愛龜買完用品後，途中見到間新開張既平民飯堂，見價30幾40蚊有交易，就入去食過午餐先返工啦😙兩餸飯食店黎講都算好多選擇👍食物方面：飯底幾多，可以食飽飽，扣肉好大舊，食落幾肥美，淑鹽雞外皮炸得幾香口，淑鹽味好出，好吸引。黑淑豬扒份量正常，黑淑汁再辣多小小就更好😗西蘭花鹽份唔多，食量唔會太咸，但蒜味幾香，感覺都較健康！食物質素呢個平民價位都算好唔錯🙌有別於一般的平民兩三餸飯店，呢到既環境舒適，燈光柔和，坐位寬敞，用膳感覺幾舒適👍…Read More

如果新一輩鍾意飲茶，但又覺得茶樓環境較為舊式同嘈雜既話，咁呢間充滿鴨仔既德記茶樓就岩哂你啦🤣呢間主題茶樓店內有超多可愛既b duck鴨仔擺設，而且環境都較安靜舒適，係度飲茶心情都會特別開心😙精算二人套餐$178招牌車仔麵蟹膏燒賣皇鮑魚香菇雞飯火焰叉燒飽手拍青瓜飲品兩杯呢個二人餐美味又抵食。蟹膏燒賣係一般茶樓較少見，食落味道超香口🤤，招牌車仔麵好足料，有雞翼，魚旦，蘿蔔，豬大腸等餸，麵既份量麵好多～火焰叉燒包追型超搞笑，食落熱辣辣，正啊！鮑魚香菇雞飯雞肉蒸得好嫩滑，仲要有彈口既鮑魚仔食🤤最後我地唔夠候，叫多左個小籠包試試佢，咬落都肉汁流哂出來，果然冇叫錯佢啊😆👍…Read More

自從前排灣仔食完印度菜後，我真係對美味既印度菜難以忘懷，今日係屋企附近又搵到間印度餐廳試試佢～呢間印式餐廳燈光柔和，仲有bar枱可以飲兩杯，店員都好友善有禮，環境很不錯👍餐前小食：印式薄脆👍Vegetable samosa 素食咖喱角$35/3塊呢個印式前菜外邊係炸金黃既三角酥，口感較為扎實，但入邊油炸薯仔，堅果，青豆，岩哂素食人士啊～Butter Chicken蕃茄醬烤無骨雞肉 $115醬汁味道好吸引，未食聞落都有印式香料味。入口既有蕃茄醬的甜味，又有微微辣味，配埋佢地烤香既雞肉食真係好夾！Garlic naan 蒜蓉薄餅$25蒜蓉味十分突出，薄餅厚身食落好有口感，而且飽肚感十足添啊🤣Mango Lassl 印式芒果酸奶$45飲落質感有小小似乳酪既奶，同時芒果味道十分突出，感覺十分新鮮😄…Read More

琴日同女朋友又懶得煮，我地就去左屋企附近一間cafe 食個晚飯~兩個人就叫左個$278二人餐試試佢。前菜有南瓜湯同埋味道清新既沙律開開胃口先，仲有兩杯飲品包埋添👍主菜首先選左間即磨芝士黑松露大啡菇忌廉意大利飯。芝士切成了片狀，可以同埋味道清新既意大利飯一起食，口感非常豐富☺️另外，我地叫左個西班牙黑毛豬肋骨配薯菜🤓豬肋骨醬汁十分惹味，豬肋骨肉質都控制得好唔錯～最後，我地額外加多左個手工薄餅～薄皮做得又薄又香脆，仲有糧肉，芝士，菠蘿等配料，食落大滿足啊！…Read More

今日收工又入左搵黃埔搵個中學老死，佢仲話帶我食間隱世串燒店wo😶呢間小店堂食位置不多，就咁睇似外賣為主🙌蒜蓉燒鮮味花甲$42份量比得幾足，香蒜同醬汁都帶出到花甲既鮮味👍燒原條鮮尤魚$35呢個尤魚真係燒得幾好食，外表燒得香脆，加埋店主放左適量辣油同七味粉，食落十分醒神！推介！串燒雞全翼$30/兩串另一個推介～雞全翼色澤金黃，外皮香脆，辣到都調得岩岩好！錫紙燒雜菇$32蒜蓉配雜菇蔬菜都好夾，入邊仲有冬菇，雞髀菇，金針菇同娃娃菜，一次過滿足哂食素既願望👏惹味蒜蓉燒原條茄子$30店主把茄子燒得熱辣辣，仲要加上香辣蒜蓉醬係上邊，慢慢一絲絲咁撕開茄子肉食，我同朋友都讚不絕口。重慶酸辣薯粉$42 配三餸薯粉好有彈性咬口，湯底稍辣但幾開胃，而且仲有三款配料，飽肚感之選！蒲燒原條秋刀魚$28外表香脆，入邊既肉都鮮得好香，熱食一流！…Read More

一向自認「雞精」既我，其中一個愛好就係鐘意食麻辣雞煲，敢佢味道香濃又有雞食🤤今次係尖沙咀就搵到可以外賣既雞煲店，可以拎番屋企慢慢食～招牌香辣雞煲（半隻）$168雖然係外賣雞煲，但食材份量都比比得幾足，而且餐廳都好細心咁會比個保溫袋客人，袋住番屋企，咁就番屋企都暖暖地，稍微加熱就食得～食物方面質素都好唔錯，雞件十分嫩滑，仲有好多蔬茶配料浸係個麻辣湯底到，入哂味好正🤤燒安格斯牛小排粒$48串燒日式金菇肥牛卷$30串尖淑皮蛋$38佢地既燒物令我幾有驚喜～雖然價錢唔算好平，但食物質素幾有水準。安格斯牛小排同金菇肥牛卷粒叫左中辣既醬汁，開盒就聞到焦香味，食落肉味香濃辣辣地幾刺激🤪尖淑皮蛋就勁多香料，味覺大滿足～…Read More

趁月頭出左糧，梗係約朋友出來食好東西啦～今次就同朋友選左優悠行英倫風格既西餐廳，食餐好嘢🤓二條友仔，見餐廳有個五道菜set dinner，就叫呢個啦～鮮蝦刺身，味道鮮甜又新鮮👍燒美國安格斯頂級肉眼扒$428我同朋友都好鍾意食牛，就點份肉眼啦～雖然價錢都算行緊中高價，但食落確實對得住佢價錢。牛肉味極之香濃，而且熟到控制得十分好，咬落肉感十足，唔會硬掘掘咁～燒紐西蘭羊架配法式香草醬$378三件厚切燒羊架份量十足，羊肉獨有既羊羶味出哂來，超級滋味啊～👍Time Park自家制雞翼$98叫完主茶，諗唔到叫咩小食添！叫過自家制雞翼實冇死啦😹果然呢個雞翼做得十分香口，新鮮熱辣加埋個酸辣伴住食，又真係冇得輸wo😹Gin & Tea Tonic$138竟然出到來食好東西，又咁岩餐廳有新wine同gin list做緊推廣，就叫左杯cocktail chill 下佢～cocktail味道帶有清新既玫瑰香味，又幾易入口wo😗…Read More

疫情關係，女朋友冇得去旅行，思鄉之情又黎，話想念「家鄉」既美食，就捉左我同佢食韓國料理了🤣韓式牛肉八爪魚鍋$268呢個牛肉八爪魚鍋份量超大，仲可以一次有多款食物包埋在內。幾款蔬菜索哂佢個味道濃郁既湯底，食落超入味🤤另外入邊新鮮彈牙既八爪魚同埋肉味豐富既牛肉都好美味，食到超happy啊～芝士蛋卷$68蛋味香濃，入邊仲包左紫菜同可以拉絲既濃厚芝士，大大啖咬落去超有口感啊😋紅燜牛肋骨$138牛肋骨燜得岩岩好，食落小小軟淋淋，但又唔會冇左肉既質感👍配埋濃郁甜甜既醬汁一起食，絕配啊！…Read More

身位香港人既我，平時晚上食飯間中都會「斬料」，加餸買d燒味番龜食飯，貪佢快靚正，唔洗自己煮得都有肉食下。今日就搵到間多街坊幫襯既燒味店「斬料」加餸～客家鹽焗雞$48雞肉大件，食落十分嫩滑，而且調味岩岩好，48蚊咁買到咁大盒鹽焗局雞算抵食👍至尊燒鵝$110外皮燒得香脆，咬落個陣燒鵝既油香味會慢慢散發出來，愛鵝人士必食！老師傅燒腩仔$64燒腩仔個外皮燒得金黃香脆，咬落卜卜聲🤣中間個層就較肥美，連埋底層有咸香既瘦肉部份成舊食🤤燒味佬叉燒$50食燒味都可以冇叉燒。佢地既叉燒肥瘦均勻，色調吸引，食落有質感又唔會太濃味👍…Read More