manman24's Profile

今日生日黎左個華麗宮廷風既餐廳，門口已經有個好靚可以打卡既水池，餐廳佈滿吊燈，近窗口有落地大玻璃，配上高貴既雲石枱。法式大蒜蘑菇忌廉烤雞香濃既忌廉配烤雞肉，上面鋪滿一絲絲的大蒜條，點埋d醬汁非常野味。蟹肉忌廉汁扁意粉賣相很有田園風感覺😂 打卡一流，蟹肉鋪滿成左個意粉，意粉煮得好彈牙，有啖啖香濃忌廉汁紅酒燴牛肋肉意大利飯味道香濃，正宗意大利飯比較微硬，煮得岩岩好，牛肋肉都算淋，不錯。總括嚟講，賣相一流，值得黎打卡，下次再以再試下晏就黎，應該會有不同的感覺。👍🏻👍🏻👍🏻…Read More

不知不覺香港已經封關成三年外國既朋友都好耐冇見我地間唔時都會交換手信 今日係ifc見到呢間咁有特色既曲奇店除左Jenny同四重奏外有另一個選擇店員知道我第一次黎 好熱心咁推薦我買雜錦曲奇 一盒入面有哂八款最classic既味道每塊都獨立包裝 安全又衛生我就一次過買左兩盒 一盒自己食 一盒寄比朋友知道我要寄既時候 店員仲特登幫我搵個最新包好既 因為佢地冇防腐劑 所以唔可以擺太耐咁多款曲奇我地最中意香辣蝦米同埋蔥油雞因為真係太特別 從來都冇諗過會係曲奇上面食到呢種味道另外佢地有個新味道係雜錦曲奇入面冇嘅係鹹蛋蝦膏味 我額外都買左 朋友收到都過呢款好食 都推薦我去買下次有機會都會再去買黎食…Read More

今日經過門口聞到陣陣香味，好香牛肉味好香黑椒味。呢到係專門食鐵板牛肉，仲有和牛可以選擇。可以話係高級版既PEPPER LUNCH。餐廳會將鐵板燒紅，然後放上你揀好既肉類/飯/粟米/洋蔥等等。所以成間餐廳都會散發住好香既燒肉味。叫左款和牛肉眼扒餐廳係用日本直送和牛，由於牛肉原塊上，飯會係另外上，如果中意食飯焦記得自己放Ｄ飯上去炒。和牛肉質唔錯，入口即溶，係某Ｄ位老左少少就要咬下。份量同味道都係中上水平。飲品方面叫左密瓜味波子汽水，好有童年回憶呀～～…Read More

好耐冇出黎食雞煲啦今日食呢間二鍋頭好抵食，198價錢（另加一） 可以任食雞煲同鴨煲，唔限你揀一款，食完雞煲轉鴨煲都仲得。見到人地食鴨煲仲可以加酒點火，做到火焰感覺。食完雞煲之後仲可以任揀一款湯底，呢個食法平時可能價位要去到300幾蚊！雞煲有好多雞，仲有鳳爪添，最好食係鳳爪。除左主角雞之外，其他洋蔥等等配菜都好淋好入味。今次叫左沙嗲湯底，沙嗲湯雖然唔濃但都有沙嗲味，任點配料都有好多款，肥牛/海蝦/蜆等等。仲有自取食物一定要拎蟹棒，好鮮甜的。…Read More

呢間位於喺鴻圖道既日式食店，位於3樓，餐廳裝修幾靚，而且地方很大，位置闊落，坐得舒服，而且好有日本FEEL。入到黎打卡簽到，讚好社交平台可以享有甜品一份，同埋三文魚壽司一份。餐廳食物種類幾多，有刺身，壽司，卷物，串燒，沙律，炸物等等。珍寶赤蝦刺身😍 9蚊超大隻，好抵食，而且爽口鮮甜。帶子壽司，都幾巨型🥰仲好鮮甜日式煎餃子🥟表面煎到金黃色，好香脆，亦好多汁，熱辣辣，唔錯。香芋丸香芋味道非常濃，仲炸到金黃色，好香脆呀。最後仲送西米露糖水，服務態度，性價比都好高。…Read More

呢到座位好闊落，好光猛 $279/位 邊爐任飲任食。叫左豬骨鍋，清清地但都好夠味，裡面仲有好多玉米可以食。另外每一枱會上一碟牛頸脊同海鮮拼盤，牛肉幾高質好好食，好重牛味碌一碌就食得，海鮮有蝦鮮蜆等。呢到食材好多款，而且每款份量唔多，好岩2人行去食。墨魚滑好好味，雞肉好彈牙好嫩滑。連咸蛋炸魚皮同紫菜響寧都係任食。炸魚皮係即叫即炸，仲可以就甘樣食，除左火鍋食材仲有加錢小食叫，款式都算多樣。最後仲有雪米糍食，記住要食埋先走。…Read More

呢度落單嘅程序係先叫麵，向前行就有10幾款嘅炸物，同小食，拎好你想要既野食之後去前面俾錢就可以了。醬油烏冬(大)辣味增五花烏冬(大) 2個湯底都唔會好咸同好油，烏冬相當彈牙，好好食。而且唔算好貴比起其他烏冬店鋪。拎左三款餸吉列豬扒個皮炸得好脆，肉質都幾嫩👍🏻👍🏻仲要大大塊。野菜魷魚🦑唔錯，咬落去有少少魚蛋嘅口感，有少少蔬菜，點埋個醬汁更加好味。鱈魚排呢個魚啲肉比較實，唔算好嫩滑。痳痳地。食完記得自己收拾返碗碟呀😋張單底部仲有$5 可以下次用（不過好似只限星期一至五）…Read More

九龍灣淘大呢邊都有幾間台式飲品，最後揀左呢間comebuy。由於餐牌上太多選擇，所以揀左個人氣第一。厚奶烏龍小芋Q(炭焙烏龍) $30 即磨茶葉，我想講好香濃既茶葉味，但係飲落去覺得茶味份量對我黎講比較重。奶味比較少。被茶味蓋過哂。但係都好好飲。芋圓比較細粒，用飲筒都可以吸埋黎食。而且好彈牙。不過人比較多，而且計埋收銀得3個人，我等左15分鐘左右，覺得時間比較耐，如果可以加多啲人手就好。價錢比較貴，30蚊一杯。…Read More

又黎到九龍城食泰國菜，同心都食過幾次。今日星期五，好在朋友book左位。泰式小食拼盤麻麻地泰式炒金邊粉份量都OK。燒鯽魚大大條，有2款汁，點綠色個汁最好味。冬陰公湯海鮮冬蔭公湯 對我黎講好辣 , 本身應該有個火系底, 唔知佢唔記得放火, 定系覺得我地多人好快會飲哂個湯呢😂蒜蓉炒菜 椰菜苗咸左少少。泰式豬手豬手飯的份量都好多，皮同肉都好林, 諗起有勁多骨膠原就係甘食, 非常入味。 唔錯 串燒 沙嗲食左個雞串，比較硬。泰式凍奶茶泰式奶茶顏色係深色啲，比港式奶茶甜，奶味比較重，冇咩茶味。…Read More

平時都有飲老虎堂都覺得唔錯。今次黎左呢間老虎堂，地理位置方便。平時叫類似黑糖珍珠鮮奶系覺得痳痳地，唯獨是呢一間老虎堂真系唔錯幾好飲。今次叫咗杯虎虎生風厚鮮奶，都算多人排隊，鬼叫我想飲咩，我諗大約等左10幾分鐘左右，比其他飲品鋪等候時間系比較耐，而且有啲貴。一拎上手，杯個底係熱，杯面系涷，所以飲用之前要上下搖十幾下。呢款有大珍珠同細珍珠系入面，厚先奶奶味香濃，黑糖味較重，珍珠好煙軔，味道都唔錯。都算系我飲過最鐘意飲既黑糖珍珠奶。…Read More

今日好想食麵，所以朋友介紹左呢間野，7點黎到2個人大約等15分鐘左右有位，店鋪比較細小，好有日式居酒屋既感覺。座位比較迫。海鮮石燒手打烏冬 - 黑松露香菇湯石鍋高溫烏冬滾住上,湯底仲好沸騰，材料好豐富，足料海鮮有蟹柳，蜆，廣島蠔，海蝦，仲有翡翠苗烏冬真系好煙韌彈牙，黑松露味湯底好鮮甜，完全唔油膩。照燒雞扒石鍋烏冬 - 魚介豚骨湯雞扒個皮少少脆，厚身，都好嫩滑。湯底亦好鮮甜。最後仲送上甜品🍮 服務都幾好。下次可以再黎食。 …Read More

今日黎到佐敦食好西，坐低左個杯有粒青檸，加水後，聞到好香既青檸味，但飲落少少苦苦地，我以為系個皮😹原來係人蔘水。煙燻鴨胸沙律🥗鴨胸肉完全唔韌，配埋芝麻醬汁，更添味道。三點刺身，有北寄貝，三文魚，大頭甜蝦，三款都好鮮甜。北海道原隻毛蟹二食好大隻蟹拆開上碟，餐廳仲會提供手套剪刀等工具。慢慢拆好Ｄ蟹腳再一淡食落口好過癮。仲有個黑松露蟹膏蒸蛋，好香濃蟹膏味，甘香。時令貝類大粒元貝切開左４塊仲有元貝群，元貝彈牙，而個汁帶酸味好開胃。紐西蘭羊架配香煎脆雞扒雞扒皮脆肉嫩，大大舊好味道，辣味汁惹味唔會太辣。　羊架燒得好嫩口，熟成度剛剛，亦唔會有SO味，幾好。特色黃金炒飯可以選擇蟹籽/ 蟹肉/ 黑松露/ 蟹膏/ 和牛/ 煙肉。炒飯粒粒分明，有咬口。雜菌野菇有牛油香，聞落去都唔錯，但食落有點苦。　甜品🍮，一人2件忌廉泡芙…Read More

今日揀左呢到食下午茶，位置多而闊落。叫左個常餐，沙嗲牛肉麵，配火腿奄列，牛油豬仔包。牛肉夠林，唔韌，沙嗲牛肉汁美味，麵條🍝彈牙。炒蛋炒得都幾滑，有蛋汁流出。但牛油豬仔包略嫌個皮有點硬，同埋無味😹😹😹之後想加練奶，但要加錢。西多士，好邪惡呀、入面個醬好足夠，而且成塊西多好厚身，加埋糖漿食，好好味。👍🏻👍🏻👍🏻唔錯，下次會再食。紅豆冰，味道比較淡，但配埋甜甜紅豆，都OK凍奶茶小冰，茶味香濃。…Read More

好差好差不知所謂問有冇多一本餐牌，佢話得1本😨俾多本我真系唔系好過份😡 真系甘難咩⋯算啦我都，之黎個紅糖糍粑哇 有蟲...唔系蟲呀⋯系甲甴仔？仲要幾隻係個黑汁到。已經冇嘈佢⋯佢話同您換過。。。咩事呀，對唔住都唔講，就甘走左去話換過佢。究竟你甘少汁，你已經有幾隻呢d野。您成支或者成碗汁有幾多隻。。。埋單。。。。我同佢講有野佢唔理我。。。一直同我講幾錢幾錢。。。我聽到喇。。您有冇聽到我講野。。。😡有反少少良心，同情心同埋禮貌。如果系第二個都嘈到您飛天喇。飲食業。。我真係好嬲好嬲。。。未試過預到，極品餐廳。單又落留左，仲講左好多次話我地之前坐出面， 講左無，無，無同無，甘樣屈都得，啲服務真系好。差到冇人有。。。串燒等左成個鐘都有老川皇，你真系好差！！！隔離落左個啤酒，落左單，系都要話落左加喇，甘您唔可以拎左俾人先？人地問您您先問人幾多個杯。。。。真系不得了。。。。態度，反應。…Read More

門口掛上紅色燈籠，入面似串燒居酒屋，海膽杯係呢個海膽杯有成十層，材料超級豐富，有燒白飯魚脆片，黑魚子，北海道紫海膽，沖繩海蘿蔔，藍鰭吞拿拖羅蓉，三文魚子，白蝦松蒸蟹肉，鮮海帶，樣樣材料好新鮮，唔單止海膽鮮甜，仲有系魚子，真係好好味。牛油果🥑凡立貝海膽沙律🥗平時好少食牛油果，但係牛油果軟硬適中味道清新, 帆立貝仲要勁多粒, 勁新鮮，配上酸酸地既醬汁，味道夾得黎, 鮮味更突出，三文魚夾餅旁邊有香脆薄餅，再加上沙律醬，好香脆芝士年糕表面少少脆，口感煙韌，入面好軟仲有流心芝士，一咬開就食到濃郁芝士，超香濃鮑魚雞翼雞皮相當脆口，燒得好香，鮑魚有好香酒味，仲好爽好彈牙，2樣食物都幾夾。特色海膽火焰卷表面用火槍燒過，卷入面有青瓜，蟹柳，蛋，卷上加芝士，蟹籽同海膽，唔需要醬油都食得出好鮮味。原條鰻魚飯鰻魚係勁大條，真係超吸引，仲有溏心蛋，海膽燒蠔有蟹子，芝士，海膽，仲要勁多海膽。海膽雪糕用北海道牛乳同海膽整既, 香甜雪糕入面有一粒粒既海膽粒，呢款雪糕真系第一次食。…Read More