sap02mok's Profile

We celebrated our anniversary here and tried the tasting menu with the HSBC Premier buy-one-get-one offer. The whole experience was wonderful. The highlight for us was their signature caviar tinz The combination of Alaskan crab, baby potatoes and caviar was absolutely delicious. Every course was beautifully presented and full of flavour, from the fresh oyster and wagyu tartare to the scallop with winter truffle.The restaurant has an elegant and romantic atmosphere, perfect for a special occasion. Our server provided attentive and warm service throughout the evening, which made the experience even more memorable.美中不足係佢嘅tasting Menu冇Beef Wellington & Lobster Bisque ，下次有機會嘅話會再去試吓。…Read More

前排去咗尖沙咀新開嘅海底撈打邊爐，真係好耐冇食單點邊爐 食得咁開心！冇諗過個手切牛咁好食，同埋個蕃茄湯底真係超大推我呢啲大鄉里唔知道，原來可以叫侍應幫手配搭啱飲呢個湯嘅配料，牛肉粒西芹蔥同芫荽配呢個蕃茄湯超級無敵夾！🤤我哋2個嗰晚叫咗都幾多嘢食🤣🔹手切雪花牛肉 $158 🔹大顆粒蝦丸 $138🔹8秒脆皖魚片 $118🔹桂花蚌 $188🔹全豆是福 $58🔹高山娃娃菜$32🔹炸饅頭 $38🔹紅薯苕皮 $38大推手切雪花牛肉，大顆粒蝦丸同全豆是福！ 手切牛非常新鮮夠濃味，蝦丸啖啖蝦肉非常爽彈，全豆是福入邊有晒佢哋豆類嘅配料，響鈴同黑豆腐勁好食，好香豆味！鯇魚片同桂花蚌都普普通通，炸饅頭好好食，但係後悔叫咗，太飽肚😆呢間海底撈同平時嗰間唔同，佢主打高級食材同有VIP房，嘢食冇得叫半份，所以嗰日真係食得好滿足😋另外想講嘅係佢哋嘅服務真係非常好，基本上我都唔使講啲乜嘢，佢哋已經自動波做晒👍🏻打完呢個食評之後已經book咗今晚去銅鑼灣嗰間再去食😂…Read More

呢排少咗返大陸，好想食潮汕牛邊爐，咁啱喺社交平台見到呢間新開嘅任食潮汕牛邊爐，見啲牛講到咁正，就去咗試吓，可能啱啱新開，去到真係超級無敵多人，不過好彩book咗位，等咗15分鐘就有位！一開始會有一盤肉先上，加單可以掃QR code落單。佢啲牛係真係好有肉味，而且係睇住師傅手切嘅，雪花係我哋一致認為最好食嘅！食落唔會覺得肥，最嫩口！我哋叫嘅B餐有埋個細細地嘅海鮮拼盤，正正常常都新鮮乾淨冇沙嘅。不過佢啲炸物小食竟然係幾出色！有鹹蛋黃魚皮，南乳雞翼，炸花枝丸，同埋炸潮汕牛丸都好正！真係熱辣辣攞出嚟！出面配菜就正正常常，都算多選擇，啲菜都新鮮，丸類都係炸物嗰啲，嗰日冇特別出去拎好多配料，主攻啲牛肉🤣🤣 價錢嚟講，我覺得都算公道，338一位，有咁嘅質素嘅牛都好唔錯。嗰日食完真係覺得好食過台式邊爐😆希望呢間嘢keep到佢嘅質素啦！！真心推！…Read More

The Pearl 呢間係尖沙咀型格酒吧餐廳已經嚟過好幾次。佢係一間酒店嘅餐廳。cocktail好飲，嘢食好食，真心唔差。🍽 今次我哋叫咗：Fig & Parma Ham Salad 🥗鹹甜配搭好清爽，parma ham係大片滑身，唔會過鹹Tuna Avocado Foam Tartare 🥑Avocado配吞拿魚tartare，入口creamy但唔膩，幾新鮮。Japanese Style Linguine with Shrimp 🍝呢個好食，個汁係好重鰹魚味非常香，蝦大隻有口感。Grilled Hanger Steak 🥩：5成熟啱啱好，牛味都幾濃。Mocktail: First Crush 入邊有菠蘿，青瓜，飲落去勁refreshing，好飲！Passionate Night 入邊有提子，百香果，飲落唔會覺得甜，都好飲！啱啱嗰日坐喺吧枱，啲Bartender 全部都係後生仔，好有禮貌，feel到佢哋好鍾意chok😂 女仔服務員都非常之型格靚女，懷疑呢間其實主打後生靚仔靚女😆😆…Read More

呢間位於灣仔船街入面嘅fusion餐廳，都開咗幾多年，喺船街最入面一間，門面幾低調，如果唔係特登搵真係會miss咗。餐廳環境走一個歐陸小酒館style，得好幾張枱樓上應該都仲有啲位，但幾有氣氛。今次我哋兩個人叫咗三道菜：🐙 煎八爪魚擺盤幾吸睛，用上大大條章魚腳，配上沙律菜、食用花同三文魚籽，味道可以。🥩 20日慢煮Tomahawk豬扒配蘋果蓉豬扒厚切，骨位完整保留，伴菜有燒蒜頭、紅蘿蔔同節瓜，蘋果蓉加落肉度，配搭幾特別。🍝 臘肉Carbonara呢個佢用咗中式臘肉代替傳統嘅意式煙肉，帶少少鹹香味，加埋蛋汁，係一個幾有fusion感覺嘅做法。兩個人埋單差唔多$800，整體食物選擇都幾有創意。…Read More

我想講呢間Dry Age牛扒真係大癲好食，完全係Melo嘅私心推介！同埋仲要係寵物友善餐廳！次次行過北角匯呢間扒房都聞到佢啲牛扒勁香，之前已經有狗友介紹我去試，今次終於試佐！佢Dinner set大約$438-$580有個牛扒，頭盤任食，有沙律同羅宋湯，薯條炸到脆卜卜，配牛扒一流！如果有朋友唔食牛，都有其他嘢可以叫~前菜嘅焦糖鵝肝燉蛋同蟹肉牛油果多士配魚子醬都好唔錯，鵝肝蓉混埋燉蛋真係好夾！仲要一啲都唔覺得膩！我哋主菜叫咗：🔹30日Dry Aged澳洲黑牌M9和牛肉眼扒 $580🔹昆士蘭M9和牛肉眼拼香煎大虎蝦 $568其實都幾食得出Dry aged同Regular肉眼嘅分別。Regular嗰個已經好juicy好好食，但Dry Aged個肉眼有少少smoke味，叫咗medium rare，超嫩滑，牛味香濃，火候啱啱好，非常Juicy。Dinner set包埋嘢飲，另外加錢叫咗個蜜桃梳打，好飲又唔會死甜！好解膩！鍾意食牛嘅，應該都會覺得好正。有興趣就快啲去試吓啦！…Read More

呢間餐廳次次經過都俾佢嘅臭豆腐差啲臭暈😂不過入到去又唔會聞到嗰浸臭豆腐味，平時勁鍾意食佢嘅蛋餅同鹽酥雞。Melo已經食過勁多次，因為佢嘅台灣口味真係好正宗。今次去食發現佢轉咗新Menu，所以嗌咗幾樣新嘢試吓。我哋今次叫咗以下幾樣：🍠 芋頭湯米粉一上枱就聞到陣陣芋頭香，湯底係用新鮮芋頭煲成，濃稠得嚟唔會滯，有啲似芋頭糕加鹹水角嗰種味道。入面仲有貢丸同花枝丸，煙韌彈牙，個湯撈埋新竹米粉，啖啖都暖胃又滿足。🍜 麻醬乾拌麵麻醬香濃但唔膩，撈埋肉燥一齊食，好惹味！麵條煙韌唔痴口，記得趁熱快啲撈開，愈撈愈香。🍗 鹽酥雞外脆內嫩，唔會太油，每啖都食到九層塔香，爽口又香噴噴。🥚 煙燻滷味拼盤滷得夠入味，有豆乾、海帶結、甜不辣、滷蛋，仲帶少少煙燻香，唔會死鹹。🧀 芝士奶蓋台東藍底層係乳酸味似益力多嘅飲品，加埋厚厚芝士奶蓋，鹹甜中和，層次感豐富，出奇地match。🧋 烏龍珍珠奶茶茶味清香，珍珠啱啱好，唔會太腍，有嚼勁又唔會痴牙，叫咗無糖，好啱我飲！…Read More

Melo最近試咗一間藏身喺中環擺花街嘅高級法式餐廳，佢哋嘅週末Sharing Brunch，無論菜式、環境、定節奏，都恰到好處。前菜開始已經好有誠意，三碟入邊我最鍾意個龍蝦沙律Citrus醃過嘅Hamachi，酸甜清爽，好開胃。龍蝦沙律個龍蝦都好鮮甜，配上牛油果、西芹、青瓜，成個配搭好平衡。仲有鬆軟得嚟滿載芝士香嘅梳乎蛋Omelette，入口即溶，芝士味香濃。主菜係法式烤黃雞，皮脆肉嫩，配上越光米，幾好食。甜品有五款自家製dessert可以揀，每一款都好精緻。我哋嗌咗兩款，食落唔會好甜，都幾好清新。嗰日我哋1點食到4點，一路食吓，飲吓嘢，傾吓偈。無論係食物、氣氛定服務，都好值得慢慢享受，嗰日都打咗好多卡🤣…Read More

尖沙咀啲韓國餐廳多到數唔晒，但呢間 Ssal Bori Ssal 就真係我一個韓國朋友極力推薦，佢話勁地道，係佢喺香港少數會係咁去嘅韓國餐廳。聽佢咁講，特登揀咗一日放工去試，我想講真係勁高質好食！我哋三個人叫咗以下呢啲嘢食，好夠食，每樣嘢都幾大份。🥢 海鮮煎餅煎到金黃香脆，一咬落去啖啖都係蝦仁同魷魚，材料好實淨，仲要熱辣辣上枱，好香！🥢 海鮮豆腐湯配白飯如果你鍾意食韓式湯飯，一定唔可以錯過！個湯底又香又微辣，豆腐滑滑地，啲海鮮都好新鮮！🥢 豬肉石鍋拌飯豬肉夠味，同埋係都幾多肉，最靚係佢啲飯焦，口感好豐富，每啖都好香，真係食到停唔到口！🥢 BABY KFC 甜辣炸雞球一啖一粒嘅size好方便食，炸得外脆內嫩，個醬汁甜甜地帶少少辣，唔會膩，好容易食晒成碟！呢個一定要叫！…Read More

最近放假去澳門玩返兩手，去澳門就真係必食葡菜，之前食嚟食去都係嗰幾間，問咗澳門嘅朋友，佢介紹咗呢間位於氹仔舊城區嘅小店，話係澳門幾唔錯嘅葡菜，所以我哋預早book定位，行程其中一晚就過嚟試下。當日叫咗以下菜式：🔸 炙烤八爪魚及黑毛豬柳串八爪魚炙得夠香，表面微脆，內裡彈牙～豬柳有驚喜，肉質鬆軟又有層次，兩樣都處理得非常到位！🔸 特製蟹肉釀蟹蓋成個蟹蓋鋪滿蟹肉忌廉，熱辣辣一上枱就香氣四溢～唔會太膩，啖啖都食到蟹肉嘅鮮味，絕對係手工菜嚟！🔸 葡式海鮮飯呢個真係全晚嘅亮點，飯粒吸晒海鮮精華，每啖都食到蝦、蜆、魷魚，濃郁得嚟唔會死鹹，好食！🔸 炙烤馬介休馬介休鹹香適中，口感煙韌有咬口～配埋橄欖油同蒜片，夠晒風味，正宗葡菜style！呢間餐廳口味算真係唔錯，之前食嚟食去都係嗰幾間，今次轉吓其他餐廳都覺得唔錯呀。無論食物定環境都令人食得幾舒服。如果下次再嚟氹仔，會想再試吓佢其他菜式！…Read More

大家平時見我有咁多打邊爐嘅食評，就知我真係一個邊爐控🤣 平時返大陸都有食椰子雞，不過冇諗過原來香港都有咁高質又唔貴嘅椰子雞煲！最緊要係食完真係冇罪惡感😤呢間旺角雞老闆，真係我私心超推嘅一間！已經食咗好幾次，下個禮拜又去食🤣佢$488就有成隻清遠自家農場嘅走地雞！雞肉彈牙重雞味，雞皮超爽口！湯底用5個椰青同椰皇，一滴水都冇加，真材實料！食完第一輪，老闆仲會加埋椰青肉打漿整成嘅湯底去打邊爐，超級無敵好飲！老闆話冇落味精嗰啲，好飲到我哋次次最後飲晒啲湯😂 成餐仲包埋安格斯牛小排、蝦、鮑魚、菜，食唔夠仲可以免費加多雞半隻，嗰日我哋兩個食佐超過350g蛋白質，超級滿足。注重飲食/做開gym嘅你，呢餐絕對唔會有罪惡感，仲夠曬protein！間餐廳依家都未係好多人食，真係好希望佢生意好啲😣 因為Feel到老闆係真心有heart做雞，大家真係一定要去支持吓小店！好嘢要傳出去！…Read More

今年三月同成班同事去澳門玩，其中澳門同事華大三巴附近有間佢勁鍾意食嘅葡撻小店，話係葡萄牙師傅整，用日本夢王蛋做餡，食落去勁香，所以我哋就鴨仔團咁樣跟咗佢過去。當日去到都幾長龍，所以要預咗排隊🍴 我哋嗌咗幾款唔同口味，全部都係單件包裝，方便邊行邊食。🥐 波爾圖夢王蛋葡撻（$15）經典款式，蛋味好香，口感滑，好似布丁咁；酥皮香脆但唔會過硬，平衡得幾好，食完一件想再嚟多件。🥜 開心果葡撻（$26）呢個幾特別，開心果味好突出，但唔會太甜膩，配蛋撻出奇地夾，食落仲有少少堅果香。🫐 藍莓千層蛋撻（$20）有少少藍莓果醬喺入面，微微酸甜，幾開胃，唔係嗰種死甜藍莓，反而幾fresh。🍵 小山園抹茶蛋撻（$26）抹茶控可以試，超多抹茶粉喺面，味道夠香，有啲茶味回甘，唔會太重口味，整體幾舒服。🍠 芋泥麻糬蛋撻（$25）芋泥好香滑，麻糬唔多但啱啱好，加咗層次感，甜度啱啱好，呢款都幾推。呢間小店價錢中上，不過食得出去嘅用料係好嘅，味道都好唔錯，同埋位置喺遊客區嘅話價錢又唔係太進取嘅。大家可以一戰！…Read More

今次已經係我第三次食呢間來自東京嘅麺屋こころ。之前都係食佢嘅經典原味，今次試下佢哋咖喱炸雞撈麵，都係跟足日本店秘傳三步驟食法🤤🍜 咖哩炸雞撈麵炸雞外脆內嫩，配埋啲配菜成個好豐富！我今次都係跟足佢個官方食法，首先戳破溫泉蛋撈埋個麵，撈埋肉醬，香蔥，紫菜，咖哩粉，蒜香，真係超邪惡！食到咁上下加啲福神漬，好解膩醒胃 ！最後加甜辣醬中和返個辣度，好食！平時佢有得免費加飯，好好食㗎，不過我今次冇加，太飽🤣🤣🥟 炸雞皮餃子炸雞皮餃子一向都係我最鍾意食嘅！完全係雞皮代替餃子皮嘅神作！咬開爆曬肉汁，點埋沙律醬真係不得了！…Read More

同朋友搵到呢間睇到維港景嘅中菜廳，餐廳唔算大，有幾間VIP房，價錢中上。🍤 潮式香炸蝦棗四粒金黃色嘅蝦棗擺得幾精緻，外皮炸得幾脆身，配咗碟甜酸醬 🥩 野菌燒汁牛柳粒牛柳粒切得幾工整，燒汁顏色幾深，伴碟嘅野菌份量都唔少 ，但略嫌佢過油。🥬 豉蒜炒三蔬苦瓜、四季豆同芥蘭，三種蔬菜，炒得幾夠鑊氣，但都係略嫌好油。🍜 薑蔥鮑汁叉燒撈麵麵條幾有咬口，上面鋪咗少少叉燒絲，鮑汁另上可以自己調味，但都係好油。🍵 生磨蛋白杏仁茶熱辣辣上枱，杏仁味幾濃，面頭有層蛋白。📍張公館 (銅鑼灣)銅鑼灣登龍街18號V Point 29樓…Read More

好姊妹知我係炸物控，知我成日掛住大阪嘅炸串，所以專登帶我嚟呢間喺灣仔都開咗一段時間嘅串揚居酒屋。由裝修到味道都100%神還原關西風味！食完真係覺得非常滿足！🍤 天使海老天使海老手掌咁長！金黃脆衣包住彈牙蝦肉，炸得剛剛好，點少少海鹽已經勁正！🦐 雞皮蝦呢個真係大癲！雞皮炸到超脆口，包住啖啖蝦肉，點埋佢嘅醬真係不得了！🍄 燒冬菇厚肉多汁，最後再嗌多咗串🤣灑七味粉已經好惹味！🥚 炸流心蛋呢個係我每次去日本都會叫嘅，一切開瞬間蛋漿爆出嚟！好食！🌱 蓮藕串揚薄切蓮藕，炸到脆惡惡，食到停唔到口 。🍃 露旬串揚當季野菜即叫即炸，蘆筍個甜味完全鎖住！最緊要係冇揸。最後我想講嘅係，一定要叫杯生啤！冰凍啤酒配熱辣炸串，真係超正！…Read More