Melo已經食過勁多次，因為佢嘅台灣口味真係好正宗。今次去食發現佢轉咗新Menu，所以嗌咗幾樣新嘢試吓。
我哋今次叫咗以下幾樣：
🍠 芋頭湯米粉
一上枱就聞到陣陣芋頭香，湯底係用新鮮芋頭煲成，濃稠得嚟唔會滯，有啲似芋頭糕加鹹水角嗰種味道。入面仲有貢丸同花枝丸，煙韌彈牙，個湯撈埋新竹米粉，啖啖都暖胃又滿足。
🍜 麻醬乾拌麵
麻醬香濃但唔膩，撈埋肉燥一齊食，好惹味！麵條煙韌唔痴口，記得趁熱快啲撈開，愈撈愈香。
🍗 鹽酥雞
外脆內嫩，唔會太油，每啖都食到九層塔香，爽口又香噴噴。
🥚 煙燻滷味拼盤
滷得夠入味，有豆乾、海帶結、甜不辣、滷蛋，仲帶少少煙燻香，唔會死鹹。
🧀 芝士奶蓋台東藍
底層係乳酸味似益力多嘅飲品，加埋厚厚芝士奶蓋，鹹甜中和，層次感豐富，出奇地match。
🧋 烏龍珍珠奶茶
茶味清香，珍珠啱啱好，唔會太腍，有嚼勁又唔會痴牙，叫咗無糖，好啱我飲！
1
