buscalling111's Profile

中環三一不嬲係呀叔我返工食堂，見佢依家旺角開分店，就try try 佢。間野係正通菜街間拉麵店隔離，見到拉麵人龍就到都幾易搵。夜晚時間去到，見舖入面都幾full,幾熱鬧，門口有d 人等外賣。左入去，環境唔錯幾好坐。 望下menu,一如中環果間簡單, 唔洗諗就係食煎餃！叫左我最中意既蒜芯同埋薑蔥煎餃。餃係日式既，個底一敲脆卜卜，一夾分開一隻隻，熱辣辣，一咬d juice 爆開辣親條脷！筷子筒上面印個公仔似乎係用泥恥笑心急食餃辣親咀既客。。。蒜芯一如既往的甜，同d豬肉好夾。沾d 餃子醋，幾個人一下清晒。薑蔥餃係呀叔至愛，薑汁細蔥包餃，味道出奇地無與倫比！每次都會叫！Menu 其他野食同中環差唔多，係湯餃同中環唔同，湯底唔同左，見到有麵豉蝦湯底，不過我好想食丁麵就下次再試新湯底。湯餃皮好滑好簿，韮菜蝦味濃。之後仲叫左d 小食野飲，最好食係炸雞翼同炸蠔。幾個人share,食得好飽, 都係一百幾十，唔洗加一:) …Read More

試咗牛大人麻辣湯底。我哋叫咗大辣，滾下滾下都幾辣。叫咗中間價位個午餐，牛肉得兩款揀，其他係牛腸同牛肚。牛肉就麻麻哋，好鞋有冇牛味。牛肚牛腸反而比牛肉好食。鴨血滑但一碟兩件，人頭計。其他就喺出邊夾嘅basic嘢. 一定食得飽但係又唔係真係好多嘢啱食，因為啲牛真係好普通。佢哋呢度有好classic嘅做法,order 四碟牛，只會嚟三碟。而且每碟片數似乎都係人頭計，每碟得兩片。嘢飲就多選擇，攞咗支桂花烏龍都OK。如果想食牛就會有啲失望或者出邊有更加好嘅選擇。…Read More

呢間野門口太低調唔係買Pizza經過我都唔覺有呢間野嘅存在。見佢有$100外賣就試吓啦，點知pizza嘅芝士好食到日日番dull, 仲要去埋堂食！叫咗佢個signature，mozzarella cheese n ham!碟野啱啱嚟到嘅時候第一個反應係真係好抵食，好多hams~啪左第一啖嘅反應係食唔番咁點算要去多啲啦Cheese n hams 好高質唔使特登講。想提一提佢嗰舊蕃茄乾用咗honey去浸，充滿日曬嘅味道！！我一個人食晒成碟呢間野嘅意粉都係充滿驚喜，個portion同埋味道都係香港好少有嘅。一定要試！desserts 都一樣做得好好！肥死都要食呢間野嘅Services 好好!!m,講講下又掛住啲嘢食啦…Read More

好嘅心情好嘅食物等於好嘅回憶。 今晚係呢間店我帶走一次好好嘅回憶我同老婆同個女一齊去食咖喱飯。我個女好跩倒瀉咗杯水，倒到成枱都係。waitress service好好，對小朋友嘅唔小心表示理解，冇黑面。好耐未試過帶小朋友出街食飯，食得咁relax。成餐飯食得好滿足，除咗舌頭上仲有心靈上嘅滿足感。食物質素好，合乎預期，一坐難忘！不過廣島蠔賣晒冇得食，下次要早啲去！…Read More

呢度嘅pizzas 做得地道，就係一d花巧都冇既real pizza. Pizza dough 做得好又脆又有麵粉香！個邊邊仲好食過有餡嘅部份星期日下午茶時間去到間舖頭都爆曬，證明好多人欣賞呢間野。 意粉都整得唔錯嘅不過我都係鍾意食佢嘅Pizza多啲啦。我叫咗火箭菜Parma ham pizza, d ham 好味，配火箭菜味道好平衡，一啲都唔heavy!!食完一個都唔係好飽，要食越肚餓嘅？唔夠飽叫多有菠蘿嘅pizza, 大大粒好juicy有誠意下次如果唔想出街都可以叫呢間野delivery. 見到熊貓有， 想試埋佢哋個辣pizza，hehe…Read More

疫情改變生活模式，叫多咗好多外賣。喺熊貓呀袋鼠啊嗰度咁粒制就有送到上嚟屋企啦。又有好多promotion code，平過堂食。但係見到的一個個膠盒我覺得好內疚，盡量屋企煮啦，除咗宵夜....實在太方便，而宵夜係唔肥唔食ge. 夜麻麻夜麻麻好肚餓好肚餓好肚餓，梗係要食好肥美嘅kebab and 咖喱炒飯la. 呢間野啲kebab就唔使點介紹㗎喇，羊肉多醬, 塊包皮好好味，合乎預期邪惡嘅宵夜。佢個chicken炒飯biriyani 就真係神級啦，好香curry 味，印度飯鬆鬆軟軟用嚟炒吸晒啲spices n sauces, 熱辣辣，幸福肚腩！…Read More

由蘇杭街街頭行到街尾，仲有嗰幾條橫街數埋數埋10間八間都係coffee shop.一個上環幾十間咖啡店，競爭相當激烈. 除咗咖啡味道之外點樣同顧客建立關係令到佢哋愛上自己coffee shop 都同樣重要。有曰路過呢間咖啡店見到未試過就去試吓啦，當時我帶着一個細路。我哋四個大人叫咗四杯咖啡小朋友就飲自己帶嚟嘅水。我哋叫左Black coffee and cold brew. 咖啡好fruity, 冲得好好，已經俾某幾間附近嘅coffee shop高質。我哋呷左一口已經覺得下次可以番dull. 就係呢個時候佢有個staff 送左杯奶俾我個細路，tum 得佢好開心.就係呢個暖心嘅舉動好impressive. 我從來都認為coffee shop係俾人聚腳交流，令人放鬆叉電嘅地方，呢間coffee shop比到我呢個感覺。…Read More

灣仔有兩條街小店林立，就係廈門街同佢隔離嘅汕頭街。有曰諗起好耐冇食過蛋包飯，記起汕頭街有間貓眼蛋包飯好耐之前食過一次。之後都冇寵幸過佢啦，就去懷緬一下食返個下午茶啦。呢間野喺條街都好耐歷史，一碟飯有幾款醬汁揀又可以多飯多肉加漢堡扒，其實覺得似港式嘅碟頭飯，總之男人食都覺得飽。味道呢講就唔係真係好amazing,其實自己屋企都煮到。值唔值around一百蚊一碟就自己領會下，不過我去嗰日門口都好多人排隊。可以喺汕頭街做咁耐一定有佢過人之處，雖然我未領略到係乜。佢哋對面仲開咗一間買和牛麪好多人排隊，搵日都可以去試吓。我試咗咖喱汁燉牛肉汁同茄汁，覺得竟然茄汁最好食，漢堡扒就普通野。蛋係牛油炒滑蛋鋪喺飯面，好大浸牛油味，唔係捲埋中間劏開會流汁嗰種。…Read More

今日想食蠔就試下呢間,d蠔Buy1get1free幾吸引.疫情關係,三四點去冇乜人. servicing 好好,好照顧啲細路仔.叫咗個生蠔拼盤,有韓國, Scotland,France,Ireland 蠔. 蠔好新鮮,試曬全部,最鍾意一隻蠔叫josephine嘅最肥最creamy.就嗌咗多半打josephine.叫支白酒去配蠔,支酒就麻麻地啦,太薄身,唔ok. 再叫多兩個意粉lunch set,一個茄汁一個卡邦尼.兩個意粉都好好味.茄汁酸同甜好平衡.最後叫多個啤梨tart埋尾,呢個甜品就好麻麻地.糖水煮淋bet bet嘅現成酥皮,唔識欣賞.埋單千八蚊. 整體食物同服務都好好,對得起個價錢.…Read More

第一次去呢間喺公司附近嘅台灣餐廳，就覺得呢度啲人好細心。我哋大熱天時喺出面排隊嘅時候，有staff出嚟派傘。未食就已經已經靜靜雞鍾意咗。。。坐低咗之後叫咗牛展便當，友人叫咗炸雞便當。佢哋每日都有啲小菜係跟飯嘅，我去嗰日係三杯雞雜菌跟住係粉絲同埋一啲菜。嘢飲嗌咗冬瓜茶甜甜地好鍾意 。主角嗰嚿牛展有成三大嚿好多，係甜甜地嘅豉油汁撈飯正。 食食下周圍望見到間鋪大部分嘅staff都係男性，仲見到珍貴嘅放閃畫面。hehe, 呢度啲飯好有愛。…Read More

諗住南海一號係有水準嘅中菜，見佢搞午市點心放題, 去試嗰陣都有好高expectation。去嗰日天氣好好，成個維港景好靚。去嗰日係星期六唔係好多人都冇坐爆，訂位嗰時都覺得好奇怪因為我哋係星期五book星期六，但係一book就有位。坐低望下張點心紙選擇唔多有十款點心，同埋一啲小菜好似咕嚕肉，同埋少少甜品芒果果凍西米露，跟住就係炒粉麵飯。坦白講食物質素都幾失望。小菜好似咕嚕肉，同炒粉麵咁都係有水準嘢。但係我係嚟食點心嘅啲點心一食就覺得唔似呢度嘅出品，似係買返嚟。。。價錢就二百蚊一位，由於點心唔好味，所以成餐好似三餸飯放題咁叫左幾次咕嚕肉同炒牛河。點心就個炒腸粉幾好 ，其他點心不了 。…Read More

我哋至愛嘅北角板長做到今個月22號就結束喇。之後喺北角都唔知去邊度食日本嘢好啦。佢哋不時會有飛機貨今日有嘅係深海池魚，本來想叫埋秋刀魚不過賣曬。條深海池魚刺身好新鮮，擺盆好靚。食完魚之後我哋再叫多板北海道海膽，好甜一啲臭味都冇。三百蚊1板,好抵好抵好抵！！！跟住叫埋嗰日新番日本嚟嘅鯛魚三件同其他sushi。最後係必叫嘅枝豆， 飽飽。呢間嘢唔做真係好可惜。d staff 服務又好,啲嘢又好食。。以後想食就要去銅鑼灣或者康怡喇.…Read More

叫咗一碟炸豬扒蛋包咖哩飯同一碗咖哩蝦烏冬。 食咗一啖咖哩飯覺得幾好味，但係我老婆就話本哪裡烏冬好鬼咸。 等我都試下先，真係好鹹喎。。。跟住佢就係咁話點解要去食啲咁鹹嘅烏冬，我唔知點答佢，因為本烏冬係佢自己叫嘅。。。…Read More

my wife 請食飯，次次都係食buffet。。今次因為要畀個surprise我，去到先俾我知都係食buffet。。真係好驚喜。講明龍蝦buffet一去到即刻攞龍蝦，見到係新鮮鐵板燒龍蝦唔係雪到硬掘掘嗰啲龍蝦，即時排咗兩轉好好味！！除咗龍蝦仲有其他嘢食都好出色。必食嘅係甜品，佢哋brownie同埋cheese tart做得出神入化，唔食真係會後悔成晚！佢仲有個角落係擺泰國小食，其中有一個係青芒果沙律，一定要試下夠辣夠味而且個aftertaste有indomei 味！刺身有原粒北海道xl size 帶子係咁攞，好正囉.食物質素真係好好而家匯豐卡有75折我應該會再去！…Read More

星期日晏晝去蓮香居飲茶,上咗3樓要自己搵位,小學之後都未試過要自己搵位,我哋三個人喺咁多枱前面有啲迷惘,大家決定分散投資考下自己眼光估下邊張枱就嚟走.成件事都充滿挑戰性,我企埋咗成枱女人嘅枱（估錯曬,最後我哋食完嘢嗰枱女人仲傾緊計. ）搵位真係好難,最後叔叔執緊枱嗰陣叫咗我哋埋去坐低,先有得食咋.坐低叫咗個陳皮鴨腿湯飯先,過咗12點就會賣曬㗎啦.鴨腿個湯好好飲,飲曬啲湯都好飽啦. 跟住就等緊我最鍾意嗰個梅菜叉燒包,等極都冇, 問阿姐阿姐話2樓先有得賣你想食就自己落去買啦. 跟住就要搶蓮蓉焗布甸,每個鐘會出一次每次出十個到一出就冇㗎喇,所以我哋就要喺個廚房門口嗰度等啦. 熱辣辣嘅布甸一樣咬落去好幸福. 仲有見到平時少食嘅點心,例如新鮮嘅皮蛋酥,芝麻糕,鹹菜豬肚湯,酥皮蛋撻,豬潤燒賣,南乳豬手,好多都想試.愛上咗呢一間蓮香居,感受到傳統茶樓嗰種風味同人情.想飲茶咁要自己搵到位先啦,想食布甸ar咁你就諗辦法搶到啦.成件事好香港好得意,同平時去開由門口開始到坐低都有人serve嘅一般茶樓好不一樣.我開始期待下一個禮拜又去試下睇下搶到啲咩點心食啦.補番張焗布甸嘅相.…Read More